| Library / Tipiṭaka / තිපිටක • Tipiṭaka / භික්‌ඛුනීවිභඞ්‌ග-අට්‌ඨකථා • Bhikkhunīvibhaṅga-aṭṭhakathā |
8. අට්‌ඨමසික්‌ඛාපදවණ්‌ණනා
8. Aṭṭhamasikkhāpadavaṇṇanā
824. අට්‌ඨමෙ – නිබ්‌බිට්‌ඨො රාජභටො රඤ්‌ඤො භති කෙණි එතෙනාති නිබ්‌බිට්‌ඨරාජභටො, එකං ඨානන්‌තරං කෙණියා ගහෙත්‌වා තතො ලද්‌ධඋදයොති අත්‌ථො. තඤ්‌ඤෙව භටපථං යාචිස්‌සාමීති රඤ්‌ඤො කෙණිං දත්‌වා පුන තංයෙව ඨානන්‌තරං යාචිස්‌සාමීති චින්‌තෙන්‌තො. පරිභාසීති තා භික්‌ඛුනියො ‘‘මා පුන එවං කරිත්‌ථා’’ති සන්‌තජ්‌ජෙසි.
824. Aṭṭhame – nibbiṭṭho rājabhaṭo rañño bhati keṇi etenāti nibbiṭṭharājabhaṭo, ekaṃ ṭhānantaraṃ keṇiyā gahetvā tato laddhaudayoti attho. Taññeva bhaṭapathaṃ yācissāmīti rañño keṇiṃ datvā puna taṃyeva ṭhānantaraṃ yācissāmīti cintento. Paribhāsīti tā bhikkhuniyo ‘‘mā puna evaṃ karitthā’’ti santajjesi.
826. සයං ඡඩ්‌ඩෙතීති චත්‌තාරිපි වත්‌ථූනි එකපයොගෙන ඡඩ්‌ඩෙන්‌තියා එකාව ආපත්‌ති, පාටෙක්‌කං ඡඩ්‌ඩෙන්‌තියා වත්‌ථුගණනාය ආපත්‌තියො. ආණත්‌තියම්‌පි එසෙව නයො. දන්‌තකට්‌ඨඡඩ්‌ඩනෙපි භික්‌ඛුනියා පාචිත්‌තියමෙව. භික්‌ඛුස්‌ස සබ්‌බත්‌ථ දුක්‌කටං. සෙසං උත්‌තානමෙව.
826.Sayaṃ chaḍḍetīti cattāripi vatthūni ekapayogena chaḍḍentiyā ekāva āpatti, pāṭekkaṃ chaḍḍentiyā vatthugaṇanāya āpattiyo. Āṇattiyampi eseva nayo. Dantakaṭṭhachaḍḍanepi bhikkhuniyā pācittiyameva. Bhikkhussa sabbattha dukkaṭaṃ. Sesaṃ uttānameva.
ඡසමුට්‌ඨානං – කිරියාකිරියං, නොසඤ්‌ඤාවිමොක්‌ඛං, අචිත්‌තකං, පණ්‌ණත්‌තිවජ්‌ජං, කායකම්‌මං, වචීකම්‌මං, තිචිත්‌තං, තිවෙදනන්‌ති.
Chasamuṭṭhānaṃ – kiriyākiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
අට්‌ඨමසික්‌ඛාපදං.
Aṭṭhamasikkhāpadaṃ.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / භික්‌ඛුනීවිභඞ්‌ග • Bhikkhunīvibhaṅga / 8. අට්‌ඨමසික්‌ඛාපදං • 8. Aṭṭhamasikkhāpadaṃ
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / 1. ලසුණවග්‌ගවණ්‌ණනා • 1. Lasuṇavaggavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / 8. අට්‌ඨමසික්‌ඛාපදවණ්‌ණනා • 8. Aṭṭhamasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 1. පඨමලසුණාදිසික්‌ඛාපදවණ්‌ණනා • 1. Paṭhamalasuṇādisikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 8. අට්‌ඨමසික්‌ඛාපදං • 8. Aṭṭhamasikkhāpadaṃ
