| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
8. адтамасигкаабад̣̇ам̣
8. Aṭṭhamasikkhāpadaṃ
916. адтамз яз наадагам̣ наадзнд̇и, д̇з надаа наамаад̇и яож̇анаа. иминаа надагам̣ наадзнд̇ийд̇и надаад̇и важанад̇т̇ам̣ д̣̇ассзд̇и. яз нажжанд̇и, д̇з наадагаа наамаад̇и яож̇анаа. иминаа саяам̣ наданд̇ийд̇и наадагаад̇и важанад̇т̇ам̣ д̣̇ийбзд̇и. вам̣саварад̇д̇аад̣̇ийсууд̇и зд̇т̇а вам̣со наама взн̣у. варад̇д̇аа наама над̣̇д̇хигаа. аад̣̇исад̣̇д̣̇зна раж̇ж̇уаад̣̇аяо сан̇г̇ан̣хаад̇и. яз лан̇гханагаммам̣ гаронд̇и, д̇з лан̇гхагаа наамаад̇и яож̇анаа. мааяаагаараад̇и зд̇т̇а мааяаа наама маяанаамагзна асурзна сурз жалаяид̇ум̣ гад̇ад̇д̇аа маяасса зсаад̇и мааяаа, д̇ам̣ гарод̇ийд̇и мааяаагааро, маяанаамаго асуроязва. ан̃н̃з бана руул̣хийвасзна ‘‘мааяаагаараа’’д̇и вужжанд̇и. согзна жхааяанам̣ д̣аяханам̣ согаж̇жхааяам̣, сураанам̣ согаж̇жхааяам̣ гарод̇ийд̇и согаж̇жхааяиго, маяанаамаго асуроязва. ан̃н̃з бана руул̣хийвасзна ‘‘согаж̇жхааяигаа’’д̇и вужжанд̇и. ид̇и имамад̇т̇ам̣ д̣̇ассзд̇ум̣ вуд̇д̇ам̣ ‘‘согаж̇жхааяигаа наама мааяаагаараа’’д̇и. гумбхат̇ун̣игаа наамаад̇и зд̇т̇а виссадтад̇д̇аа т̇авийяад̇ийд̇и т̇ун̣о, сад̣̇д̣̇о. гумбхасса т̇ун̣о гумбхат̇ун̣о. д̇зна гийл̣анд̇ийд̇и гумбхат̇ун̣игаа, ид̇и имамад̇т̇ам̣ д̣̇ассзд̇и ‘‘гхадагзна гийл̣анагаа’’д̇и иминаа. б̣имб̣исаганд̇и жад̇урассаамб̣ан̣ад̇аал̣анам̣, д̇ам̣ ваад̣̇знд̇ийд̇и б̣имб̣исагаваад̣̇агаад̇и. адтамам̣.
916. Aṭṭhame ye nāṭakaṃ nāṭenti, te naṭā nāmāti yojanā. Iminā naṭakaṃ nāṭentīti naṭāti vacanatthaṃ dasseti. Ye naccanti, te nāṭakā nāmāti yojanā. Iminā sayaṃ naṭantīti nāṭakāti vacanatthaṃ dīpeti. Vaṃsavarattādīsūti ettha vaṃso nāma veṇu. Varattā nāma naddhikā. Ādisaddena rajjuādayo saṅgaṇhāti. Ye laṅghanakammaṃ karonti, te laṅghakā nāmāti yojanā. Māyākārāti ettha māyā nāma mayanāmakena asurena sure calayituṃ katattā mayassa esāti māyā, taṃ karotīti māyākāro, mayanāmako asuroyeva. Aññe pana rūḷhīvasena ‘‘māyākārā’’ti vuccanti. Sokena jhāyanaṃ ḍayhanaṃ sokajjhāyaṃ, surānaṃ sokajjhāyaṃ karotīti sokajjhāyiko, mayanāmako asuroyeva. Aññe pana rūḷhīvasena ‘‘sokajjhāyikā’’ti vuccanti. Iti imamatthaṃ dassetuṃ vuttaṃ ‘‘sokajjhāyikā nāma māyākārā’’ti. Kumbhathuṇikā nāmāti ettha vissaṭṭhattā thavīyatīti thuṇo, saddo. Kumbhassa thuṇo kumbhathuṇo. Tena kīḷantīti kumbhathuṇikā, iti imamatthaṃ dasseti ‘‘ghaṭakena kīḷanakā’’ti iminā. Bimbisakanti caturassaambaṇatāḷanaṃ, taṃ vādentīti bimbisakavādakāti. Aṭṭhamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бхигкунийвибхан̇г̇а • Bhikkhunīvibhaṅga / 8. адтамасигкаабад̣̇ам̣ • 8. Aṭṭhamasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 8. адтамасигкаабад̣̇аван̣н̣анаа • 8. Aṭṭhamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. наг̇г̇аваг̇г̇аван̣н̣анаа • 3. Naggavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 8. адтамасигкаабад̣̇аван̣н̣анаа • 8. Aṭṭhamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаад̣̇исигкаабад̣̇аван̣н̣анаа • 1. Paṭhamādisikkhāpadavaṇṇanā
