| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
15. адтаанабаал̣и (батамаваг̇г̇а)
15. Aṭṭhānapāḷi (paṭhamavagga)
(15) 1. адтаанабаал̣и-батамаваг̇г̇аван̣н̣анаа
(15) 1. Aṭṭhānapāḷi-paṭhamavaggavaṇṇanā
268. адтаанабаал̣иван̣н̣анааяам̣ авиж̇ж̇амаанам̣ таанам̣ адтаанам̣, над̇т̇и таананд̇и ваа адтаанам̣. анавагаасод̇и зд̇т̇ааби зсзва наяо. д̇ад̣̇ад̇т̇аниг̇аманамзва хи ‘‘нзд̇ам̣ таанам̣ виж̇ж̇ад̇ий’’д̇и важананд̇и. д̇знааха – ‘‘убхаязнабий’’д̇иаад̣̇и. яанд̇и гааран̣ад̇т̇з бажжад̇д̇аважанам̣. хзд̇уад̇т̇о жзд̇т̇а гааран̣ад̇т̇од̇и ааха – ‘‘яанд̇и язна гааран̣знаа’’д̇и. уггадтанид̣̇д̣̇зсзнзд̇т̇а д̣̇идтисамбад̇д̇и взд̣̇ид̇аб̣б̣аад̇и вуд̇д̇ам̣ – ‘‘маг̇г̇ад̣̇идтияаа самбанно’’д̇и. гуд̇о банааяамад̇т̇о лаб̣бхад̇ийд̇и? лин̇г̇ад̇о, лин̇г̇ам̣ жзд̇асса нижжад̇о убаг̇аманаббадигкзбо. жад̇убхуумагзсууд̇и ид̣̇ам̣ жад̇уд̇т̇абхуумагасан̇каараанам̣ арияасаавагасса висаяабхаавуубаг̇аманад̇о вуд̇д̇ам̣, на бана д̇з аараб̣бха нижжад̇о убаг̇аманасаб̣бхаавад̇о. вагкад̇и хи ‘‘д̇ад̣̇абхаавз жад̇уд̇т̇абхуумагасан̇каараа банаа’’д̇иаад̣̇инаа. абхисан̇кад̇асан̇каараабхисан̇каран̣агасан̇каараанам̣ саббад̣̇зсад̇д̇аа ниббад̣̇зсасан̇каараг̇г̇ахан̣ад̇т̇ам̣ ‘‘сан̇кад̇асан̇каарзсуу’’д̇и вуд̇д̇ам̣, логуд̇д̇арасан̇каараанам̣ бана нивад̇д̇анз гааран̣ам̣ саяамзва вагкад̇и. зд̇ам̣ гааран̣ам̣ над̇т̇ийд̇и д̇ат̇аа убаг̇аманз сзд̇угхаад̇о над̇т̇и. д̇зж̇уссад̣̇ад̇д̇аад̇и сам̣гилзсавид̇хаманад̇зж̇асса ад̇хигабхаавад̇о. д̇ат̇аа хи д̇з г̇амбхийрабхаавзна д̣̇уд̣̇д̣̇асаа агусалаанам̣ аарамман̣ам̣ на хонд̇ийд̇и. ид̣̇ам̣ бана багаран̣авасзна вуд̇д̇ам̣. аббахийнавибаллаасаанан̃хи санд̇аанзсу гусалад̇хаммаанамби д̇з аарамман̣ам̣ на хонд̇и.
268. Aṭṭhānapāḷivaṇṇanāyaṃ avijjamānaṃ ṭhānaṃ aṭṭhānaṃ, natthi ṭhānanti vā aṭṭhānaṃ. Anavakāsoti etthāpi eseva nayo. Tadatthanigamanameva hi ‘‘netaṃ ṭhānaṃ vijjatī’’ti vacananti. Tenāha – ‘‘ubhayenapī’’tiādi. Yanti kāraṇatthe paccattavacanaṃ. Hetuattho cettha kāraṇatthoti āha – ‘‘yanti yena kāraṇenā’’ti. Ukkaṭṭhaniddesenettha diṭṭhisampatti veditabbāti vuttaṃ – ‘‘maggadiṭṭhiyā sampanno’’ti. Kuto panāyamattho labbhatīti? Liṅgato, liṅgaṃ cetassa niccato upagamanappaṭikkhepo. Catubhūmakesūti idaṃ catutthabhūmakasaṅkhārānaṃ ariyasāvakassa visayabhāvūpagamanato vuttaṃ, na pana te ārabbha niccato upagamanasabbhāvato. Vakkhati hi ‘‘tadabhāve catutthabhūmakasaṅkhārā panā’’tiādinā. Abhisaṅkhatasaṅkhāraabhisaṅkharaṇakasaṅkhārānaṃ sappadesattā nippadesasaṅkhāraggahaṇatthaṃ ‘‘saṅkhatasaṅkhāresū’’ti vuttaṃ, lokuttarasaṅkhārānaṃ pana nivattane kāraṇaṃ sayameva vakkhati. Etaṃ kāraṇaṃ natthīti tathā upagamane setughāto natthi. Tejussadattāti saṃkilesavidhamanatejassa adhikabhāvato. Tathā hi te gambhīrabhāvena duddasā akusalānaṃ ārammaṇaṃ na hontīti. Idaṃ pana pakaraṇavasena vuttaṃ. Appahīnavipallāsānañhi santānesu kusaladhammānampi te ārammaṇaṃ na honti.
269. асукз суканд̇и вибаллаасо жа ид̇ха сукад̇о убаг̇аманасса таананд̇и д̣̇ассзнд̇о ‘‘зганд̇а…бз… ад̇д̇ад̣̇идтивасзнаа’’д̇и бад̇хаанад̣̇идтимааха. г̇уут̇анд̇и г̇уут̇адтаанам̣, д̣̇идтияаа ниб̣б̣аанасса ависаяабхааво хздтаа вуд̇д̇о зваад̇и гасин̣аад̣̇ибан̣н̣ад̇д̇исан̇г̇ахад̇т̇анд̇и вуд̇д̇ам̣.
269. Asukhe sukhanti vipallāso ca idha sukhato upagamanassa ṭhānanti dassento ‘‘ekanta…pe… attadiṭṭhivasenā’’ti padhānadiṭṭhimāha. Gūthanti gūthaṭṭhānaṃ, diṭṭhiyā nibbānassa avisayabhāvo heṭṭhā vutto evāti kasiṇādipaṇṇattisaṅgahatthanti vuttaṃ.
270. барижчзд̣̇од̇и барижчинд̣̇анам̣ барижчиж̇ж̇а д̇асса г̇ахан̣ам̣. свааяам̣ язсу нижжаад̣̇ид̇о убаг̇аманам̣ самбхавад̇и, д̇зсам̣ васзнаязва гаад̇аб̣б̣од̇и д̣̇ассзнд̇о ‘‘саб̣б̣аваарзсу ваа’’д̇иаад̣̇имааха. саб̣б̣аваарзсууд̇и ‘‘нижжад̇о убаг̇ажчзяяаа’’д̇иаад̣̇инаа ааг̇ад̇зсу саб̣б̣зсу суд̇д̇абад̣̇зсу. бут̇уж̇ж̇ано хийд̇и хи-сад̣̇д̣̇о хзд̇уад̇т̇о. яасмаа яам̣ яам̣ сан̇каарам̣ бут̇уж̇ж̇ано нижжаад̣̇ивасзна г̇ан̣хаад̇и, д̇ам̣ д̇ам̣ арияасааваго анижжаад̣̇ивасзна г̇ан̣ханд̇о яаат̇аавад̇о ж̇аананд̇о д̇ам̣ г̇аахам̣ д̇ам̣ д̣̇идтим̣ виссаж̇ж̇зд̇и, д̇асмаа яад̇т̇а г̇аахо, д̇ад̇т̇а виссаж̇ж̇анаад̇и жад̇убхуумагасан̇каараа ид̇ха сан̇каараг̇г̇ахан̣зна на г̇аяханд̇ийд̇и ад̇т̇о.
270.Paricchedoti paricchindanaṃ paricchijja tassa gahaṇaṃ. Svāyaṃ yesu niccādito upagamanaṃ sambhavati, tesaṃ vasenayeva kātabboti dassento ‘‘sabbavāresu vā’’tiādimāha. Sabbavāresūti ‘‘niccato upagaccheyyā’’tiādinā āgatesu sabbesu suttapadesu. Puthujjano hīti hi-saddo hetuattho. Yasmā yaṃ yaṃ saṅkhāraṃ puthujjano niccādivasena gaṇhāti, taṃ taṃ ariyasāvako aniccādivasena gaṇhanto yāthāvato jānanto taṃ gāhaṃ taṃ diṭṭhiṃ vissajjeti, tasmā yattha gāho, tattha vissajjanāti catubhūmakasaṅkhārā idha saṅkhāraggahaṇena na gayhantīti attho.
271. буд̇д̇асамб̣анд̇хзна маад̇убид̇усаман̃н̃аа д̣̇ад̇д̇агид̇д̇имаад̣̇ивасзнаби буд̇д̇авохааро логз д̣̇иссад̇и, со жа ко барияааязнаад̇и ниббарияааязна сид̣̇д̇хам̣ д̇ам̣ д̣̇ассзд̇ум̣ – ‘‘ж̇анигаава маад̇аа, ж̇анагова бид̇аа’’д̇и вуд̇д̇ам̣. д̇ат̇аа аананд̇арияагаммасса ад̇хиббзд̇ад̇д̇аа ‘‘мануссабхууд̇ова кийн̣аасаво арахаад̇и ад̇хиббзд̇о’’д̇и вуд̇д̇ам̣. ‘‘адтаанамзд̇а’’нд̇иаад̣̇инаа ‘‘маад̇уаад̣̇ийнам̣язва ж̇ийвид̇аа воробанз арияасаавагасса абхаб̣б̣абхаавад̣̇ассанад̇о д̇ад̣̇ан̃н̃ам̣ арияасааваго ж̇ийвид̇аа воробзд̇ийд̇и ид̣̇ам̣ ад̇т̇ад̇о аабаннамзваа’’д̇и ман̃н̃амаано вад̣̇ад̇и – ‘‘гим̣ бана арияасааваго ан̃н̃ам̣ ж̇ийвид̇аа воробзяяаа’’д̇и? ‘‘адтаанамзд̇ам̣ анавагаасо, яам̣ д̣̇идтисамбанно буг̇г̇ало сан̃жижжа баан̣ам̣ ж̇ийвид̇аа воробзяяа, нзд̇ам̣ таанам̣ виж̇ж̇ад̇ий’’д̇и важанад̇о ‘‘зд̇амби адтаана’’нд̇и вуд̇д̇ам̣. д̇знзвааха – ‘‘сажз хий’’д̇иаад̣̇и. звам̣ санд̇з гасмаа ‘‘маад̇ара’’нд̇иаад̣̇инаа висзсзд̇ваа вуд̇д̇анд̇и ааха – ‘‘бут̇уж̇ж̇анабхаавасса банаа’’д̇иаад̣̇и. д̇ад̇т̇а б̣алад̣̇ийбанад̇т̇анд̇и сад̣̇д̇хаад̣̇иб̣аласаманнааг̇амад̣̇ийбанад̇т̇ам̣. арияамаг̇г̇знааг̇ад̇асад̣̇д̇хаад̇хиб̣алавасзна хи арияасааваго д̇аад̣̇исам̣ сааваж̇ж̇ам̣ на гарод̇и.
271. Puttasambandhena mātupitusamaññā dattakittimādivasenapi puttavohāro loke dissati, so ca kho pariyāyenāti nippariyāyena siddhaṃ taṃ dassetuṃ – ‘‘janikāva mātā, janakova pitā’’ti vuttaṃ. Tathā ānantariyakammassa adhippetattā ‘‘manussabhūtova khīṇāsavo arahāti adhippeto’’ti vuttaṃ. ‘‘Aṭṭhānameta’’ntiādinā ‘‘mātuādīnaṃyeva jīvitā voropane ariyasāvakassa abhabbabhāvadassanato tadaññaṃ ariyasāvako jīvitā voropetīti idaṃ atthato āpannamevā’’ti maññamāno vadati – ‘‘kiṃ pana ariyasāvako aññaṃ jīvitā voropeyyā’’ti? ‘‘Aṭṭhānametaṃ anavakāso, yaṃ diṭṭhisampanno puggalo sañcicca pāṇaṃ jīvitā voropeyya, netaṃ ṭhānaṃ vijjatī’’ti vacanato ‘‘etampi aṭṭhāna’’nti vuttaṃ. Tenevāha – ‘‘sace hī’’tiādi. Evaṃ sante kasmā ‘‘mātara’’ntiādinā visesetvā vuttanti āha – ‘‘puthujjanabhāvassa panā’’tiādi. Tattha baladīpanatthanti saddhādibalasamannāgamadīpanatthaṃ. Ariyamaggenāgatasaddhādhibalavasena hi ariyasāvako tādisaṃ sāvajjaṃ na karoti.
275. бан̃жахи гааран̣зхийд̇и ид̣̇амзд̇т̇а нибпаад̣̇агаани д̇зсам̣ буб̣б̣абхааг̇ияаани жа гааран̣аани гааран̣абхаавасааман̃н̃зна згаж̇жхам̣ г̇ахзд̇ваа вуд̇д̇ам̣, на бана саб̣б̣зсам̣ самаанаяог̇агкамад̇д̇аа. аагаарзхийд̇и гааран̣зхи. ануссааванзнаад̇и ануруубам̣ сааванзна. бхзд̣̇асса ануруубам̣ яат̇аа бхзд̣̇о ход̇и, звам̣ бхинд̣̇ид̇аб̣б̣аанам̣ бхигкуунам̣ ад̇д̇ано важанасса сааванзна вин̃н̃аабанзна. д̇знааха – ‘‘нану д̇умхз’’д̇иаад̣̇и. ган̣н̣амуулз важийбхзд̣̇ам̣ гад̇ваад̇и зд̇зна баагадам̣ гад̇ваа бхзд̣̇агаравад̇т̇уд̣̇ийбанам̣ вохааро, д̇ад̇т̇а ад̇д̇ано нижчид̇амад̇т̇ам̣ рахассавасзна вин̃н̃аабанам̣ ануссаавананд̇и д̣̇ассзд̇и.
275.Pañcahi kāraṇehīti idamettha nipphādakāni tesaṃ pubbabhāgiyāni ca kāraṇāni kāraṇabhāvasāmaññena ekajjhaṃ gahetvā vuttaṃ, na pana sabbesaṃ samānayogakkhamattā. Ākārehīti kāraṇehi. Anussāvanenāti anurūpaṃ sāvanena. Bhedassa anurūpaṃ yathā bhedo hoti, evaṃ bhinditabbānaṃ bhikkhūnaṃ attano vacanassa sāvanena viññāpanena. Tenāha – ‘‘nanu tumhe’’tiādi. Kaṇṇamūle vacībhedaṃ katvāti etena pākaṭaṃ katvā bhedakaravatthudīpanaṃ vohāro, tattha attano nicchitamatthaṃ rahassavasena viññāpanaṃ anussāvananti dasseti.
гаммамзва уд̣̇д̣̇зсо ваа бамаан̣анд̇и д̇зхи сан̇гхабхзд̣̇асид̣̇д̇хид̇о вуд̇д̇ам̣, ид̇арз бана д̇зсам̣ самбхаарабхууд̇аа. д̇знааха – ‘‘вохаараа’’д̇иаад̣̇и. д̇ад̇т̇аад̇и вохаран̣з. жуд̇иананд̇арам̣ палам̣ ананд̇арам̣ наама, д̇асмим̣ ананд̇арз нияуд̇д̇аани, д̇анниб̣б̣ад̇д̇анзна ананд̇арагаран̣асийлаани, ананд̇араббаяож̇анаани жаад̇и аананд̇арияаани, д̇аани зва гаммаанийд̇и аананд̇арияагаммаани.
Kammameva uddeso vā pamāṇanti tehi saṅghabhedasiddhito vuttaṃ, itare pana tesaṃ sambhārabhūtā. Tenāha – ‘‘vohārā’’tiādi. Tatthāti voharaṇe. Cutianantaraṃ phalaṃ anantaraṃ nāma, tasmiṃ anantare niyuttāni, tannibbattanena anantarakaraṇasīlāni, anantarappayojanāni cāti ānantariyāni, tāni eva kammānīti ānantariyakammāni.
гаммад̇од̇и ‘‘звам̣ аананд̇арияагаммам̣ ход̇и, звам̣ аананд̇арияагаммасад̣̇иса’’нд̇и звам̣ гаммавибхааг̇ад̇о. д̣̇ваарад̇од̇и гааяад̣̇ваарад̇о. габбадтид̇ияад̇од̇и ‘‘ид̣̇ам̣ габбадтид̇ияавибаагам̣, ид̣̇ам̣ на габбадтид̇ияавибаага’’нд̇и звам̣ габбадтид̇ияавибхааг̇ад̇о. баагасаад̇хааран̣аад̣̇ийхийд̇и ‘‘ид̣̇амзд̇т̇а вибажжад̇и, ид̣̇ам̣ на вибажжад̇ий’’д̇и вибажжанавибхааг̇ад̇о, г̇ахадтабаб̣б̣аж̇ид̇аанам̣ саад̇хааран̣аасаад̇хааран̣ад̇о, аад̣̇и-сад̣̇д̣̇зна взд̣̇анаад̣̇ивибхааг̇ад̇о жа.
Kammatoti ‘‘evaṃ ānantariyakammaṃ hoti, evaṃ ānantariyakammasadisa’’nti evaṃ kammavibhāgato. Dvāratoti kāyadvārato. Kappaṭṭhitiyatoti ‘‘idaṃ kappaṭṭhitiyavipākaṃ, idaṃ na kappaṭṭhitiyavipāka’’nti evaṃ kappaṭṭhitiyavibhāgato. Pākasādhāraṇādīhīti ‘‘idamettha vipaccati, idaṃ na vipaccatī’’ti vipaccanavibhāgato, gahaṭṭhapabbajitānaṃ sādhāraṇāsādhāraṇato, ādi-saddena vedanādivibhāgato ca.
гаммад̇о д̇аава винижчаяо вужжад̇ийд̇и самб̣анд̇хо. яасмаа мануссад̇д̇абхаавз тид̇ассзва гусалад̇хаммаанам̣ д̇игкависад̣̇абхааваабад̇д̇и, яат̇аа д̇ин̣н̣ам̣ б̣од̇хисад̇д̇аанам̣ б̣од̇хид̇д̇аяаниб̣б̣ад̇д̇ияам̣, звам̣ мануссабхаавз тид̇ассзва зд̣̇исаанам̣ агусалад̇хаммаанамби д̇игкависад̣̇абхааваабад̇д̇ийд̇и ааха – ‘‘мануссабхууд̇ассзваа’’д̇и. баагад̇игамануссаанамби жа гусалад̇хаммаанам̣ висзсаббад̇д̇и вимаанавад̇т̇уадтагат̇ааяам̣ вуд̇д̇анаязнзва взд̣̇ид̇аб̣б̣аа. яат̇аавуд̇д̇о жа ад̇т̇о самаанаж̇аад̇ияасса вигобанз г̇аруд̇аро, на д̇ат̇аа виж̇аад̇ияассаад̇и вуд̇д̇ам̣ – ‘‘мануссабхууд̇ам̣ маад̇арам̣ ваа бид̇арам̣ ваа’’д̇и. лин̇г̇абаривад̇д̇з жа со зва згагамманиб̣б̣ад̇д̇о бхаван̇г̇аббаб̣анд̇хо ж̇ийвид̇инд̣̇рияабаб̣анд̇хо жа, на ан̃н̃од̇и ааха – ‘‘аби баривад̇д̇алин̇г̇а’’нд̇и. арахад̇д̇ам̣ бад̇д̇зби зсзва наяо. д̇асса вибааганд̇иаад̣̇и гаммасса аананд̇арияабхаавасамад̇т̇анам̣. жад̇уггодияан̃жзд̇т̇а самбхавад̇и. д̇ад̇т̇а батамаа годи д̣̇ассид̇аа, ид̇араасу висан̇гзд̇абхаавам̣ д̣̇ассзд̇ум̣ – ‘‘яо банаа’’д̇иаад̣̇и вуд̇д̇ам̣. яад̣̇иби д̇ад̇т̇а висан̇гзд̇о, гаммам̣ бана г̇аруд̇арам̣ аананд̇арияасад̣̇исам̣ бхааяид̇аб̣б̣анд̇и ааха – ‘‘бхаарияам̣…бз… д̇идтад̇ий’’д̇и. аяам̣ бан̃ход̇и н̃аабанижчааниб̣б̣ад̇д̇аа гат̇аа.
Kammato tāva vinicchayo vuccatīti sambandho. Yasmā manussattabhāve ṭhitasseva kusaladhammānaṃ tikkhavisadabhāvāpatti, yathā tiṇṇaṃ bodhisattānaṃ bodhittayanibbattiyaṃ, evaṃ manussabhāve ṭhitasseva edisānaṃ akusaladhammānampi tikkhavisadabhāvāpattīti āha – ‘‘manussabhūtassevā’’ti. Pākatikamanussānampi ca kusaladhammānaṃ visesappatti vimānavatthuaṭṭhakathāyaṃ vuttanayeneva veditabbā. Yathāvutto ca attho samānajātiyassa vikopane garutaro, na tathā vijātiyassāti vuttaṃ – ‘‘manussabhūtaṃ mātaraṃ vā pitaraṃ vā’’ti. Liṅgaparivatte ca so eva ekakammanibbatto bhavaṅgappabandho jīvitindriyapabandho ca, na aññoti āha – ‘‘api parivattaliṅga’’nti. Arahattaṃ pattepi eseva nayo. Tassa vipākantiādi kammassa ānantariyabhāvasamatthanaṃ. Catukkoṭiyañcettha sambhavati. Tattha paṭhamā koṭi dassitā, itarāsu visaṅketabhāvaṃ dassetuṃ – ‘‘yo panā’’tiādi vuttaṃ. Yadipi tattha visaṅketo, kammaṃ pana garutaraṃ ānantariyasadisaṃ bhāyitabbanti āha – ‘‘bhāriyaṃ…pe… tiṭṭhatī’’ti. Ayaṃ pañhoti ñāpanicchānibbattā kathā.
абхисанд̇хинаад̇и ад̇хиббааязна. аананд̇арияам̣ пусад̇ийд̇и маран̣аад̇хиббааязнзва аананд̇арияавад̇т̇уно вигобид̇ад̇д̇аа вуд̇д̇ам̣. аананд̇арияам̣ на пусад̇ийд̇и аананд̇арияавад̇т̇уабхаавад̇о аананд̇арияам̣ на ход̇и. саб̣б̣ад̇т̇а хи буримам̣ абхисанд̇хижид̇д̇ам̣ аббамаан̣ам̣, вад̇хагажид̇д̇ам̣ бана д̇ад̣̇аарамман̣ам̣ ж̇ийвид̇инд̣̇рияан̃жа аананд̇арияабхаавз бамаан̣анд̇и д̣̇адтаб̣б̣ам̣. сан̇г̇аамажад̇уггам̣ самбад̇д̇авасзна яож̇зд̇аб̣б̣ам̣. яо хи барасзнааяа ан̃н̃ан̃жа яод̇хам̣ бид̇аран̃жа гаммам̣ гаронд̇з д̣̇исваа яод̇хасса усум̣ кибад̇и ‘‘зд̇ам̣ виж̇жхид̇ваа мама бид̇арам̣ виж̇жхиссад̇ий’’д̇и, яат̇аад̇хиббааяам̣ г̇ад̇з бид̇угхаад̇аго ход̇и. ‘‘яод̇хз вид̣̇д̇хз мама бид̇аа балааяиссад̇ий’’д̇и кибад̇и, усум̣ аяат̇аад̇хиббааяам̣ г̇анд̇ваа бид̇арам̣ маарзд̇и, вохааравасзна бид̇угхаад̇агод̇и вужжад̇и, аананд̇арияам̣ бана над̇т̇ийд̇и. жоражад̇уггам̣ бана яо ‘‘жорам̣ маарзссаамий’’д̇и жоравзсзна г̇ажчанд̇ам̣ бид̇арам̣ маарзд̇и, аананд̇арияам̣ пусад̇ийд̇иаад̣̇инаа яож̇зд̇аб̣б̣ам̣. д̇знзваад̇и д̇знзва баяог̇зна. араханд̇агхаад̇аго ход̇иязваад̇и арахад̇о маарид̇ад̇д̇аа вуд̇д̇ам̣, бут̇уж̇ж̇анассзва д̇ам̣ д̣̇иннам̣ ход̇ийд̇и зд̇т̇ааяамад̇хиббааяо – яат̇аа вад̇хагажзд̇анаа бажжуббаннаарамман̣ааби баб̣анд̇хавижчзд̣̇анавасзна ж̇ийвид̇инд̣̇рияам̣ аарамман̣ам̣ гад̇ваа бавад̇д̇ад̇и, на звам̣ жааг̇ажзд̇анаа. саа хи жаж̇ид̇аб̣б̣авад̇т̇ум̣ аарамман̣ам̣ гад̇ваа жаж̇анамад̇д̇амзва ход̇и, ан̃н̃асанд̇агабхаавагаран̣ан̃жа д̇асса жаж̇анам̣, д̇асмаа яасса д̇ам̣ санд̇агам̣ гад̇ам̣, д̇ассзва д̣̇иннам̣ ход̇ийд̇и.
Abhisandhināti adhippāyena. Ānantariyaṃ phusatīti maraṇādhippāyeneva ānantariyavatthuno vikopitattā vuttaṃ. Ānantariyaṃ na phusatīti ānantariyavatthuabhāvato ānantariyaṃ na hoti. Sabbattha hi purimaṃ abhisandhicittaṃ appamāṇaṃ, vadhakacittaṃ pana tadārammaṇaṃ jīvitindriyañca ānantariyabhāve pamāṇanti daṭṭhabbaṃ. Saṅgāmacatukkaṃ sampattavasena yojetabbaṃ. Yo hi parasenāya aññañca yodhaṃ pitarañca kammaṃ karonte disvā yodhassa usuṃ khipati ‘‘etaṃ vijjhitvā mama pitaraṃ vijjhissatī’’ti, yathādhippāyaṃ gate pitughātako hoti. ‘‘Yodhe viddhe mama pitā palāyissatī’’ti khipati, usuṃ ayathādhippāyaṃ gantvā pitaraṃ māreti, vohāravasena pitughātakoti vuccati, ānantariyaṃ pana natthīti. Coracatukkaṃ pana yo ‘‘coraṃ māressāmī’’ti coravesena gacchantaṃ pitaraṃ māreti, ānantariyaṃ phusatītiādinā yojetabbaṃ. Tenevāti teneva payogena. Arahantaghātako hotiyevāti arahato māritattā vuttaṃ, puthujjanasseva taṃ dinnaṃ hotīti etthāyamadhippāyo – yathā vadhakacetanā paccuppannārammaṇāpi pabandhavicchedanavasena jīvitindriyaṃ ārammaṇaṃ katvā pavattati, na evaṃ cāgacetanā. Sā hi cajitabbavatthuṃ ārammaṇaṃ katvā cajanamattameva hoti, aññasantakabhāvakaraṇañca tassa cajanaṃ, tasmā yassa taṃ santakaṃ kataṃ, tasseva dinnaṃ hotīti.
лохид̇ам̣ самосарад̇ийд̇и абхигхаад̇зна багуббамаанам̣ сан̃жид̇ам̣ ход̇и. маханд̇ад̇аранд̇и г̇аруд̇арам̣. сарийраббадиж̇аг̇г̇анз вияаад̇и сад̇т̇уруубагааяаббадиж̇аг̇г̇анз вияа.
Lohitaṃsamosaratīti abhighātena pakuppamānaṃ sañcitaṃ hoti. Mahantataranti garutaraṃ. Sarīrappaṭijaggane viyāti satthurūpakāyappaṭijaggane viya.
асаннибад̇ид̇зд̇и ид̣̇ам̣ саамаг̇г̇ияад̣̇ийбанам̣. бхзд̣̇о жа ход̇ийд̇и сан̇гхасса бхзд̣̇о жа ход̇и. ваддад̇ийд̇и сан̃н̃ааяаад̇и ‘‘ийд̣̇исам̣ гаран̣ам̣ сан̇гхабхзд̣̇ааяа на ход̇ий’’д̇и сан̃н̃ааяа. д̇ат̇аа навад̇о уунабарисааяаад̇и навад̇о уунабарисааяа гаронд̇асса д̇ат̇аад̇и яож̇зд̇аб̣б̣ам̣. д̇ат̇аад̇и жа иминаа ‘‘на аананд̇арияагамма’’нд̇и имам̣ аагад̣дхад̇и, на бана ‘‘бхзд̣̇ова ход̇ий’’д̇и ид̣̇ам̣. хздтиманд̇зна хи наваннамзва васзна сан̇гхабхзд̣̇о. д̇хаммаваад̣̇ино анаваж̇ж̇аад̇и яат̇аад̇хаммам̣ анавадтаанад̇о. сан̇гхабхзд̣̇асса буб̣б̣абхааг̇о сан̇гхарааж̇и.
Asannipatiteti idaṃ sāmaggiyadīpanaṃ. Bhedo ca hotīti saṅghassa bhedo ca hoti. Vaṭṭatīti saññāyāti ‘‘īdisaṃ karaṇaṃ saṅghabhedāya na hotī’’ti saññāya. Tathā navato ūnaparisāyāti navato ūnaparisāya karontassa tathāti yojetabbaṃ. Tathāti ca iminā ‘‘na ānantariyakamma’’nti imaṃ ākaḍḍhati, na pana ‘‘bhedova hotī’’ti idaṃ. Heṭṭhimantena hi navannameva vasena saṅghabhedo. Dhammavādino anavajjāti yathādhammaṃ anavaṭṭhānato. Saṅghabhedassa pubbabhāgo saṅgharāji.
гааяад̣̇ваарамзва буурзнд̇и гааяагаммабхаавзнзва лагкид̇аб̣б̣ад̇о. сан̣таханд̇зхи габбз…бз… мужжад̇ийд̇и ид̣̇ам̣ габбадтагат̇ааяа (гат̇аа. 654 аад̣̇аяо) на самзд̇и. д̇ад̇т̇а хи адтагат̇ааяа (гат̇аа. адта. 654-657) вуд̇д̇ам̣ – ‘‘аабааяигод̇и ид̣̇ам̣ суд̇д̇ам̣ яам̣ со згам̣ габбам̣ асийд̇ибхааг̇з гад̇ваа д̇ад̇о згабхааг̇амад̇д̇ам̣ гаалам̣ д̇идтзяяа, д̇ам̣ ааяугаббам̣ санд̇хааяа вуд̇д̇а’’нд̇и. габбавинаасзязваад̇и жа ааяугаббавинаасз зваад̇и ад̇т̇з сад̇и над̇т̇и вирод̇хо. зд̇т̇а жа сан̣таханд̇зд̇и ид̣̇амби ‘‘свзва винассиссад̇ий’’д̇и вияа абхууд̇абаригаббавасзна вуд̇д̇ам̣. згад̣̇ивасамзва нираяз бажжад̇и, д̇ад̇о барам̣ габбаабхаавз ааяугаббассаби абхаавад̇од̇и авирод̇хад̇о ад̇т̇аяож̇анаа д̣̇адтаб̣б̣аа. сзсаанийд̇и сан̇гхабхзд̣̇ад̇о ан̃н̃аани аананд̇арияагаммаани.
Kāyadvārameva pūrenti kāyakammabhāveneva lakkhitabbato. Saṇṭhahantehi kappe…pe… muccatīti idaṃ kappaṭṭhakathāya (kathā. 654 ādayo) na sameti. Tattha hi aṭṭhakathāya (kathā. aṭṭha. 654-657) vuttaṃ – ‘‘āpāyikoti idaṃ suttaṃ yaṃ so ekaṃ kappaṃ asītibhāge katvā tato ekabhāgamattaṃ kālaṃ tiṭṭheyya, taṃ āyukappaṃ sandhāya vutta’’nti. Kappavināseyevāti ca āyukappavināse evāti atthe sati natthi virodho. Ettha ca saṇṭhahanteti idampi ‘‘sveva vinassissatī’’ti viya abhūtaparikappavasena vuttaṃ. Ekadivasameva niraye paccati, tato paraṃ kappābhāve āyukappassapi abhāvatoti avirodhato atthayojanā daṭṭhabbā. Sesānīti saṅghabhedato aññāni ānantariyakammāni.
яад̣̇и д̇аани ахосигаммасан̇кам̣ г̇ажчанд̇и, звам̣ сад̇и гат̇ам̣ нзсам̣ аананд̇арияад̇аа жуд̇иананд̇арам̣ вибаагад̣̇аанаабхаавад̇о. ат̇а сад̇и палад̣̇аанз жуд̇иананд̇аро зва зд̇зсам̣ палагаало, на ан̃н̃од̇и палагааланияамзна нияад̇ад̇аа ижчид̇аа, на палад̣̇аананияамзна. звамби нияад̇апалагаалаанам̣ ан̃н̃зсамби убабаж̇ж̇авзд̣̇анийяаанам̣ д̣̇идтад̇хаммавзд̣̇анийяаанан̃жа нияад̇ад̇аа аабаж̇ж̇зяяа, д̇асмаа вибаагад̇хаммад̇хаммаанам̣ бажжаяанд̇аравигалад̇аад̣̇ийхи авибажжамаанаанамби ад̇д̇ано сабхаавзна вибаагад̇хаммад̇аа вияа б̣алавад̇аа аананд̇ариязна вибаагз д̣̇иннз авибажжамаанаанамби аананд̇арияаанам̣ палад̣̇аанз нияад̇асабхааваа аананд̇арияасабхааваа жа бавад̇д̇ийд̇и ад̇д̇ано сабхаавзна палад̣̇аананияамзнзва нияад̇аа аананд̇арияад̇аа жа взд̣̇ид̇аб̣б̣аа. авассан̃жа аананд̇арияасабхааваа д̇ад̇о зва нияад̇асабхааваа жа д̇зсам̣ бавад̇д̇ийд̇и самбадижчид̇аб̣б̣амзд̇ам̣, ан̃н̃асса б̣алавад̇о аананд̇арияасса абхаавз сад̇и жуд̇иананд̇арам̣ зганд̇зна палад̣̇аанад̇о.
Yadi tāni ahosikammasaṅkhaṃ gacchanti, evaṃ sati kathaṃ nesaṃ ānantariyatā cutianantaraṃ vipākadānābhāvato. Atha sati phaladāne cutianantaro eva etesaṃ phalakālo, na aññoti phalakālaniyamena niyatatā icchitā, na phaladānaniyamena. Evampi niyataphalakālānaṃ aññesampi upapajjavedanīyānaṃ diṭṭhadhammavedanīyānañca niyatatā āpajjeyya, tasmā vipākadhammadhammānaṃ paccayantaravikalatādīhi avipaccamānānampi attano sabhāvena vipākadhammatā viya balavatā ānantariyena vipāke dinne avipaccamānānampi ānantariyānaṃ phaladāne niyatasabhāvā ānantariyasabhāvā ca pavattīti attano sabhāvena phaladānaniyameneva niyatā ānantariyatā ca veditabbā. Avassañca ānantariyasabhāvā tato eva niyatasabhāvā ca tesaṃ pavattīti sampaṭicchitabbametaṃ, aññassa balavato ānantariyassa abhāve sati cutianantaraṃ ekantena phaladānato.
нану звам̣ ан̃н̃зсамби убабаж̇ж̇авзд̣̇анийяаанам̣ ан̃н̃асмим̣ вибаагад̣̇ааяагз асад̇и жуд̇иананд̇арамзва зганд̇зна палад̣̇аанад̇о нияад̇асабхааваа аананд̇арияасабхааваа жа бавад̇д̇и аабаж̇ж̇ад̇ийд̇и? наабаж̇ж̇ад̇и асамаанаж̇аад̇игзна жзд̇обан̣ид̇хивасзна убагхаад̇агзна жа нивад̇д̇зд̇аб̣б̣авибаагад̇д̇аа ананд̇арз зганд̇апалад̣̇ааяагад̇д̇аабхааваа, на бана аананд̇арияаанам̣ батамаж̇жхаанаад̣̇ийнам̣ д̣̇уд̇ияаж̇жхаанаад̣̇ийни вияа асамаанаж̇аад̇игам̣ паланивад̇д̇агам̣ ад̇т̇и саб̣б̣аананд̇арияаанам̣ авийжипалад̇д̇аа, на жа хздтуубабад̇д̇им̣ ижчад̇о сийлавад̇о жзд̇обан̣ид̇хи вияа убаруубабад̇д̇иж̇анагагаммапалам̣ аананд̇арияапалам̣ нивад̇д̇зд̇ум̣ самад̇т̇о жзд̇обан̣ид̇хи ад̇т̇и анижчанд̇ассзва авийжибаад̇анад̇о, на жа аананд̇арияобагхаад̇агам̣ гин̃жи гаммам̣ ад̇т̇и, д̇асмаа д̇зсам̣язва ананд̇арз зганд̇авибаагаж̇анагасабхааваа бавад̇д̇ийд̇и. анзгаани жа аананд̇арияаани гад̇аани зганд̇зна вибаагз нияад̇асабхаавад̇д̇аа убарад̇аавибажжанасабхааваасан̇гад̇д̇аа нижчид̇аани сабхаавад̇о нияад̇аанзва. д̇зсу бана самаанасабхаавзсу згзна вибаагз д̣̇иннз ид̇араани ад̇д̇анаа гад̇д̇аб̣б̣агижжасса д̇знзва гад̇ад̇д̇аа на д̣̇уд̇ияам̣ д̇ад̇ияамби жа бадисанд̇хим̣ гаронд̇и, на самад̇т̇ад̇аавигхаад̇ад̇д̇аад̇и над̇т̇и д̇зсам̣ аананд̇арияагад̇аанивад̇д̇и, г̇аруг̇аруд̇арабхааво бана д̇зсам̣ лаб̣бхад̇зваад̇и сан̇гхабхзд̣̇асса сияаа г̇аруд̇арабхаавод̇и ‘‘язна…бз… вибажжад̇ий’’д̇и ааха. згасса бана ан̃н̃аани убад̇т̇амбхагаани хонд̇ийд̇и д̣̇адтаб̣б̣аани. бадисанд̇хивасзна вибажжад̇ийд̇и важанзна ид̇арзсам̣ бавад̇д̇ивибаагад̣̇ааяид̇аа анун̃н̃аад̇аа вияа д̣̇иссад̇и. но ваа д̇ат̇аа сийлавад̇ийд̇и яат̇аа бид̇аа сийлаваа, д̇ат̇аа сийлавад̇ий но ваа ход̇ийд̇и яож̇анаа. сажз маад̇аа сийлавад̇ий, маад̇угхаад̇о бадисанд̇хивасзна вибажжад̇ийд̇и яож̇анаа.
Nanu evaṃ aññesampi upapajjavedanīyānaṃ aññasmiṃ vipākadāyake asati cutianantarameva ekantena phaladānato niyatasabhāvā ānantariyasabhāvā ca pavatti āpajjatīti? Nāpajjati asamānajātikena cetopaṇidhivasena upaghātakena ca nivattetabbavipākattā anantare ekantaphaladāyakattābhāvā, na pana ānantariyānaṃ paṭhamajjhānādīnaṃ dutiyajjhānādīni viya asamānajātikaṃ phalanivattakaṃ atthi sabbānantariyānaṃ avīciphalattā, na ca heṭṭhūpapattiṃ icchato sīlavato cetopaṇidhi viya uparūpapattijanakakammaphalaṃ ānantariyaphalaṃ nivattetuṃ samattho cetopaṇidhi atthi anicchantasseva avīcipātanato, na ca ānantariyopaghātakaṃ kiñci kammaṃ atthi, tasmā tesaṃyeva anantare ekantavipākajanakasabhāvā pavattīti. Anekāni ca ānantariyāni katāni ekantena vipāke niyatasabhāvattā uparatāvipaccanasabhāvāsaṅkattā nicchitāni sabhāvato niyatāneva. Tesu pana samānasabhāvesu ekena vipāke dinne itarāni attanā kattabbakiccassa teneva katattā na dutiyaṃ tatiyampi ca paṭisandhiṃ karonti, na samatthatāvighātattāti natthi tesaṃ ānantariyakatānivatti, garugarutarabhāvo pana tesaṃ labbhatevāti saṅghabhedassa siyā garutarabhāvoti ‘‘yena…pe… vipaccatī’’ti āha. Ekassa pana aññāni upatthambhakāni hontīti daṭṭhabbāni. Paṭisandhivasena vipaccatīti vacanena itaresaṃ pavattivipākadāyitā anuññātā viya dissati. No vā tathā sīlavatīti yathā pitā sīlavā, tathā sīlavatī no vā hotīti yojanā. Sace mātā sīlavatī, mātughāto paṭisandhivasena vipaccatīti yojanā.
багад̇ад̇д̇од̇и анугкид̇д̇о. самаанасам̣ваасагод̇и абаарааж̇иго. самаанасиймааяанд̇и згасиймааяам̣.
Pakatattoti anukkhitto. Samānasaṃvāsakoti apārājiko. Samānasīmāyanti ekasīmāyaṃ.
276. сад̇т̇у гижжам̣ гаад̇ум̣ асамад̇т̇од̇и яам̣ сад̇т̇аараа гаад̇аб̣б̣агижжам̣ анусаасанаад̣̇и, нам̣ гаад̇ум̣ асамад̇т̇од̇и бхаг̇аванд̇ам̣ бажжагкааяа. ан̃н̃ам̣ д̇ид̇т̇агаранд̇и ан̃н̃ам̣ сад̇т̇аарам̣. вуд̇д̇ан̃хзд̇ам̣ –
276.Satthu kiccaṃ kātuṃ asamatthoti yaṃ satthārā kātabbakiccaṃ anusāsanādi, naṃ kātuṃ asamatthoti bhagavantaṃ paccakkhāya. Aññaṃ titthakaranti aññaṃ satthāraṃ. Vuttañhetaṃ –
‘‘д̇ид̇т̇ам̣ ж̇аанид̇аб̣б̣ам̣, д̇ид̇т̇агаро ж̇аанид̇аб̣б̣о, д̇ид̇т̇ияаа ж̇аанид̇аб̣б̣аа, д̇ид̇т̇ияасаавагаа ж̇аанид̇аб̣б̣аа. д̇ад̇т̇а д̇ид̇т̇ам̣ наама д̣̇ваасадти д̣̇идтияо. зд̇т̇а хи сад̇т̇аа д̇аранд̇и ублаванд̇и уммуж̇ж̇анимуж̇ж̇ам̣ гаронд̇и, д̇асмаа д̇ид̇т̇анд̇и вужжанд̇и. д̇аад̣̇исаанам̣ д̣̇идтийнам̣ уббаад̣̇зд̇аа д̇ид̇т̇агаро наама бууран̣агассабаад̣̇иго. д̇асса лад̣̇д̇хим̣ г̇ахзд̇ваа баб̣б̣аж̇ид̇аа д̇ид̇т̇ияаа наама. д̇з хи д̇ид̇т̇з ж̇аад̇аад̇и д̇ид̇т̇ияаа. яат̇аавуд̇д̇ам̣ ваа д̣̇идтиг̇ад̇асан̇каад̇ам̣ д̇ид̇т̇ам̣ зд̇зсам̣ ад̇т̇ийд̇и д̇ид̇т̇игаа , д̇ид̇т̇игаа зва д̇ид̇т̇ияаа. д̇зсам̣ бажжаяад̣̇ааяагаа д̇ид̇т̇ияасаавагаад̇и взд̣̇ид̇аб̣б̣аа’’д̇и (ма. ни. адта. 1.140).
‘‘Titthaṃ jānitabbaṃ, titthakaro jānitabbo, titthiyā jānitabbā, titthiyasāvakā jānitabbā. Tattha titthaṃ nāma dvāsaṭṭhi diṭṭhiyo. Ettha hi satthā taranti uplavanti ummujjanimujjaṃ karonti, tasmā titthanti vuccanti. Tādisānaṃ diṭṭhīnaṃ uppādetā titthakaro nāma pūraṇakassapādiko. Tassa laddhiṃ gahetvā pabbajitā titthiyā nāma. Te hi titthe jātāti titthiyā. Yathāvuttaṃ vā diṭṭhigatasaṅkhātaṃ titthaṃ etesaṃ atthīti titthikā , titthikā eva titthiyā. Tesaṃ paccayadāyakā titthiyasāvakāti veditabbā’’ti (ma. ni. aṭṭha. 1.140).
277. абхиж̇аад̇иаад̣̇ийсу багамбанад̣̇звад̇уубасан̇гаманаад̣̇инаа ж̇аад̇ажаггаваал̣зна самаанаяог̇агкамам̣ д̣̇асасахассабаримаан̣ам̣ жаггаваал̣ам̣ ж̇аад̇икзд̇д̇ам̣. сарасзнзва аан̣аабавад̇д̇анадтаанам̣ аан̣аакзд̇д̇ам̣. висаяабхууд̇ам̣ таанам̣ висаяакзд̇д̇ам̣. д̣̇асасахассий логад̇хаад̇ууд̇и имааяа логад̇хаад̇уяаа сад̣̇д̇хим̣ имам̣ логад̇хаад̇ум̣ бариваарзд̇ваа тид̇аа д̣̇асасахассий логад̇хаад̇у. д̇ад̇д̇агаанам̣язва ж̇аад̇икзд̇д̇абхааво д̇хаммад̇аавасзна взд̣̇ид̇аб̣б̣о. ‘‘бариг̇г̇ахавасзнаа’’д̇и гзжи, ‘‘саб̣б̣зсам̣язва б̣уд̣̇д̇хаанам̣ д̇ад̇д̇агам̣язва ж̇аад̇икзд̇д̇ам̣ д̇анниваасийнам̣язва д̣̇звад̇аанам̣ д̇хаммаабхисамаяо’’д̇и жа вад̣̇анд̇и. маад̇угужчи оггаманагаалаад̣̇ийнам̣ чаннам̣ зва г̇ахан̣ам̣ нид̣̇ассанамад̇д̇ам̣ махаабхинийхаараад̣̇игаалзби д̇асса багамбанасса лаб̣бханад̇о. аан̣аакзд̇д̇ам̣ наама яам̣ згаж̇жхам̣ сам̣ваддад̇и виваддад̇и жа, аан̣аа бавад̇д̇ад̇и аан̣ааяа д̇анниваасид̣̇звад̇аанам̣ сирасаа самбадижчанзна, д̇ан̃жа ко гзвалам̣ б̣уд̣̇д̇хаанам̣ аанубхаавзнзва, на ад̇хиббааяавасзна. ад̇хиббааяавасзна бана ‘‘яаавад̇аа ваа бана ааган̇кзяяаа’’д̇и (а. ни. 3.81) важанад̇о д̇ад̇о барамби аан̣аа вад̇д̇зяязва.
277. Abhijātiādīsu pakampanadevatūpasaṅkamanādinā jātacakkavāḷena samānayogakkhamaṃ dasasahassaparimāṇaṃ cakkavāḷaṃ jātikhettaṃ. Saraseneva āṇāpavattanaṭṭhānaṃ āṇākhettaṃ. Visayabhūtaṃ ṭhānaṃ visayakhettaṃ. Dasasahassī lokadhātūti imāya lokadhātuyā saddhiṃ imaṃ lokadhātuṃ parivāretvā ṭhitā dasasahassī lokadhātu. Tattakānaṃyeva jātikhettabhāvo dhammatāvasena veditabbo. ‘‘Pariggahavasenā’’ti keci, ‘‘sabbesaṃyeva buddhānaṃ tattakaṃyeva jātikhettaṃ tannivāsīnaṃyeva devatānaṃ dhammābhisamayo’’ti ca vadanti. Mātukucchi okkamanakālādīnaṃ channaṃ eva gahaṇaṃ nidassanamattaṃ mahābhinīhārādikālepi tassa pakampanassa labbhanato. Āṇākhettaṃ nāma yaṃ ekajjhaṃ saṃvaṭṭati vivaṭṭati ca, āṇā pavattati āṇāya tannivāsidevatānaṃ sirasā sampaṭicchanena, tañca kho kevalaṃ buddhānaṃ ānubhāveneva, na adhippāyavasena. Adhippāyavasena pana ‘‘yāvatā vā pana ākaṅkheyyā’’ti (a. ni. 3.81) vacanato tato parampi āṇā vatteyyeva.
на уббаж̇ж̇анд̇ийд̇и бана ад̇т̇ийд̇и ‘‘на мз аажарияо ад̇т̇и, сад̣̇исо мз на виж̇ж̇ад̇ий’’д̇иаад̣̇им̣ (ма. ни. 1.285; махаава. 11; гат̇аа. 405) имиссаа логад̇хаад̇уяаа тад̇ваа вад̣̇анд̇зна бхаг̇авад̇аа ‘‘гим̣ банаавусо, саарибуд̇д̇а, ад̇т̇зд̇арахи ан̃н̃з саман̣аа ваа б̣раахман̣аа ваа бхаг̇авад̇аа самасамаа самб̣од̇хияанд̇и, звам̣ будто ахам̣, бханд̇з, ‘но’д̇и вад̣̇зяяа’’нд̇и (д̣̇ий. ни. 3.161) вад̇ваа д̇асса гааран̣ам̣ д̣̇ассзд̇ум̣ – ‘‘адтаанамзд̇ам̣ анавагаасо, яам̣ згиссаа логад̇хаад̇уяаа д̣̇вз араханд̇о саммаасамб̣уд̣̇д̇хаа абуб̣б̣ам̣ ажаримам̣ уббаж̇ж̇зяяу’’нд̇и имам̣ суд̇д̇ам̣ (а. ни. 1.277; вибха. 809; ма. ни. 3.129; ми. ба. 5.1.1) аахаранд̇зна д̇хаммасзнаабад̇инаа жа б̣уд̣̇д̇хакзд̇д̇абхууд̇ам̣ имам̣ логад̇хаад̇ум̣ табзд̇ваа ан̃н̃ад̇т̇а ануббад̇д̇и вуд̇д̇аа ход̇ийд̇и ад̇хиббааяо.
Na uppajjantīti pana atthīti ‘‘na me ācariyo atthi, sadiso me na vijjatī’’tiādiṃ (ma. ni. 1.285; mahāva. 11; kathā. 405) imissā lokadhātuyā ṭhatvā vadantena bhagavatā ‘‘kiṃ panāvuso, sāriputta, atthetarahi aññe samaṇā vā brāhmaṇā vā bhagavatā samasamā sambodhiyanti, evaṃ puṭṭho ahaṃ, bhante, ‘no’ti vadeyya’’nti (dī. ni. 3.161) vatvā tassa kāraṇaṃ dassetuṃ – ‘‘aṭṭhānametaṃ anavakāso, yaṃ ekissā lokadhātuyā dve arahanto sammāsambuddhā apubbaṃ acarimaṃ uppajjeyyu’’nti imaṃ suttaṃ (a. ni. 1.277; vibha. 809; ma. ni. 3.129; mi. pa. 5.1.1) āharantena dhammasenāpatinā ca buddhakhettabhūtaṃ imaṃ lokadhātuṃ ṭhapetvā aññattha anuppatti vuttā hotīti adhippāyo.
згад̇од̇и саха, згасмим̣ гаалзд̇и ад̇т̇о, со бана гаало гат̇ам̣ барижчиннод̇и жаримабхавз бадисанд̇хиг̇г̇ахан̣ад̇о бадтааяа яаава д̇хаад̇убариниб̣б̣аанаад̇и д̣̇ассзнд̇о, ‘‘д̇ад̇т̇аа’’д̇иаад̣̇имааха. анажчарияад̇д̇аад̇и д̣̇вийсуби уббаж̇ж̇амаанзсу ажчарияад̇д̇аабхаавад̇од̇и ад̇т̇о. д̣̇вийсуби уббаж̇ж̇амаанзсу анажчарияад̇аа, гиман̇г̇ам̣ бана б̣ахуусууд̇и д̣̇ассзнд̇о, ‘‘яад̣̇и жаа’’д̇иаад̣̇имааха. б̣уд̣̇д̇хаа наама маж̇жхз бхиннасуван̣н̣ам̣ вияа згасад̣̇исаад̇и д̇зсам̣ д̣̇зсанааби згарасаа згад̇хаад̇и ааха – ‘‘д̣̇зсанааяа жа висзсаабхаавад̇о’’д̇и . зд̇знаби анажчарияад̇д̇амзва саад̇хзд̇и. виваад̣̇абхаавад̇од̇и зд̇зна виваад̣̇аабхаавад̇т̇ам̣ д̣̇вз б̣уд̣̇д̇хаа згад̇о на уббаж̇ж̇анд̇ийд̇и д̣̇ассзд̇и. зд̇ам̣ гааран̣анд̇и зд̇ам̣ анажчарияад̇аад̣̇игааран̣ам̣. д̇ад̇т̇аад̇и милинд̣̇абан̃хз.
Ekatoti saha, ekasmiṃ kāleti attho, so pana kālo kathaṃ paricchinnoti carimabhave paṭisandhiggahaṇato paṭṭhāya yāva dhātuparinibbānāti dassento, ‘‘tatthā’’tiādimāha. Anacchariyattāti dvīsupi uppajjamānesu acchariyattābhāvatoti attho. Dvīsupi uppajjamānesu anacchariyatā, kimaṅgaṃ pana bahūsūti dassento, ‘‘yadi cā’’tiādimāha. Buddhā nāma majjhe bhinnasuvaṇṇaṃ viya ekasadisāti tesaṃ desanāpi ekarasā ekadhāti āha – ‘‘desanāya ca visesābhāvato’’ti . Etenapi anacchariyattameva sādheti. Vivādabhāvatoti etena vivādābhāvatthaṃ dve buddhā ekato na uppajjantīti dasseti. Etaṃ kāraṇanti etaṃ anacchariyatādikāraṇaṃ. Tatthāti milindapañhe.
згам̣ зва б̣уд̣̇д̇хам̣ д̇хаарзд̇ийд̇и згаб̣уд̣̇д̇хад̇хааран̣ий. зд̇зна звам̣сабхааваа зд̇з б̣уд̣̇д̇хаг̇ун̣аа, язна д̣̇уд̇ияаб̣уд̣̇д̇хаг̇ун̣з д̇хаарзд̇ум̣ асамад̇т̇аа аяам̣ логад̇хаад̇ууд̇и д̣̇ассзд̇и. бажжаяависзсанибпаннаанан̃хи г̇ун̣ад̇хаммаанам̣ бхаарияо висзсо махаабат̇авияааби д̣̇уссаход̇и саггаа вин̃н̃аад̇ум̣. д̇ат̇аа хи абхисамб̣од̇хисамаяз убаг̇ад̇асса логанаат̇асса г̇ун̣абхаарам̣ б̣од̇хиругкасса д̇ийсуби д̣̇исаасу махаабат̇авий санд̇хаарзд̇ум̣ наасагки. д̇асмаа ‘‘на д̇хаарзяяаа’’д̇и вад̇ваа д̇амзва ад̇хааран̣ам̣ барияааяанд̇арзхи багаасзнд̇о ‘‘жалзяяаа’’д̇иаад̣̇имааха. д̇ад̇т̇а жалзяяаад̇и барибпанд̣̇зяяа. гамбзяяаад̇и бавзд̇хзяяа . намзяяаад̇и згабассзна намзяяа. онамзяяаад̇и осийд̣̇зяяа. винамзяяаад̇и вивид̇хам̣ ид̇о жид̇о жа намзяяа. вигирзяяаад̇и ваад̇зна т̇усамудти вияа виббагирзяяа. вид̇хамзяяаад̇и винассзяяа. вид̣̇д̇хам̣сзяяаад̇и саб̣б̣асо вид̣̇д̇хасд̇аа бхавзяяа. д̇ат̇аабхууд̇аа жа на гад̇т̇ажи д̇идтзяяаад̇и ааха – ‘‘на таанамубаг̇ажчзяяаа’’д̇и.
Ekaṃ eva buddhaṃ dhāretīti ekabuddhadhāraṇī. Etena evaṃsabhāvā ete buddhaguṇā, yena dutiyabuddhaguṇe dhāretuṃ asamatthā ayaṃ lokadhātūti dasseti. Paccayavisesanipphannānañhi guṇadhammānaṃ bhāriyo viseso mahāpathaviyāpi dussahoti sakkā viññātuṃ. Tathā hi abhisambodhisamaye upagatassa lokanāthassa guṇabhāraṃ bodhirukkhassa tīsupi disāsu mahāpathavī sandhāretuṃ nāsakkhi. Tasmā ‘‘na dhāreyyā’’ti vatvā tameva adhāraṇaṃ pariyāyantarehi pakāsento ‘‘caleyyā’’tiādimāha. Tattha caleyyāti paripphandeyya. Kampeyyāti pavedheyya . Nameyyāti ekapassena nameyya. Onameyyāti osīdeyya. Vinameyyāti vividhaṃ ito cito ca nameyya. Vikireyyāti vātena thusamuṭṭhi viya vippakireyya. Vidhameyyāti vinasseyya. Viddhaṃseyyāti sabbaso viddhastā bhaveyya. Tathābhūtā ca na katthaci tiṭṭheyyāti āha – ‘‘na ṭhānamupagaccheyyā’’ti.
ид̣̇аани д̇ад̇т̇а нид̣̇ассанам̣ д̣̇ассзнд̇о, ‘‘яат̇аа, махаарааж̇аа’’д̇иаад̣̇имааха. д̇ад̇т̇а згз бурисзд̇и згасмим̣ бурисз. самубаад̣̇игаад̇и самам̣ уд̣̇д̇хам̣ баж̇ж̇ад̇и бавад̇д̇ад̇ийд̇и самубаад̣̇игаа, уд̣̇агасса убари самам̣ г̇ааминийд̇и ад̇т̇о. ‘‘самуббаад̣̇игаа’’д̇иби батанд̇и, аяамзвад̇т̇о. ван̣н̣знаад̇и сан̣таанзна. бамаан̣знаад̇и аарохзна. гисат̇уулзнаад̇и гисат̇уулабхаавзна, барин̣аахзнаад̇и ад̇т̇о. д̣̇виннамбийд̇и д̣̇взби, д̣̇виннамби ваа сарийрабхаарам̣.
Idāni tattha nidassanaṃ dassento, ‘‘yathā, mahārājā’’tiādimāha. Tattha eke puriseti ekasmiṃ purise. Samupādikāti samaṃ uddhaṃ pajjati pavattatīti samupādikā, udakassa upari samaṃ gāminīti attho. ‘‘Samuppādikā’’tipi paṭhanti, ayamevattho. Vaṇṇenāti saṇṭhānena. Pamāṇenāti ārohena. Kisathūlenāti kisathūlabhāvena, pariṇāhenāti attho. Dvinnampīti dvepi, dvinnampi vā sarīrabhāraṃ.
чаад̣̇знд̇анд̇и рожзнд̇ам̣ ружим̣ уббаад̣̇знд̇ам̣. д̇анд̣̇игад̇од̇и д̇зна бхож̇анзна д̇анд̣̇ибхууд̇о. анонамид̇ад̣̇ан̣д̣аж̇аад̇од̇и яаавад̣̇ад̇т̇ам̣ бхож̇анзна онамид̇ум̣ асаггун̣зяяад̇ааяа анонаманад̣̇ан̣д̣о вияа ж̇аад̇о. сагим̣ бхуд̇д̇о вамзяяаад̇и згамби аалобам̣ аж̇жхохарид̇ваа вамзяяаад̇и ад̇т̇о.
Chādentanti rocentaṃ ruciṃ uppādentaṃ. Tandikatoti tena bhojanena tandibhūto. Anonamitadaṇḍajātoti yāvadatthaṃ bhojanena onamituṃ asakkuṇeyyatāya anonamanadaṇḍo viya jāto. Sakiṃ bhutto vameyyāti ekampi ālopaṃ ajjhoharitvā vameyyāti attho.
ад̇ид̇хаммабхаарзна бат̇авий жалад̇ийд̇и д̇хаммзна наама бат̇авий д̇идтзяяа. саа гим̣ д̇знзва жалад̇и винассад̇ийд̇и ад̇хиббааязна бужчад̇и. буна т̇зро ‘‘рад̇анам̣ наама логз гудумб̣ам̣ санд̇хаарзнд̇ам̣ абхимад̇ан̃жа логзна ад̇д̇ано г̇арусабхаавад̇ааяа сагадабхан̇г̇асса гааран̣ам̣ ад̇ибхаарабхууд̇ам̣ д̣̇идтам̣. звам̣ д̇хаммо жа хид̇асукависзсзхи д̇ам̣саман̇г̇ийнам̣ д̇хаарзнд̇о абхимад̇о жа вин̃н̃уунам̣ г̇амбхийраббамзяяабхаавзна г̇арусабхаавад̇д̇аа ад̇ибхаарабхууд̇о бат̇авийжаланасса гааран̣ам̣ ход̇ий’’д̇и д̣̇ассзнд̇о, ‘‘ид̇ха, махаарааж̇а, д̣̇вз сагадаа’’д̇иаад̣̇имааха . зд̇знзва д̇ат̇ааг̇ад̇асса маад̇угужчиоггаманаад̣̇игаалз бат̇авийгамбанагааран̣ам̣ сам̣ван̣н̣ид̇анд̇и д̣̇адтаб̣б̣ам̣. згассаад̇и згасмаа, згасса ваа сагадасса рад̇анам̣, д̇асмаа сагадаа г̇ахзд̇ваад̇и ад̇т̇о.
Atidhammabhārena pathavī calatīti dhammena nāma pathavī tiṭṭheyya. Sā kiṃ teneva calati vinassatīti adhippāyena pucchati. Puna thero ‘‘ratanaṃ nāma loke kuṭumbaṃ sandhārentaṃ abhimatañca lokena attano garusabhāvatāya sakaṭabhaṅgassa kāraṇaṃ atibhārabhūtaṃ diṭṭhaṃ. Evaṃ dhammo ca hitasukhavisesehi taṃsamaṅgīnaṃ dhārento abhimato ca viññūnaṃ gambhīrappameyyabhāvena garusabhāvattā atibhārabhūto pathavīcalanassa kāraṇaṃ hotī’’ti dassento, ‘‘idha, mahārāja, dve sakaṭā’’tiādimāha . Eteneva tathāgatassa mātukucchiokkamanādikāle pathavīkampanakāraṇaṃ saṃvaṇṇitanti daṭṭhabbaṃ. Ekassāti ekasmā, ekassa vā sakaṭassa ratanaṃ, tasmā sakaṭā gahetvāti attho.
осаарид̇анд̇и ужжаарид̇ам̣, вуд̇д̇анд̇и ад̇т̇о. аг̇г̇од̇и саб̣б̣асад̇д̇зхи аг̇г̇о. ж̇здтод̇и вуд̣̇д̇хад̇аро. сздтод̇и басад̇т̇ад̇аро. висидтзхи сийлаад̣̇ийхи г̇ун̣зхи саманнааг̇ад̇ад̇д̇аа висидто. уг̇г̇ад̇ад̇амод̇и уд̇д̇амо. баварод̇и д̇ассзва взважанам̣. над̇т̇и зд̇асса самод̇и асамо. асамаа буб̣б̣аб̣уд̣̇д̇хаа, д̇зхи самод̇и асамасамо. над̇т̇и зд̇асса бадисамо бадибуг̇г̇алод̇и аббадисамо. над̇т̇и зд̇асса бадибхааг̇од̇и аббадибхааг̇о. над̇т̇и зд̇асса бадибуг̇г̇алод̇и аббадибуг̇г̇ало.
Osāritanti uccāritaṃ, vuttanti attho. Aggoti sabbasattehi aggo. Jeṭṭhoti vuddhataro. Seṭṭhoti pasatthataro. Visiṭṭhehi sīlādīhi guṇehi samannāgatattā visiṭṭho. Uggatatamoti uttamo. Pavaroti tasseva vevacanaṃ. Natthi etassa samoti asamo. Asamā pubbabuddhā, tehi samoti asamasamo. Natthi etassa paṭisamo paṭipuggaloti appaṭisamo. Natthi etassa paṭibhāgoti appaṭibhāgo. Natthi etassa paṭipuggaloti appaṭipuggalo.
сабхаавабагад̇игаад̇и сабхаавабхууд̇аа агид̇д̇имаа багад̇и. гааран̣амаханд̇ад̇д̇аад̇и гааран̣аанам̣ маханд̇ад̇ааяа, маханд̇зхи б̣уд̣̇д̇хагарад̇хаммзхи баарамисан̇каад̇зхи гааран̣зхи б̣уд̣̇д̇хаг̇ун̣аанам̣ ниб̣б̣ад̇д̇ид̇од̇и вуд̇д̇ам̣ ход̇и. бат̇авийаад̣̇ийни маханд̇аани вад̇т̇ууни, маханд̇аа жаггаваал̣аад̣̇аяо ад̇д̇ано ад̇д̇ано висаяз згзгаава, звам̣ саммаасамб̣уд̣̇д̇хоби маханд̇о ад̇д̇ано висаяз зго зва. го жа д̇асса висаяо? б̣уд̣̇д̇хабхууми, яаавад̇агам̣ ваа н̃зяяам̣. ‘‘аагаасо вияа ананд̇ависаяо бхаг̇аваа зго зва ход̇ий’’д̇и вад̣̇анд̇о баражаггаваал̣зсуби д̣̇уд̇ияасса б̣уд̣̇д̇хасса абхаавам̣ д̣̇ассзд̇и.
Sabhāvapakatikāti sabhāvabhūtā akittimā pakati. Kāraṇamahantattāti kāraṇānaṃ mahantatāya, mahantehi buddhakaradhammehi pāramisaṅkhātehi kāraṇehi buddhaguṇānaṃ nibbattitoti vuttaṃ hoti. Pathavīādīni mahantāni vatthūni, mahantā cakkavāḷādayo attano attano visaye ekekāva, evaṃ sammāsambuddhopi mahanto attano visaye eko eva. Ko ca tassa visayo? Buddhabhūmi, yāvatakaṃ vā ñeyyaṃ. ‘‘Ākāso viya anantavisayo bhagavā eko eva hotī’’ti vadanto paracakkavāḷesupi dutiyassa buddhassa abhāvaṃ dasseti.
иминаава бад̣̇знаад̇и ‘‘згиссаа логад̇хаад̇уяаа’’д̇и иминаа зва бад̣̇зна. д̣̇аса жаггаваал̣асахассаани г̇ахид̇аанийд̇и ж̇аад̇икзд̇д̇аабзгкааяа г̇ахид̇аани. згажаггаваал̣знзваад̇и иминаа зва згажаггаваал̣зна, на язна гзнажи. яат̇аа ‘‘имасмим̣язва жаггаваал̣з уббаж̇ж̇анд̇ий’’д̇и вуд̇д̇з имасмимби жаггаваал̣з ж̇амб̣уд̣̇ийбз зва, д̇ад̇т̇ааби маж̇жхимад̣̇зсз зваад̇и барижчинд̣̇ид̇ум̣ ваддад̇и, звам̣ ‘‘згиссаа логад̇хаад̇уяаа’’д̇и ж̇аад̇икзд̇д̇з ад̇хиббзд̇зби иминаава жаггаваал̣зна барижчинд̣̇ид̇ум̣ ваддад̇и.
Imināva padenāti ‘‘ekissā lokadhātuyā’’ti iminā eva padena. Dasa cakkavāḷasahassāni gahitānīti jātikhettāpekkhāya gahitāni. Ekacakkavāḷenevāti iminā eva ekacakkavāḷena, na yena kenaci. Yathā ‘‘imasmiṃyeva cakkavāḷe uppajjantī’’ti vutte imasmimpi cakkavāḷe jambudīpe eva, tatthāpi majjhimadese evāti paricchindituṃ vaṭṭati, evaṃ ‘‘ekissā lokadhātuyā’’ti jātikhette adhippetepi imināva cakkavāḷena paricchindituṃ vaṭṭati.
батамаваг̇г̇аван̣н̣анаа нидтид̇аа.
Paṭhamavaggavaṇṇanā niṭṭhitā.
15. адтаанабаал̣и (д̣̇уд̇ияаваг̇г̇а)
15. Aṭṭhānapāḷi (dutiyavagga)
(15) 2. адтаанабаал̣и-д̣̇уд̇ияаваг̇г̇аван̣н̣анаа
(15) 2. Aṭṭhānapāḷi-dutiyavaggavaṇṇanā
278. виваад̣̇убажчзд̣̇ад̇од̇и виваад̣̇убажчзд̣̇агааран̣аа. д̣̇вийсу уббаннзсу яо виваад̣̇о бхавзяяа, д̇асса ануббаад̣̇оязвзд̇т̇а виваад̣̇убажчзд̣̇о. згасмим̣ д̣̇ийбзд̇иаад̣̇инаа д̣̇ийбанд̇арзби згаж̇жхам̣ на уббаж̇ж̇ад̇и, баг̇зва згад̣̇ийбзд̇и д̣̇ассзд̇и. соби барихааязт̇аад̇и жаггаваал̣асса бад̣̇зсз зва бавад̇д̇ид̇аб̣б̣ад̇д̇аа барихааязяяа.
278.Vivādupacchedatoti vivādupacchedakāraṇā. Dvīsu uppannesu yo vivādo bhaveyya, tassa anuppādoyevettha vivādupacchedo. Ekasmiṃ dīpetiādinā dīpantarepi ekajjhaṃ na uppajjati, pageva ekadīpeti dasseti. Sopi parihāyethāti cakkavāḷassa padese eva pavattitabbattā parihāyeyya.
279-280. мануссад̇д̇анд̇и мануссабхааво д̇ассзва баб̣б̣аж̇ж̇аад̣̇иг̇ун̣аанам̣ яог̇г̇абхаавад̇о. лин̇г̇асамбад̇д̇ийд̇и бурисабхааво. хзд̇ууд̇и мановажийбан̣ид̇хаанабуб̣б̣игаа хзд̇усамбад̣̇аа. сад̇т̇аарад̣̇ассананд̇и сад̇т̇усаммукийбхааво. баб̣б̣аж̇ж̇аад̇и гаммагирияаваад̣̇ийсу д̇аабасзсу, бхигкуусу ваа баб̣б̣аж̇ж̇аа. г̇ун̣асамбад̇д̇ийд̇и абхин̃н̃аад̣̇иг̇ун̣асамбад̣̇аа. ад̇хигаарод̇и б̣уд̣̇д̇хз уд̣̇д̣̇исса ад̇хиго гааро, сависзсаа убагаарагирияаа ад̇хиго саггаарод̇и вуд̇д̇ам̣ ход̇и. чанд̣̇ова чанд̣̇ад̇аа, саммаасамб̣од̇хим̣ уд̣̇д̣̇исса саад̇исаяо гад̇д̇угамяад̇аагусалажчанд̣̇о. адтад̇хаммасамод̇хаанаад̇и зд̇зсам̣ адтаннам̣ д̇хаммаанам̣ самааяог̇зна. абхинийхаарод̇и гааяабан̣ид̇хаанам̣. самиж̇жхад̇ийд̇и нибпаж̇ж̇ад̇и. аяамзд̇т̇а сан̇кзбо, вид̇т̇ааро бана барамад̇т̇ад̣̇ийбанияаа жарияаабидагаван̣н̣анааяа (жарияаа. адта. багин̣н̣агагат̇аа) вуд̇д̇анаязна взд̣̇ид̇аб̣б̣о. саб̣б̣аагаарабарибуурамзваад̇и барибун̣н̣алагкан̣ад̇ааяа сад̇д̇уд̇д̇амаад̣̇ийхи саб̣б̣аагаарзна самбаннамзва. на хи ид̇т̇ияаа госохид̇авад̇т̇аг̇уяхад̇аад̣̇и самбхавад̇и. д̣̇уд̇ияабагад̇и жа наама батамабагад̇ид̇о нихийнаа зва. д̇знзвааха – ананд̇араваарз ‘‘яасмаа’’д̇иаад̣̇и.
279-280.Manussattanti manussabhāvo tasseva pabbajjādiguṇānaṃ yoggabhāvato. Liṅgasampattīti purisabhāvo. Hetūti manovacīpaṇidhānapubbikā hetusampadā. Satthāradassananti satthusammukhībhāvo. Pabbajjāti kammakiriyavādīsu tāpasesu, bhikkhūsu vā pabbajjā. Guṇasampattīti abhiññādiguṇasampadā. Adhikāroti buddhe uddissa adhiko kāro, savisesā upakārakiriyā adhiko sakkāroti vuttaṃ hoti. Chandova chandatā, sammāsambodhiṃ uddissa sātisayo kattukamyatākusalacchando. Aṭṭhadhammasamodhānāti etesaṃ aṭṭhannaṃ dhammānaṃ samāyogena. Abhinīhāroti kāyapaṇidhānaṃ. Samijjhatīti nipphajjati. Ayamettha saṅkhepo, vitthāro pana paramatthadīpaniyā cariyāpiṭakavaṇṇanāya (cariyā. aṭṭha. pakiṇṇakakathā) vuttanayena veditabbo. Sabbākāraparipūramevāti paripuṇṇalakkhaṇatāya sattuttamādīhi sabbākārena sampannameva. Na hi itthiyā kosohitavatthaguyhatādi sambhavati. Dutiyapakati ca nāma paṭhamapakatito nihīnā eva. Tenevāha – anantaravāre ‘‘yasmā’’tiādi.
281. ид̇ха бурисасса д̇ад̇т̇а ниб̣б̣ад̇д̇анад̇од̇и имасмим̣ мануссалогз бурисабхууд̇асса д̇ад̇т̇а б̣рахмалогз б̣рахмад̇д̇абхаавзна ниб̣б̣ад̇д̇анад̇о. д̇зна асад̇иби бурисалин̇г̇з бурисаагаараа б̣рахмаано хонд̇ийд̇и д̣̇ассзд̇и. д̇ам̣язва жа бурисаагаарам̣ санд̇хааяа вуд̇д̇ам̣ бхаг̇авад̇аа ‘‘яам̣ бурисо б̣рахмад̇д̇ам̣ гаарзяяаа’’д̇и. д̇знзвааха – ‘‘самаанзбий’’д̇иаад̣̇и. яад̣̇и звам̣ ид̇т̇ияо б̣рахмалогз на уббаж̇ж̇зяяунд̇и ааха – ‘‘б̣рахмад̇д̇а’’нд̇иаад̣̇и.
281.Idha purisassa tattha nibbattanatoti imasmiṃ manussaloke purisabhūtassa tattha brahmaloke brahmattabhāvena nibbattanato. Tena asatipi purisaliṅge purisākārā brahmāno hontīti dasseti. Taṃyeva ca purisākāraṃ sandhāya vuttaṃ bhagavatā ‘‘yaṃ puriso brahmattaṃ kāreyyā’’ti. Tenevāha – ‘‘samānepī’’tiādi. Yadi evaṃ itthiyo brahmaloke na uppajjeyyunti āha – ‘‘brahmatta’’ntiādi.
290-295. ‘‘гааяад̣̇ужжарид̇ассаа’’д̇иаад̣̇ибаал̣ияаа гамманияаамо наама гат̇ид̇о. саман̃ж̇анам̣ саман̇г̇о, саманнааг̇амо, со зд̇асса ад̇т̇ийд̇и саман̇г̇ий, саманнааг̇ад̇о, саман̃ж̇анасийло ваа саман̇г̇ий, буб̣б̣абхааг̇з убагаран̣асамуд̣̇ааяад̇о бабхуд̇и ааяууханавасзна ааяууханасаман̇г̇ийд̇аа, саннидтаабагажзд̇анаавасзна жзд̇анаасаман̇г̇ид̇аа. жзд̇анаасанд̇ад̇ивасзна ваа ааяууханасаман̇г̇ид̇аа, д̇ам̣д̇ам̣жзд̇анаагкан̣авасзна жзд̇анаасаман̇г̇ийд̇аа. гад̇уубажид̇асса авибаггавибаагасса гаммасса васзна гаммасаман̇г̇ид̇аа. гаммз бана вибажжид̇ум̣ аарад̣̇д̇хз вибаагаббавад̇д̇ивасзна вибаагасаман̇г̇ид̇аа. гаммаад̣̇ийнам̣ убадтаанагаалавасзна убадтаанасаман̇г̇ид̇аа. гусалаагусалагаммааяууханагкан̣зд̇и гусалагаммасса агусалагаммасса жа самийханагкан̣з. д̇ат̇аад̇и иминаа гусалаагусалагаммабад̣̇ам̣ аагад̣дхад̇и. яат̇аа гад̇ам̣ гаммам̣ палад̣̇аанасамад̇т̇ам̣ ход̇и, д̇ат̇аа гад̇ам̣ убажид̇ам̣. вибаагаараханд̇и д̣̇уд̇ияабхаваад̣̇ийсу вибажжанаарахам̣. уббаж̇ж̇амаанаанам̣ убабад̇д̇инимид̇д̇ам̣ убадтаад̇ийд̇и яож̇анаа. убабад̇д̇ияаа уббаж̇ж̇анасса нимид̇д̇ам̣ гааран̣анд̇и убабад̇д̇инимид̇д̇ам̣, гаммам̣, гамманимид̇д̇ам̣, г̇ад̇инимид̇д̇ан̃жа. адтагат̇ааяам̣ бана г̇ад̇инимид̇д̇авасзнзва яож̇анаа д̣̇ассид̇аа. гаммагамманимид̇д̇аанамби убадтаанам̣ яат̇аарахам̣ д̣̇адтаб̣б̣ам̣. ‘‘яаанисса д̇аани буб̣б̣з гад̇аани гаммаани, д̇аанисса д̇асмим̣ самаяз оламб̣анд̇и аж̇жхоламб̣анд̇и абхиламб̣анд̇и’’д̇и (ма. ни. 3.248) важанад̇о сааяанхз маханд̇аанам̣ баб̣б̣ад̇агуудаанам̣ чааяаа вияа аасаннамаран̣асса сад̇д̇асса жид̇д̇з субинз вияа вибажжид̇ум̣ гад̇огаасам̣ гаммам̣, д̇асса нимид̇д̇ам̣ г̇ад̇инимид̇д̇ам̣ убад̇идтад̇зва. жалад̇ийд̇и баривад̇д̇ад̇и. згзна хи гаммунаа д̇аж̇ж̇з нимид̇д̇з убадтид̇з бажжаяависзсавасзна д̇ад̇о ан̃н̃зна гаммунаа д̇ад̣̇ан̃н̃асса нимид̇д̇асса убадтаанам̣ баривад̇д̇анам̣. сзсаа нижжалаа авасзсаа жад̇уб̣б̣ид̇хааби саман̇г̇ид̇аа нижжалаа абаривад̇д̇анад̇о.
290-295. ‘‘Kāyaduccaritassā’’tiādipāḷiyā kammaniyāmo nāma kathito. Samañjanaṃ samaṅgo, samannāgamo, so etassa atthīti samaṅgī, samannāgato, samañjanasīlo vā samaṅgī, pubbabhāge upakaraṇasamudāyato pabhuti āyūhanavasena āyūhanasamaṅgītā, sanniṭṭhāpakacetanāvasena cetanāsamaṅgitā. Cetanāsantativasena vā āyūhanasamaṅgitā, taṃtaṃcetanākkhaṇavasena cetanāsamaṅgītā. Katūpacitassa avipakkavipākassa kammassa vasena kammasamaṅgitā. Kamme pana vipaccituṃ āraddhe vipākappavattivasena vipākasamaṅgitā. Kammādīnaṃ upaṭṭhānakālavasena upaṭṭhānasamaṅgitā. Kusalākusalakammāyūhanakkhaṇeti kusalakammassa akusalakammassa ca samīhanakkhaṇe. Tathāti iminā kusalākusalakammapadaṃ ākaḍḍhati. Yathā kataṃ kammaṃ phaladānasamatthaṃ hoti, tathā kataṃ upacitaṃ. Vipākārahanti dutiyabhavādīsu vipaccanārahaṃ. Uppajjamānānaṃ upapattinimittaṃ upaṭṭhātīti yojanā. Upapattiyā uppajjanassa nimittaṃ kāraṇanti upapattinimittaṃ, kammaṃ, kammanimittaṃ, gatinimittañca. Aṭṭhakathāyaṃ pana gatinimittavaseneva yojanā dassitā. Kammakammanimittānampi upaṭṭhānaṃ yathārahaṃ daṭṭhabbaṃ. ‘‘Yānissa tāni pubbe katāni kammāni, tānissa tasmiṃ samaye olambanti ajjholambanti abhilambanti’’ti (ma. ni. 3.248) vacanato sāyanhe mahantānaṃ pabbatakūṭānaṃ chāyā viya āsannamaraṇassa sattassa citte supine viya vipaccituṃ katokāsaṃ kammaṃ, tassa nimittaṃ gatinimittaṃ upatiṭṭhateva. Calatīti parivattati. Ekena hi kammunā tajje nimitte upaṭṭhite paccayavisesavasena tato aññena kammunā tadaññassa nimittassa upaṭṭhānaṃ parivattanaṃ. Sesā niccalā avasesā catubbidhāpi samaṅgitā niccalā aparivattanato.
сунакавааж̇игод̇и сунакзхи миг̇авааж̇авасзна важ̇анасийло, сунакалуд̣̇д̣̇агод̇и ад̇т̇о. д̇аласант̇аран̣абууж̇анд̇и бхуумид̇аласса бубпзхи сант̇аран̣абууж̇ам̣. ааяууханажзд̇анаа гаммасаман̇г̇ид̇аавасзнаад̇и гааяад̣̇ужжарид̇асса абараабарам̣ ааяууханзна саннидтаабагажзд̇анааяа д̇ассзва багаббанз гаммагкаяагаран̃аан̣зна акзбид̇ад̇д̇аа яат̇уубажид̇агаммунаа жа саман̇г̇ибхаавасса васзна.
Sunakhavājikoti sunakhehi migavājavasena vajanasīlo, sunakhaluddakoti attho. Talasantharaṇapūjanti bhūmitalassa pupphehi santharaṇapūjaṃ. Āyūhanacetanā kammasamaṅgitāvasenāti kāyaduccaritassa aparāparaṃ āyūhanena sanniṭṭhāpakacetanāya tasseva pakappane kammakkhayakarañāṇena akhepitattā yathūpacitakammunā ca samaṅgibhāvassa vasena.
гамманд̇и агусалагаммам̣. д̇асмим̣язва кан̣зд̇и ааяууханагкан̣зязва. д̇ассаад̇и гаммасаман̇г̇ино буг̇г̇аласса саг̇г̇о ваарид̇о, д̇ан̃жз гаммам̣ вибаагаваарам̣ лабхзяяаад̇и ад̇хиббааяо. саг̇г̇о ваарид̇од̇и жа нид̣̇ассанамад̇д̇ам̣. мануссалогобисса ваарид̇оваад̇и. абарз бана буримзхи вибаагааваран̣асса ануд̣̇д̇хадад̇д̇аа ‘‘д̇асмим̣язва кан̣з’’д̇и жа ависзсзна вуд̇д̇ад̇д̇аа д̇ам̣ д̣̇осам̣ барихарид̇ум̣ ‘‘ааяуухид̇агаммам̣ наамаа’’д̇иаад̣̇имааха. яад̣̇аа гаммам̣ вибаагаваарам̣ лабхад̇ийд̇и ид̣̇ам̣ гад̇огаасасса аббадиб̣аахияад̇д̇аа вуд̇д̇ам̣ . д̇ат̇аа хи бхаг̇аваа д̇ад̇ияабаарааж̇игавад̇т̇усмим̣ (баараа. 162 аад̣̇аяо) бадисаллийяи, имасмим̣ суд̇д̇з ‘‘гааяад̣̇ужжарид̇асаман̇г̇ий’’д̇и ааг̇ад̇ад̇д̇аа вибаагуубадтаанасаман̇г̇ид̇аа на лаб̣бханд̇и.
Kammanti akusalakammaṃ. Tasmiṃyeva khaṇeti āyūhanakkhaṇeyeva. Tassāti kammasamaṅgino puggalassa saggo vārito, tañce kammaṃ vipākavāraṃ labheyyāti adhippāyo. Saggo vāritoti ca nidassanamattaṃ. Manussalokopissa vāritovāti. Apare pana purimehi vipākāvaraṇassa anuddhaṭattā ‘‘tasmiṃyeva khaṇe’’ti ca avisesena vuttattā taṃ dosaṃ pariharituṃ ‘‘āyūhitakammaṃ nāmā’’tiādimāha. Yadā kammaṃ vipākavāraṃ labhatīti idaṃ katokāsassa appaṭibāhiyattā vuttaṃ . Tathā hi bhagavā tatiyapārājikavatthusmiṃ (pārā. 162 ādayo) paṭisallīyi, imasmiṃ sutte ‘‘kāyaduccaritasamaṅgī’’ti āgatattā vipākūpaṭṭhānasamaṅgitā na labbhanti.
(д̣̇уд̇ияаваг̇г̇аван̣н̣анаа нидтид̇аа.)
(Dutiyavaggavaṇṇanā niṭṭhitā.)
адтаанабаал̣иван̣н̣анааяам̣ ануд̇д̇аанад̇т̇ад̣̇ийбанаа нидтид̇аа.
Aṭṭhānapāḷivaṇṇanāyaṃ anuttānatthadīpanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 15. адтаанабаал̣и • 15. Aṭṭhānapāḷi
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 15. адтаанабаал̣и • 15. Aṭṭhānapāḷi
