| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
8. அட்ட²மஸிக்கா²பத³ங்
8. Aṭṭhamasikkhāpadaṃ
824. அட்ட²மே நிப்³பி³ட்ட²ராஜப⁴டோதி எத்த² உத்தரபத³ஸ்ஸ ச²ட்டீ²ஸமாஸஞ்ச புப்³ப³பதே³ன பா³ஹிரத்த²ஸமாஸஞ்ச த³ஸ்ஸெந்தோ ஆஹ ‘‘நிப்³பி³ட்டோ²’’திஆதி³. தத்த² ‘‘ரஞ்ஞோ ப⁴தீ’’தி இமினா ரஞ்ஞோ ப⁴டோ ராஜப⁴டோதி ச²ட்டீ²ஸமாஸங் த³ஸ்ஸேதி, ‘‘ஏதேனா’’தி இமினா பா³ஹிரத்த²ஸமாஸங். நிப்³பி³ட்டோ²தி நிவிட்டோ² பதிட்டா²பிதோதி அத்தோ². கேணீதி ரஞ்ஞோ தா³தப்³ப³ஸ்ஸ ஆயஸ்ஸேதமதி⁴வசனங். ஏதேனாதி ப்³ராஹ்மணேன. ததோதி டா²னந்தரதோ. ப⁴டஸங்கா²தாய கேணியா பத²த்தா காரணத்தா டா²னந்தரங் ப⁴டபத²ந்தி ஆஹ ‘‘தங்யேவ டா²னந்தர’’ந்தி.
824. Aṭṭhame nibbiṭṭharājabhaṭoti ettha uttarapadassa chaṭṭhīsamāsañca pubbapadena bāhiratthasamāsañca dassento āha ‘‘nibbiṭṭho’’tiādi. Tattha ‘‘rañño bhatī’’ti iminā rañño bhaṭo rājabhaṭoti chaṭṭhīsamāsaṃ dasseti, ‘‘etenā’’ti iminā bāhiratthasamāsaṃ. Nibbiṭṭhoti niviṭṭho patiṭṭhāpitoti attho. Keṇīti rañño dātabbassa āyassetamadhivacanaṃ. Etenāti brāhmaṇena. Tatoti ṭhānantarato. Bhaṭasaṅkhātāya keṇiyā pathattā kāraṇattā ṭhānantaraṃ bhaṭapathanti āha ‘‘taṃyeva ṭhānantara’’nti.
826. சத்தாரிபி வத்தூ²னீதி உச்சாராதீ³னி. பாடேக்கந்தி படிவிஸுங் ஏகேகமேவ. உச்சாரங் வாதிஆதீ³ஸு வாஸத்³தே³ன த³ந்தகட்டா²த³யோபி க³ஹேதப்³பா³தி ஆஹ ‘‘த³ந்தகட்ட²…பே॰… பாசித்தியமேவா’’தி. ஸப்³ப³த்தா²தி ஸப்³பே³ஸு உச்சாராதீ³ஸூதி. அட்ட²மங்.
826.Cattāripi vatthūnīti uccārādīni. Pāṭekkanti paṭivisuṃ ekekameva. Uccāraṃ vātiādīsu vāsaddena dantakaṭṭhādayopi gahetabbāti āha ‘‘dantakaṭṭha…pe… pācittiyamevā’’ti. Sabbatthāti sabbesu uccārādīsūti. Aṭṭhamaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பி⁴க்கு²னீவிப⁴ங்க³ • Bhikkhunīvibhaṅga / 8. அட்ட²மஸிக்கா²பத³ங் • 8. Aṭṭhamasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā / 8. அட்ட²மஸிக்கா²பத³வண்ணனா • 8. Aṭṭhamasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 1. லஸுணவக்³க³வண்ணனா • 1. Lasuṇavaggavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 8. அட்ட²மஸிக்கா²பத³வண்ணனா • 8. Aṭṭhamasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 1. பட²மலஸுணாதி³ஸிக்கா²பத³வண்ணனா • 1. Paṭhamalasuṇādisikkhāpadavaṇṇanā
