| Library / Tipiṭaka / তিপিটক • Tipiṭaka / ৰজিরবুদ্ধি-টীকা • Vajirabuddhi-ṭīkā |
২. অত্থঙ্গতসিক্খাপদৰণ্ণনা
2. Atthaṅgatasikkhāpadavaṇṇanā
১৫৩. মুনাতীতি জানাতি। অন্তরধাযতিপীতি এত্থ তদুত্তমং চে অত্থি, তং পস্সামি, যং ৰিচিত্তং ৰা, তদত্থঞ্চ। তগ্ঘ কারণং। সহ উপ্পাদমনন্তরা কিরিযা। যমা চ তে মনসা কতত্র নেত্ৰাতি। যথা পাতো সিযা পাতো ভৰং পাতোৰ উদকতো উগ্গন্ত্ৰা ঠিতং, তথা ৰিরোচমানং অঙ্গীরসং বুদ্ধং পস্স, ন কেৰলং পদুমং ৰিয, ৰিরোচমানং তপন্তমাদিচ্চমিৰন্তলিক্খেতি সম্বন্ধো। অথ ৰা অঙ্গীরসং বুদ্ধং পদুমংৰ ৰিরোচমানং সূরিযংৰ তপন্তং পস্স বুদ্ধং। যথা পাতো সিযা ফুল্লমৰীতগন্ধং কোকনুদসঙ্খাতং পদুমং পস্সসি, তথা ৰিরোচমানং অঙ্গীরসং বুদ্ধং পস্স। উভযেনেৰ হি ভগৰতো কন্তি দীপিতাতি কত্ৰা দীপিতগুণসুভং বুদ্ধং সক্কত্ৰা তং কন্তিং পূজেয্য। পূজনেয্যতোপি ৰীতিনামেয্য ইতি লক্খযে। ‘‘একতো উপসম্পন্নাযা’’তি পাল়ি।
153.Munātīti jānāti. Antaradhāyatipīti ettha taduttamaṃ ce atthi, taṃ passāmi, yaṃ vicittaṃ vā, tadatthañca. Taggha kāraṇaṃ. Saha uppādamanantarā kiriyā. Yamā ca te manasā katatra netvāti. Yathā pāto siyā pāto bhavaṃ pātova udakato uggantvā ṭhitaṃ, tathā virocamānaṃ aṅgīrasaṃ buddhaṃ passa, na kevalaṃ padumaṃ viya, virocamānaṃ tapantamādiccamivantalikkheti sambandho. Atha vā aṅgīrasaṃ buddhaṃ padumaṃva virocamānaṃ sūriyaṃva tapantaṃ passa buddhaṃ. Yathā pāto siyā phullamavītagandhaṃ kokanudasaṅkhātaṃ padumaṃ passasi, tathā virocamānaṃ aṅgīrasaṃ buddhaṃ passa. Ubhayeneva hi bhagavato kanti dīpitāti katvā dīpitaguṇasubhaṃ buddhaṃ sakkatvā taṃ kantiṃ pūjeyya. Pūjaneyyatopi vītināmeyya iti lakkhaye. ‘‘Ekato upasampannāyā’’ti pāḷi.
১৫৬. ‘‘একতো উপসম্পন্নান’’ন্তি অট্ঠকথাপাঠো। ‘‘অভব্বো ত্ৰ’’ন্তিআদিৰচনতো অনুকম্পাৰসেন সদ্ধিৰিহারিকাদিং সঙ্ঘিকা ৰিহারা নিক্কড্ঢাপেন্তস্স অনাপত্তি ৰিয দিস্সতি। অভব্বো হি থেরো সঞ্চিচ্চ তং কাতুং, গৰেসিতব্বাৰ এত্থ যুত্তীতি কেচি। থেরেন সিক্খাপদপঞ্ঞত্তিতো পুব্বে কতন্তি মম তক্কো।
156. ‘‘Ekato upasampannāna’’nti aṭṭhakathāpāṭho. ‘‘Abhabbo tva’’ntiādivacanato anukampāvasena saddhivihārikādiṃ saṅghikā vihārā nikkaḍḍhāpentassa anāpatti viya dissati. Abhabbo hi thero sañcicca taṃ kātuṃ, gavesitabbāva ettha yuttīti keci. Therena sikkhāpadapaññattito pubbe katanti mama takko.
অত্থঙ্গতসিক্খাপদৰণ্ণনা নিট্ঠিতা।
Atthaṅgatasikkhāpadavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ৩. ওৰাদৰগ্গো • 3. Ovādavaggo
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā / ২. অত্থঙ্গতসিক্খাপদৰণ্ণনা • 2. Atthaṅgatasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ২. অত্থঙ্গতসিক্খাপদৰণ্ণনা • 2. Atthaṅgatasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ২. অত্থঙ্গতসিক্খাপদৰণ্ণনা • 2. Atthaṅgatasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ২. অত্থঙ্গতসিক্খাপদং • 2. Atthaṅgatasikkhāpadaṃ
