| Library / Tipiṭaka / तिपिटक • Tipiṭaka / भिक्खुनीविभङ्ग-अट्ठकथा • Bhikkhunīvibhaṅga-aṭṭhakathā |
८. अट्ठमसिक्खापदवण्णना
8. Aṭṭhamasikkhāpadavaṇṇanā
१००८. अट्ठमे – अनिस्सज्जित्वाति रक्खणत्थाय अदत्वा; ‘‘इमं जग्गेय्यासी’’ति एवं अनापुच्छित्वाति अत्थो।
1008. Aṭṭhame – anissajjitvāti rakkhaṇatthāya adatvā; ‘‘imaṃ jaggeyyāsī’’ti evaṃ anāpucchitvāti attho.
१०१२. परियेसित्वा न लभतीति पटिजग्गिकं न लभति। गिलानायाति वचीभेदं कातुं असमत्थाय। आपदासूति रट्ठे भिज्जन्ते आवासे छड्डेत्वा गच्छन्ति, एवरूपासु आपदासु अनापत्ति। सेसं उत्तानमेव। समुट्ठानादीनि अनन्तरसिक्खापदसदिसानेवाति।
1012.Pariyesitvā na labhatīti paṭijaggikaṃ na labhati. Gilānāyāti vacībhedaṃ kātuṃ asamatthāya. Āpadāsūti raṭṭhe bhijjante āvāse chaḍḍetvā gacchanti, evarūpāsu āpadāsu anāpatti. Sesaṃ uttānameva. Samuṭṭhānādīni anantarasikkhāpadasadisānevāti.
अट्ठमसिक्खापदं।
Aṭṭhamasikkhāpadaṃ.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / भिक्खुनीविभङ्ग • Bhikkhunīvibhaṅga / ८. अट्ठमसिक्खापदं • 8. Aṭṭhamasikkhāpadaṃ
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / ६. छट्ठसिक्खापदवण्णना • 6. Chaṭṭhasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / ८. अट्ठमसिक्खापदं • 8. Aṭṭhamasikkhāpadaṃ
