| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
2. ад̇т̇ан̇г̇ад̇асигкаабад̣̇ам̣
2. Atthaṅgatasikkhāpadaṃ
153. д̣̇уд̇ияз барияааяасад̣̇д̣̇о ваарад̇т̇од̇и ааха ‘‘ваарзнаа’’д̇и. ваарод̇и жа ануггамоязваад̇и ааха ‘‘бадибаадияаад̇и ад̇т̇о’’д̇и. ад̇хигам̣ жид̇д̇ам̣ имассаад̇и ад̇хижзд̇од̇и д̣̇ассзнд̇о ааха ‘‘ад̇хижид̇д̇авад̇о’’д̇иаад̣̇и. ад̇хижид̇д̇ам̣ наама ид̇ха арахад̇д̇апалажид̇д̇амзва, на вибассанаабаад̣̇агабхууд̇ам̣ адтасамаабад̇д̇ижид̇д̇анд̇и ааха ‘‘арахад̇д̇апалажид̇д̇знаа’’д̇и. ‘‘ад̇хижид̇д̇асигкаа’’д̇иаад̣̇ийсу (баараа. 45; д̣̇ий. ни. 3.305; ма. ни. 1.497; а. ни. 6.105; махаани. 10) хи вибассанаабаад̣̇агабхууд̇ам̣ адтасамаабад̇д̇ижид̇д̇ам̣ ‘‘ад̇хижид̇д̇а’’нд̇и вужжад̇и. на бамаж̇ж̇ад̇од̇и на бамаж̇ж̇анд̇асса. саад̇ажжагирияааяаад̇и сад̇ад̇агаран̣зна. убхо логз мунад̇и ж̇аанаад̇ийд̇и мунийд̇и жа, монам̣ вужжад̇и н̃аан̣ам̣ мунанадтзна ж̇аананад̇т̇зна, д̇амассад̇т̇ийд̇и мунийд̇и жа д̣̇ассзнд̇о ааха ‘‘мунинод̇ий’’д̇иаад̣̇и. д̇ад̇т̇а ‘‘яо мунад̇и…бз… мунанзна ваа’’д̇ииминаа батамад̇т̇ам̣ д̣̇ассзд̇и, ‘‘монам̣ вужжад̇и…бз… вужжад̇ий’’д̇ииминаа д̣̇уд̇ияад̇т̇ам̣ д̣̇ассзд̇и. муна г̇ад̇ияанд̇и д̇хаад̇убаатзсу (сад̣̇д̣̇анийд̇ид̇хаад̇умаалааяам̣ 15 багааранд̇ад̇хаад̇у) вуд̇д̇ад̇д̇аа ‘‘яо мунад̇ий’’д̇и зд̇т̇а бхууваад̣̇иг̇ан̣иго мунад̇хаад̇уязва, на гийяаад̣̇иг̇ан̣иго муд̇хаад̇ууд̇и д̣̇адтаб̣б̣ам̣. ат̇а ваа муна н̃аан̣зд̇и д̇хаад̇убаатзсу (сад̣̇д̣̇анийд̇ид̇хаад̇умаалааяам̣ 17 гияаад̣̇иг̇ан̣ига) вуд̇д̇ад̇д̇аа ‘‘мунаад̇ий’’д̇и гийяаад̣̇иг̇ан̣игова. д̇хаад̇ванд̇анагааралобод̇и д̣̇адтаб̣б̣ам̣. ‘‘монам̣ вужжад̇и н̃аан̣а’’нд̇и жзд̇т̇а н̃аан̣ам̣ наама арахад̇д̇ан̃аан̣амзва. монасса бат̇о монабат̇од̇и вуд̇д̇з сад̇д̇ад̇им̣са б̣од̇хибагкияад̇хаммаава ад̇хиббзд̇аад̇и ааха ‘‘сад̇д̇ад̇им̣саб̣од̇хибагкияад̇хаммзсуу’’д̇и. ат̇а ваа ад̇хисийласигкаад̣̇аяо ад̇хиббзд̇аад̇и ааха ‘‘д̇ийсу ваа сигкаасуу’’д̇и. буб̣б̣абхааг̇абадибад̣̇анд̇и арахад̇д̇ан̃аан̣асса буб̣б̣абхааг̇з бавад̇д̇ам̣ сийласамат̇авибассанаасан̇каад̇ам̣ бадибад̣̇ам̣. буб̣б̣абхааг̇зд̇и арахад̇д̇ан̃аан̣асса буб̣б̣абхааг̇з. зд̇т̇аад̇и ‘‘ад̇хижзд̇асо…бз… сигкад̇о’’д̇и важанз. ‘‘д̇аад̣̇ино’’д̇ибад̣̇ам̣ ‘‘мунино’’д̇ибад̣̇зна яож̇зд̇аб̣б̣анд̇и ааха ‘‘д̇аад̣̇исасса кийн̣аасавамунино’’д̇и. зд̇т̇аад̇и ‘‘согаа на бхаванд̇и д̇аад̣̇ино’’д̇и важанз. рааг̇аад̣̇аяо убасамзд̇ийд̇и убасанд̇од̇и д̣̇ассзд̇ум̣ вуд̇д̇ам̣ ‘‘рааг̇аад̣̇ийна’’нд̇и. сад̇и ассад̇т̇ийд̇и сад̇имаад̇и гад̇ваа манд̇усад̣̇д̣̇о нижжаяог̇ад̇т̇од̇и ааха ‘‘сад̇ияаа авирахид̇ассаа’’д̇и.
153. Dutiye pariyāyasaddo vāratthoti āha ‘‘vārenā’’ti. Vāroti ca anukkamoyevāti āha ‘‘paṭipāṭiyāti attho’’ti. Adhikaṃ cittaṃ imassāti adhicetoti dassento āha ‘‘adhicittavato’’tiādi. Adhicittaṃ nāma idha arahattaphalacittameva, na vipassanāpādakabhūtaṃ aṭṭhasamāpatticittanti āha ‘‘arahattaphalacittenā’’ti. ‘‘Adhicittasikkhā’’tiādīsu (pārā. 45; dī. ni. 3.305; ma. ni. 1.497; a. ni. 6.105; mahāni. 10) hi vipassanāpādakabhūtaṃ aṭṭhasamāpatticittaṃ ‘‘adhicitta’’nti vuccati. Na pamajjatoti na pamajjantassa. Sātaccakiriyāyāti satatakaraṇena. Ubho loke munati jānātīti munīti ca, monaṃ vuccati ñāṇaṃ munanaṭṭhena jānanatthena, tamassatthīti munīti ca dassento āha ‘‘muninotī’’tiādi. Tattha ‘‘yo munati…pe… munanena vā’’tiiminā paṭhamatthaṃ dasseti, ‘‘monaṃ vuccati…pe… vuccatī’’tiiminā dutiyatthaṃ dasseti. Muna gatiyanti dhātupāṭhesu (saddanītidhātumālāyaṃ 15 pakārantadhātu) vuttattā ‘‘yo munatī’’ti ettha bhūvādigaṇiko munadhātuyeva, na kīyādigaṇiko mudhātūti daṭṭhabbaṃ. Atha vā muna ñāṇeti dhātupāṭhesu (saddanītidhātumālāyaṃ 17 kiyādigaṇika) vuttattā ‘‘munātī’’ti kīyādigaṇikova. Dhātvantanakāralopoti daṭṭhabbaṃ. ‘‘Monaṃ vuccati ñāṇa’’nti cettha ñāṇaṃ nāma arahattañāṇameva. Monassa patho monapathoti vutte sattatiṃsa bodhipakkhiyadhammāva adhippetāti āha ‘‘sattatiṃsabodhipakkhiyadhammesū’’ti. Atha vā adhisīlasikkhādayo adhippetāti āha ‘‘tīsu vā sikkhāsū’’ti. Pubbabhāgapaṭipadanti arahattañāṇassa pubbabhāge pavattaṃ sīlasamathavipassanāsaṅkhātaṃ paṭipadaṃ. Pubbabhāgeti arahattañāṇassa pubbabhāge. Etthāti ‘‘adhicetaso…pe… sikkhato’’ti vacane. ‘‘Tādino’’tipadaṃ ‘‘munino’’tipadena yojetabbanti āha ‘‘tādisassa khīṇāsavamunino’’ti. Etthāti ‘‘sokā na bhavanti tādino’’ti vacane. Rāgādayo upasametīti upasantoti dassetuṃ vuttaṃ ‘‘rāgādīna’’nti. Sati assatthīti satimāti katvā mantusaddo niccayogatthoti āha ‘‘satiyā avirahitassā’’ti.
на гасийяад̇и на вилзкийяад̇ийд̇и агаасо, соязва аагаасо. анд̇арзна чид̣̇д̣̇зна игкид̇аб̣б̣од̇и анд̇алигко. аагаасо хи жад̇уб̣б̣ид̇хо аж̇адаагаасо, гасин̣уг̇гхаадимаагаасо, барижчиннаагаасо, руубабарижчзд̣̇аагаасод̇и. д̇ад̇т̇а аж̇адаагаасова ид̇хаад̇хиббзд̇о ‘‘анд̇алигкз’’д̇и висзсид̇ад̇д̇аа. д̇знааха ‘‘на гасин̣уг̇гхаадимз, на бана руубабарижчзд̣̇з’’д̇и. барижчиннаагаасоби руубабарижчзд̣̇аагаасзна сан̇г̇ахид̇о. ‘‘ма’’нд̇и бад̣̇ам̣ ‘‘аваман̃н̃анд̇ий’’д̇и бад̣̇з гаммам̣. зд̇д̇агамзваад̇и зд̇аббамаан̣ам̣ ‘‘ад̇хижзд̇асо’’д̇иаад̣̇исан̇каад̇ам̣ важанамзва, на ан̃н̃ам̣ б̣уд̣̇д̇хаважананд̇и ад̇т̇о. аяанд̇и жуул̣абант̇аго т̇зро. ханд̣̇аад̇и вассаг̇г̇ад̇т̇з нибаад̇о. мама аанубхаавам̣ д̣̇ассзми, д̇умхз бассат̇а г̇ан̣хат̇аад̇и ад̇хиббааяо. вудтааяаад̇и д̇ад̇о жад̇уд̇т̇аж̇жхаанад̇о вудтахид̇ваа. анд̇арааби д̇хааяад̇ийд̇и зд̇т̇а бисад̣̇д̣̇асса адтаанад̇т̇ам̣ д̣̇ассзнд̇о ааха ‘‘анд̇арад̇хааяад̇ибий’’д̇и. зсзва наяо ‘‘сзяяамби габбзд̇ий’’д̇и зд̇т̇аби. т̇зрод̇и жуул̣абант̇аго т̇зро. ид̣̇ам̣ бад̣̇ам̣ анд̇аранд̇араа яуд̇д̇адтаанзсу самб̣анд̇хид̇ваа ‘‘д̇ан̃жзва бхан̣ад̇ий’’д̇ииминаа самб̣анд̇хид̇аб̣б̣ам̣. бхаад̇ут̇зрассаад̇и ж̇здтагабхаад̇убхууд̇асса махаабант̇агат̇зрасса.
Na kasīyati na vilekhīyatīti akāso, soyeva ākāso. Antarena chiddena ikkhitabboti antalikkho. Ākāso hi catubbidho ajaṭākāso, kasiṇugghāṭimākāso, paricchinnākāso, rūpaparicchedākāsoti. Tattha ajaṭākāsova idhādhippeto ‘‘antalikkhe’’ti visesitattā. Tenāha ‘‘na kasiṇugghāṭime, na pana rūpaparicchede’’ti. Paricchinnākāsopi rūpaparicchedākāsena saṅgahito. ‘‘Ma’’nti padaṃ ‘‘avamaññantī’’ti pade kammaṃ. Ettakamevāti etappamāṇaṃ ‘‘adhicetaso’’tiādisaṅkhātaṃ vacanameva, na aññaṃ buddhavacananti attho. Ayanti cūḷapanthako thero. Handāti vassaggatthe nipāto. Mama ānubhāvaṃ dassemi, tumhe passatha gaṇhathāti adhippāyo. Vuṭṭhāyāti tato catutthajjhānato vuṭṭhahitvā. Antarāpi dhāyatīti ettha pisaddassa aṭṭhānatthaṃ dassento āha ‘‘antaradhāyatipī’’ti. Eseva nayo ‘‘seyyampi kappetī’’ti etthapi. Theroti cūḷapanthako thero. Idaṃ padaṃ antarantarā yuttaṭṭhānesu sambandhitvā ‘‘tañceva bhaṇatī’’tiiminā sambandhitabbaṃ. Bhātutherassāti jeṭṭhakabhātubhūtassa mahāpanthakatherassa.
бад̣̇манд̇и г̇аат̇ааяам̣ д̇аяо баад̣̇аа инд̣̇аваж̇ираа, жад̇уд̇т̇абаад̣̇о убзнд̣̇аваж̇иро. д̇асмаа бад̣̇манд̇и зд̇т̇а магаарз барз д̣̇угааругаарасса лобам̣ гад̇ваа барагкарам̣ нзд̇ваа ‘‘бад̣̇ма’’нд̇и д̣̇вибхаавзна ликид̇аб̣б̣ам̣. авийд̇аг̇анд̇ханд̇и зд̇т̇а вийд̇и д̣̇ийгхужжааран̣амзва яуд̇д̇ам̣. бан̇гз д̣̇авад̇и г̇ажчад̇ийд̇и бад̣̇умам̣. гогам̣ д̣̇уг̇г̇анд̇хасса аад̣̇аанам̣ нуд̣̇ад̇и абанзд̇ийд̇и гогануд̣̇ам̣. сунд̣̇аро г̇анд̇хо имассаад̇и суг̇анд̇хам̣. аяам̣ банзд̇т̇а яож̇анаа – яат̇аа гогануд̣̇асан̇каад̇ам̣ суг̇анд̇хам̣ баад̇о баг̇зва б̣аалаад̇абзна пуллам̣ вигасид̇ам̣ авийд̇аг̇анд̇хам̣ худ̇ваа вирожамаанам̣ бад̣̇умам̣ сияаа, д̇ат̇аа ан̇г̇ийрасам̣ ан̇г̇ид̇о сарийрад̇о нижчаран̣абабхассарарасам̣ худ̇ваа вирожамаанабхууд̇ам̣ анд̇алигкз д̇абанд̇ам̣ аад̣̇ижжам̣ ива д̇зд̇хаад̇угз д̇абанд̇ам̣ саммаасамб̣уд̣̇д̇хам̣ бассаад̇и.
Padmanti gāthāyaṃ tayo pādā indavajirā, catutthapādo upendavajiro. Tasmā padmanti ettha makāre pare dukārukārassa lopaṃ katvā parakkharaṃ netvā ‘‘padma’’nti dvibhāvena likhitabbaṃ. Avītagandhanti ettha vīti dīghuccāraṇameva yuttaṃ. Paṅke davati gacchatīti padumaṃ. Kokaṃ duggandhassa ādānaṃ nudati apanetīti kokanudaṃ. Sundaro gandho imassāti sugandhaṃ. Ayaṃ panettha yojanā – yathā kokanudasaṅkhātaṃ sugandhaṃ pāto pageva bālātapena phullaṃ vikasitaṃ avītagandhaṃ hutvā virocamānaṃ padumaṃ siyā, tathā aṅgīrasaṃ aṅgito sarīrato niccharaṇapabhassararasaṃ hutvā virocamānabhūtaṃ antalikkhe tapantaṃ ādiccaṃ iva tedhātuke tapantaṃ sammāsambuddhaṃ passāti.
баг̇ун̣анд̇и ваажуг̇г̇ад̇ам̣. д̇ад̇од̇и асаггун̣зяяад̇о. нанд̇и жуул̣абант̇агам̣. т̇зрод̇и махаабант̇аго т̇зро ниггад̣дхаабзсийд̇и самб̣анд̇хо. сод̇и жуул̣абант̇аго. ат̇аад̇и д̇асмим̣ гаалз. бхаг̇аваа аахаад̇и яож̇анаа. б̣уд̣̇д̇хажагкунаад̇и аасаяаанусаяаинд̣̇рияабаробарияад̇д̇ан̃аан̣асан̇каад̇зна саб̣б̣ан̃н̃уб̣уд̣̇д̇хаанам̣ жагкунаа. д̇анд̇и жуул̣абант̇агам̣. д̇ассаад̇и жуул̣абант̇агасса. ат̇аад̇и д̇асмим̣ аарожанагаалз. ассаад̇и жуул̣абант̇агасса, д̣̇ад̇ваад̇и самб̣анд̇хо. раж̇ам̣ малам̣ харад̇и абанзд̇ийд̇и раж̇охаран̣ам̣, билод̇игакан̣д̣ам̣. сод̇и жуул̣абант̇аго. д̇ассаад̇и билод̇игакан̣д̣асса, ‘‘анд̇а’’нд̇ибад̣̇з аваяависамб̣анд̇хо. барисуд̣̇д̇хамбийд̇и бисад̣̇д̣̇о абарисуд̣̇д̇хз билод̇игакан̣д̣з гаа наама гат̇аад̇и д̣̇ассзд̇и. сам̣взг̇анд̇и санд̇аасам̣ бхаяанд̇и ад̇т̇о. ат̇аад̇и д̇асмим̣ аарамбхагаалз. ассаад̇и жуул̣абант̇агасса. ‘‘д̇а’’нд̇ибад̣̇ам̣ ‘‘мамааяанабхаава’’нд̇ибад̣̇зна самб̣анд̇хам̣ гад̇ваа яож̇анаа гаад̇аб̣б̣аад̇и. д̣̇уд̇ияам̣.
Paguṇanti vācuggataṃ. Tatoti asakkuṇeyyato. Nanti cūḷapanthakaṃ. Theroti mahāpanthako thero nikkaḍḍhāpesīti sambandho. Soti cūḷapanthako. Athāti tasmiṃ kāle. Bhagavā āhāti yojanā. Buddhacakkhunāti āsayānusayaindriyaparopariyattañāṇasaṅkhātena sabbaññubuddhānaṃ cakkhunā. Tanti cūḷapanthakaṃ. Tassāti cūḷapanthakassa. Athāti tasmiṃ ārocanakāle. Assāti cūḷapanthakassa, datvāti sambandho. Rajaṃ malaṃ harati apanetīti rajoharaṇaṃ, pilotikakhaṇḍaṃ. Soti cūḷapanthako. Tassāti pilotikakhaṇḍassa, ‘‘anta’’ntipade avayavisambandho. Parisuddhampīti pisaddo aparisuddhe pilotikakhaṇḍe kā nāma kathāti dasseti. Saṃveganti santāsaṃ bhayanti attho. Athāti tasmiṃ ārambhakāle. Assāti cūḷapanthakassa. ‘‘Ta’’ntipadaṃ ‘‘mamāyanabhāva’’ntipadena sambandhaṃ katvā yojanā kātabbāti. Dutiyaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. оваад̣̇аваг̇г̇о • 3. Ovādavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. ад̇т̇ан̇г̇ад̇асигкаабад̣̇аван̣н̣анаа • 2. Atthaṅgatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. ад̇т̇ан̇г̇ад̇асигкаабад̣̇аван̣н̣анаа • 2. Atthaṅgatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. ад̇т̇ан̇г̇ад̇асигкаабад̣̇аван̣н̣анаа • 2. Atthaṅgatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. ад̇т̇ан̇г̇ад̇асигкаабад̣̇аван̣н̣анаа • 2. Atthaṅgatasikkhāpadavaṇṇanā
