| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
2. அத்த²ங்க³தஸிக்கா²பத³வண்ணனா
2. Atthaṅgatasikkhāpadavaṇṇanā
153. து³தியே கோகனத³ந்தி பது³மவிஸேஸங், தங் கிர ப³ஹுபத்தங் வண்ணஸம்பன்னங். அயஞ்ஹெத்த² அத்தோ² – யதா² கோகனத³ஸங்கா²தங் பது³மங், ஏவங் பு²ல்லமுக²பது³மங் அவீதகு³ணக³ந்த⁴ங் நிம்மலே அந்தலிக்கே² ஆதி³ச்சங் விய ச அத்தனோ தேஜஸா தபந்தங் ததோ ஏவ விரோசமானங் அங்கே³ஹி நிச்ச²ரணகஜுதியா அங்கீ³ரஸங் ஸம்மாஸம்பு³த்³த⁴ங் பஸ்ஸாதி. ரஜோஹரணந்தி ஸரீரே ரஜங் புஞ்ச²தீதி ரஜோஹரணந்தி புஞ்ச²னசோளஸ்ஸ நாமங். ஓபா⁴ஸவிஸ்ஸஜ்ஜனபுப்³ப³கா பா⁴ஸிதகா³தா² ஓபா⁴ஸகா³தா² நாம. விஸுத்³தி⁴மக்³கா³தீ³ஸு (விஸுத்³தி⁴॰ 2.386) பன ‘‘ராகோ³ ரஜோ ந ச பன ரேணு வுச்சதீ’’திஆதி³ ஓபா⁴ஸகா³தா² வுத்தா, ந பனேஸா ‘‘அதி⁴சேதஸோ’’தி கா³தா². அயஞ்ச சூளபந்த²கத்தே²ரஸ்ஸ உதா³னகா³தா²தி உதா³னபாளியங் நத்தி², ஏகுதா³னியத்தே²ரஸ்ஸ (தே²ரகா³॰ 1.67 ஏகுதா³னியத்தே²ரகா³தா²வண்ணனா) நாயங் உதா³னகா³தா²தி தத்த² வுத்தங். இத⁴ பன பாளியா ஏவ வுத்தத்தா தே²ரஸ்ஸாபி உதா³னகா³தா²தி க³ஹேதப்³ப³ங். இத⁴ ச அக³ருத⁴ம்மேனாபி ஓவத³தோ பாசித்தியமேவ. அத்த²ங்க³தஸூரியதா, பரிபுண்ணூபஸம்பன்னதா, ஓவத³னந்தி இமானெத்த² தீணி அங்கா³னி.
153. Dutiye kokanadanti padumavisesaṃ, taṃ kira bahupattaṃ vaṇṇasampannaṃ. Ayañhettha attho – yathā kokanadasaṅkhātaṃ padumaṃ, evaṃ phullamukhapadumaṃ avītaguṇagandhaṃ nimmale antalikkhe ādiccaṃ viya ca attano tejasā tapantaṃ tato eva virocamānaṃ aṅgehi niccharaṇakajutiyā aṅgīrasaṃ sammāsambuddhaṃ passāti. Rajoharaṇanti sarīre rajaṃ puñchatīti rajoharaṇanti puñchanacoḷassa nāmaṃ. Obhāsavissajjanapubbakā bhāsitagāthā obhāsagāthā nāma. Visuddhimaggādīsu (visuddhi. 2.386) pana ‘‘rāgo rajo na ca pana reṇu vuccatī’’tiādi obhāsagāthā vuttā, na panesā ‘‘adhicetaso’’ti gāthā. Ayañca cūḷapanthakattherassa udānagāthāti udānapāḷiyaṃ natthi, ekudāniyattherassa (theragā. 1.67 ekudāniyattheragāthāvaṇṇanā) nāyaṃ udānagāthāti tattha vuttaṃ. Idha pana pāḷiyā eva vuttattā therassāpi udānagāthāti gahetabbaṃ. Idha ca agarudhammenāpi ovadato pācittiyameva. Atthaṅgatasūriyatā, paripuṇṇūpasampannatā, ovadananti imānettha tīṇi aṅgāni.
அத்த²ங்க³தஸிக்கா²பத³வண்ணனா நிட்டி²தா.
Atthaṅgatasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 3. ஓவாத³வக்³கோ³ • 3. Ovādavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 2. அத்த²ங்க³தஸிக்கா²பத³வண்ணனா • 2. Atthaṅgatasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 2. அத்த²ங்க³தஸிக்கா²பத³வண்ணனா • 2. Atthaṅgatasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 2. அத்த²ங்க³தஸிக்கா²பத³வண்ணனா • 2. Atthaṅgatasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 2. அத்த²ங்க³தஸிக்கா²பத³ங் • 2. Atthaṅgatasikkhāpadaṃ
