| Library / Tipiṭaka / ติปิฎก • Tipiṭaka / กงฺขาวิตรณี-ปุราณ-ฎีกา • Kaṅkhāvitaraṇī-purāṇa-ṭīkā |
๘. อฎฺฐมวคฺควณฺณนา
8. Aṭṭhamavaggavaṇṇanā
ปฐมทุติยตติเยสุ ‘‘คิหิคตา’’ติ วา ‘‘กุมาริภูตา’’ติ วา น วตฺตพฺพาฯ วทนฺติ เจ, กมฺมํ กุปฺปติฯ
Paṭhamadutiyatatiyesu ‘‘gihigatā’’ti vā ‘‘kumāribhūtā’’ti vā na vattabbā. Vadanti ce, kammaṃ kuppati.
เอกาทสเม ฉนฺทํ อวิสฺสเชฺชตฺวาติ ‘‘ยถาสุข’’นฺติ อวตฺวาฯ เอตฺถ ปน อยํ วินิจฺฉโย – ‘‘ปาริวาสิกฉนฺททาเนนา’’ติ อิทํ อุทฺธริตฺวา ‘‘วุฎฺฐิตาย ปริสายา’’ติ (ปาจิ. ๑๑๖๘) ปทภาชนํ วุตฺตํฯ เอตสฺส ปน สมนฺตปาสาทิกายํ ‘‘วุฎฺฐิตาย ปริสายาติ ฉนฺทํ วิสฺสเชฺชตฺวา กาเยน วา วาจาย วา ฉนฺทวิสฺสชฺชนมเตฺตน วา วุฎฺฐิตายา’’ติ (ปาจิ. อฎฺฐ. ๑๑๖๗) วุตฺตํฯ อิธ ฉนฺทสฺส ปน อวิสฺสฎฺฐตฺตา กมฺมํ กาตุํ วฎฺฎตีติ วุตฺตํฯ ตสฺมา ฉนฺทํ อวิสฺสเชฺชตฺวาว ทฺวาทสหตฺถปาเส วิหริตฺวา ปุน สนฺนิปาตกรณญฺจ วฎฺฎตีติ ลิขิตํฯ
Ekādasame chandaṃ avissajjetvāti ‘‘yathāsukha’’nti avatvā. Ettha pana ayaṃ vinicchayo – ‘‘pārivāsikachandadānenā’’ti idaṃ uddharitvā ‘‘vuṭṭhitāya parisāyā’’ti (pāci. 1168) padabhājanaṃ vuttaṃ. Etassa pana samantapāsādikāyaṃ ‘‘vuṭṭhitāya parisāyāti chandaṃ vissajjetvā kāyena vā vācāya vā chandavissajjanamattena vā vuṭṭhitāyā’’ti (pāci. aṭṭha. 1167) vuttaṃ. Idha chandassa pana avissaṭṭhattā kammaṃ kātuṃ vaṭṭatīti vuttaṃ. Tasmā chandaṃ avissajjetvāva dvādasahatthapāse viharitvā puna sannipātakaraṇañca vaṭṭatīti likhitaṃ.
อฎฺฐมวคฺควณฺณนา นิฎฺฐิตาฯ
Aṭṭhamavaggavaṇṇanā niṭṭhitā.
