| Library / Tipiṭaka / തിപിടക • Tipiṭaka / ഭിക്ഖുനീവിഭങ്ഗ-അട്ഠകഥാ • Bhikkhunīvibhaṅga-aṭṭhakathā |
൮. അട്ഠമസിക്ഖാപദവണ്ണനാ
8. Aṭṭhamasikkhāpadavaṇṇanā
൮൨൪. അട്ഠമേ – നിബ്ബിട്ഠോ രാജഭടോ രഞ്ഞോ ഭതി കേണി ഏതേനാതി നിബ്ബിട്ഠരാജഭടോ, ഏകം ഠാനന്തരം കേണിയാ ഗഹേത്വാ തതോ ലദ്ധഉദയോതി അത്ഥോ. തഞ്ഞേവ ഭടപഥം യാചിസ്സാമീതി രഞ്ഞോ കേണിം ദത്വാ പുന തംയേവ ഠാനന്തരം യാചിസ്സാമീതി ചിന്തേന്തോ. പരിഭാസീതി താ ഭിക്ഖുനിയോ ‘‘മാ പുന ഏവം കരിത്ഥാ’’തി സന്തജ്ജേസി.
824. Aṭṭhame – nibbiṭṭho rājabhaṭo rañño bhati keṇi etenāti nibbiṭṭharājabhaṭo, ekaṃ ṭhānantaraṃ keṇiyā gahetvā tato laddhaudayoti attho. Taññeva bhaṭapathaṃ yācissāmīti rañño keṇiṃ datvā puna taṃyeva ṭhānantaraṃ yācissāmīti cintento. Paribhāsīti tā bhikkhuniyo ‘‘mā puna evaṃ karitthā’’ti santajjesi.
൮൨൬. സയം ഛഡ്ഡേതീതി ചത്താരിപി വത്ഥൂനി ഏകപയോഗേന ഛഡ്ഡേന്തിയാ ഏകാവ ആപത്തി, പാടേക്കം ഛഡ്ഡേന്തിയാ വത്ഥുഗണനായ ആപത്തിയോ. ആണത്തിയമ്പി ഏസേവ നയോ. ദന്തകട്ഠഛഡ്ഡനേപി ഭിക്ഖുനിയാ പാചിത്തിയമേവ. ഭിക്ഖുസ്സ സബ്ബത്ഥ ദുക്കടം. സേസം ഉത്താനമേവ.
826.Sayaṃ chaḍḍetīti cattāripi vatthūni ekapayogena chaḍḍentiyā ekāva āpatti, pāṭekkaṃ chaḍḍentiyā vatthugaṇanāya āpattiyo. Āṇattiyampi eseva nayo. Dantakaṭṭhachaḍḍanepi bhikkhuniyā pācittiyameva. Bhikkhussa sabbattha dukkaṭaṃ. Sesaṃ uttānameva.
ഛസമുട്ഠാനം – കിരിയാകിരിയം, നോസഞ്ഞാവിമോക്ഖം, അചിത്തകം, പണ്ണത്തിവജ്ജം, കായകമ്മം, വചീകമ്മം, തിചിത്തം, തിവേദനന്തി.
Chasamuṭṭhānaṃ – kiriyākiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
അട്ഠമസിക്ഖാപദം.
Aṭṭhamasikkhāpadaṃ.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / ഭിക്ഖുനീവിഭങ്ഗ • Bhikkhunīvibhaṅga / ൮. അട്ഠമസിക്ഖാപദം • 8. Aṭṭhamasikkhāpadaṃ
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / ൧. ലസുണവഗ്ഗവണ്ണനാ • 1. Lasuṇavaggavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / ൮. അട്ഠമസിക്ഖാപദവണ്ണനാ • 8. Aṭṭhamasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / ൧. പഠമലസുണാദിസിക്ഖാപദവണ്ണനാ • 1. Paṭhamalasuṇādisikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൮. അട്ഠമസിക്ഖാപദം • 8. Aṭṭhamasikkhāpadaṃ
