| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੮. ਅਟ੍ਠਮਸਿਕ੍ਖਾਪਦਂ
8. Aṭṭhamasikkhāpadaṃ
੯੧੬. ਅਟ੍ਠਮੇ ਯੇ ਨਾਟਕਂ ਨਾਟੇਨ੍ਤਿ, ਤੇ ਨਟਾ ਨਾਮਾਤਿ ਯੋਜਨਾ। ਇਮਿਨਾ ਨਟਕਂ ਨਾਟੇਨ੍ਤੀਤਿ ਨਟਾਤਿ વਚਨਤ੍ਥਂ ਦਸ੍ਸੇਤਿ। ਯੇ ਨਚ੍ਚਨ੍ਤਿ, ਤੇ ਨਾਟਕਾ ਨਾਮਾਤਿ ਯੋਜਨਾ। ਇਮਿਨਾ ਸਯਂ ਨਟਨ੍ਤੀਤਿ ਨਾਟਕਾਤਿ વਚਨਤ੍ਥਂ ਦੀਪੇਤਿ। વਂਸવਰਤ੍ਤਾਦੀਸੂਤਿ ਏਤ੍ਥ વਂਸੋ ਨਾਮ વੇਣੁ। વਰਤ੍ਤਾ ਨਾਮ ਨਦ੍ਧਿਕਾ। ਆਦਿਸਦ੍ਦੇਨ ਰਜ੍ਜੁਆਦਯੋ ਸਙ੍ਗਣ੍ਹਾਤਿ। ਯੇ ਲਙ੍ਘਨਕਮ੍ਮਂ ਕਰੋਨ੍ਤਿ, ਤੇ ਲਙ੍ਘਕਾ ਨਾਮਾਤਿ ਯੋਜਨਾ। ਮਾਯਾਕਾਰਾਤਿ ਏਤ੍ਥ ਮਾਯਾ ਨਾਮ ਮਯਨਾਮਕੇਨ ਅਸੁਰੇਨ ਸੁਰੇ ਚਲਯਿਤੁਂ ਕਤਤ੍ਤਾ ਮਯਸ੍ਸ ਏਸਾਤਿ ਮਾਯਾ, ਤਂ ਕਰੋਤੀਤਿ ਮਾਯਾਕਾਰੋ, ਮਯਨਾਮਕੋ ਅਸੁਰੋਯੇવ। ਅਞ੍ਞੇ ਪਨ ਰੂਲ਼੍ਹੀવਸੇਨ ‘‘ਮਾਯਾਕਾਰਾ’’ਤਿ વੁਚ੍ਚਨ੍ਤਿ। ਸੋਕੇਨ ਝਾਯਨਂ ਡਯ੍ਹਨਂ ਸੋਕਜ੍ਝਾਯਂ, ਸੁਰਾਨਂ ਸੋਕਜ੍ਝਾਯਂ ਕਰੋਤੀਤਿ ਸੋਕਜ੍ਝਾਯਿਕੋ, ਮਯਨਾਮਕੋ ਅਸੁਰੋਯੇવ। ਅਞ੍ਞੇ ਪਨ ਰੂਲ਼੍ਹੀવਸੇਨ ‘‘ਸੋਕਜ੍ਝਾਯਿਕਾ’’ਤਿ વੁਚ੍ਚਨ੍ਤਿ। ਇਤਿ ਇਮਮਤ੍ਥਂ ਦਸ੍ਸੇਤੁਂ વੁਤ੍ਤਂ ‘‘ਸੋਕਜ੍ਝਾਯਿਕਾ ਨਾਮ ਮਾਯਾਕਾਰਾ’’ਤਿ। ਕੁਮ੍ਭਥੁਣਿਕਾ ਨਾਮਾਤਿ ਏਤ੍ਥ વਿਸ੍ਸਟ੍ਠਤ੍ਤਾ ਥવੀਯਤੀਤਿ ਥੁਣੋ, ਸਦ੍ਦੋ। ਕੁਮ੍ਭਸ੍ਸ ਥੁਣੋ ਕੁਮ੍ਭਥੁਣੋ। ਤੇਨ ਕੀਲ਼ਨ੍ਤੀਤਿ ਕੁਮ੍ਭਥੁਣਿਕਾ, ਇਤਿ ਇਮਮਤ੍ਥਂ ਦਸ੍ਸੇਤਿ ‘‘ਘਟਕੇਨ ਕੀਲ਼ਨਕਾ’’ਤਿ ਇਮਿਨਾ। ਬਿਮ੍ਬਿਸਕਨ੍ਤਿ ਚਤੁਰਸ੍ਸਅਮ੍ਬਣਤਾਲ਼ਨਂ, ਤਂ વਾਦੇਨ੍ਤੀਤਿ ਬਿਮ੍ਬਿਸਕવਾਦਕਾਤਿ। ਅਟ੍ਠਮਂ।
916. Aṭṭhame ye nāṭakaṃ nāṭenti, te naṭā nāmāti yojanā. Iminā naṭakaṃ nāṭentīti naṭāti vacanatthaṃ dasseti. Ye naccanti, te nāṭakā nāmāti yojanā. Iminā sayaṃ naṭantīti nāṭakāti vacanatthaṃ dīpeti. Vaṃsavarattādīsūti ettha vaṃso nāma veṇu. Varattā nāma naddhikā. Ādisaddena rajjuādayo saṅgaṇhāti. Ye laṅghanakammaṃ karonti, te laṅghakā nāmāti yojanā. Māyākārāti ettha māyā nāma mayanāmakena asurena sure calayituṃ katattā mayassa esāti māyā, taṃ karotīti māyākāro, mayanāmako asuroyeva. Aññe pana rūḷhīvasena ‘‘māyākārā’’ti vuccanti. Sokena jhāyanaṃ ḍayhanaṃ sokajjhāyaṃ, surānaṃ sokajjhāyaṃ karotīti sokajjhāyiko, mayanāmako asuroyeva. Aññe pana rūḷhīvasena ‘‘sokajjhāyikā’’ti vuccanti. Iti imamatthaṃ dassetuṃ vuttaṃ ‘‘sokajjhāyikā nāma māyākārā’’ti. Kumbhathuṇikā nāmāti ettha vissaṭṭhattā thavīyatīti thuṇo, saddo. Kumbhassa thuṇo kumbhathuṇo. Tena kīḷantīti kumbhathuṇikā, iti imamatthaṃ dasseti ‘‘ghaṭakena kīḷanakā’’ti iminā. Bimbisakanti caturassaambaṇatāḷanaṃ, taṃ vādentīti bimbisakavādakāti. Aṭṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga / ੮. ਅਟ੍ਠਮਸਿਕ੍ਖਾਪਦਂ • 8. Aṭṭhamasikkhāpadaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਭਿਕ੍ਖੁਨੀવਿਭਙ੍ਗ-ਅਟ੍ਠਕਥਾ • Bhikkhunīvibhaṅga-aṭṭhakathā / ੮. ਅਟ੍ਠਮਸਿਕ੍ਖਾਪਦવਣ੍ਣਨਾ • 8. Aṭṭhamasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੩. ਨਗ੍ਗવਗ੍ਗવਣ੍ਣਨਾ • 3. Naggavaggavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੮. ਅਟ੍ਠਮਸਿਕ੍ਖਾਪਦવਣ੍ਣਨਾ • 8. Aṭṭhamasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੧. ਪਠਮਾਦਿਸਿਕ੍ਖਾਪਦવਣ੍ਣਨਾ • 1. Paṭhamādisikkhāpadavaṇṇanā
