| Library / Tipiṭaka / ਤਿਪਿਟਕ • Tipiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga |
੮. ਅਟ੍ਠਮਸਿਕ੍ਖਾਪਦਂ
8. Aṭṭhamasikkhāpadaṃ
੧੦੦੮. ਤੇਨ ਸਮਯੇਨ ਬੁਦ੍ਧੋ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤੇਨ ਖੋ ਪਨ ਸਮਯੇਨ ਥੁਲ੍ਲਨਨ੍ਦਾ ਭਿਕ੍ਖੁਨੀ ਆવਸਥਂ ਅਨਿਸ੍ਸਜ੍ਜਿਤ੍વਾ ਚਾਰਿਕਂ ਪਕ੍ਕਾਮਿ। ਤੇਨ ਖੋ ਪਨ ਸਮਯੇਨ ਥੁਲ੍ਲਨਨ੍ਦਾਯ ਭਿਕ੍ਖੁਨਿਯਾ ਆવਸਥੋ ਡਯ੍ਹਤਿ। ਭਿਕ੍ਖੁਨਿਯੋ ਏવਮਾਹਂਸੁ – ‘‘ਹਨ੍ਦਾਯ੍ਯੇ, ਭਣ੍ਡਕਂ ਨੀਹਰਾਮਾ’’ਤਿ। ਏਕਚ੍ਚਾ ਏવਮਾਹਂਸੁ – ‘‘ਨ ਮਯਂ, ਅਯ੍ਯੇ, ਨੀਹਰਿਸ੍ਸਾਮ। ਯਂ ਕਿਞ੍ਚਿ ਨਟ੍ਠਂ ਸਬ੍ਬਂ ਅਮ੍ਹੇ ਅਭਿਯੁਞ੍ਜਿਸ੍ਸਤੀ’’ਤਿ। ਥੁਲ੍ਲਨਨ੍ਦਾ ਭਿਕ੍ਖੁਨੀ ਪੁਨਦੇવ ਤਂ ਆવਸਥਂ ਪਚ੍ਚਾਗਨ੍ਤ੍વਾ ਭਿਕ੍ਖੁਨਿਯੋ ਪੁਚ੍ਛਿ – ‘‘ਅਪਾਯ੍ਯੇ, ਭਣ੍ਡਕਂ ਨੀਹਰਿਤ੍ਥਾ’’ਤਿ? ‘‘ਨ ਮਯਂ, ਅਯ੍ਯੇ, ਨੀਹਰਿਮ੍ਹਾ’’ਤਿ । ਥੁਲ੍ਲਨਨ੍ਦਾ ਭਿਕ੍ਖੁਨੀ ਉਜ੍ਝਾਯਤਿ ਖਿਯ੍ਯਤਿ વਿਪਾਚੇਤਿ – ‘‘ਕਥਞ੍ਹਿ ਨਾਮ ਭਿਕ੍ਖੁਨਿਯੋ ਆવਸਥੇ ਡਯ੍ਹਮਾਨੇ ਭਣ੍ਡਕਂ ਨ ਨੀਹਰਿਸ੍ਸਨ੍ਤੀ’’ਤਿ! ਯਾ ਤਾ ਭਿਕ੍ਖੁਨਿਯੋ ਅਪ੍ਪਿਚ੍ਛਾ…ਪੇ॰… ਤਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਅਯ੍ਯਾ ਥੁਲ੍ਲਨਨ੍ਦਾ ਆવਸਥਂ ਅਨਿਸ੍ਸਜ੍ਜਿਤ੍વਾ ਚਾਰਿਕਂ ਪਕ੍ਕਮਿਸ੍ਸਤੀ’’ਤਿ…ਪੇ॰… ਸਚ੍ਚਂ ਕਿਰ, ਭਿਕ੍ਖવੇ, ਥੁਲ੍ਲਨਨ੍ਦਾ ਭਿਕ੍ਖੁਨੀ ਆવਸਥਂ ਅਨਿਸ੍ਸਜ੍ਜਿਤ੍વਾ ਚਾਰਿਕਂ ਪਕ੍ਕਮਤੀਤਿ 1? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ਕਥਞ੍ਹਿ ਨਾਮ, ਭਿਕ੍ਖવੇ, ਥੁਲ੍ਲਨਨ੍ਦਾ ਭਿਕ੍ਖੁਨੀ ਆવਸਥਂ ਅਨਿਸ੍ਸਜ੍ਜਿਤ੍વਾ ਚਾਰਿਕਂ ਪਕ੍ਕਮਿਸ੍ਸਤਿ! ਨੇਤਂ, ਭਿਕ੍ਖવੇ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਭਿਕ੍ਖੁਨਿਯੋ ਇਮਂ ਸਿਕ੍ਖਾਪਦਂ ਉਦ੍ਦਿਸਨ੍ਤੁ –
1008. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena thullanandā bhikkhunī āvasathaṃ anissajjitvā cārikaṃ pakkāmi. Tena kho pana samayena thullanandāya bhikkhuniyā āvasatho ḍayhati. Bhikkhuniyo evamāhaṃsu – ‘‘handāyye, bhaṇḍakaṃ nīharāmā’’ti. Ekaccā evamāhaṃsu – ‘‘na mayaṃ, ayye, nīharissāma. Yaṃ kiñci naṭṭhaṃ sabbaṃ amhe abhiyuñjissatī’’ti. Thullanandā bhikkhunī punadeva taṃ āvasathaṃ paccāgantvā bhikkhuniyo pucchi – ‘‘apāyye, bhaṇḍakaṃ nīharitthā’’ti? ‘‘Na mayaṃ, ayye, nīharimhā’’ti . Thullanandā bhikkhunī ujjhāyati khiyyati vipāceti – ‘‘kathañhi nāma bhikkhuniyo āvasathe ḍayhamāne bhaṇḍakaṃ na nīharissantī’’ti! Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma ayyā thullanandā āvasathaṃ anissajjitvā cārikaṃ pakkamissatī’’ti…pe… saccaṃ kira, bhikkhave, thullanandā bhikkhunī āvasathaṃ anissajjitvā cārikaṃ pakkamatīti 2? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, thullanandā bhikkhunī āvasathaṃ anissajjitvā cārikaṃ pakkamissati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
੧੦੦੯. ‘‘ਯਾ ਪਨ ਭਿਕ੍ਖੁਨੀ ਆવਸਥਂ ਅਨਿਸ੍ਸਜ੍ਜਿਤ੍વਾ ਚਾਰਿਕਂ ਪਕ੍ਕਮੇਯ੍ਯ, ਪਾਚਿਤ੍ਤਿਯ’’ਨ੍ਤਿ।
1009.‘‘Yā pana bhikkhunī āvasathaṃ anissajjitvā cārikaṃ pakkameyya, pācittiya’’nti.
੧੦੧੦. ਯਾ ਪਨਾਤਿ ਯਾ ਯਾਦਿਸਾ…ਪੇ॰… ਭਿਕ੍ਖੁਨੀਤਿ…ਪੇ॰… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤਾ ਭਿਕ੍ਖੁਨੀਤਿ।
1010.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
ਆવਸਥੋ ਨਾਮ ਕવਾਟਬਦ੍ਧੋ વੁਚ੍ਚਤਿ।
Āvasatho nāma kavāṭabaddho vuccati.
ਅਨਿਸ੍ਸਜ੍ਜਿਤ੍વਾ ਚਾਰਿਕਂ ਪਕ੍ਕਮੇਯ੍ਯਾਤਿ ਭਿਕ੍ਖੁਨਿਯਾ વਾ ਸਿਕ੍ਖਮਾਨਾਯ વਾ ਸਾਮਣੇਰਿਯਾ વਾ ਅਨਿਸ੍ਸਜ੍ਜਿਤ੍વਾ ਪਰਿਕ੍ਖਿਤ੍ਤਸ੍ਸ ਆવਸਥਸ੍ਸ ਪਰਿਕ੍ਖੇਪਂ ਅਤਿਕ੍ਕਾਮੇਨ੍ਤਿਯਾ ਆਪਤ੍ਤਿ ਪਾਚਿਤ੍ਤਿਯਸ੍ਸ। ਅਪਰਿਕ੍ਖਿਤ੍ਤਸ੍ਸ ਆવਸਥਸ੍ਸ ਉਪਚਾਰਂ ਅਤਿਕ੍ਕਾਮੇਨ੍ਤਿਯਾ ਆਪਤ੍ਤਿ ਪਾਚਿਤ੍ਤਿਯਸ੍ਸ।
Anissajjitvā cārikaṃ pakkameyyāti bhikkhuniyā vā sikkhamānāya vā sāmaṇeriyā vā anissajjitvā parikkhittassa āvasathassa parikkhepaṃ atikkāmentiyā āpatti pācittiyassa. Aparikkhittassa āvasathassa upacāraṃ atikkāmentiyā āpatti pācittiyassa.
੧੦੧੧. ਅਨਿਸ੍ਸਜ੍ਜਿਤੇ ਅਨਿਸ੍ਸਜ੍ਜਿਤਸਞ੍ਞਾ ਪਕ੍ਕਮਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਅਨਿਸ੍ਸਜ੍ਜਿਤੇ વੇਮਤਿਕਾ ਪਕ੍ਕਮਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਅਨਿਸ੍ਸਜ੍ਜਿਤੇ ਨਿਸ੍ਸਜ੍ਜਿਤਸਞ੍ਞਾ ਪਕ੍ਕਮਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
1011. Anissajjite anissajjitasaññā pakkamati, āpatti pācittiyassa. Anissajjite vematikā pakkamati, āpatti pācittiyassa. Anissajjite nissajjitasaññā pakkamati, āpatti pācittiyassa.
ਅਕવਾਟਬਦ੍ਧਂ ਅਨਿਸ੍ਸਜ੍ਜਿਤ੍વਾ ਪਕ੍ਕਮਤਿ, ਆਪਤ੍ਤਿ ਦੁਕ੍ਕਟਸ੍ਸ। ਨਿਸ੍ਸਜ੍ਜਿਤੇ ਅਨਿਸ੍ਸਜ੍ਜਿਤਸਞ੍ਞਾ, ਆਪਤ੍ਤਿ ਦੁਕ੍ਕਟਸ੍ਸ। ਨਿਸ੍ਸਜ੍ਜਿਤੇ વੇਮਤਿਕਾ, ਆਪਤ੍ਤਿ ਦੁਕ੍ਕਟਸ੍ਸ। ਨਿਸ੍ਸਜ੍ਜਿਤੇ ਨਿਸ੍ਸਜ੍ਜਿਤਸਞ੍ਞਾ, ਅਨਾਪਤ੍ਤਿ।
Akavāṭabaddhaṃ anissajjitvā pakkamati, āpatti dukkaṭassa. Nissajjite anissajjitasaññā, āpatti dukkaṭassa. Nissajjite vematikā, āpatti dukkaṭassa. Nissajjite nissajjitasaññā, anāpatti.
੧੦੧੨. ਅਨਾਪਤ੍ਤਿ ਨਿਸ੍ਸਜ੍ਜਿਤ੍વਾ ਪਕ੍ਕਮਤਿ, ਸਤਿ ਅਨ੍ਤਰਾਯੇ, ਪਰਿਯੇਸਿਤ੍વਾ ਨ ਲਭਤਿ, ਗਿਲਾਨਾਯ, ਆਪਦਾਸੁ, ਉਮ੍ਮਤ੍ਤਿਕਾਯ, ਆਦਿਕਮ੍ਮਿਕਾਯਾਤਿ।
1012. Anāpatti nissajjitvā pakkamati, sati antarāye, pariyesitvā na labhati, gilānāya, āpadāsu, ummattikāya, ādikammikāyāti.
ਅਟ੍ਠਮਸਿਕ੍ਖਾਪਦਂ ਨਿਟ੍ਠਿਤਂ।
Aṭṭhamasikkhāpadaṃ niṭṭhitaṃ.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਭਿਕ੍ਖੁਨੀવਿਭਙ੍ਗ-ਅਟ੍ਠਕਥਾ • Bhikkhunīvibhaṅga-aṭṭhakathā / ੮. ਅਟ੍ਠਮਸਿਕ੍ਖਾਪਦવਣ੍ਣਨਾ • 8. Aṭṭhamasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੬. ਛਟ੍ਠਸਿਕ੍ਖਾਪਦવਣ੍ਣਨਾ • 6. Chaṭṭhasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੮. ਅਟ੍ਠਮਸਿਕ੍ਖਾਪਦਂ • 8. Aṭṭhamasikkhāpadaṃ
