| Library / Tipiṭaka / তিপিটক • Tipiṭaka / ৰিমতিৰিনোদনী-টীকা • Vimativinodanī-ṭīkā |
২. অত্থঙ্গতসিক্খাপদৰণ্ণনা
2. Atthaṅgatasikkhāpadavaṇṇanā
১৫৩. দুতিযে কোকনদন্তি পদুমৰিসেসং, তং কির বহুপত্তং ৰণ্ণসম্পন্নং। অযঞ্হেত্থ অত্থো – যথা কোকনদসঙ্খাতং পদুমং, এৰং ফুল্লমুখপদুমং অৰীতগুণগন্ধং নিম্মলে অন্তলিক্খে আদিচ্চং ৰিয চ অত্তনো তেজসা তপন্তং ততো এৰ ৰিরোচমানং অঙ্গেহি নিচ্ছরণকজুতিযা অঙ্গীরসং সম্মাসম্বুদ্ধং পস্সাতি। রজোহরণন্তি সরীরে রজং পুঞ্ছতীতি রজোহরণন্তি পুঞ্ছনচোল়স্স নামং। ওভাসৰিস্সজ্জনপুব্বকা ভাসিতগাথা ওভাসগাথা নাম। ৰিসুদ্ধিমগ্গাদীসু (ৰিসুদ্ধি॰ ২.৩৮৬) পন ‘‘রাগো রজো ন চ পন রেণু ৰুচ্চতী’’তিআদি ওভাসগাথা ৰুত্তা, ন পনেসা ‘‘অধিচেতসো’’তি গাথা। অযঞ্চ চূল়পন্থকত্থেরস্স উদানগাথাতি উদানপাল়িযং নত্থি, একুদানিযত্থেরস্স (থেরগা॰ ১.৬৭ একুদানিযত্থেরগাথাৰণ্ণনা) নাযং উদানগাথাতি তত্থ ৰুত্তং। ইধ পন পাল়িযা এৰ ৰুত্তত্তা থেরস্সাপি উদানগাথাতি গহেতব্বং। ইধ চ অগরুধম্মেনাপি ওৰদতো পাচিত্তিযমেৰ। অত্থঙ্গতসূরিযতা, পরিপুণ্ণূপসম্পন্নতা, ওৰদনন্তি ইমানেত্থ তীণি অঙ্গানি।
153. Dutiye kokanadanti padumavisesaṃ, taṃ kira bahupattaṃ vaṇṇasampannaṃ. Ayañhettha attho – yathā kokanadasaṅkhātaṃ padumaṃ, evaṃ phullamukhapadumaṃ avītaguṇagandhaṃ nimmale antalikkhe ādiccaṃ viya ca attano tejasā tapantaṃ tato eva virocamānaṃ aṅgehi niccharaṇakajutiyā aṅgīrasaṃ sammāsambuddhaṃ passāti. Rajoharaṇanti sarīre rajaṃ puñchatīti rajoharaṇanti puñchanacoḷassa nāmaṃ. Obhāsavissajjanapubbakā bhāsitagāthā obhāsagāthā nāma. Visuddhimaggādīsu (visuddhi. 2.386) pana ‘‘rāgo rajo na ca pana reṇu vuccatī’’tiādi obhāsagāthā vuttā, na panesā ‘‘adhicetaso’’ti gāthā. Ayañca cūḷapanthakattherassa udānagāthāti udānapāḷiyaṃ natthi, ekudāniyattherassa (theragā. 1.67 ekudāniyattheragāthāvaṇṇanā) nāyaṃ udānagāthāti tattha vuttaṃ. Idha pana pāḷiyā eva vuttattā therassāpi udānagāthāti gahetabbaṃ. Idha ca agarudhammenāpi ovadato pācittiyameva. Atthaṅgatasūriyatā, paripuṇṇūpasampannatā, ovadananti imānettha tīṇi aṅgāni.
অত্থঙ্গতসিক্খাপদৰণ্ণনা নিট্ঠিতা।
Atthaṅgatasikkhāpadavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ৩. ওৰাদৰগ্গো • 3. Ovādavaggo
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā / ২. অত্থঙ্গতসিক্খাপদৰণ্ণনা • 2. Atthaṅgatasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ২. অত্থঙ্গতসিক্খাপদৰণ্ণনা • 2. Atthaṅgatasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ২. অত্থঙ্গতসিক্খাপদৰণ্ণনা • 2. Atthaṅgatasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ২. অত্থঙ্গতসিক্খাপদং • 2. Atthaṅgatasikkhāpadaṃ
