| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
2. ад̇т̇ан̇г̇ад̇асигкаабад̣̇аван̣н̣анаа
2. Atthaṅgatasikkhāpadavaṇṇanā
153. д̣̇уд̇ияз гусалаанам̣ д̇хаммаанам̣ саад̇ажжагирияааяаад̇и буб̣б̣абхааг̇аббадибад̇д̇ивасзна вуд̇д̇ам̣. мунаад̇ийд̇и ж̇аанаад̇и. д̇зна н̃аан̣знаад̇и д̇зна арахад̇д̇апалабан̃н̃аасан̇каад̇зна н̃аан̣зна. бат̇зсууд̇и убааяамаг̇г̇зсу. арахад̇о баринидтид̇асигкад̇д̇аа ааха ‘‘ид̣̇ан̃жа…бз… вуд̇д̇а’’нд̇и. ат̇а ваа ‘‘аббамаж̇ж̇ад̇о сигкад̇о’’д̇и имзсам̣ бад̣̇аанам̣ хзд̇уад̇т̇ад̇аа д̣̇адтаб̣б̣аа, д̇асмаа аббамаж̇ж̇анахзд̇у сигканахзд̇у жа ад̇хижзд̇асод̇и ад̇т̇о. согаад̇и жид̇д̇асанд̇аабаа. зд̇т̇а жа ад̇хижзд̇асод̇и иминаа ад̇хижид̇д̇асигкаа, аббамаж̇ж̇ад̇од̇и иминаа ад̇хисийласигкаа, мунино монабат̇зсу сигкад̇од̇и зд̇зхи ад̇хибан̃н̃аасигкаа, мунинод̇и ваа зд̇зна ад̇хибан̃н̃аасигкаа, монабат̇зсу сигкад̇од̇и зд̇зна д̇аасам̣ логуд̇д̇арасигкаанам̣ буб̣б̣абхааг̇аббадибад̣̇аа, согаа на бхаванд̇ийд̇иаад̣̇ийхи сигкаабаарибуурияаа аанисам̣саа багаасид̇аад̇и взд̣̇ид̇аб̣б̣ам̣.
153. Dutiye kusalānaṃ dhammānaṃ sātaccakiriyāyāti pubbabhāgappaṭipattivasena vuttaṃ. Munātīti jānāti. Tena ñāṇenāti tena arahattaphalapaññāsaṅkhātena ñāṇena. Pathesūti upāyamaggesu. Arahato pariniṭṭhitasikkhattā āha ‘‘idañca…pe… vutta’’nti. Atha vā ‘‘appamajjato sikkhato’’ti imesaṃ padānaṃ hetuatthatā daṭṭhabbā, tasmā appamajjanahetu sikkhanahetu ca adhicetasoti attho. Sokāti cittasantāpā. Ettha ca adhicetasoti iminā adhicittasikkhā, appamajjatoti iminā adhisīlasikkhā, munino monapathesu sikkhatoti etehi adhipaññāsikkhā, muninoti vā etena adhipaññāsikkhā, monapathesu sikkhatoti etena tāsaṃ lokuttarasikkhānaṃ pubbabhāgappaṭipadā, sokā na bhavantītiādīhi sikkhāpāripūriyā ānisaṃsā pakāsitāti veditabbaṃ.
гогануд̣̇анд̇и бад̣̇умависзсанам̣ яат̇аа ‘‘гогаасаяа’’нд̇и, д̇ам̣ гира б̣ахубад̇д̇ам̣ ван̣н̣асамбаннам̣ ад̇ивияа суг̇анд̇хан̃жа ход̇и. ‘‘гогануд̣̇ам̣ наама сзд̇абад̣̇ума’’нд̇иби вад̣̇анд̇и. баад̇од̇и баг̇зва. аяан̃хзд̇т̇а ад̇т̇о – яат̇аа гогануд̣̇асан̇каад̇ам̣ бад̣̇умам̣ баад̇о суурияуг̇г̇аманавзлааяам̣ пуллам̣ вигасид̇ам̣ авийд̇аг̇анд̇хам̣ сияаа вирожамаанам̣, звам̣ сарийраг̇анд̇хзна г̇ун̣аг̇анд̇хзна жа суг̇анд̇хам̣ сарад̣̇агаалз анд̇алигкз аад̣̇ижжамива ад̇д̇ано д̇зж̇асаа д̇абанд̇ам̣ ан̇г̇зхи нижчаран̣аж̇уд̇ид̇ааяа ан̇г̇ийрасам̣ саммаасамб̣уд̣̇д̇хам̣ бассаад̇и.
Kokanudanti padumavisesanaṃ yathā ‘‘kokāsaya’’nti, taṃ kira bahupattaṃ vaṇṇasampannaṃ ativiya sugandhañca hoti. ‘‘Kokanudaṃ nāma setapaduma’’ntipi vadanti. Pātoti pageva. Ayañhettha attho – yathā kokanudasaṅkhātaṃ padumaṃ pāto sūriyuggamanavelāyaṃ phullaṃ vikasitaṃ avītagandhaṃ siyā virocamānaṃ, evaṃ sarīragandhena guṇagandhena ca sugandhaṃ saradakāle antalikkhe ādiccamiva attano tejasā tapantaṃ aṅgehi niccharaṇajutitāya aṅgīrasaṃ sammāsambuddhaṃ passāti.
абхаб̣б̣од̇и бадибад̇д̇исаарамид̣̇ам̣ саасанам̣, бадибад̇д̇и жа барияад̇д̇имуулигаа, д̇ван̃жа барияад̇д̇им̣ уг̇г̇ахзд̇ум̣ асамад̇т̇о, д̇асмаа абхаб̣б̣од̇и ад̇хиббааяо. суд̣̇д̇хам̣ билод̇игакан̣д̣анд̇и ид̣̇д̇хияаа абхисан̇кад̇ам̣ барисуд̣̇д̇хам̣ жол̣акан̣д̣ам̣. д̇ад̣̇аа гира бхаг̇аваа ‘‘на саж̇жхааяам̣ гаад̇ум̣ асаггонд̇о мама саасанз абхаб̣б̣о наама ход̇и, маа сожи бхигкуу’’д̇и д̇ам̣ б̣аахааяам̣ г̇ахзд̇ваа вихаарам̣ бависид̇ваа ид̣̇д̇хияаа билод̇игакан̣д̣ам̣ абхинимминид̇ваа ‘‘ханд̣̇а, бхигку, имам̣ баримаж̇ж̇анд̇о ‘раж̇охаран̣ам̣ раж̇охаран̣а’нд̇и бунаббунам̣ саж̇жхааяам̣ гарохий’’д̇и вад̇ваа ад̣̇ааси д̇ад̇т̇а буб̣б̣згад̇аад̇хигаарад̇д̇аа.
Abhabboti paṭipattisāramidaṃ sāsanaṃ, paṭipatti ca pariyattimūlikā, tvañca pariyattiṃ uggahetuṃ asamattho, tasmā abhabboti adhippāyo. Suddhaṃ pilotikakhaṇḍanti iddhiyā abhisaṅkhataṃ parisuddhaṃ coḷakhaṇḍaṃ. Tadā kira bhagavā ‘‘na sajjhāyaṃ kātuṃ asakkonto mama sāsane abhabbo nāma hoti, mā soci bhikkhū’’ti taṃ bāhāyaṃ gahetvā vihāraṃ pavisitvā iddhiyā pilotikakhaṇḍaṃ abhinimminitvā ‘‘handa, bhikkhu, imaṃ parimajjanto ‘rajoharaṇaṃ rajoharaṇa’nti punappunaṃ sajjhāyaṃ karohī’’ti vatvā adāsi tattha pubbekatādhikārattā.
со гира буб̣б̣з рааж̇аа худ̇ваа наг̇арам̣ бад̣̇агкин̣ам̣ гаронд̇о налаадад̇о сзд̣̇з мужжанд̇з барисуд̣̇д̇хзна саадагзна налаадам̣ бун̃чи, саадаго гилидто ахоси . со ‘‘имам̣ сарийрам̣ ниссааяа зваруубо барисуд̣̇д̇хасаадаго багад̇им̣ ж̇ахид̇ваа гилидто ж̇аад̇о, анижжаа вад̇а сан̇каараа’’д̇и анижжасан̃н̃ам̣ бадилабхад̇и, д̇зна гааран̣знасса раж̇охаран̣амзва бажжаяо ж̇аад̇о. раж̇ам̣ харад̇ийд̇и раж̇охаран̣ам̣. сам̣взг̇ам̣ бадилабхид̇ваад̇и асубхасан̃н̃ам̣ анижжасан̃н̃ан̃жа убадтабзнд̇о сам̣взг̇ам̣ бадилабхид̇ваа. со хи яонисо уммаж̇ж̇анд̇о ‘‘барисуд̣̇д̇хам̣ вад̇т̇ам̣, над̇т̇зд̇т̇а д̣̇осо, ад̇д̇абхаавасса банааяам̣ д̣̇осо’’д̇и асубхасан̃н̃ам̣ анижжасан̃н̃ан̃жа бадилабхид̇ваа наамаруубабариг̇г̇ахаад̣̇инаа бан̃жасу канд̇хзсу н̃аан̣ам̣ од̇аарзд̇ваа галаабасаммасанаад̣̇иггамзна вибассанам̣ вад̣дхзд̇ваа уд̣̇аяаб̣б̣аяан̃аан̣аад̣̇ибаабаадияаа вибассанам̣ ануломаг̇од̇рабхусамийбам̣ баабзси. д̇ам̣ санд̇хааяа вуд̇д̇ам̣ ‘‘вибассанам̣ аарабхий’’д̇и. обхаасаг̇аат̇ам̣ абхаасийд̇и обхаасависсаж̇ж̇анабуб̣б̣агабхаасид̇аг̇аат̇аа обхаасаг̇аат̇аа, д̇ам̣ абхаасийд̇и ад̇т̇о.
So kira pubbe rājā hutvā nagaraṃ padakkhiṇaṃ karonto nalāṭato sede muccante parisuddhena sāṭakena nalāṭaṃ puñchi, sāṭako kiliṭṭho ahosi . So ‘‘imaṃ sarīraṃ nissāya evarūpo parisuddhasāṭako pakatiṃ jahitvā kiliṭṭho jāto, aniccā vata saṅkhārā’’ti aniccasaññaṃ paṭilabhati, tena kāraṇenassa rajoharaṇameva paccayo jāto. Rajaṃ haratīti rajoharaṇaṃ. Saṃvegaṃ paṭilabhitvāti asubhasaññaṃ aniccasaññañca upaṭṭhapento saṃvegaṃ paṭilabhitvā. So hi yoniso ummajjanto ‘‘parisuddhaṃ vatthaṃ, natthettha doso, attabhāvassa panāyaṃ doso’’ti asubhasaññaṃ aniccasaññañca paṭilabhitvā nāmarūpapariggahādinā pañcasu khandhesu ñāṇaṃ otāretvā kalāpasammasanādikkamena vipassanaṃ vaḍḍhetvā udayabbayañāṇādipaapāṭiyā vipassanaṃ anulomagotrabhusamīpaṃ pāpesi. Taṃ sandhāya vuttaṃ ‘‘vipassanaṃ ārabhī’’ti. Obhāsagāthaṃ abhāsīti obhāsavissajjanapubbakabhāsitagāthā obhāsagāthā, taṃ abhāsīti attho.
зд̇т̇а жа ‘‘ад̇хижзд̇асод̇и имам̣ обхаасаг̇аат̇ам̣ абхаасий’’д̇и ид̇хзва вуд̇д̇ам̣. висуд̣̇д̇химаг̇г̇з (висуд̣̇д̇хи. 2.386) бана д̇хаммабад̣̇адтагат̇ааяам̣ (д̇ха. ба. адта. 1.жуул̣абант̇агад̇т̇зравад̇т̇у) т̇зраг̇аат̇аасам̣ван̣н̣анааяан̃жа (т̇зраг̇аа. адта. 2.566) –
Ettha ca ‘‘adhicetasoti imaṃ obhāsagāthaṃ abhāsī’’ti idheva vuttaṃ. Visuddhimagge (visuddhi. 2.386) pana dhammapadaṭṭhakathāyaṃ (dha. pa. aṭṭha. 1.cūḷapanthakattheravatthu) theragāthāsaṃvaṇṇanāyañca (theragā. aṭṭha. 2.566) –
‘‘рааг̇о раж̇о на жа бана рзн̣у вужжад̇и;
‘‘Rāgo rajo na ca pana reṇu vuccati;
рааг̇ассзд̇ам̣ ад̇хиважанам̣ раж̇од̇и;
Rāgassetaṃ adhivacanaṃ rajoti;
зд̇ам̣ раж̇ам̣ виббаж̇ахид̇ваа бан̣д̣ид̇аа;
Etaṃ rajaṃ vippajahitvā paṇḍitā;
вихаранд̇и д̇з виг̇ад̇араж̇асса саасанз.
Viharanti te vigatarajassa sāsane.
‘‘д̣̇осо…бз… саасанз.
‘‘Doso…pe… sāsane.
‘‘мохо раж̇о на жа бана рзн̣у вужжад̇и;
‘‘Moho rajo na ca pana reṇu vuccati;
мохассзд̇ам̣ ад̇хиважанам̣ раж̇од̇и;
Mohassetaṃ adhivacanaṃ rajoti;
зд̇ам̣ раж̇ам̣ виббаж̇ахид̇ваа бан̣д̣ид̇аа;
Etaṃ rajaṃ vippajahitvā paṇḍitā;
вихаранд̇и д̇з виг̇ад̇араж̇асса саасанзд̇и. –
Viharanti te vigatarajassa sāsaneti. –
имаа д̇иссо обхаасаг̇аат̇аа абхаасий’’д̇и вуд̇д̇ам̣. ад̇хижзд̇асод̇и жа аяам̣ жуул̣абант̇агад̇т̇зрасса уд̣̇аанаг̇аат̇аад̇и имиссааязва баал̣ияаа ааг̇ад̇ам̣. т̇зраг̇аат̇ааяам̣ бана жуул̣абант̇агад̇т̇зрасса уд̣̇аанаг̇аат̇аасу аяам̣ анаарул̣хаа, ‘‘згуд̣̇аанияад̇т̇зрасса бана аяам̣ уд̣̇аанаг̇аат̇аа’’д̇и (т̇зраг̇аа. адта. 1.згуд̣̇аанияад̇т̇зраг̇аат̇ааван̣н̣анаа) д̇ад̇т̇а вуд̇д̇ам̣. звам̣ санд̇зби имиссаа баал̣ияаа адтагат̇ааяа жа звамааг̇ад̇ад̇д̇аа жуул̣абант̇агад̇т̇зрассаби аяам̣ уд̣̇аанаг̇аат̇аа обхаасаг̇аат̇аавасзна жа бхаг̇авад̇аа бхаасид̇аад̇и г̇ахзд̇аб̣б̣ам̣. арахад̇д̇ам̣ баабун̣ийд̇и абхин̃н̃аабадисамбхид̣̇аабариваарам̣ арахад̇д̇ам̣ баабун̣и. абхаб̣б̣о д̇ванд̇иаад̣̇иважанад̇о анугамбаавасзна сад̣̇д̇хивихааригаад̣̇им̣ сан̇гхигавихаараа ниггад̣дхаабзнд̇асса анаабад̇д̇и вияа д̣̇иссад̇и. абхаб̣б̣о хи т̇зро сан̃жижжа д̇ам̣ гаад̇ум̣, ниггад̣дханасигкаабад̣̇з ваа абан̃н̃ад̇д̇з т̇зрзна звам̣ гад̇анд̇и г̇ахзд̇аб̣б̣ам̣.
Imā tisso obhāsagāthā abhāsī’’ti vuttaṃ. Adhicetasoti ca ayaṃ cūḷapanthakattherassa udānagāthāti imissāyeva pāḷiyā āgataṃ. Theragāthāyaṃ pana cūḷapanthakattherassa udānagāthāsu ayaṃ anāruḷhā, ‘‘ekudāniyattherassa pana ayaṃ udānagāthā’’ti (theragā. aṭṭha. 1.ekudāniyattheragāthāvaṇṇanā) tattha vuttaṃ. Evaṃ santepi imissā pāḷiyā aṭṭhakathāya ca evamāgatattā cūḷapanthakattherassapi ayaṃ udānagāthā obhāsagāthāvasena ca bhagavatā bhāsitāti gahetabbaṃ. Arahattaṃ pāpuṇīti abhiññāpaṭisambhidāparivāraṃ arahattaṃ pāpuṇi. Abhabbo tvantiādivacanato anukampāvasena saddhivihārikādiṃ saṅghikavihārā nikkaḍḍhāpentassa anāpatti viya dissati. Abhabbo hi thero sañcicca taṃ kātuṃ, nikkaḍḍhanasikkhāpade vā apaññatte therena evaṃ katanti gahetabbaṃ.
156. овад̣̇анд̇асса баажид̇д̇ияанд̇и ад̇т̇ан̇г̇ад̇з суурияз г̇аруд̇хаммзхи ваа ан̃н̃зна ваа д̇хаммзнзва овад̣̇анд̇асса саммад̇ассаби баажид̇д̇ияам̣. сзсамзд̇т̇а уд̇д̇аанамзва. ад̇т̇ан̇г̇ад̇асуурияад̇аа, барибун̣н̣уубасамбаннад̇аа, овад̣̇ананд̇и имаани банзд̇т̇а д̇ийн̣и ан̇г̇аани.
156.Ovadantassa pācittiyanti atthaṅgate sūriye garudhammehi vā aññena vā dhammeneva ovadantassa sammatassapi pācittiyaṃ. Sesamettha uttānameva. Atthaṅgatasūriyatā, paripuṇṇūpasampannatā, ovadananti imāni panettha tīṇi aṅgāni.
ад̇т̇ан̇г̇ад̇асигкаабад̣̇аван̣н̣анаа нидтид̇аа.
Atthaṅgatasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. оваад̣̇аваг̇г̇о • 3. Ovādavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. ад̇т̇ан̇г̇ад̇асигкаабад̣̇аван̣н̣анаа • 2. Atthaṅgatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. ад̇т̇ан̇г̇ад̇асигкаабад̣̇аван̣н̣анаа • 2. Atthaṅgatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. ад̇т̇ан̇г̇ад̇асигкаабад̣̇аван̣н̣анаа • 2. Atthaṅgatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 2. ад̇т̇ан̇г̇ад̇асигкаабад̣̇ам̣ • 2. Atthaṅgatasikkhāpadaṃ
