| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
15. адтаанабаал̣и
15. Aṭṭhānapāḷi
(15) 1. адтаанабаал̣и-батамаваг̇г̇аван̣н̣анаа
(15) 1. Aṭṭhānapāḷi-paṭhamavaggavaṇṇanā
268. адтаанабаал̣ияаа адтаананд̇и хзд̇убадигкзбо. анавагаасод̇и бажжаяабадигкзбо. убхаязнааби гааран̣амзва бадигкибад̇и. гааран̣ан̃хи д̇ад̣̇ааяад̇д̇авуд̇д̇ид̇ааяа ад̇д̇ано паласса таананд̇и жа авагаасод̇и жа вужжад̇и. яанд̇и язна гааран̣зна. д̣̇идтисамбаннод̇и маг̇г̇ад̣̇идтияаа самбанно сод̇аабанно арияасааваго. д̇асса хи д̣̇идтисамбанно ид̇иби, д̣̇ассанасамбанно ид̇иби, ааг̇ад̇о имам̣ сад̣̇д̇хаммам̣ ид̇иби, бассад̇и имам̣ сад̣̇д̇хаммам̣ ид̇иби, сзгкзна н̃аан̣зна саманнааг̇ад̇о ид̇иби, сзгкааяа виж̇ж̇ааяа саманнааг̇ад̇о ид̇иби, д̇хаммасод̇асамаабанно ид̇иби, арияо ниб̣б̣зд̇хигабан̃н̃о ид̇иби, амад̇ад̣̇ваарам̣ аахажжа д̇идтад̇и ид̇ибид̇и б̣ахууни наамаани хонд̇и. ган̃жи сан̇кааранд̇и жад̇убхуумагзсу сан̇кад̇асан̇каарзсу ган̃жи згам̣ сан̇каарамби. нижжад̇о убаг̇ажчзяяаад̇и нижжод̇и г̇ан̣хзяяа. нзд̇ам̣ таанам̣ виж̇ж̇ад̇ийд̇и зд̇ам̣ гааран̣ам̣ над̇т̇и на убалаб̣бхад̇и. яам̣ бут̇уж̇ж̇анод̇и язна гааран̣зна бут̇уж̇ж̇ано. таанамзд̇ам̣ виж̇ж̇ад̇ийд̇и зд̇ам̣ гааран̣ам̣ ад̇т̇и. сассад̇ад̣̇идтияаа хи со д̇збхуумагзсу сан̇кад̇асан̇каарзсу ган̃жи сан̇каарам̣ нижжад̇о г̇ан̣хзяяаад̇и ад̇т̇о. жад̇уд̇т̇абхуумагасан̇каараа бана д̇зж̇уссад̣̇ад̇д̇аа д̣̇ивасам̣санд̇ад̇д̇о аяог̇ул̣о вияа магкигаанам̣, д̣̇идтияаа ваа ан̃н̃зсам̣ ваа агусалаанам̣ аарамман̣ам̣ на хонд̇и. иминаа наязна ган̃жи сан̇каарам̣ сукад̇од̇иаад̣̇ийсуби ад̇т̇о взд̣̇ид̇аб̣б̣о.
268. Aṭṭhānapāḷiyā aṭṭhānanti hetupaṭikkhepo. Anavakāsoti paccayapaṭikkhepo. Ubhayenāpi kāraṇameva paṭikkhipati. Kāraṇañhi tadāyattavuttitāya attano phalassa ṭhānanti ca avakāsoti ca vuccati. Yanti yena kāraṇena. Diṭṭhisampannoti maggadiṭṭhiyā sampanno sotāpanno ariyasāvako. Tassa hi diṭṭhisampanno itipi, dassanasampanno itipi, āgato imaṃ saddhammaṃ itipi, passati imaṃ saddhammaṃ itipi, sekkhena ñāṇena samannāgato itipi, sekkhāya vijjāya samannāgato itipi, dhammasotasamāpanno itipi, ariyo nibbedhikapañño itipi, amatadvāraṃ āhacca tiṭṭhati itipiti bahūni nāmāni honti. Kañci saṅkhāranti catubhūmakesu saṅkhatasaṅkhāresu kañci ekaṃ saṅkhārampi. Niccatoupagaccheyyāti niccoti gaṇheyya. Netaṃ ṭhānaṃ vijjatīti etaṃ kāraṇaṃ natthi na upalabbhati. Yaṃ puthujjanoti yena kāraṇena puthujjano. Ṭhānametaṃ vijjatīti etaṃ kāraṇaṃ atthi. Sassatadiṭṭhiyā hi so tebhūmakesu saṅkhatasaṅkhāresu kañci saṅkhāraṃ niccato gaṇheyyāti attho. Catutthabhūmakasaṅkhārā pana tejussadattā divasaṃsantatto ayoguḷo viya makkhikānaṃ, diṭṭhiyā vā aññesaṃ vā akusalānaṃ ārammaṇaṃ na honti. Iminā nayena kañci saṅkhāraṃ sukhatotiādīsupi attho veditabbo.
269. сукад̇о убаг̇ажчзяяаад̇и ‘‘зганд̇асукий ад̇д̇аа ход̇и аарог̇о бараммаран̣аа’’д̇и (д̣̇ий. ни. 1.76, 79; ма. ни. 3.21, 22) звам̣ ад̇д̇ад̣̇идтивасзна сукад̇о г̇аахам̣ санд̇хааязд̇ам̣ вуд̇д̇ам̣. д̣̇идтивиббаяуд̇д̇ажид̇д̇зна бана арияасааваго барил̣аахаад̇хибхууд̇о барил̣аахавуубасамад̇т̇ам̣ мад̇д̇ахад̇т̇ибарид̇д̇аасид̇о вияа жогкаб̣раахман̣о г̇уут̇ам̣ ган̃жи сан̇каарам̣ сукад̇о убаг̇ажчад̇и.
269.Sukhato upagaccheyyāti ‘‘ekantasukhī attā hoti ārogo parammaraṇā’’ti (dī. ni. 1.76, 79; ma. ni. 3.21, 22) evaṃ attadiṭṭhivasena sukhato gāhaṃ sandhāyetaṃ vuttaṃ. Diṭṭhivippayuttacittena pana ariyasāvako pariḷāhādhibhūto pariḷāhavūpasamatthaṃ mattahatthiparittāsito viya cokkhabrāhmaṇo gūthaṃ kañci saṅkhāraṃ sukhato upagacchati.
270. ад̇д̇аваарз гасин̣аад̣̇ибан̣н̣ад̇д̇исан̇г̇ахад̇т̇ам̣ ‘‘сан̇каара’’нд̇и авад̇ваа ган̃жи д̇хамманд̇и вуд̇д̇ам̣. ид̇хааби арияасаавагасса жад̇убхуумагавасзна барижчзд̣̇о взд̣̇ид̇аб̣б̣о, бут̇уж̇ж̇анасса д̇збхуумагавасзна . саб̣б̣аваарзсу ваа арияасаавагассааби д̇збхуумагавасзнзва барижчзд̣̇о ваддад̇и. яам̣ яам̣ хи бут̇уж̇ж̇ано г̇ан̣хаад̇и, д̇ад̇о д̇ад̇о арияасааваго г̇аахам̣ винивзтзд̇и. бут̇уж̇ж̇ано хи яам̣ яам̣ нижжам̣ сукам̣ ад̇д̇аад̇и г̇ан̣хаад̇и, д̇ам̣ д̇ам̣ арияасааваго анижжам̣ д̣̇угкам̣ анад̇д̇аад̇и г̇ан̣ханд̇о д̇ам̣ г̇аахам̣ винивзтзд̇и. ид̇и имасмим̣ суд̇д̇ад̇д̇аяз бут̇уж̇ж̇анад̇д̇аг̇г̇аахавинивзтанам̣ наама гат̇ид̇ам̣.
270. Attavāre kasiṇādipaṇṇattisaṅgahatthaṃ ‘‘saṅkhāra’’nti avatvā kañci dhammanti vuttaṃ. Idhāpi ariyasāvakassa catubhūmakavasena paricchedo veditabbo, puthujjanassa tebhūmakavasena . Sabbavāresu vā ariyasāvakassāpi tebhūmakavaseneva paricchedo vaṭṭati. Yaṃ yaṃ hi puthujjano gaṇhāti, tato tato ariyasāvako gāhaṃ viniveṭheti. Puthujjano hi yaṃ yaṃ niccaṃ sukhaṃ attāti gaṇhāti, taṃ taṃ ariyasāvako aniccaṃ dukkhaṃ anattāti gaṇhanto taṃ gāhaṃ viniveṭheti. Iti imasmiṃ suttattaye puthujjanattaggāhaviniveṭhanaṃ nāma kathitaṃ.
271. маад̇аранд̇иаад̣̇ийсу ж̇анигаава маад̇аа, ж̇анагова бид̇аа, мануссабхууд̇ова кийн̣аасаво арахаад̇и ад̇хиббзд̇о. гим̣ бана арияасааваго ан̃н̃ам̣ ж̇ийвид̇аа воробзяяаад̇и? зд̇амби адтаанам̣. сажзби бхаванд̇араг̇ад̇ам̣ арияасаавагам̣ ад̇д̇ано арияасаавагабхаавам̣ аж̇аананд̇амби гожи звам̣ вад̣̇зяяа ‘‘имам̣ гунт̇агибиллигам̣ ж̇ийвид̇аа воробзд̇ваа сагалажаггаваал̣аг̇аб̣бхз жаггавад̇д̇ираж̇ж̇ам̣ бадибаж̇ж̇аахий’’д̇и, нзва со д̇ам̣ ж̇ийвид̇аа воробзяяа. ат̇ааби нам̣ звам̣ вад̣̇зяяум̣ ‘‘сажз имам̣ на гхаад̇зссаси, сийсам̣ д̇з чинд̣̇иссаамаа’’д̇и. сийсамзвасса чинд̣̇зяяум̣, на жа со д̇ам̣ гхаад̇зяяа. бут̇уж̇ж̇анабхаавасса бана махаасааваж̇ж̇абхаавад̣̇ассанад̇т̇ам̣ арияасаавагасса жа б̣алавад̣̇ийбанад̇т̇амзд̇ам̣ вуд̇д̇ам̣. аяан̃хзд̇т̇а ад̇хиббааяо – сааваж̇ж̇о бут̇уж̇ж̇анабхааво, яад̇ра хи наама бут̇уж̇ж̇ано маад̇угхаад̇аад̣̇ийниби аананд̇арияаани гариссад̇и. махааб̣ало жа арияасааваго, яо зд̇аани гаммаани на гарод̇ийд̇и.
271.Mātarantiādīsu janikāva mātā, janakova pitā, manussabhūtova khīṇāsavo arahāti adhippeto. Kiṃ pana ariyasāvako aññaṃ jīvitā voropeyyāti? Etampi aṭṭhānaṃ. Sacepi bhavantaragataṃ ariyasāvakaṃ attano ariyasāvakabhāvaṃ ajānantampi koci evaṃ vadeyya ‘‘imaṃ kunthakipillikaṃ jīvitā voropetvā sakalacakkavāḷagabbhe cakkavattirajjaṃ paṭipajjāhī’’ti, neva so taṃ jīvitā voropeyya. Athāpi naṃ evaṃ vadeyyuṃ ‘‘sace imaṃ na ghātessasi, sīsaṃ te chindissāmā’’ti. Sīsamevassa chindeyyuṃ, na ca so taṃ ghāteyya. Puthujjanabhāvassa pana mahāsāvajjabhāvadassanatthaṃ ariyasāvakassa ca balavadīpanatthametaṃ vuttaṃ. Ayañhettha adhippāyo – sāvajjo puthujjanabhāvo, yatra hi nāma puthujjano mātughātādīnipi ānantariyāni karissati. Mahābalo ca ariyasāvako, yo etāni kammāni na karotīti.
274. бад̣̇удтажид̇д̇од̇и вад̇хагажид̇д̇зна бад̣̇удтажид̇д̇о. лохид̇ам̣ уббаад̣̇зяяаад̇и ж̇ийвамаанагасарийрз куд̣̇д̣̇агамагкигааяа биванамад̇д̇амби лохид̇ам̣ уббаад̣̇зяяа.
274.Paduṭṭhacittoti vadhakacittena paduṭṭhacitto. Lohitaṃ uppādeyyāti jīvamānakasarīre khuddakamakkhikāya pivanamattampi lohitaṃ uppādeyya.
275. сан̇гхам̣ бхинд̣̇зяяаад̇и самаанасам̣ваасагам̣ самаанасиймааяа тид̇ам̣ бан̃жахи гааран̣зхи сан̇гхам̣ бхинд̣̇зяяа. вуд̇д̇амби жзд̇ам̣ ‘‘бан̃жахубаали , аагаарзхи сан̇гхо бхиж̇ж̇ад̇и – гаммзна, уд̣̇д̣̇зсзна, вохаранд̇о, ануссааванзна, салаагаг̇г̇аахзнаа’’д̇и (бари. 458).
275.Saṅghaṃ bhindeyyāti samānasaṃvāsakaṃ samānasīmāya ṭhitaṃ pañcahi kāraṇehi saṅghaṃ bhindeyya. Vuttampi cetaṃ ‘‘pañcahupāli , ākārehi saṅgho bhijjati – kammena, uddesena, voharanto, anussāvanena, salākaggāhenā’’ti (pari. 458).
д̇ад̇т̇а гаммзнаад̇и абалоганаад̣̇ийсу жад̇уусу гаммзсу ан̃н̃ад̇арзна гаммзна. уд̣̇д̣̇зсзнаад̇и бан̃жасу баад̇имогкуд̣̇д̣̇зсзсу ан̃н̃ад̇арзна уд̣̇д̣̇зсзна. вохаранд̇од̇и гат̇аяанд̇о, д̇аахи д̇аахи уббад̇д̇ийхи ад̇хаммам̣ д̇хаммод̇иаад̣̇ийни адтаараса бхзд̣̇агаравад̇т̇ууни д̣̇ийбзнд̇о. ануссааванзнаад̇и ‘‘нану д̇умхз ж̇аанаат̇а маяхам̣ ужжаагулаа баб̣б̣аж̇ид̇абхаавам̣ б̣ахуссуд̇абхааван̃жа, маад̣̇исо наама уд̣̇д̇хаммам̣ уб̣б̣инаяам̣ сад̇т̇у саасанам̣ г̇аахзяяаад̇и жид̇д̇амби уббаад̣̇зд̇ум̣ на д̇умхаагам̣ яуд̇д̇ам̣, гим̣ маяхам̣ авийжи нийлуббалаванам̣ вияа сийд̇алаа, гим̣ ахам̣ абааяад̇о на бхааяаамий’’д̇иаад̣̇инаа наязна ган̣н̣амуулз важийбхзд̣̇ам̣ гад̇ваа ануссааванзна . салаагаг̇г̇аахзнаад̇и звам̣ ануссаавзд̇ваа д̇зсам̣ жид̇д̇ам̣ убад̇т̇амбхзд̇ваа анивад̇д̇ид̇хаммз гад̇ваа ‘‘г̇ан̣хат̇а имам̣ салаага’’нд̇и салаагаг̇г̇аахзна.
Tattha kammenāti apalokanādīsu catūsu kammesu aññatarena kammena. Uddesenāti pañcasu pātimokkhuddesesu aññatarena uddesena. Voharantoti kathayanto, tāhi tāhi uppattīhi adhammaṃ dhammotiādīni aṭṭhārasa bhedakaravatthūni dīpento. Anussāvanenāti ‘‘nanu tumhe jānātha mayhaṃ uccākulā pabbajitabhāvaṃ bahussutabhāvañca, mādiso nāma uddhammaṃ ubbinayaṃ satthu sāsanaṃ gāheyyāti cittampi uppādetuṃ na tumhākaṃ yuttaṃ, kiṃ mayhaṃ avīci nīluppalavanaṃ viya sītalā, kiṃ ahaṃ apāyato na bhāyāmī’’tiādinā nayena kaṇṇamūle vacībhedaṃ katvā anussāvanena . Salākaggāhenāti evaṃ anussāvetvā tesaṃ cittaṃ upatthambhetvā anivattidhamme katvā ‘‘gaṇhatha imaṃ salāka’’nti salākaggāhena.
зд̇т̇а жа гаммзва уд̣̇д̣̇зсо ваа бамаан̣ам̣, вохаараануссааванасалаагаг̇г̇аахаа бана буб̣б̣абхааг̇аа. адтаарасавад̇т̇уд̣̇ийбанавасзна хи вохаранд̇зна д̇ад̇т̇а ружиж̇ананад̇т̇ам̣ ануссаавзд̇ваа салаагааяа г̇ахид̇ааяаби абхиннова ход̇и сан̇гхо. яад̣̇аа бана звам̣ жад̇д̇ааро ваа ад̇ирзгаа ваа салаагам̣ г̇ахзд̇ваа аавзн̣игам̣ гаммам̣ ваа уд̣̇д̣̇зсам̣ ваа гаронд̇и, д̇ад̣̇аа сан̇гхо бхинно наама ход̇и. звам̣ д̣̇идтисамбанно буг̇г̇ало сан̇гхам̣ бхинд̣̇зяяаад̇и нзд̇ам̣ таанам̣ виж̇ж̇ад̇и. зд̇д̇аавад̇аа маад̇угхаад̇аад̣̇ийни бан̃жа аананд̇арияагаммаани д̣̇ассид̇аани хонд̇и, яаани бут̇уж̇ж̇ано гарод̇и, на арияасааваго. д̇зсам̣ аавибхаавад̇т̇ам̣ –
Ettha ca kammeva uddeso vā pamāṇaṃ, vohārānussāvanasalākaggāhā pana pubbabhāgā. Aṭṭhārasavatthudīpanavasena hi voharantena tattha rucijananatthaṃ anussāvetvā salākāya gahitāyapi abhinnova hoti saṅgho. Yadā pana evaṃ cattāro vā atirekā vā salākaṃ gahetvā āveṇikaṃ kammaṃ vā uddesaṃ vā karonti, tadā saṅgho bhinno nāma hoti. Evaṃ diṭṭhisampanno puggalo saṅghaṃ bhindeyyāti netaṃ ṭhānaṃ vijjati. Ettāvatā mātughātādīni pañca ānantariyakammāni dassitāni honti, yāni puthujjano karoti, na ariyasāvako. Tesaṃ āvibhāvatthaṃ –
‘‘гаммад̇о д̣̇ваарад̇о жзва, габбадтид̇ияад̇о д̇ат̇аа;
‘‘Kammato dvārato ceva, kappaṭṭhitiyato tathā;
баагасаад̇хааран̣аад̣̇ийхи, вин̃н̃аад̇аб̣б̣о винижчаяо’’.
Pākasādhāraṇādīhi, viññātabbo vinicchayo’’.
д̇ад̇т̇а гаммад̇о д̇аава – зд̇т̇а хи мануссабхууд̇ассзва мануссабхууд̇ам̣ маад̇арам̣ ваа бид̇арам̣ ваа аби баривад̇д̇алин̇г̇ам̣ ж̇ийвид̇аа воробзнд̇асса гаммам̣ аананд̇арияам̣ ход̇и, д̇асса вибаагам̣ бадиб̣аахиссаамийд̇и сагалажаггаваал̣ам̣ махаажзд̇ияаббамаан̣зхиби ган̃жанат̇уубзхи буурзд̇вааби сагалажаггаваал̣ам̣ буурзд̇ваа нисиннасса бхигкусан̇гхасса махаад̣̇аанам̣ д̣̇ад̇вааби б̣уд̣̇д̇хасса бхаг̇авад̇о сан̇гхаадиган̣н̣ам̣ амун̃жанд̇о вижарид̇вааби гааяасса бхзд̣̇аа нираяамзва убабаж̇ж̇ад̇и. яо бана саяам̣ мануссо д̇иражчаанабхууд̇ам̣ маад̇арам̣ ваа бид̇арам̣ ваа, саяам̣ ваа д̇иражчаанабхууд̇о мануссабхууд̇ам̣, д̇иражчаанабхууд̇оязва ваа д̇иражчаанабхууд̇ам̣ ж̇ийвид̇аа воробзд̇и, д̇асса гаммам̣ аананд̇арияам̣ на ход̇и, бхаарияам̣ бана ход̇и, аананд̇арияам̣ аахажжзва д̇идтад̇и. мануссаж̇аад̇игаанам̣ва бана васзна аяам̣ бан̃хо гат̇ид̇о.
Tattha kammato tāva – ettha hi manussabhūtasseva manussabhūtaṃ mātaraṃ vā pitaraṃ vā api parivattaliṅgaṃ jīvitā voropentassa kammaṃ ānantariyaṃ hoti, tassa vipākaṃ paṭibāhissāmīti sakalacakkavāḷaṃ mahācetiyappamāṇehipi kañcanathūpehi pūretvāpi sakalacakkavāḷaṃ pūretvā nisinnassa bhikkhusaṅghassa mahādānaṃ datvāpi buddhassa bhagavato saṅghāṭikaṇṇaṃ amuñcanto vicaritvāpi kāyassa bhedā nirayameva upapajjati. Yo pana sayaṃ manusso tiracchānabhūtaṃ mātaraṃ vā pitaraṃ vā, sayaṃ vā tiracchānabhūto manussabhūtaṃ, tiracchānabhūtoyeva vā tiracchānabhūtaṃ jīvitā voropeti, tassa kammaṃ ānantariyaṃ na hoti, bhāriyaṃ pana hoti, ānantariyaṃ āhacceva tiṭṭhati. Manussajātikānaṃva pana vasena ayaṃ pañho kathito.
д̇ад̇т̇а зл̣агажад̇уггам̣, сан̇г̇аамажад̇уггам̣, жоражад̇угган̃жа гат̇зд̇аб̣б̣ам̣. зл̣агам̣ маарзссаамийд̇и абхисанд̇хинааби хи зл̣агадтаанз тид̇ам̣ мануссо мануссабхууд̇ам̣ маад̇арам̣ ваа бид̇арам̣ ваа маарзнд̇о аананд̇арияам̣ пусад̇и. зл̣агаабхисанд̇хинаа маад̇аабид̇иабхисанд̇хинаа ваа зл̣агам̣ маарзнд̇о аананд̇арияам̣ на пусад̇и, маад̇аабид̇иабхисанд̇хинаа маад̇аабид̇аро маарзнд̇о пусад̇зва. зса наяо ид̇арасмимби жад̇уггад̣̇ваяз. яат̇аа жа маад̇аабид̇уусу, звам̣ араханд̇зби зд̇аани жад̇уггаани взд̣̇ид̇аб̣б̣аани . мануссаараханд̇амзва жа маарзд̇ваа аананд̇арияам̣ пусад̇и, на яагкабхууд̇ам̣. гаммам̣ бана бхаарияам̣, аананд̇арияасад̣̇исамзва. мануссаараханд̇асса жа бут̇уж̇ж̇анагаалзязва сад̇т̇аббахаарз ваа висз ваа д̣̇иннзби яад̣̇и со арахад̇д̇ам̣ бад̇ваа д̇знзва марад̇и, араханд̇агхаад̇аго ход̇иязва. яам̣ бана бут̇уж̇ж̇анагаалз д̣̇иннам̣ д̣̇аанам̣ арахад̇д̇ам̣ бад̇ваа барибхун̃ж̇ад̇и, бут̇уж̇ж̇анассзва д̇ам̣ д̣̇иннам̣ ход̇и. сзсаарияабуг̇г̇алз маарзнд̇асса аананд̇арияам̣ над̇т̇и, гаммам̣ бана бхаарияам̣, аананд̇арияасад̣̇исамзва.
Tattha eḷakacatukkaṃ, saṅgāmacatukkaṃ, coracatukkañca kathetabbaṃ. Eḷakaṃ māressāmīti abhisandhināpi hi eḷakaṭṭhāne ṭhitaṃ manusso manussabhūtaṃ mātaraṃ vā pitaraṃ vā mārento ānantariyaṃ phusati. Eḷakābhisandhinā mātāpitiabhisandhinā vā eḷakaṃ mārento ānantariyaṃ na phusati, mātāpitiabhisandhinā mātāpitaro mārento phusateva. Esa nayo itarasmimpi catukkadvaye. Yathā ca mātāpitūsu, evaṃ arahantepi etāni catukkāni veditabbāni . Manussaarahantameva ca māretvā ānantariyaṃ phusati, na yakkhabhūtaṃ. Kammaṃ pana bhāriyaṃ, ānantariyasadisameva. Manussaarahantassa ca puthujjanakāleyeva satthappahāre vā vise vā dinnepi yadi so arahattaṃ patvā teneva marati, arahantaghātako hotiyeva. Yaṃ pana puthujjanakāle dinnaṃ dānaṃ arahattaṃ patvā paribhuñjati, puthujjanasseva taṃ dinnaṃ hoti. Sesaariyapuggale mārentassa ānantariyaṃ natthi, kammaṃ pana bhāriyaṃ, ānantariyasadisameva.
лохид̇уббаад̣̇з д̇ат̇ааг̇ад̇асса абхзж̇ж̇агааяад̇ааяа баруубаггамзна жаммажчзд̣̇ам̣ гад̇ваа лохид̇абаг̇гхаран̣ам̣ наама над̇т̇и, сарийрасса бана анд̇оязва згасмим̣ таанз лохид̇ам̣ самосарад̇и. д̣̇звад̣̇ад̇д̇зна бавид̣̇д̇хасилад̇о бхиж̇ж̇ид̇ваа г̇ад̇аа сагалигааби д̇ат̇ааг̇ад̇асса баад̣̇анд̇ам̣ бахари, парасунаа бахадо вияа баад̣̇о анд̇олохид̇оязва ахоси. д̇ат̇аа гаронд̇асса аананд̇арияам̣ ход̇и. ж̇ийваго бана д̇ат̇ааг̇ад̇асса ружияаа сад̇т̇агзна жаммам̣ чинд̣̇ид̇ваа д̇амхаа таанаа д̣̇удталохид̇ам̣ нийхарид̇ваа паасугамагааси. д̇ат̇аа гаронд̇асса бун̃н̃агаммамзва ход̇и.
Lohituppāde tathāgatassa abhejjakāyatāya parūpakkamena cammacchedaṃ katvā lohitapaggharaṇaṃ nāma natthi, sarīrassa pana antoyeva ekasmiṃ ṭhāne lohitaṃ samosarati. Devadattena paviddhasilato bhijjitvā gatā sakalikāpi tathāgatassa pādantaṃ pahari, pharasunā pahaṭo viya pādo antolohitoyeva ahosi. Tathā karontassa ānantariyaṃ hoti. Jīvako pana tathāgatassa ruciyā satthakena cammaṃ chinditvā tamhā ṭhānā duṭṭhalohitaṃ nīharitvā phāsukamakāsi. Tathā karontassa puññakammameva hoti.
ат̇а яз бариниб̣б̣уд̇з д̇ат̇ааг̇ад̇з жзд̇ияам̣ бхинд̣̇анд̇и, б̣од̇хим̣ чинд̣̇анд̇и, д̇хаад̇умхи убаггаманд̇и, д̇зсам̣ гим̣ ход̇ийд̇и? бхаарияам̣ гаммам̣ ход̇и, аананд̇арияасад̣̇исам̣. сад̇хаад̇угам̣ бана т̇уубам̣ ваа бадимам̣ ваа б̣аад̇хаяамаанам̣ б̣од̇хисаакам̣ чинд̣̇ид̇ум̣ ваддад̇и. сажзби д̇ад̇т̇а нилийнаа сагун̣аа жзд̇ияз важжам̣ баад̇знд̇и, чинд̣̇ид̇ум̣ ваддад̇иязва. барибхог̇ажзд̇ияад̇о хи сарийражзд̇ияам̣ маханд̇ад̇арам̣. жзд̇ияавад̇т̇ум̣ бхинд̣̇ид̇ваа г̇ажчанд̇ам̣ б̣од̇химууламби чинд̣̇ид̇ваа харид̇ум̣ ваддад̇и. яаа бана б̣од̇хисаакаа б̣од̇хигхарам̣ б̣аад̇хад̇и, д̇ам̣ г̇зхарагкан̣ад̇т̇ам̣ чинд̣̇ид̇ум̣ на лабхад̇и. б̣од̇хиад̇т̇ан̃хи г̇зхам̣, на г̇зхад̇т̇ааяа б̣од̇хи. аасанагхарзби зсзва наяо. яасмим̣ бана аасанагхарз д̇хаад̇у нихид̇аа ход̇и, д̇асса рагкан̣ад̇т̇ааяа б̣од̇хисаакам̣ чинд̣̇ид̇ум̣ ваддад̇и. б̣од̇хиж̇аг̇г̇анад̇т̇ам̣ ож̇аахаран̣асаакам̣ ваа бууд̇исаакам̣ ваа чинд̣̇ид̇ум̣ ваддад̇иязва, сарийрабадиж̇аг̇г̇анз вияа бун̃н̃амби ход̇и.
Atha ye parinibbute tathāgate cetiyaṃ bhindanti, bodhiṃ chindanti, dhātumhi upakkamanti, tesaṃ kiṃ hotīti? Bhāriyaṃ kammaṃ hoti, ānantariyasadisaṃ. Sadhātukaṃ pana thūpaṃ vā paṭimaṃ vā bādhayamānaṃ bodhisākhaṃ chindituṃ vaṭṭati. Sacepi tattha nilīnā sakuṇā cetiye vaccaṃ pātenti, chindituṃ vaṭṭatiyeva. Paribhogacetiyato hi sarīracetiyaṃ mahantataraṃ. Cetiyavatthuṃ bhinditvā gacchantaṃ bodhimūlampi chinditvā harituṃ vaṭṭati. Yā pana bodhisākhā bodhigharaṃ bādhati, taṃ geharakkhaṇatthaṃ chindituṃ na labhati. Bodhiatthañhi gehaṃ, na gehatthāya bodhi. Āsanagharepi eseva nayo. Yasmiṃ pana āsanaghare dhātu nihitā hoti, tassa rakkhaṇatthāya bodhisākhaṃ chindituṃ vaṭṭati. Bodhijagganatthaṃ ojāharaṇasākhaṃ vā pūtisākhaṃ vā chindituṃ vaṭṭatiyeva, sarīrapaṭijaggane viya puññampi hoti.
сан̇гхабхзд̣̇зби сиймадтагасан̇гхз асаннибад̇ид̇з висум̣ барисам̣ г̇ахзд̇ваа гад̇авохаараануссааванасалаагаг̇г̇аахасса гаммам̣ ваа гаронд̇асса уд̣̇д̣̇зсам̣ ваа уд̣̇д̣̇исанд̇асса бхзд̣̇о жа ход̇и аананд̇арияагамман̃жа. самаг̇г̇асан̃н̃ааяа бана ваддад̇ийд̇и сан̃н̃ааяа ваа гаронд̇асса бхзд̣̇ова ход̇и, на аананд̇арияагаммам̣. д̇ат̇аа навад̇о уунабарисааяа. саб̣б̣анд̇имзна барижчзд̣̇зна наваннам̣ ж̇анаанам̣ яо сан̇гхам̣ бхинд̣̇ад̇и, д̇асса аананд̇арияагаммам̣ ход̇и. д̇асса анувад̇д̇агаанам̣ ад̇хаммаваад̣̇ийнам̣ махаасааваж̇ж̇агаммам̣ , д̇хаммаваад̣̇ино бана анаваж̇ж̇аа. д̇ад̇т̇а наваннамзва сан̇гхабхзд̣̇з ид̣̇ам̣ суд̇д̇ам̣ – ‘‘згад̇о, убаали, жад̇д̇ааро хонд̇и, згад̇о жад̇д̇ааро, навамо ануссаавзд̇и, салаагам̣ г̇аахзд̇и ‘аяам̣ д̇хаммо аяам̣ винаяо ид̣̇ам̣ сад̇т̇у саасанам̣, имам̣ г̇ан̣хат̇а, имам̣ рожзт̇аа’д̇и. звам̣ ко, убаали, сан̇гхарааж̇и жзва ход̇и сан̇гхабхзд̣̇о жа. наваннам̣ ваа , убаали, ад̇ирзганаваннам̣ ваа сан̇гхарааж̇и жзва ход̇и сан̇гхабхзд̣̇о жаа’’д̇и (жуул̣ава. 351). зд̇зсу жа бана бан̃жасу сан̇гхабхзд̣̇о важийгаммам̣, сзсаани гааяагаммаанийд̇и звам̣ гаммад̇о вин̃н̃аад̇аб̣б̣о винижчаяо.
Saṅghabhedepi sīmaṭṭhakasaṅghe asannipatite visuṃ parisaṃ gahetvā katavohārānussāvanasalākaggāhassa kammaṃ vā karontassa uddesaṃ vā uddisantassa bhedo ca hoti ānantariyakammañca. Samaggasaññāya pana vaṭṭatīti saññāya vā karontassa bhedova hoti, na ānantariyakammaṃ. Tathā navato ūnaparisāya. Sabbantimena paricchedena navannaṃ janānaṃ yo saṅghaṃ bhindati, tassa ānantariyakammaṃ hoti. Tassa anuvattakānaṃ adhammavādīnaṃ mahāsāvajjakammaṃ , dhammavādino pana anavajjā. Tattha navannameva saṅghabhede idaṃ suttaṃ – ‘‘ekato, upāli, cattāro honti, ekato cattāro, navamo anussāveti, salākaṃ gāheti ‘ayaṃ dhammo ayaṃ vinayo idaṃ satthu sāsanaṃ, imaṃ gaṇhatha, imaṃ rocethā’ti. Evaṃ kho, upāli, saṅgharāji ceva hoti saṅghabhedo ca. Navannaṃ vā , upāli, atirekanavannaṃ vā saṅgharāji ceva hoti saṅghabhedo cā’’ti (cūḷava. 351). Etesu ca pana pañcasu saṅghabhedo vacīkammaṃ, sesāni kāyakammānīti evaṃ kammato viññātabbo vinicchayo.
д̣̇ваарад̇од̇и саб̣б̣аанзва жзд̇аани гааяад̣̇ваарад̇оби важийд̣̇ваарад̇оби самудтаханд̇и. буримаани банзд̇т̇а жад̇д̇аари аан̣ад̇д̇игавиж̇ж̇аамаяаббаяог̇авасзна важийд̣̇ваарад̇о самудтахид̇вааби гааяад̣̇ваарамзва буурзнд̇и, сан̇гхабхзд̣̇о хад̇т̇амуд̣̇д̇хааяа бхзд̣̇ам̣ гаронд̇асса гааяад̣̇ваарад̇о самудтахид̇вааби важийд̣̇ваарамзва буурзд̇ийд̇и звамзд̇т̇а д̣̇ваарад̇оби вин̃н̃аад̇аб̣б̣о винижчаяо.
Dvāratoti sabbāneva cetāni kāyadvāratopi vacīdvāratopi samuṭṭhahanti. Purimāni panettha cattāri āṇattikavijjāmayappayogavasena vacīdvārato samuṭṭhahitvāpi kāyadvārameva pūrenti, saṅghabhedo hatthamuddhāya bhedaṃ karontassa kāyadvārato samuṭṭhahitvāpi vacīdvārameva pūretīti evamettha dvāratopi viññātabbo vinicchayo.
габбадтид̇ияад̇од̇и сан̇гхабхзд̣̇оязва жзд̇т̇а габбадтид̇ияо. сан̣таханд̇з хи габбз ваа габбавзмаж̇жхз ваа сан̇гхабхзд̣̇ам̣ гад̇ваа габбавинаасзязва мужжад̇и. сажзби хи ‘свз габбо винассиссад̇ий’’д̇и аж̇ж̇а сан̇гхабхзд̣̇ам̣ гарод̇и, свзва мужжад̇и, згад̣̇ивасамзва нираяз бажжад̇и. звам̣ гаран̣ам̣ бана над̇т̇и. сзсаани жад̇д̇аари гаммаани аананд̇арияаанзва хонд̇и, на габбадтид̇ияаанийд̇и звамзд̇т̇а габбадтид̇ияад̇оби вин̃н̃аад̇аб̣б̣о винижчаяо.
Kappaṭṭhitiyatoti saṅghabhedoyeva cettha kappaṭṭhitiyo. Saṇṭhahante hi kappe vā kappavemajjhe vā saṅghabhedaṃ katvā kappavināseyeva muccati. Sacepi hi ‘sve kappo vinassissatī’’ti ajja saṅghabhedaṃ karoti, sveva muccati, ekadivasameva niraye paccati. Evaṃ karaṇaṃ pana natthi. Sesāni cattāri kammāni ānantariyāneva honti, na kappaṭṭhitiyānīti evamettha kappaṭṭhitiyatopi viññātabbo vinicchayo.
баагад̇од̇и язна жа бан̃жабзд̇аани гаммаани гад̇аани хонд̇и, д̇асса сан̇гхабхзд̣̇оязва бадисанд̇хивасзна вибажжад̇и, сзсаани ‘‘ахосигаммам̣ наахоси гаммавибааго’’д̇и звамаад̣̇ийсу сан̇кам̣ г̇ажчанд̇и. сан̇гхабхзд̣̇аабхаавз лохид̇уббаад̣̇о, д̇ад̣̇абхаавз араханд̇агхаад̇о, д̇ад̣̇абхаавз сажз бид̇аа сийлаваа ход̇и, маад̇аа д̣̇уссийлаа, но ваа д̇ат̇аа сийлавад̇ий, бид̇угхаад̇о бадисанд̇хивасзна вибажжад̇и. сажз маад̇аа сийлавад̇ий, маад̇угхаад̇о. д̣̇вийсуби сийлзна ваа д̣̇уссийлзна ваа самаанзсу маад̇угхаад̇ова бадисанд̇хивасзна вибажжад̇и . маад̇аа хи д̣̇уггарагаариний б̣ахуубагаараа жа буд̇д̇аананд̇и. звамзд̇т̇а баагад̇оби вин̃н̃аад̇аб̣б̣о винижчаяо.
Pākatoti yena ca pañcapetāni kammāni katāni honti, tassa saṅghabhedoyeva paṭisandhivasena vipaccati, sesāni ‘‘ahosikammaṃ nāhosi kammavipāko’’ti evamādīsu saṅkhaṃ gacchanti. Saṅghabhedābhāve lohituppādo, tadabhāve arahantaghāto, tadabhāve sace pitā sīlavā hoti, mātā dussīlā, no vā tathā sīlavatī, pitughāto paṭisandhivasena vipaccati. Sace mātā sīlavatī, mātughāto. Dvīsupi sīlena vā dussīlena vā samānesu mātughātova paṭisandhivasena vipaccati . Mātā hi dukkarakārinī bahūpakārā ca puttānanti. Evamettha pākatopi viññātabbo vinicchayo.
саад̇хааран̣аад̣̇ийхийд̇и буримаани жад̇д̇аари саб̣б̣зсамби г̇ахадтабаб̣б̣аж̇ид̇аанам̣ саад̇хааран̣аани. сан̇гхабхзд̣̇о бана ‘‘на ко, убаали бхигкуний, сан̇гхам̣ бхинд̣̇ад̇и, на сигкамаанаа, на сааман̣зро, на сааман̣зрий , на убаасаго, на убаасигаа сан̇гхам̣ бхинд̣̇ад̇и. бхигку ко, убаали, багад̇ад̇д̇о самаанасам̣ваасаго самаанасиймааяам̣ тид̇о сан̇гхам̣ бхинд̣̇ад̇ий’’д̇и (жуул̣ава. 351) важанад̇о вуд̇д̇аббагаарасса бхигкунова ход̇и, на ан̃н̃асса, д̇асмаа асаад̇хааран̣о. аад̣̇исад̣̇д̣̇зна саб̣б̣збзд̇з д̣̇угкавзд̣̇анааяа сахаг̇ад̇аа д̣̇осамохасамбаяуд̇д̇аа жаад̇и звамзд̇т̇а саад̇хааран̣аад̣̇ийхиби вин̃н̃аад̇аб̣б̣о винижчаяо.
Sādhāraṇādīhīti purimāni cattāri sabbesampi gahaṭṭhapabbajitānaṃ sādhāraṇāni. Saṅghabhedo pana ‘‘na kho, upāli bhikkhunī, saṅghaṃ bhindati, na sikkhamānā, na sāmaṇero, na sāmaṇerī , na upāsako, na upāsikā saṅghaṃ bhindati. Bhikkhu kho, upāli, pakatatto samānasaṃvāsako samānasīmāyaṃ ṭhito saṅghaṃ bhindatī’’ti (cūḷava. 351) vacanato vuttappakārassa bhikkhunova hoti, na aññassa, tasmā asādhāraṇo. Ādisaddena sabbepete dukkhavedanāya sahagatā dosamohasampayuttā cāti evamettha sādhāraṇādīhipi viññātabbo vinicchayo.
276. ан̃н̃ам̣ сад̇т̇ааранд̇и ‘‘аяам̣ мз сад̇т̇аа сад̇т̇у гижжам̣ гаад̇ум̣ асамад̇т̇о’’д̇и бхаванд̇арзби ан̃н̃ам̣ д̇ид̇т̇агарам̣ ‘аяам̣ мз сад̇т̇аа’’д̇и звам̣ г̇ан̣хзяяа, нзд̇ам̣ таанам̣ виж̇ж̇ад̇ийд̇и ад̇т̇о.
276.Aññaṃsatthāranti ‘‘ayaṃ me satthā satthu kiccaṃ kātuṃ asamattho’’ti bhavantarepi aññaṃ titthakaraṃ ‘ayaṃ me satthā’’ti evaṃ gaṇheyya, netaṃ ṭhānaṃ vijjatīti attho.
277. згиссаа логад̇хаад̇уяаад̇и д̣̇асасахассилогад̇хаад̇уяаа. д̇ийн̣и хи кзд̇д̇аани ж̇аад̇икзд̇д̇ам̣, аан̣аакзд̇д̇ам̣ висаяакзд̇д̇анд̇и. д̇ад̇т̇а ж̇аад̇икзд̇д̇ам̣ наама д̣̇асасахассий логад̇хаад̇у. саа хи д̇ат̇ааг̇ад̇асса маад̇угужчисмим̣ оггаманагаалз нигкаманагаалз самб̣од̇хигаалз д̇хаммажаггаббавад̇д̇анз ааяусан̇кааравоссаж̇ж̇анз бариниб̣б̣аанз жа гамбад̇и. годисад̇асахассажаггаваал̣ам̣ бана аан̣аакзд̇д̇ам̣ наама. аадаанаадияабарид̇д̇аморабарид̇д̇ад̇хаж̇аг̇г̇абарид̇д̇арад̇анабарид̇д̇аад̣̇ийнан̃хи зд̇т̇а аан̣аа бавад̇д̇ад̇и. висаяакзд̇д̇асса бана баримаан̣ам̣ над̇т̇и. б̣уд̣̇д̇хаанан̃хи ‘‘яаавад̇агам̣ н̃аан̣ам̣ д̇аавад̇агам̣ н̃зяяам̣, яаавад̇агам̣ н̃зяяам̣ д̇аавад̇агам̣ н̃аан̣ам̣, н̃аан̣абарияанд̇игам̣ н̃зяяам̣, н̃зяяабарияанд̇игам̣ н̃аан̣а’’нд̇и (махаани. 69; жуул̣ани. могхарааж̇амаан̣авабужчаанид̣̇д̣̇зсо 85; бади. ма. 3.5) важанад̇о ависаяо наама над̇т̇и.
277.Ekissā lokadhātuyāti dasasahassilokadhātuyā. Tīṇi hi khettāni jātikhettaṃ, āṇākhettaṃ visayakhettanti. Tattha jātikhettaṃ nāma dasasahassī lokadhātu. Sā hi tathāgatassa mātukucchismiṃ okkamanakāle nikkhamanakāle sambodhikāle dhammacakkappavattane āyusaṅkhāravossajjane parinibbāne ca kampati. Koṭisatasahassacakkavāḷaṃ pana āṇākhettaṃ nāma. Āṭānāṭiyaparittamoraparittadhajaggaparittaratanaparittādīnañhi ettha āṇā pavattati. Visayakhettassa pana parimāṇaṃ natthi. Buddhānañhi ‘‘yāvatakaṃ ñāṇaṃ tāvatakaṃ ñeyyaṃ, yāvatakaṃ ñeyyaṃ tāvatakaṃ ñāṇaṃ, ñāṇapariyantikaṃ ñeyyaṃ, ñeyyapariyantikaṃ ñāṇa’’nti (mahāni. 69; cūḷani. mogharājamāṇavapucchāniddeso 85; paṭi. ma. 3.5) vacanato avisayo nāma natthi.
имзсу бана д̇ийсу кзд̇д̇зсу табзд̇ваа имам̣ жаггаваал̣ам̣ ан̃н̃асмим̣ жаггаваал̣з б̣уд̣̇д̇хаа уббаж̇ж̇анд̇ийд̇и суд̇д̇ам̣ над̇т̇и, на уббаж̇ж̇анд̇ийд̇и бана ад̇т̇и. д̇ийн̣и хи бидагаани – винаяабидагам̣, суд̇д̇анд̇абидагам̣, абхид̇хаммабидагам̣. д̇иссо сан̇г̇ийд̇ияо – махаагассабад̇т̇зрасса сан̇г̇ийд̇и, яасад̇т̇зрасса сан̇г̇ийд̇и, мог̇г̇алибуд̇д̇ад̇т̇зрасса сан̇г̇ийд̇и. имаа д̇иссо сан̇г̇ийд̇ияо аарул̣хз д̇збидагз б̣уд̣̇д̇хаважанз имам̣ жаггаваал̣ам̣ мун̃жид̇ваа ан̃н̃ад̇т̇а б̣уд̣̇д̇хаа уббаж̇ж̇анд̇ийд̇и суд̇д̇ам̣ над̇т̇и, на уббаж̇ж̇анд̇ийд̇и бана ад̇т̇и.
Imesu pana tīsu khettesu ṭhapetvā imaṃ cakkavāḷaṃ aññasmiṃ cakkavāḷe buddhā uppajjantīti suttaṃ natthi, na uppajjantīti pana atthi. Tīṇi hi piṭakāni – vinayapiṭakaṃ, suttantapiṭakaṃ, abhidhammapiṭakaṃ. Tisso saṅgītiyo – mahākassapattherassa saṅgīti, yasattherassa saṅgīti, moggaliputtattherassa saṅgīti. Imā tisso saṅgītiyo āruḷhe tepiṭake buddhavacane imaṃ cakkavāḷaṃ muñcitvā aññattha buddhā uppajjantīti suttaṃ natthi, na uppajjantīti pana atthi.
абуб̣б̣ам̣ ажариманд̇и абурз абажчаа, згад̇о на уббаж̇ж̇анд̇и. бурз ваа бажчаа ваа уббаж̇ж̇анд̇ийд̇и вуд̇д̇ам̣ ход̇и. д̇ад̇т̇а б̣од̇хибаллан̇гз ‘‘б̣од̇хим̣ аббад̇ваа на удтахиссаамий’’д̇и нисиннагаалад̇о бадтааяа яаава маад̇угужчисмим̣ бадисанд̇хиг̇г̇ахан̣ам̣, д̇аава буб̣б̣зд̇и на взд̣̇ид̇аб̣б̣ам̣. б̣од̇хисад̇д̇асса хи бадисанд̇хигкан̣з д̣̇асасахассажаггаваал̣агамбанзнзва кзд̇д̇абариг̇г̇ахо гад̇о, зд̇т̇анд̇арз ан̃н̃асса б̣уд̣̇д̇хасса уббад̇д̇и ниваарид̇аава ход̇и. бариниб̣б̣аанад̇о бадтааяа яаава саасабамад̇д̇ааби д̇хаад̇у д̇идтад̇и, д̇аава бажчаад̇и на взд̣̇ид̇аб̣б̣ам̣. д̇хаад̇уусу хи тид̇аасу б̣уд̣̇д̇хаа тид̇аава хонд̇и. д̇асмаа зд̇т̇анд̇арз ан̃н̃асса б̣уд̣̇д̇хасса уббад̇д̇и ниваарид̇аава ход̇и. д̇хаад̇убариниб̣б̣аанз бана ж̇аад̇з ан̃н̃асса б̣уд̣̇д̇хасса уббад̇д̇и на ниваарид̇аа.
Apubbaṃ acarimanti apure apacchā, ekato na uppajjanti. Pure vā pacchā vā uppajjantīti vuttaṃ hoti. Tattha bodhipallaṅke ‘‘bodhiṃ appatvā na uṭṭhahissāmī’’ti nisinnakālato paṭṭhāya yāva mātukucchismiṃ paṭisandhiggahaṇaṃ, tāva pubbeti na veditabbaṃ. Bodhisattassa hi paṭisandhikkhaṇe dasasahassacakkavāḷakampaneneva khettapariggaho kato, etthantare aññassa buddhassa uppatti nivāritāva hoti. Parinibbānato paṭṭhāya yāva sāsapamattāpi dhātu tiṭṭhati, tāva pacchāti na veditabbaṃ. Dhātūsu hi ṭhitāsu buddhā ṭhitāva honti. Tasmā etthantare aññassa buddhassa uppatti nivāritāva hoti. Dhātuparinibbāne pana jāte aññassa buddhassa uppatti na nivāritā.
гасмаа бана абуб̣б̣ам̣ ажаримам̣ на уббаж̇ж̇анд̇ийд̇и? анажчарияад̇д̇аа. б̣уд̣̇д̇хаа хи ажчарияамануссаа. яат̇ааха – ‘‘згабуг̇г̇ало, бхигкавз, логз уббаж̇ж̇амаано уббаж̇ж̇ад̇и ажчарияамануссо. гад̇амо згабуг̇г̇ало? д̇ат̇ааг̇ад̇о арахам̣ саммаасамб̣уд̣̇д̇хо’’д̇и (а. ни. 1.172). яад̣̇и жа д̣̇вз ваа жад̇д̇ааро ваа адта ваа сол̣аса ваа згад̇о уббаж̇ж̇зяяум̣, анажчарияаа бхавзяяум̣. згасмин̃хи вихаарз д̣̇виннам̣ жзд̇ияаанамби лаабхасаггааро ул̣аараа на хонд̇и, бхигкууби б̣ахуд̇ааяа анажчарияаа ж̇аад̇аа, звам̣ б̣уд̣̇д̇хааби бхавзяяум̣. д̇асмаа на уббаж̇ж̇анд̇и.
Kasmā pana apubbaṃ acarimaṃ na uppajjantīti? Anacchariyattā. Buddhā hi acchariyamanussā. Yathāha – ‘‘ekapuggalo, bhikkhave, loke uppajjamāno uppajjati acchariyamanusso. Katamo ekapuggalo? Tathāgato arahaṃ sammāsambuddho’’ti (a. ni. 1.172). Yadi ca dve vā cattāro vā aṭṭha vā soḷasa vā ekato uppajjeyyuṃ, anacchariyā bhaveyyuṃ. Ekasmiñhi vihāre dvinnaṃ cetiyānampi lābhasakkāro uḷārā na honti, bhikkhūpi bahutāya anacchariyā jātā, evaṃ buddhāpi bhaveyyuṃ. Tasmā na uppajjanti.
д̣̇зсанааяа жа висзсаабхаавад̇о. яан̃хи сад̇ибадтаанаад̣̇игам̣ д̇хаммам̣ зго д̣̇зсзд̇и, ан̃н̃зна уббаж̇ж̇ид̇вааби сова д̇хаммо д̣̇зсзд̇аб̣б̣о сияаа. д̇ад̇о анажчарияо сияаа. згасмим̣ бана д̇хаммам̣ д̣̇зсзнд̇з д̣̇зсанааби ажчарияаава ход̇и.
Desanāya ca visesābhāvato. Yañhi satipaṭṭhānādikaṃ dhammaṃ eko deseti, aññena uppajjitvāpi sova dhammo desetabbo siyā. Tato anacchariyo siyā. Ekasmiṃ pana dhammaṃ desente desanāpi acchariyāva hoti.
виваад̣̇абхаавад̇о жа. б̣ахуусу жа б̣уд̣̇д̇хзсу уббаннзсу б̣ахуунам̣ аажарияаанам̣ анд̇зваасигаа вияа ‘‘амхаагам̣ б̣уд̣̇д̇хо баасаад̣̇иго, амхаагам̣ б̣уд̣̇д̇хо мад̇хурассаро лаабхий бун̃н̃аваа’’д̇и вивад̣̇зяяум̣, д̇асмааби звам̣ на уббаж̇ж̇анд̇и.
Vivādabhāvato ca. Bahūsu ca buddhesu uppannesu bahūnaṃ ācariyānaṃ antevāsikā viya ‘‘amhākaṃ buddho pāsādiko, amhākaṃ buddho madhurassaro lābhī puññavā’’ti vivadeyyuṃ, tasmāpi evaṃ na uppajjanti.
абижзд̇ам̣ гааран̣ам̣ милинд̣̇аран̃н̃аа будтзна нааг̇асзнад̇т̇зрзна вид̇т̇аарид̇амзва. вуд̇д̇ан̃хи д̇ад̇т̇а (ми. ба. 5.1.1) –
Apicetaṃ kāraṇaṃ milindaraññā puṭṭhena nāgasenattherena vitthāritameva. Vuttañhi tattha (mi. pa. 5.1.1) –
‘‘бханд̇з, нааг̇асзна, бхаасид̇амби хзд̇ам̣ бхаг̇авад̇аа – ‘адтаанамзд̇ам̣, бхигкавз, анавагаасо, яам̣ згиссаа логад̇хаад̇уяаа д̣̇вз араханд̇о саммаасамб̣уд̣̇д̇хаа абуб̣б̣ам̣ ажаримам̣ уббаж̇ж̇зяяум̣ , нзд̇ам̣ таанам̣ виж̇ж̇ад̇ий’д̇и. д̣̇зсзнд̇аа жа, бханд̇з нааг̇асзна, саб̣б̣зби д̇ат̇ааг̇ад̇аа сад̇д̇ад̇им̣са б̣од̇хибагкияад̇хаммз д̣̇зсзнд̇и, гат̇аяамаанаа жа жад̇д̇аари арияасажжаани гат̇знд̇и, сигкаабзнд̇аа жа д̇ийсу сигкаасу сигкаабзнд̇и, анусаасамаанаа жа аббамаад̣̇абадибад̇д̇ияам̣ анусаасанд̇и. яад̣̇и, бханд̇з нааг̇асзна, саб̣б̣зсамби д̇ат̇ааг̇ад̇аанам̣ зго уд̣̇д̣̇зсо згаа гат̇аа згаа сигкаа згаа анусидти, гзна гааран̣зна д̣̇вз д̇ат̇ааг̇ад̇аа згагкан̣з на уббаж̇ж̇анд̇и. згзнаби д̇аава б̣уд̣̇д̇хуббаад̣̇зна аяам̣ лого обхаасаж̇аад̇о, яад̣̇и д̣̇уд̇ияоби б̣уд̣̇д̇хо бхавзяяа, д̣̇виннам̣ бабхааяа аяам̣ лого бхияяосомад̇д̇ааяа обхаасаж̇аад̇о бхавзяяа. овад̣̇амаанаа жа д̣̇вз д̇ат̇ааг̇ад̇аа сукам̣ овад̣̇зяяум̣, анусаасамаанаа жа сукам̣ анусаасзяяум̣. д̇ад̇т̇а мз гааран̣ам̣ д̣̇зсзхи, яат̇аахам̣ ниссам̣саяо бхавзяяанд̇и’’.
‘‘Bhante, nāgasena, bhāsitampi hetaṃ bhagavatā – ‘aṭṭhānametaṃ, bhikkhave, anavakāso, yaṃ ekissā lokadhātuyā dve arahanto sammāsambuddhā apubbaṃ acarimaṃ uppajjeyyuṃ , netaṃ ṭhānaṃ vijjatī’ti. Desentā ca, bhante nāgasena, sabbepi tathāgatā sattatiṃsa bodhipakkhiyadhamme desenti, kathayamānā ca cattāri ariyasaccāni kathenti, sikkhāpentā ca tīsu sikkhāsu sikkhāpenti, anusāsamānā ca appamādapaṭipattiyaṃ anusāsanti. Yadi, bhante nāgasena, sabbesampi tathāgatānaṃ eko uddeso ekā kathā ekā sikkhā ekā anusiṭṭhi, kena kāraṇena dve tathāgatā ekakkhaṇe na uppajjanti. Ekenapi tāva buddhuppādena ayaṃ loko obhāsajāto, yadi dutiyopi buddho bhaveyya, dvinnaṃ pabhāya ayaṃ loko bhiyyosomattāya obhāsajāto bhaveyya. Ovadamānā ca dve tathāgatā sukhaṃ ovadeyyuṃ, anusāsamānā ca sukhaṃ anusāseyyuṃ. Tattha me kāraṇaṃ desehi, yathāhaṃ nissaṃsayo bhaveyyanti’’.
‘‘аяам̣, махаарааж̇а, д̣̇асасахассий логад̇хаад̇у згаб̣уд̣̇д̇хад̇хааран̣ий, згассзва д̇ат̇ааг̇ад̇асса г̇ун̣ам̣ д̇хаарзд̇и. яад̣̇и д̣̇уд̇ияо б̣уд̣̇д̇хо уббаж̇ж̇зяяа, нааяам̣ д̣̇асасахассий логад̇хаад̇у д̇хаарзяяа, жалзяяа гамбзяяа намзяяа онамзяяа винамзяяа вигирзяяа вид̇хамзяяа вид̣̇д̇хам̣сзяяа, на таанамубаг̇ажчзяяа.
‘‘Ayaṃ, mahārāja, dasasahassī lokadhātu ekabuddhadhāraṇī, ekasseva tathāgatassa guṇaṃ dhāreti. Yadi dutiyo buddho uppajjeyya, nāyaṃ dasasahassī lokadhātu dhāreyya, caleyya kampeyya nameyya onameyya vinameyya vikireyya vidhameyya viddhaṃseyya, na ṭhānamupagaccheyya.
‘‘яат̇аа, махаарааж̇а, нааваа згабурисасанд̇хааран̣ий бхавзяяа. згасмим̣ бурисз абхируул̣хз саа нааваа самубаад̣̇игаа бхавзяяа. ат̇а д̣̇уд̇ияо бурисо ааг̇ажчзяяа д̇аад̣̇исо ааяунаа ван̣н̣зна ваязна бамаан̣зна гисат̇уулзна саб̣б̣ан̇г̇абажжан̇г̇зна, со д̇ам̣ наавам̣ абхирухзяяа. аби ну саа, махаарааж̇а, нааваа д̣̇виннамби д̇хаарзяяаад̇и? на хи, бханд̇з, жалзяяа гамбзяяа намзяяа онамзяяа винамзяяа вигирзяяа вид̇хамзяяа вид̣̇д̇хам̣сзяяа, на таанамубаг̇ажчзяяа, осийд̣̇зяяа уд̣̇агзд̇и. звамзва ко, махаарааж̇а, аяам̣ д̣̇асасахассий логад̇хаад̇у згаб̣уд̣̇д̇хад̇хааран̣ий, згассзва д̇ат̇ааг̇ад̇асса г̇ун̣ам̣ д̇хаарзд̇и, яад̣̇и д̣̇уд̇ияо б̣уд̣̇д̇хо уббаж̇ж̇зяяа, нааяам̣ д̣̇асасахассий логад̇хаад̇у д̇хаарзяяа, жалзяяа…бз… на таанамубаг̇ажчзяяа.
‘‘Yathā, mahārāja, nāvā ekapurisasandhāraṇī bhaveyya. Ekasmiṃ purise abhirūḷhe sā nāvā samupādikā bhaveyya. Atha dutiyo puriso āgaccheyya tādiso āyunā vaṇṇena vayena pamāṇena kisathūlena sabbaṅgapaccaṅgena, so taṃ nāvaṃ abhiruheyya. Api nu sā, mahārāja, nāvā dvinnampi dhāreyyāti? Na hi, bhante, caleyya kampeyya nameyya onameyya vinameyya vikireyya vidhameyya viddhaṃseyya, na ṭhānamupagaccheyya, osīdeyya udaketi. Evameva kho, mahārāja, ayaṃ dasasahassī lokadhātu ekabuddhadhāraṇī, ekasseva tathāgatassa guṇaṃ dhāreti, yadi dutiyo buddho uppajjeyya, nāyaṃ dasasahassī lokadhātu dhāreyya, caleyya…pe… na ṭhānamupagaccheyya.
‘‘яат̇аа ваа бана, махаарааж̇а, бурисо яаавад̣̇ад̇т̇ам̣ бхож̇анам̣ бхун̃ж̇зяяа чаад̣̇знд̇ам̣ яаава ган̣тамабхибуураяид̇ваа. со д̇хаад̇о бийн̣ид̇о барибун̣н̣о ниранд̇аро д̇анд̣̇игад̇о анонамид̇ад̣̇ан̣д̣аж̇аад̇о бунад̣̇зва д̇ад̇д̇агам̣ бхож̇анам̣ бхун̃ж̇зяяа. аби ну ко со, махаарааж̇а, бурисо сукид̇о бхавзяяаад̇и? на хи, бханд̇з, сагим̣бхуд̇д̇ова марзяяаад̇и. звамзва ко, махаарааж̇а, аяам̣ д̣̇асасахассий логад̇хаад̇у згаб̣уд̣̇д̇хад̇хааран̣ий…бз… на таанамубаг̇ажчзяяаад̇и.
‘‘Yathā vā pana, mahārāja, puriso yāvadatthaṃ bhojanaṃ bhuñjeyya chādentaṃ yāva kaṇṭhamabhipūrayitvā. So dhāto pīṇito paripuṇṇo nirantaro tandikato anonamitadaṇḍajāto punadeva tattakaṃ bhojanaṃ bhuñjeyya. Api nu kho so, mahārāja, puriso sukhito bhaveyyāti? Na hi, bhante, sakiṃbhuttova mareyyāti. Evameva kho, mahārāja, ayaṃ dasasahassī lokadhātu ekabuddhadhāraṇī…pe… na ṭhānamupagaccheyyāti.
‘‘гим̣ ну ко, бханд̇з нааг̇асзна, ад̇ид̇хаммабхаарзна бат̇ави жалад̇ийд̇и? ид̇ха, махаарааж̇а, д̣̇вз сагадаа рад̇анабарибуурид̇аа бхавзяяум̣ яаава мукасамаа. згасмаа сагадад̇о рад̇анам̣ г̇ахзд̇ваа згасмим̣ сагадз аагирзяяум̣, аби ну д̇ам̣, махаарааж̇а, сагадам̣ д̣̇виннамби сагадаанам̣ рад̇анам̣ д̇хаарзяяаад̇и? на хи, бханд̇з, наабхиби д̇асса палзяяа, арааби д̇асса бхиж̇ж̇зяяум̣, нзмийби д̇асса обад̇зяяум̣, агкоби д̇асса бхиж̇ж̇зяяаад̇и. гим̣ ну ко, махаарааж̇а, ад̇ирад̇анабхаарзна сагадам̣ бхиж̇ж̇ад̇ийд̇и ? аама, бханд̇зд̇и. звамзва ко, махаарааж̇а, ад̇ид̇хаммабхаарзна бат̇авий жалад̇ийд̇и.
‘‘Kiṃ nu kho, bhante nāgasena, atidhammabhārena pathavi calatīti? Idha, mahārāja, dve sakaṭā ratanaparipūritā bhaveyyuṃ yāva mukhasamā. Ekasmā sakaṭato ratanaṃ gahetvā ekasmiṃ sakaṭe ākireyyuṃ, api nu taṃ, mahārāja, sakaṭaṃ dvinnampi sakaṭānaṃ ratanaṃ dhāreyyāti? Na hi, bhante, nābhipi tassa phaleyya, arāpi tassa bhijjeyyuṃ, nemīpi tassa opateyyuṃ, akkhopi tassa bhijjeyyāti. Kiṃ nu kho, mahārāja, atiratanabhārena sakaṭaṃ bhijjatīti ? Āma, bhanteti. Evameva kho, mahārāja, atidhammabhārena pathavī calatīti.
‘‘аби жа, махаарааж̇а, имам̣ гааран̣ам̣ б̣уд̣̇д̇хаб̣алабарид̣̇ийбанааяа осаарид̇ам̣. ан̃н̃амби д̇ад̇т̇а абхируубам̣ гааран̣ам̣ сун̣охи, язна гааран̣зна д̣̇вз саммаасамб̣уд̣̇д̇хаа згагкан̣з на уббаж̇ж̇анд̇и. яад̣̇и, махаарааж̇а, д̣̇вз саммаасамб̣уд̣̇д̇хаа згагкан̣з уббаж̇ж̇зяяум̣, барисааяа виваад̣̇о уббаж̇ж̇зяяа, ‘д̇умхаагам̣ б̣уд̣̇д̇хо, амхаагам̣ б̣уд̣̇д̇хо’д̇и убхад̇обагкаж̇аад̇аа бхавзяяум̣. яат̇аа, махаарааж̇а, д̣̇виннам̣ б̣алаваамажжаанам̣ барисааяа виваад̣̇о уббаж̇ж̇ад̇и, ‘д̇умхаагам̣ амажжо амхаагам̣ амажжо’д̇и убхад̇обагкаж̇аад̇аа хонд̇и. звамзва ко, махаарааж̇а, яад̣̇и д̣̇вз саммаасамб̣уд̣̇д̇хаа згагкан̣з уббаж̇ж̇зяяум̣, барисааяа виваад̣̇о уббаж̇ж̇зяяа, ‘д̇умхаагам̣ б̣уд̣̇д̇хо, амхаагам̣ б̣уд̣̇д̇хо’д̇и убхад̇обагкаж̇аад̇аа бхавзяяум̣. ид̣̇ам̣ батамам̣ гааран̣ам̣ сун̣охи, язна гааран̣зна д̣̇вз саммаасамб̣уд̣̇д̇хаа згагкан̣з на уббаж̇ж̇анд̇и.
‘‘Api ca, mahārāja, imaṃ kāraṇaṃ buddhabalaparidīpanāya osāritaṃ. Aññampi tattha abhirūpaṃ kāraṇaṃ suṇohi, yena kāraṇena dve sammāsambuddhā ekakkhaṇe na uppajjanti. Yadi, mahārāja, dve sammāsambuddhā ekakkhaṇe uppajjeyyuṃ, parisāya vivādo uppajjeyya, ‘tumhākaṃ buddho, amhākaṃ buddho’ti ubhatopakkhajātā bhaveyyuṃ. Yathā, mahārāja, dvinnaṃ balavāmaccānaṃ parisāya vivādo uppajjati, ‘tumhākaṃ amacco amhākaṃ amacco’ti ubhatopakkhajātā honti. Evameva kho, mahārāja, yadi dve sammāsambuddhā ekakkhaṇe uppajjeyyuṃ, parisāya vivādo uppajjeyya, ‘tumhākaṃ buddho, amhākaṃ buddho’ti ubhatopakkhajātā bhaveyyuṃ. Idaṃ paṭhamaṃ kāraṇaṃ suṇohi, yena kāraṇena dve sammāsambuddhā ekakkhaṇe na uppajjanti.
‘‘абарамби, махаарааж̇а, уд̇д̇арим̣ гааран̣ам̣ сун̣охи, язна гааран̣зна д̣̇вз саммаасамб̣уд̣̇д̇хаа згагкан̣з на уббаж̇ж̇анд̇и. яад̣̇и, махаарааж̇а, д̣̇вз саммаасамб̣уд̣̇д̇хаа згагкан̣з уббаж̇ж̇зяяум̣, аг̇г̇о б̣уд̣̇д̇ход̇и яам̣ важанам̣, д̇ам̣ мижчаа бхавзяяа. ж̇здто б̣уд̣̇д̇ход̇и…бз… сздто б̣уд̣̇д̇ход̇и. висидто б̣уд̣̇д̇ход̇и, уд̇д̇амо б̣уд̣̇д̇ход̇и, баваро б̣уд̣̇д̇ход̇и, асамо б̣уд̣̇д̇ход̇и, асамасамо б̣уд̣̇д̇ход̇и, аббадисамо б̣уд̣̇д̇ход̇и, аббадибхааг̇о б̣уд̣̇д̇ход̇и, аббадибуг̇г̇ало б̣уд̣̇д̇ход̇и яам̣ важанам̣, д̇ам̣ мижчаа бхавзяяа. имамби ко д̇вам̣, махаарааж̇а, гааран̣ам̣ ад̇т̇ад̇о самбадижча, язна гааран̣зна д̣̇вз саммаасамб̣уд̣̇д̇хаа згагкан̣з на уббаж̇ж̇анд̇и.
‘‘Aparampi, mahārāja, uttariṃ kāraṇaṃ suṇohi, yena kāraṇena dve sammāsambuddhā ekakkhaṇe na uppajjanti. Yadi, mahārāja, dve sammāsambuddhā ekakkhaṇe uppajjeyyuṃ, aggo buddhoti yaṃ vacanaṃ, taṃ micchā bhaveyya. Jeṭṭho buddhoti…pe… seṭṭho buddhoti. Visiṭṭho buddhoti, uttamo buddhoti, pavaro buddhoti, asamo buddhoti, asamasamo buddhoti, appaṭisamo buddhoti, appaṭibhāgo buddhoti, appaṭipuggalo buddhoti yaṃ vacanaṃ, taṃ micchā bhaveyya. Imampi kho tvaṃ, mahārāja, kāraṇaṃ atthato sampaṭiccha, yena kāraṇena dve sammāsambuddhā ekakkhaṇe na uppajjanti.
‘‘абижа, махаарааж̇а, б̣уд̣̇д̇хаанам̣ бхаг̇аванд̇аанам̣ сабхаавабагад̇игаа зсаа, яам̣ згоязва б̣уд̣̇д̇хо логз уббаж̇ж̇ад̇и. гасмаа? гааран̣амаханд̇ад̇д̇аа саб̣б̣ан̃н̃уб̣уд̣̇д̇хаг̇ун̣аанам̣. ан̃н̃амби, махаарааж̇а, яам̣ маханд̇ам̣ ход̇и, д̇ам̣ згам̣язва ход̇и. бат̇авий, махаарааж̇а, маханд̇ий, саа згааязва. сааг̇аро маханд̇о, со згоязва. синзру г̇ирирааж̇а маханд̇о, со згоязва. аагаасо маханд̇о, со згоязва . сагго маханд̇о, со згоязва. б̣рахмаа маханд̇о, со згоязва. д̇ат̇ааг̇ад̇о арахам̣ саммаасамб̣уд̣̇д̇хо маханд̇о, со згоязва. яад̇т̇а д̇з уббаж̇ж̇анд̇и, д̇ад̇т̇а ан̃н̃зсам̣ огаасо на ход̇и. д̇асмаа д̇ат̇ааг̇ад̇о арахам̣ саммаасамб̣уд̣̇д̇хо згоязва логз уббаж̇ж̇ад̇ийд̇и. сугат̇ид̇о, бханд̇з нааг̇асзна, бан̃хо обаммзхи гааран̣зхий’’д̇и.
‘‘Apica, mahārāja, buddhānaṃ bhagavantānaṃ sabhāvapakatikā esā, yaṃ ekoyeva buddho loke uppajjati. Kasmā? Kāraṇamahantattā sabbaññubuddhaguṇānaṃ. Aññampi, mahārāja, yaṃ mahantaṃ hoti, taṃ ekaṃyeva hoti. Pathavī, mahārāja, mahantī, sā ekāyeva. Sāgaro mahanto, so ekoyeva. Sineru girirāja mahanto, so ekoyeva. Ākāso mahanto, so ekoyeva . Sakko mahanto, so ekoyeva. Brahmā mahanto, so ekoyeva. Tathāgato arahaṃ sammāsambuddho mahanto, so ekoyeva. Yattha te uppajjanti, tattha aññesaṃ okāso na hoti. Tasmā tathāgato arahaṃ sammāsambuddho ekoyeva loke uppajjatīti. Sukathito, bhante nāgasena, pañho opammehi kāraṇehī’’ti.
згиссаа логад̇хаад̇уяаад̇и згасмим̣ жаггаваал̣з. хздтаа иминаава бад̣̇зна д̣̇аса жаггаваал̣асахассаани г̇ахид̇аани, д̇ааниби згажаггаваал̣знзва барижчинд̣̇ид̇ум̣ вадданд̇и. б̣уд̣̇д̇хаа хи уббаж̇ж̇амаанаа имасмим̣язва жаггаваал̣з уббаж̇ж̇анд̇и, уббаж̇ж̇анадтаанз бана ваарид̇з ид̇о ан̃н̃зсу жаггаваал̣зсу на уббаж̇ж̇анд̇ийд̇и ваарид̇амзва ход̇и.
Ekissālokadhātuyāti ekasmiṃ cakkavāḷe. Heṭṭhā imināva padena dasa cakkavāḷasahassāni gahitāni, tānipi ekacakkavāḷeneva paricchindituṃ vaṭṭanti. Buddhā hi uppajjamānā imasmiṃyeva cakkavāḷe uppajjanti, uppajjanaṭṭhāne pana vārite ito aññesu cakkavāḷesu na uppajjantīti vāritameva hoti.
батамаваг̇г̇аван̣н̣анаа.
Paṭhamavaggavaṇṇanā.
15. адтаанабаал̣и
15. Aṭṭhānapāḷi
(15) 2. адтаанабаал̣и-д̣̇уд̇ияаваг̇г̇аван̣н̣анаа
(15) 2. Aṭṭhānapāḷi-dutiyavaggavaṇṇanā
278. абуб̣б̣ам̣ ажариманд̇и зд̇т̇а жаггарад̇анабаад̇убхаавад̇о буб̣б̣з буб̣б̣ам̣, д̇ассзва анд̇арад̇хаанад̇о бажчаа жаримам̣. д̇ад̇т̇а д̣̇вид̇хаа жаггарад̇анасса анд̇арад̇хаанам̣ ход̇и жаггавад̇д̇ино гаалагирияааяа ваа баб̣б̣аж̇ж̇ааяа ваа. анд̇арад̇хааяамаанан̃жа бана д̇ам̣ гаалагирияад̇о ваа баб̣б̣аж̇ж̇ад̇о ваа сад̇д̇амз д̣̇ивасз анд̇арад̇хааяад̇и, д̇ад̇о барам̣ жаггавад̇д̇ино баад̇убхааво аваарид̇о.
278.Apubbaṃacarimanti ettha cakkaratanapātubhāvato pubbe pubbaṃ, tasseva antaradhānato pacchā carimaṃ. Tattha dvidhā cakkaratanassa antaradhānaṃ hoti cakkavattino kālakiriyāya vā pabbajjāya vā. Antaradhāyamānañca pana taṃ kālakiriyato vā pabbajjato vā sattame divase antaradhāyati, tato paraṃ cakkavattino pātubhāvo avārito.
гасмаа бана згажаггаваал̣з д̣̇вз жаггавад̇д̇ино на уббаж̇ж̇анд̇ийд̇и? виваад̣̇убажчзд̣̇ад̇о, ажчарияабхаавад̇о, жаггарад̇анасса махаанубхаавад̇о жа. д̣̇вийсу хи уббаж̇ж̇анд̇зсу ‘‘амхаагам̣ рааж̇аа маханд̇о, амхаагам̣ рааж̇аа маханд̇о’’д̇и виваад̣̇о уббаж̇ж̇зяяа, ‘‘згасмим̣ д̣̇ийбз жаггавад̇д̇ий, згасмим̣ д̣̇ийбз жаггавад̇д̇ий’’д̇и жа анажчарияо бхавзяяа. яо жааяам̣ жаггарад̇анасса д̣̇висахассад̣̇ийбабариваарзсу жад̇уусу махаад̣̇ийбзсу иссарияаануббад̣̇аанасамад̇т̇о махаанубхааво, соби барихааязт̇а. ид̇и виваад̣̇убажчзд̣̇ад̇о ажчарияабхаавад̇о жаггарад̇анасса махаанубхаавад̇о жа на згажаггаваал̣з д̣̇вз уббаж̇ж̇анд̇и.
Kasmā pana ekacakkavāḷe dve cakkavattino na uppajjantīti? Vivādupacchedato, acchariyabhāvato, cakkaratanassa mahānubhāvato ca. Dvīsu hi uppajjantesu ‘‘amhākaṃ rājā mahanto, amhākaṃ rājā mahanto’’ti vivādo uppajjeyya, ‘‘ekasmiṃ dīpe cakkavattī, ekasmiṃ dīpe cakkavattī’’ti ca anacchariyo bhaveyya. Yo cāyaṃ cakkaratanassa dvisahassadīpaparivāresu catūsu mahādīpesu issariyānuppadānasamattho mahānubhāvo, sopi parihāyetha. Iti vivādupacchedato acchariyabhāvato cakkaratanassa mahānubhāvato ca na ekacakkavāḷe dve uppajjanti.
279. яам̣ ид̇т̇ий арахам̣ асса саммаасамб̣уд̣̇д̇ход̇и зд̇т̇а д̇идтад̇у д̇аава саб̣б̣ан̃н̃уг̇ун̣з ниб̣б̣ад̇д̇зд̇ваа логанид̇т̇аран̣асамад̇т̇о б̣уд̣̇д̇хабхааво, бан̣ид̇хаанамад̇д̇амби ид̇т̇ияаа на самбаж̇ж̇ад̇и.
279.Yaṃ itthī arahaṃ assa sammāsambuddhoti ettha tiṭṭhatu tāva sabbaññuguṇe nibbattetvā lokanittharaṇasamattho buddhabhāvo, paṇidhānamattampi itthiyā na sampajjati.
‘‘мануссад̇д̇ам̣ лин̇г̇асамбад̇д̇и, хзд̇у сад̇т̇аарад̣̇ассанам̣;
‘‘Manussattaṃ liṅgasampatti, hetu satthāradassanaṃ;
баб̣б̣аж̇ж̇аа г̇ун̣асамбад̇д̇и, ад̇хигааро жа чанд̣̇ад̇аа;
Pabbajjā guṇasampatti, adhikāro ca chandatā;
адта д̇хаммасамод̇хаанаа, абхинийхааро самиж̇жхад̇ий’’д̇и. (б̣у. вам̣. 2.59) –
Aṭṭha dhammasamodhānā, abhinīhāro samijjhatī’’ti. (bu. vaṃ. 2.59) –
имаани хи бан̣ид̇хаанасамбад̇д̇игааран̣аани. ид̇и бан̣ид̇хаанамби самбаад̣̇зд̇ум̣ асамад̇т̇ааяа ид̇т̇ияаа гуд̇о б̣уд̣̇д̇хабхаавод̇и. ‘‘адтаанамзд̇ам̣, бхигкавз, анавагаасо, яам̣ ид̇т̇ий арахам̣ асса саммаасамб̣уд̣̇д̇хо’’д̇и вуд̇д̇ам̣ . саб̣б̣аагаарабарибуурова бун̃н̃уссаяо саб̣б̣аагаарабарибуурамзва ад̇д̇абхаавам̣ ниб̣б̣ад̇д̇зд̇ийд̇и бурисова арахам̣ ход̇и саммаасамб̣уд̣̇д̇хо, на ид̇т̇ий.
Imāni hi paṇidhānasampattikāraṇāni. Iti paṇidhānampi sampādetuṃ asamatthāya itthiyā kuto buddhabhāvoti. ‘‘Aṭṭhānametaṃ, bhikkhave, anavakāso, yaṃ itthī arahaṃ assa sammāsambuddho’’ti vuttaṃ . Sabbākāraparipūrova puññussayo sabbākāraparipūrameva attabhāvaṃ nibbattetīti purisova arahaṃ hoti sammāsambuddho, na itthī.
280. рааж̇аа асса жаггавад̇д̇ийд̇иаад̣̇ийсуби яасмаа ид̇т̇ияаа госохид̇авад̇т̇аг̇уяхад̇аад̣̇ийнам̣ абхаавзна лагкан̣аани на барибууранд̇и, ид̇т̇ирад̇анаабхаавзна сад̇д̇арад̇анасаман̇г̇ид̇аа на самбаж̇ж̇ад̇и, саб̣б̣амануссзхи жа ад̇хиго ад̇д̇абхааво на ход̇и. д̇асмаа ‘‘адтаанамзд̇ам̣, бхигкавз, анавагаасо яам̣ ид̇т̇ий рааж̇аа асса жаггавад̇д̇ий’’д̇и вуд̇д̇ам̣.
280.Rājā assa cakkavattītiādīsupi yasmā itthiyā kosohitavatthaguyhatādīnaṃ abhāvena lakkhaṇāni na paripūranti, itthiratanābhāvena sattaratanasamaṅgitā na sampajjati, sabbamanussehi ca adhiko attabhāvo na hoti. Tasmā ‘‘aṭṭhānametaṃ, bhikkhave, anavakāso yaṃ itthī rājā assa cakkavattī’’ti vuttaṃ.
281. яасмаа жа саггад̇д̇аад̣̇ийни д̇ийн̣и таанаани уд̇д̇амаани, ид̇т̇илин̇г̇ан̃жа хийнам̣, д̇асмаа жассаа саггад̇д̇аад̣̇ийниби бадисид̣̇д̇хаани.
281. Yasmā ca sakkattādīni tīṇi ṭhānāni uttamāni, itthiliṅgañca hīnaṃ, tasmā cassā sakkattādīnipi paṭisiddhāni.
нану жа яат̇аа ид̇т̇илин̇г̇ам̣, звам̣ бурисалин̇г̇амби б̣рахмалогз над̇т̇и. д̇асмаа ‘‘яам̣ бурисо б̣рахмад̇д̇ам̣ гаарзяяа, таанамзд̇ам̣ виж̇ж̇ад̇ий’’д̇иби на вад̇д̇аб̣б̣ам̣ сияаад̇и. но на вад̇д̇аб̣б̣ам̣. гасмаа? ид̇ха бурисасса д̇ад̇т̇а ниб̣б̣ад̇д̇анад̇о. б̣рахмад̇д̇анд̇и хи махааб̣рахмад̇д̇ам̣ ад̇хиббзд̇ам̣. ид̇т̇ий жа ид̇ха жхаанам̣ бхаавзд̇ваа гаалам̣ гад̇ваа б̣рахмабаарисаж̇ж̇аанам̣ сахаб̣яад̇ам̣ убабаж̇ж̇ад̇и, на махааб̣рахмаанам̣. бурисо бана д̇ад̇т̇а нуббаж̇ж̇ад̇ийд̇и на вад̇д̇аб̣б̣о. самаанзби жзд̇т̇а убхаяалин̇г̇аабхаавз бурисасан̣таанаава б̣рахмаано, на ид̇т̇исан̣таанаа. д̇асмаа сувуд̇д̇амзвзд̇ам̣.
Nanu ca yathā itthiliṅgaṃ, evaṃ purisaliṅgampi brahmaloke natthi. Tasmā ‘‘yaṃ puriso brahmattaṃ kāreyya, ṭhānametaṃ vijjatī’’tipi na vattabbaṃ siyāti. No na vattabbaṃ. Kasmā? Idha purisassa tattha nibbattanato. Brahmattanti hi mahābrahmattaṃ adhippetaṃ. Itthī ca idha jhānaṃ bhāvetvā kālaṃ katvā brahmapārisajjānaṃ sahabyataṃ upapajjati, na mahābrahmānaṃ. Puriso pana tattha nuppajjatīti na vattabbo. Samānepi cettha ubhayaliṅgābhāve purisasaṇṭhānāva brahmāno, na itthisaṇṭhānā. Tasmā suvuttamevetaṃ.
284. гааяад̣̇ужжарид̇ассаад̇иаад̣̇ийсу яат̇аа нимб̣аб̣ийж̇агосаад̇агиб̣ийж̇аад̣̇ийни мад̇хурам̣ палам̣ на ниб̣б̣ад̇д̇знд̇и, асаад̇ам̣ амад̇хурамзва ниб̣б̣ад̇д̇знд̇и, звам̣ гааяад̣̇ужжарид̇аад̣̇ийни мад̇хурам̣ вибаагам̣ на ниб̣б̣ад̇д̇знд̇и, амад̇хурамзва ниб̣б̣ад̇д̇знд̇и. яат̇аа жа ужчуб̣ийж̇асаалиб̣ийж̇аад̣̇ийни мад̇хурам̣ саад̣̇урасамзва палам̣ ниб̣б̣ад̇д̇знд̇и, на асаад̇ам̣ гадугам̣. звам̣ гааяасужарид̇аад̣̇ийни мад̇хурамзва вибаагам̣ ниб̣б̣ад̇д̇знд̇и, на амад̇хурам̣. вуд̇д̇амби жзд̇ам̣ –
284.Kāyaduccaritassātiādīsu yathā nimbabījakosātakibījādīni madhuraṃ phalaṃ na nibbattenti, asātaṃ amadhurameva nibbattenti, evaṃ kāyaduccaritādīni madhuraṃ vipākaṃ na nibbattenti, amadhurameva nibbattenti. Yathā ca ucchubījasālibījādīni madhuraṃ sādurasameva phalaṃ nibbattenti, na asātaṃ kaṭukaṃ. Evaṃ kāyasucaritādīni madhurameva vipākaṃ nibbattenti, na amadhuraṃ. Vuttampi cetaṃ –
‘‘яаад̣̇исам̣ вабад̇з б̣ийж̇ам̣, д̇аад̣̇исам̣ харад̇з палам̣;
‘‘Yādisaṃ vapate bījaṃ, tādisaṃ harate phalaṃ;
галяаан̣агаарий галяаан̣ам̣, баабагаарий жа баабага’’нд̇и. (сам̣. ни. 1.256);
Kalyāṇakārī kalyāṇaṃ, pāpakārī ca pāpaka’’nti. (saṃ. ni. 1.256);
д̇асмаа ‘‘адтаанамзд̇ам̣, бхигкавз, анавагаасо, яам̣ гааяад̣̇ужжарид̇ассаа’’д̇иаад̣̇и вуд̇д̇ам̣.
Tasmā ‘‘aṭṭhānametaṃ, bhikkhave, anavakāso, yaṃ kāyaduccaritassā’’tiādi vuttaṃ.
290-295. гааяад̣̇ужжарид̇асаман̇г̇ийд̇иаад̣̇ийсу саман̇г̇ийд̇и бан̃жавид̇хаа саман̇г̇ид̇аа – ааяууханасаман̇г̇ид̇аа, жзд̇анаасаман̇г̇ид̇аа, гаммасаман̇г̇ид̇аа, вибаагасаман̇г̇ид̇аа, убадтаанасаман̇г̇ид̇аад̇и. д̇ад̇т̇а гусалаагусалагаммааяууханагкан̣з ааяууханасаман̇г̇ид̇аад̇и вужжад̇и. д̇ат̇аа жзд̇анаасаман̇г̇ид̇аа. яаава бана сад̇д̇аа арахад̇д̇ам̣ на баабун̣анд̇и, д̇аава саб̣б̣зби сад̇д̇аа буб̣б̣з убажид̇ажзд̇анааяа саман̇г̇ид̇ааяа жзд̇анаасаман̇г̇инод̇и вужжанд̇и. зсаа жзд̇анаасаман̇г̇ид̇аа. яаава арахад̇д̇ам̣ на баабун̣анд̇и, д̇аава саб̣б̣зби сад̇д̇аа буб̣б̣з убажид̇ам̣ вибаагаарахам̣ гаммам̣ санд̇хааяа ‘‘гаммасаман̇г̇ино’’д̇и вужжанд̇и. зсаа гаммасаман̇г̇ид̇аа. вибаагасаман̇г̇ид̇аа вибаагагкан̣зязва взд̣̇ид̇аб̣б̣аа. яаава бана сад̇д̇аа арахад̇д̇ам̣ на баабун̣анд̇и, д̇аава д̇зсам̣ д̇ад̇о д̇ад̇о жавид̇ваа нираяз уббаж̇ж̇амаанаанам̣ аг̇г̇иж̇аалаалохагумбхиаад̣̇ийхи убадтаанаагаарзхи нираяо, г̇аб̣бхасзяяагад̇д̇ам̣ аабаж̇ж̇амаанаанам̣ маад̇угужчи, д̣̇звзсу уббаж̇ж̇амаанаанам̣ габбаругкавимаанаад̣̇ийхи убадтаанаагаарзхи д̣̇звалогод̇и звам̣ убабад̇д̇инимид̇д̇ам̣ убадтаад̇и. ид̇и нзсам̣ иминаа убабад̇д̇инимид̇д̇аубадтаанзна абаримуд̇д̇ад̇аа убадтаанасаман̇г̇ид̇аа наама. саа жалад̇и, сзсаа нижжалаа. нираяз хи убадтид̇зби д̣̇звалого убадтаад̇и, д̣̇звалогз убадтид̇зби нираяо убадтаад̇и, мануссалогз убадтид̇зби д̇иражчаанаяони убадтаад̇и, д̇иражчаанаяонияаа жа убадтид̇ааяаби мануссалого убадтаад̇иязва.
290-295.Kāyaduccaritasamaṅgītiādīsu samaṅgīti pañcavidhā samaṅgitā – āyūhanasamaṅgitā, cetanāsamaṅgitā, kammasamaṅgitā, vipākasamaṅgitā, upaṭṭhānasamaṅgitāti. Tattha kusalākusalakammāyūhanakkhaṇe āyūhanasamaṅgitāti vuccati. Tathā cetanāsamaṅgitā. Yāva pana sattā arahattaṃ na pāpuṇanti, tāva sabbepi sattā pubbe upacitacetanāya samaṅgitāya cetanāsamaṅginoti vuccanti. Esā cetanāsamaṅgitā. Yāva arahattaṃ na pāpuṇanti, tāva sabbepi sattā pubbe upacitaṃ vipākārahaṃ kammaṃ sandhāya ‘‘kammasamaṅgino’’ti vuccanti. Esā kammasamaṅgitā. Vipākasamaṅgitā vipākakkhaṇeyeva veditabbā. Yāva pana sattā arahattaṃ na pāpuṇanti, tāva tesaṃ tato tato cavitvā niraye uppajjamānānaṃ aggijālālohakumbhiādīhi upaṭṭhānākārehi nirayo, gabbhaseyyakattaṃ āpajjamānānaṃ mātukucchi, devesu uppajjamānānaṃ kapparukkhavimānādīhi upaṭṭhānākārehi devalokoti evaṃ upapattinimittaṃ upaṭṭhāti. Iti nesaṃ iminā upapattinimittaupaṭṭhānena aparimuttatā upaṭṭhānasamaṅgitā nāma. Sā calati, sesā niccalā. Niraye hi upaṭṭhitepi devaloko upaṭṭhāti, devaloke upaṭṭhitepi nirayo upaṭṭhāti, manussaloke upaṭṭhitepi tiracchānayoni upaṭṭhāti, tiracchānayoniyā ca upaṭṭhitāyapi manussaloko upaṭṭhātiyeva.
д̇ад̇рид̣̇ам̣ вад̇т̇у – сон̣аг̇ирибаад̣̇з гира ажзлавихаарз сон̣ад̇т̇зро наама зго д̇хаммагат̇иго. д̇асса бид̇аа сунакавааж̇иго наама ахоси, т̇зро д̇ам̣ бадиб̣ааханд̇оби сам̣варз табзд̇ум̣ асаггонд̇о ‘‘маа насси варааго’’д̇и махаллагагаалз агаамагам̣ нам̣ баб̣б̣ааж̇зси. д̇асса г̇илаанасзяяааяа нибаннасса нираяо убадтааси. сон̣аг̇ирибаад̣̇ад̇о маханд̇аа сунакаа ааг̇анд̇ваа каад̣̇ид̇угаамаа вияа самбариваарзсум̣. со махаабхаяабхийд̇о ‘‘ваарзхи, д̇аад̇а сон̣а, ваарзхи, д̇аад̇а сон̣аа’’д̇и ааха. гим̣ махаат̇зраад̇и? на бассаси, д̇аад̇аад̇и д̇ам̣ бавад̇д̇им̣ аажигки. сон̣ад̇т̇зро ‘‘гат̇ан̃хи наама маад̣̇исасса бид̇аа нираяз ниб̣б̣ад̇д̇иссад̇и , бад̇идтаасса бхависсаамий’’д̇и сааман̣зрзхи наанаабубпаани аахараабзд̇ваа жзд̇ияан̇г̇ан̣аб̣од̇хияан̇г̇ан̣зсу д̇аласант̇аран̣абууж̇ам̣ аасанабууж̇ан̃жа гаарзд̇ваа бид̇арам̣ ман̃жагзна жзд̇ияан̇г̇ан̣ам̣ харид̇ваа ман̃жз нисийд̣̇аабзд̇ваа ‘‘аяам̣, махаат̇зра, бууж̇аа д̇умхаагам̣ ад̇т̇ааяа гад̇аа, ‘аяам̣ мз бхаг̇аваа д̣̇уг̇г̇ад̇абан̣н̣аагааро’д̇и вад̇ваа бхаг̇аванд̇ам̣ ванд̣̇ид̇ваа жид̇д̇ам̣ басаад̣̇зхий’’д̇и ааха. саа махаат̇зро бууж̇ам̣ д̣̇исваа д̇ат̇аа гаронд̇о жид̇д̇ам̣ басаад̣̇зси. д̇аавад̣̇звасса д̣̇звалого убадтааси. нанд̣̇анавана-жид̇д̇алад̇аавана-миссагавана-паарусагавана-вимаанаани жзва д̣̇званаадагаани жа бариваарзд̇ваа тид̇аани вияа ахзсум̣. со ‘‘абзт̇а, сон̣а, абзт̇а, сон̣аа’’д̇и т̇зрам̣ ааха. гимид̣̇ам̣, махаат̇зраад̇и? зд̇аа д̇з маад̇аро ааг̇ажчанд̇ийд̇и. т̇зро ‘‘саг̇г̇о убадтид̇о махаат̇зрассаа’’д̇и жинд̇зси. звам̣ убадтаанасаман̇г̇ид̇аа жалад̇ийд̇и взд̣̇ид̇аб̣б̣аа. зд̇аасу саман̇г̇ид̇аасу ид̇ха ааяууханажзд̇анаагамма-саман̇г̇ид̇аавасзна ‘‘гааяад̣̇ужжарид̇асаман̇г̇ий’’д̇иаад̣̇и вуд̇д̇ам̣.
Tatridaṃ vatthu – soṇagiripāde kira acelavihāre soṇatthero nāma eko dhammakathiko. Tassa pitā sunakhavājiko nāma ahosi, thero taṃ paṭibāhantopi saṃvare ṭhapetuṃ asakkonto ‘‘mā nassi varāko’’ti mahallakakāle akāmakaṃ naṃ pabbājesi. Tassa gilānaseyyāya nipannassa nirayo upaṭṭhāsi. Soṇagiripādato mahantā sunakhā āgantvā khāditukāmā viya samparivāresuṃ. So mahābhayabhīto ‘‘vārehi, tāta soṇa, vārehi, tāta soṇā’’ti āha. Kiṃ mahātherāti? Na passasi, tātāti taṃ pavattiṃ ācikkhi. Soṇatthero ‘‘kathañhi nāma mādisassa pitā niraye nibbattissati , patiṭṭhāssa bhavissāmī’’ti sāmaṇerehi nānāpupphāni āharāpetvā cetiyaṅgaṇabodhiyaṅgaṇesu talasantharaṇapūjaṃ āsanapūjañca kāretvā pitaraṃ mañcakena cetiyaṅgaṇaṃ haritvā mañce nisīdāpetvā ‘‘ayaṃ, mahāthera, pūjā tumhākaṃ atthāya katā, ‘ayaṃ me bhagavā duggatapaṇṇākāro’ti vatvā bhagavantaṃ vanditvā cittaṃ pasādehī’’ti āha. Sā mahāthero pūjaṃ disvā tathā karonto cittaṃ pasādesi. Tāvadevassa devaloko upaṭṭhāsi. Nandanavana-cittalatāvana-missakavana-phārusakavana-vimānāni ceva devanāṭakāni ca parivāretvā ṭhitāni viya ahesuṃ. So ‘‘apetha, soṇa, apetha, soṇā’’ti theraṃ āha. Kimidaṃ, mahātherāti? Etā te mātaro āgacchantīti. Thero ‘‘saggo upaṭṭhito mahātherassā’’ti cintesi. Evaṃ upaṭṭhānasamaṅgitā calatīti veditabbā. Etāsu samaṅgitāsu idha āyūhanacetanākamma-samaṅgitāvasena ‘‘kāyaduccaritasamaṅgī’’tiādi vuttaṃ.
д̇ад̇т̇а згз аажарияаа ‘‘яасмим̣ кан̣з гаммам̣ ааяуухад̇и, д̇асмим̣язва кан̣з д̇асса саг̇г̇о ваарид̇о’’д̇и вад̣̇анд̇и. абарз бана ‘‘ааяуухид̇агаммам̣ наама вибаагаваарам̣ лабханд̇амби ад̇т̇и алабханд̇амби. д̇ад̇т̇а яад̣̇аа гаммам̣ вибаагаваарам̣ лабхад̇и, д̇асмим̣язва гаалз д̇асса саг̇г̇о ваарид̇о’’д̇и вад̣̇анд̇и. сзсам̣ саб̣б̣ад̇т̇а уд̇д̇аанад̇т̇амзваад̇и.
Tattha eke ācariyā ‘‘yasmiṃ khaṇe kammaṃ āyūhati, tasmiṃyeva khaṇe tassa saggo vārito’’ti vadanti. Apare pana ‘‘āyūhitakammaṃ nāma vipākavāraṃ labhantampi atthi alabhantampi. Tattha yadā kammaṃ vipākavāraṃ labhati, tasmiṃyeva kāle tassa saggo vārito’’ti vadanti. Sesaṃ sabbattha uttānatthamevāti.
адтаанабаал̣иван̣н̣анаа нидтид̇аа.
Aṭṭhānapāḷivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 15. адтаанабаал̣и • 15. Aṭṭhānapāḷi
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 15. адтаанабаал̣и (батамаваг̇г̇а) • 15. Aṭṭhānapāḷi (paṭhamavagga)
