| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਪੁਰਾਣ-ਟੀਕਾ • Kaṅkhāvitaraṇī-purāṇa-ṭīkā |
੮. ਅਟ੍ਠਮવਗ੍ਗવਣ੍ਣਨਾ
8. Aṭṭhamavaggavaṇṇanā
ਪਠਮਦੁਤਿਯਤਤਿਯੇਸੁ ‘‘ਗਿਹਿਗਤਾ’’ਤਿ વਾ ‘‘ਕੁਮਾਰਿਭੂਤਾ’’ਤਿ વਾ ਨ વਤ੍ਤਬ੍ਬਾ। વਦਨ੍ਤਿ ਚੇ, ਕਮ੍ਮਂ ਕੁਪ੍ਪਤਿ।
Paṭhamadutiyatatiyesu ‘‘gihigatā’’ti vā ‘‘kumāribhūtā’’ti vā na vattabbā. Vadanti ce, kammaṃ kuppati.
ਏਕਾਦਸਮੇ ਛਨ੍ਦਂ ਅવਿਸ੍ਸਜ੍ਜੇਤ੍વਾਤਿ ‘‘ਯਥਾਸੁਖ’’ਨ੍ਤਿ ਅવਤ੍વਾ। ਏਤ੍ਥ ਪਨ ਅਯਂ વਿਨਿਚ੍ਛਯੋ – ‘‘ਪਾਰਿવਾਸਿਕਛਨ੍ਦਦਾਨੇਨਾ’’ਤਿ ਇਦਂ ਉਦ੍ਧਰਿਤ੍વਾ ‘‘વੁਟ੍ਠਿਤਾਯ ਪਰਿਸਾਯਾ’’ਤਿ (ਪਾਚਿ॰ ੧੧੬੮) ਪਦਭਾਜਨਂ વੁਤ੍ਤਂ। ਏਤਸ੍ਸ ਪਨ ਸਮਨ੍ਤਪਾਸਾਦਿਕਾਯਂ ‘‘વੁਟ੍ਠਿਤਾਯ ਪਰਿਸਾਯਾਤਿ ਛਨ੍ਦਂ વਿਸ੍ਸਜ੍ਜੇਤ੍વਾ ਕਾਯੇਨ વਾ વਾਚਾਯ વਾ ਛਨ੍ਦવਿਸ੍ਸਜ੍ਜਨਮਤ੍ਤੇਨ વਾ વੁਟ੍ਠਿਤਾਯਾ’’ਤਿ (ਪਾਚਿ॰ ਅਟ੍ਠ॰ ੧੧੬੭) વੁਤ੍ਤਂ। ਇਧ ਛਨ੍ਦਸ੍ਸ ਪਨ ਅવਿਸ੍ਸਟ੍ਠਤ੍ਤਾ ਕਮ੍ਮਂ ਕਾਤੁਂ વਟ੍ਟਤੀਤਿ વੁਤ੍ਤਂ। ਤਸ੍ਮਾ ਛਨ੍ਦਂ ਅવਿਸ੍ਸਜ੍ਜੇਤ੍વਾવ ਦ੍વਾਦਸਹਤ੍ਥਪਾਸੇ વਿਹਰਿਤ੍વਾ ਪੁਨ ਸਨ੍ਨਿਪਾਤਕਰਣਞ੍ਚ વਟ੍ਟਤੀਤਿ ਲਿਖਿਤਂ।
Ekādasame chandaṃ avissajjetvāti ‘‘yathāsukha’’nti avatvā. Ettha pana ayaṃ vinicchayo – ‘‘pārivāsikachandadānenā’’ti idaṃ uddharitvā ‘‘vuṭṭhitāya parisāyā’’ti (pāci. 1168) padabhājanaṃ vuttaṃ. Etassa pana samantapāsādikāyaṃ ‘‘vuṭṭhitāya parisāyāti chandaṃ vissajjetvā kāyena vā vācāya vā chandavissajjanamattena vā vuṭṭhitāyā’’ti (pāci. aṭṭha. 1167) vuttaṃ. Idha chandassa pana avissaṭṭhattā kammaṃ kātuṃ vaṭṭatīti vuttaṃ. Tasmā chandaṃ avissajjetvāva dvādasahatthapāse viharitvā puna sannipātakaraṇañca vaṭṭatīti likhitaṃ.
ਅਟ੍ਠਮવਗ੍ਗવਣ੍ਣਨਾ ਨਿਟ੍ਠਿਤਾ।
Aṭṭhamavaggavaṇṇanā niṭṭhitā.
