| Library / Tipiṭaka / तिपिटक • Tipiṭaka / भिक्खुनीविभङ्ग-अट्ठकथा • Bhikkhunīvibhaṅga-aṭṭhakathā |
८. अट्ठमसिक्खापदवण्णना
8. Aṭṭhamasikkhāpadavaṇṇanā
८२४. अट्ठमे – निब्बिट्ठो राजभटो रञ्ञो भति केणि एतेनाति निब्बिट्ठराजभटो, एकं ठानन्तरं केणिया गहेत्वा ततो लद्धउदयोति अत्थो। तञ्ञेव भटपथं याचिस्सामीति रञ्ञो केणिं दत्वा पुन तंयेव ठानन्तरं याचिस्सामीति चिन्तेन्तो। परिभासीति ता भिक्खुनियो ‘‘मा पुन एवं करित्था’’ति सन्तज्जेसि।
824. Aṭṭhame – nibbiṭṭho rājabhaṭo rañño bhati keṇi etenāti nibbiṭṭharājabhaṭo, ekaṃ ṭhānantaraṃ keṇiyā gahetvā tato laddhaudayoti attho. Taññeva bhaṭapathaṃ yācissāmīti rañño keṇiṃ datvā puna taṃyeva ṭhānantaraṃ yācissāmīti cintento. Paribhāsīti tā bhikkhuniyo ‘‘mā puna evaṃ karitthā’’ti santajjesi.
८२६. सयं छड्डेतीति चत्तारिपि वत्थूनि एकपयोगेन छड्डेन्तिया एकाव आपत्ति, पाटेक्कं छड्डेन्तिया वत्थुगणनाय आपत्तियो। आणत्तियम्पि एसेव नयो। दन्तकट्ठछड्डनेपि भिक्खुनिया पाचित्तियमेव। भिक्खुस्स सब्बत्थ दुक्कटं। सेसं उत्तानमेव।
826.Sayaṃ chaḍḍetīti cattāripi vatthūni ekapayogena chaḍḍentiyā ekāva āpatti, pāṭekkaṃ chaḍḍentiyā vatthugaṇanāya āpattiyo. Āṇattiyampi eseva nayo. Dantakaṭṭhachaḍḍanepi bhikkhuniyā pācittiyameva. Bhikkhussa sabbattha dukkaṭaṃ. Sesaṃ uttānameva.
छसमुट्ठानं – किरियाकिरियं, नोसञ्ञाविमोक्खं, अचित्तकं, पण्णत्तिवज्जं, कायकम्मं, वचीकम्मं, तिचित्तं, तिवेदनन्ति।
Chasamuṭṭhānaṃ – kiriyākiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
अट्ठमसिक्खापदं।
Aṭṭhamasikkhāpadaṃ.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / भिक्खुनीविभङ्ग • Bhikkhunīvibhaṅga / ८. अट्ठमसिक्खापदं • 8. Aṭṭhamasikkhāpadaṃ
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / १. लसुणवग्गवण्णना • 1. Lasuṇavaggavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / ८. अट्ठमसिक्खापदवण्णना • 8. Aṭṭhamasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / १. पठमलसुणादिसिक्खापदवण्णना • 1. Paṭhamalasuṇādisikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / ८. अट्ठमसिक्खापदं • 8. Aṭṭhamasikkhāpadaṃ
