| Library / Tipiṭaka / তিপিটক • Tipiṭaka / ভিক্খুনীৰিভঙ্গ-অট্ঠকথা • Bhikkhunīvibhaṅga-aṭṭhakathā |
৮. অট্ঠমসিক্খাপদৰণ্ণনা
8. Aṭṭhamasikkhāpadavaṇṇanā
৮২৪. অট্ঠমে – নিব্বিট্ঠো রাজভটো রঞ্ঞো ভতি কেণি এতেনাতি নিব্বিট্ঠরাজভটো, একং ঠানন্তরং কেণিযা গহেত্ৰা ততো লদ্ধউদযোতি অত্থো। তঞ্ঞেৰ ভটপথং যাচিস্সামীতি রঞ্ঞো কেণিং দত্ৰা পুন তংযেৰ ঠানন্তরং যাচিস্সামীতি চিন্তেন্তো। পরিভাসীতি তা ভিক্খুনিযো ‘‘মা পুন এৰং করিত্থা’’তি সন্তজ্জেসি।
824. Aṭṭhame – nibbiṭṭho rājabhaṭo rañño bhati keṇi etenāti nibbiṭṭharājabhaṭo, ekaṃ ṭhānantaraṃ keṇiyā gahetvā tato laddhaudayoti attho. Taññeva bhaṭapathaṃ yācissāmīti rañño keṇiṃ datvā puna taṃyeva ṭhānantaraṃ yācissāmīti cintento. Paribhāsīti tā bhikkhuniyo ‘‘mā puna evaṃ karitthā’’ti santajjesi.
৮২৬. সযং ছড্ডেতীতি চত্তারিপি ৰত্থূনি একপযোগেন ছড্ডেন্তিযা একাৰ আপত্তি, পাটেক্কং ছড্ডেন্তিযা ৰত্থুগণনায আপত্তিযো। আণত্তিযম্পি এসেৰ নযো। দন্তকট্ঠছড্ডনেপি ভিক্খুনিযা পাচিত্তিযমেৰ। ভিক্খুস্স সব্বত্থ দুক্কটং। সেসং উত্তানমেৰ।
826.Sayaṃ chaḍḍetīti cattāripi vatthūni ekapayogena chaḍḍentiyā ekāva āpatti, pāṭekkaṃ chaḍḍentiyā vatthugaṇanāya āpattiyo. Āṇattiyampi eseva nayo. Dantakaṭṭhachaḍḍanepi bhikkhuniyā pācittiyameva. Bhikkhussa sabbattha dukkaṭaṃ. Sesaṃ uttānameva.
ছসমুট্ঠানং – কিরিযাকিরিযং, নোসঞ্ঞাৰিমোক্খং, অচিত্তকং, পণ্ণত্তিৰজ্জং, কাযকম্মং, ৰচীকম্মং, তিচিত্তং, তিৰেদনন্তি।
Chasamuṭṭhānaṃ – kiriyākiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
অট্ঠমসিক্খাপদং।
Aṭṭhamasikkhāpadaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / ভিক্খুনীৰিভঙ্গ • Bhikkhunīvibhaṅga / ৮. অট্ঠমসিক্খাপদং • 8. Aṭṭhamasikkhāpadaṃ
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ১. লসুণৰগ্গৰণ্ণনা • 1. Lasuṇavaggavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ৮. অট্ঠমসিক্খাপদৰণ্ণনা • 8. Aṭṭhamasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ১. পঠমলসুণাদিসিক্খাপদৰণ্ণনা • 1. Paṭhamalasuṇādisikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৮. অট্ঠমসিক্খাপদং • 8. Aṭṭhamasikkhāpadaṃ
