| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
8. адтамасигкаабад̣̇ам̣
8. Aṭṭhamasikkhāpadaṃ
1154. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ан̃н̃ад̇араа сигкамаанаа т̇уллананд̣̇ам̣ бхигкуним̣ убасан̇гамид̇ваа убасамбад̣̇ам̣ яаажи. т̇уллананд̣̇аа бхигкуний д̇ам̣ сигкамаанам̣ ‘‘сажз мам̣ д̇вам̣, аяяз, д̣̇вз вассаани ануб̣анд̇хиссаси зваахам̣ д̇ам̣ вудтаабзссаамий’’д̇и вад̇ваа, нзва вудтаабзд̇и на вудтаабанааяа уссуггам̣ гарод̇и. ат̇а ко саа сигкамаанаа бхигкунийнам̣ зд̇амад̇т̇ам̣ аарожзси. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аяяаа т̇уллананд̣̇аа сигкамаанам̣ – сажз мам̣ д̇вам̣, аяяз, д̣̇вз вассаани ануб̣анд̇хиссаси зваахам̣ д̇ам̣ вудтаабзссаамийд̇и вад̇ваа, нзва вудтаабзссад̇и на вудтаабанааяа уссуггам̣ гариссад̇ий’’д̇и…бз… сажжам̣ гира, бхигкавз, т̇уллананд̣̇аа бхигкуний сигкамаанам̣ – ‘‘сажз мам̣ д̇вам̣ аяяз д̣̇вз вассаани ануб̣анд̇хиссаси зваахам̣ д̇ам̣ вудтаабзссаамий’’д̇и вад̇ваа, нзва вудтаабзд̇и на вудтаабанааяа уссуггам̣ гарод̇ийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, т̇уллананд̣̇аа бхигкуний сигкамаанам̣ – ‘‘сажз мам̣ д̇вам̣, аяяз, д̣̇вз вассаани ануб̣анд̇хиссаси зваахам̣ д̇ам̣ вудтаабзссаамий’’д̇и вад̇ваа, нзва вудтаабзссад̇и на вудтаабанааяа уссуггам̣ гариссад̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
1154. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññatarā sikkhamānā thullanandaṃ bhikkhuniṃ upasaṅkamitvā upasampadaṃ yāci. Thullanandā bhikkhunī taṃ sikkhamānaṃ ‘‘sace maṃ tvaṃ, ayye, dve vassāni anubandhissasi evāhaṃ taṃ vuṭṭhāpessāmī’’ti vatvā, neva vuṭṭhāpeti na vuṭṭhāpanāya ussukkaṃ karoti. Atha kho sā sikkhamānā bhikkhunīnaṃ etamatthaṃ ārocesi. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma ayyā thullanandā sikkhamānaṃ – sace maṃ tvaṃ, ayye, dve vassāni anubandhissasi evāhaṃ taṃ vuṭṭhāpessāmīti vatvā, neva vuṭṭhāpessati na vuṭṭhāpanāya ussukkaṃ karissatī’’ti…pe… saccaṃ kira, bhikkhave, thullanandā bhikkhunī sikkhamānaṃ – ‘‘sace maṃ tvaṃ ayye dve vassāni anubandhissasi evāhaṃ taṃ vuṭṭhāpessāmī’’ti vatvā, neva vuṭṭhāpeti na vuṭṭhāpanāya ussukkaṃ karotīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, thullanandā bhikkhunī sikkhamānaṃ – ‘‘sace maṃ tvaṃ, ayye, dve vassāni anubandhissasi evāhaṃ taṃ vuṭṭhāpessāmī’’ti vatvā, neva vuṭṭhāpessati na vuṭṭhāpanāya ussukkaṃ karissati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
1155. ‘‘яаа бана бхигкуний сигкамаанам̣ – ‘сажз мам̣ д̇вам̣ аяяз д̣̇вз вассаани ануб̣анд̇хиссаси зваахам̣ д̇ам̣ вудтаабзссаамий’д̇и вад̇ваа, саа бажчаа ананд̇арааяигиний нзва вудтаабзяяа на вудтаабанааяа уссуггам̣ гарзяяа, баажид̇д̇ияа’’нд̇и.
1155.‘‘Yā pana bhikkhunī sikkhamānaṃ – ‘sace maṃ tvaṃ ayye dve vassāni anubandhissasi evāhaṃ taṃ vuṭṭhāpessāmī’ti vatvā, sā pacchā anantarāyikinīneva vuṭṭhāpeyya na vuṭṭhāpanāya ussukkaṃ kareyya, pācittiya’’nti.
1156. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
1156.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
сигкамаанаа наама д̣̇вз вассаани часу д̇хаммзсу сигкид̇асигкаа.
Sikkhamānā nāma dve vassāni chasu dhammesu sikkhitasikkhā.
сажз мам̣ д̇вам̣ аяяз д̣̇вз вассаани ануб̣анд̇хиссасийд̇и д̣̇вз сам̣важчараани убадтахиссаси.
Sace maṃ tvaṃ ayye dve vassāni anubandhissasīti dve saṃvaccharāni upaṭṭhahissasi.
зваахам̣ д̇ам̣ вудтаабзссаамийд̇и зваахам̣ д̇ам̣ убасамбаад̣̇зссаами.
Evāhaṃ taṃ vuṭṭhāpessāmīti evāhaṃ taṃ upasampādessāmi.
саа бажчаа ананд̇арааяигинийд̇и асад̇и анд̇арааяз.
Sā pacchā anantarāyikinīti asati antarāye.
нзва вудтаабзяяаад̇и на саяам̣ вудтаабзяяа.
Neva vuṭṭhāpeyyāti na sayaṃ vuṭṭhāpeyya.
на вудтаабанааяа уссуггам̣ гарзяяаад̇и на ан̃н̃ам̣ аан̣аабзяяа. ‘‘нзва вудтаабзссаами на вудтаабанааяа уссуггам̣ гариссаамий’’д̇и д̇хурам̣ нигкид̇д̇амад̇д̇з аабад̇д̇и баажид̇д̇ияасса.
Na vuṭṭhāpanāya ussukkaṃ kareyyāti na aññaṃ āṇāpeyya. ‘‘Neva vuṭṭhāpessāmi na vuṭṭhāpanāya ussukkaṃ karissāmī’’ti dhuraṃ nikkhittamatte āpatti pācittiyassa.
1157. анаабад̇д̇и сад̇и анд̇арааяз, бариязсид̇ваа на лабхад̇и, г̇илаанааяа, аабад̣̇аасу, уммад̇д̇игааяа, аад̣̇игаммигааяаад̇и.
1157. Anāpatti sati antarāye, pariyesitvā na labhati, gilānāya, āpadāsu, ummattikāya, ādikammikāyāti.
адтамасигкаабад̣̇ам̣ нидтид̇ам̣.
Aṭṭhamasikkhāpadaṃ niṭṭhitaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 8. адтамасигкаабад̣̇аван̣н̣анаа • 8. Aṭṭhamasikkhāpadavaṇṇanā
