| Library / Tipiṭaka / ཏིཔིཊཀ • Tipiṭaka / བྷིཀྑུནཱིཝིབྷངྒ-ཨཊྛཀཐཱ • Bhikkhunīvibhaṅga-aṭṭhakathā |
༨. ཨཊྛམསིཀྑཱཔདཝཎྞནཱ
8. Aṭṭhamasikkhāpadavaṇṇanā
༨༢༤. ཨཊྛམེ – ནིབྦིཊྛོ རཱཛབྷཊོ རཉྙོ བྷཏི ཀེཎི ཨེཏེནཱཏི ནིབྦིཊྛརཱཛབྷཊོ, ཨེཀཾ ཋཱནནྟརཾ ཀེཎིཡཱ གཧེཏྭཱ ཏཏོ ལདྡྷཨུདཡོཏི ཨཏྠོ། ཏཉྙེཝ བྷཊཔཐཾ ཡཱཙིསྶཱམཱིཏི རཉྙོ ཀེཎིཾ དཏྭཱ པུན ཏཾཡེཝ ཋཱནནྟརཾ ཡཱཙིསྶཱམཱིཏི ཙིནྟེནྟོ། པརིབྷཱསཱིཏི ཏཱ བྷིཀྑུནིཡོ ‘‘མཱ པུན ཨེཝཾ ཀརིཏྠཱ’’ཏི སནྟཛྫེསི།
824. Aṭṭhame – nibbiṭṭho rājabhaṭo rañño bhati keṇi etenāti nibbiṭṭharājabhaṭo, ekaṃ ṭhānantaraṃ keṇiyā gahetvā tato laddhaudayoti attho. Taññeva bhaṭapathaṃ yācissāmīti rañño keṇiṃ datvā puna taṃyeva ṭhānantaraṃ yācissāmīti cintento. Paribhāsīti tā bhikkhuniyo ‘‘mā puna evaṃ karitthā’’ti santajjesi.
༨༢༦. སཡཾ ཚཌྜེཏཱིཏི ཙཏྟཱརིཔི ཝཏྠཱུནི ཨེཀཔཡོགེན ཚཌྜེནྟིཡཱ ཨེཀཱཝ ཨཱཔཏྟི, པཱཊེཀྐཾ ཚཌྜེནྟིཡཱ ཝཏྠུགཎནཱཡ ཨཱཔཏྟིཡོ། ཨཱཎཏྟིཡམྤི ཨེསེཝ ནཡོ། དནྟཀཊྛཚཌྜནེཔི བྷིཀྑུནིཡཱ པཱཙིཏྟིཡམེཝ། བྷིཀྑུསྶ སབྦཏྠ དུཀྐཊཾ། སེསཾ ཨུཏྟཱནམེཝ།
826.Sayaṃ chaḍḍetīti cattāripi vatthūni ekapayogena chaḍḍentiyā ekāva āpatti, pāṭekkaṃ chaḍḍentiyā vatthugaṇanāya āpattiyo. Āṇattiyampi eseva nayo. Dantakaṭṭhachaḍḍanepi bhikkhuniyā pācittiyameva. Bhikkhussa sabbattha dukkaṭaṃ. Sesaṃ uttānameva.
ཚསམུཊྛཱནཾ – ཀིརིཡཱཀིརིཡཾ, ནོསཉྙཱཝིམོཀྑཾ, ཨཙིཏྟཀཾ, པཎྞཏྟིཝཛྫཾ, ཀཱཡཀམྨཾ, ཝཙཱིཀམྨཾ, ཏིཙིཏྟཾ, ཏིཝེདནནྟི།
Chasamuṭṭhānaṃ – kiriyākiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
ཨཊྛམསིཀྑཱཔདཾ།
Aṭṭhamasikkhāpadaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / བྷིཀྑུནཱིཝིབྷངྒ • Bhikkhunīvibhaṅga / ༨. ཨཊྛམསིཀྑཱཔདཾ • 8. Aṭṭhamasikkhāpadaṃ
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༡. ལསུཎཝགྒཝཎྞནཱ • 1. Lasuṇavaggavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ༨. ཨཊྛམསིཀྑཱཔདཝཎྞནཱ • 8. Aṭṭhamasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༡. པཋམལསུཎཱདིསིཀྑཱཔདཝཎྞནཱ • 1. Paṭhamalasuṇādisikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༨. ཨཊྛམསིཀྑཱཔདཾ • 8. Aṭṭhamasikkhāpadaṃ
