| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
8. адтамасигкаабад̣̇ам̣
8. Aṭṭhamasikkhāpadaṃ
824. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ан̃н̃ад̇аро б̣раахман̣о ниб̣б̣идтарааж̇абхадо ‘‘д̇ан̃н̃зва бхадабат̇ам̣ яаажиссаамий’’д̇и сийсам̣ нахааяид̇ваа бхигкунубассаяам̣ ниссааяа рааж̇агулам̣ г̇ажчад̇и. ан̃н̃ад̇араа бхигкуний гадаахз важжам̣ гад̇ваа д̇ирогуддз чад̣д̣знд̇ий д̇асса б̣раахман̣асса мад̇т̇агз аасумбхи. ат̇а ко со б̣раахман̣о уж̇жхааяад̇и кияяад̇и вибаажзд̇и – ‘‘ассаман̣ияо имаа мун̣д̣аа б̣анд̇хагинияо. гат̇ан̃хи наама г̇уут̇агадаахам̣ мад̇т̇агз аасумбхиссанд̇и! имаасам̣ убассаяам̣ жхаабзссаамий’’д̇и! уммугам̣ г̇ахзд̇ваа убассаяам̣ бависад̇и. ан̃н̃ад̇аро убаасаго убассаяаа нигкаманд̇о ад̣̇д̣̇аса д̇ам̣ б̣раахман̣ам̣ уммугам̣ г̇ахзд̇ваа убассаяам̣ бависанд̇ам̣. д̣̇исваана д̇ам̣ б̣раахман̣ам̣ зд̇ад̣̇авожа – ‘‘гисса д̇вам̣, бхо, уммугам̣ г̇ахзд̇ваа убассаяам̣ бависасий’’д̇и? ‘‘имаа мам̣, бхо, мун̣д̣аа б̣анд̇хагинияо г̇уут̇агадаахам̣ мад̇т̇агз аасумбхим̣су. имаасам̣ убассаяам̣ жхаабзссаамий’’д̇и. ‘‘г̇ажча, бхо б̣раахман̣а, ман̇г̇алам̣ зд̇ам̣. сахассам̣ лажчаси д̇ан̃жа бхадабат̇а’’нд̇и. ат̇а ко со б̣раахман̣о сийсам̣ нахааяид̇ваа рааж̇агулам̣ г̇анд̇ваа сахассам̣ алад̇т̇а д̇ан̃жа бхадабат̇ам̣. ат̇а ко со убаасаго убассаяам̣ бависид̇ваа бхигкунийнам̣ зд̇амад̇т̇ам̣ аарожзд̇ваа барибхааси. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкунияо ужжаарам̣ д̇ирогуддз чад̣д̣зссанд̇ий’’д̇и…бз… сажжам̣ гира, бхигкавз, бхигкунияо ужжаарам̣ д̇ирогуддз чад̣д̣знд̇ийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, бхигкунияо ужжаарам̣ д̇ирогуддз чад̣д̣зссанд̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз , бхигкунияо имам̣ сигкаабад̣̇ам̣ уд̣̇д̣̇исанд̇у –
824. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññataro brāhmaṇo nibbiṭṭharājabhaṭo ‘‘taññeva bhaṭapathaṃ yācissāmī’’ti sīsaṃ nahāyitvā bhikkhunupassayaṃ nissāya rājakulaṃ gacchati. Aññatarā bhikkhunī kaṭāhe vaccaṃ katvā tirokuṭṭe chaḍḍentī tassa brāhmaṇassa matthake āsumbhi. Atha kho so brāhmaṇo ujjhāyati khiyyati vipāceti – ‘‘assamaṇiyo imā muṇḍā bandhakiniyo. Kathañhi nāma gūthakaṭāhaṃ matthake āsumbhissanti! Imāsaṃ upassayaṃ jhāpessāmī’’ti! Ummukaṃ gahetvā upassayaṃ pavisati. Aññataro upāsako upassayā nikkhamanto addasa taṃ brāhmaṇaṃ ummukaṃ gahetvā upassayaṃ pavisantaṃ. Disvāna taṃ brāhmaṇaṃ etadavoca – ‘‘kissa tvaṃ, bho, ummukaṃ gahetvā upassayaṃ pavisasī’’ti? ‘‘Imā maṃ, bho, muṇḍā bandhakiniyo gūthakaṭāhaṃ matthake āsumbhiṃsu. Imāsaṃ upassayaṃ jhāpessāmī’’ti. ‘‘Gaccha, bho brāhmaṇa, maṅgalaṃ etaṃ. Sahassaṃ lacchasi tañca bhaṭapatha’’nti. Atha kho so brāhmaṇo sīsaṃ nahāyitvā rājakulaṃ gantvā sahassaṃ alattha tañca bhaṭapathaṃ. Atha kho so upāsako upassayaṃ pavisitvā bhikkhunīnaṃ etamatthaṃ ārocetvā paribhāsi. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma bhikkhuniyo uccāraṃ tirokuṭṭe chaḍḍessantī’’ti…pe… saccaṃ kira, bhikkhave, bhikkhuniyo uccāraṃ tirokuṭṭe chaḍḍentīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, bhikkhuniyo uccāraṃ tirokuṭṭe chaḍḍessanti! Netaṃ, bhikkhave, appasannānaṃ vā pasādāya…pe… evañca pana, bhikkhave , bhikkhuniyo imaṃ sikkhāpadaṃ uddisantu –
825. ‘‘яаа бана бхигкуний ужжаарам̣ ваа бассаавам̣ ваа сан̇гаарам̣ ваа вигхаасам̣ ваа д̇ирогуддз ваа д̇иробаагаарз ваа чад̣д̣зяяа ваа чад̣д̣аабзяяа ваа, баажид̇д̇ияа’’нд̇и.
825.‘‘Yāpana bhikkhunī uccāraṃ vā passāvaṃ vā saṅkāraṃ vā vighāsaṃ vā tirokuṭṭe vā tiropākāre vā chaḍḍeyya vā chaḍḍāpeyya vā, pācittiya’’nti.
826. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
826.Yāpanāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
ужжааро наама г̇уут̇о вужжад̇и. бассааво наама муд̇д̇ам̣ вужжад̇и.
Uccāro nāma gūtho vuccati. Passāvo nāma muttaṃ vuccati.
сан̇гаарам̣ наама гажаварам̣ вужжад̇и.
Saṅkāraṃ nāma kacavaraṃ vuccati.
вигхаасам̣ наама жалагаани ваа адтигаани ваа ужчидтод̣̇агам̣ ваа.
Vighāsaṃ nāma calakāni vā aṭṭhikāni vā ucchiṭṭhodakaṃ vā.
гуддо наама д̇аяо гуддаа – идтагаагуддо, силаагуддо, д̣̇ааругуддо.
Kuṭṭo nāma tayo kuṭṭā – iṭṭhakākuṭṭo, silākuṭṭo, dārukuṭṭo.
баагааро наама д̇аяо баагаараа – идтагаабаагааро, силаабаагааро, д̣̇аарубаагааро.
Pākāro nāma tayo pākārā – iṭṭhakāpākāro, silāpākāro, dārupākāro.
д̇ирогуддзд̇и гуддасса барад̇о. д̇иробаагаарзд̇и баагаарасса барад̇о.
Tirokuṭṭeti kuṭṭassa parato. Tiropākāreti pākārassa parato.
чад̣д̣зяяаад̇и саяам̣ чад̣д̣зд̇и, аабад̇д̇и баажид̇д̇ияасса.
Chaḍḍeyyāti sayaṃ chaḍḍeti, āpatti pācittiyassa.
чад̣д̣аабзяяаад̇и ан̃н̃ам̣ аан̣аабзд̇и, аабад̇д̇и д̣̇уггадасса. сагим̣ аан̣ад̇д̇аа б̣ахугамби чад̣д̣зд̇и, аабад̇д̇и баажид̇д̇ияасса.
Chaḍḍāpeyyāti aññaṃ āṇāpeti, āpatti dukkaṭassa. Sakiṃ āṇattā bahukampi chaḍḍeti, āpatti pācittiyassa.
827. анаабад̇д̇и ологзд̇ваа чад̣д̣зд̇и, авал̣ан̃ж̇з чад̣д̣зд̇и, уммад̇д̇игааяа, аад̣̇игаммигааяаад̇и.
827. Anāpatti oloketvā chaḍḍeti, avaḷañje chaḍḍeti, ummattikāya, ādikammikāyāti.
адтамасигкаабад̣̇ам̣ нидтид̇ам̣.
Aṭṭhamasikkhāpadaṃ niṭṭhitaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 8. адтамасигкаабад̣̇аван̣н̣анаа • 8. Aṭṭhamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. ласун̣аваг̇г̇аван̣н̣анаа • 1. Lasuṇavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 8. адтамасигкаабад̣̇аван̣н̣анаа • 8. Aṭṭhamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаласун̣аад̣̇исигкаабад̣̇аван̣н̣анаа • 1. Paṭhamalasuṇādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 8. адтамасигкаабад̣̇ам̣ • 8. Aṭṭhamasikkhāpadaṃ
