| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
2. ад̇т̇ан̇г̇ад̇асигкаабад̣̇аван̣н̣анаа
2. Atthaṅgatasikkhāpadavaṇṇanā
153. мунаад̇ийд̇и ж̇аанаад̇и. анд̇арад̇хааяад̇ибийд̇и зд̇т̇а д̇ад̣̇уд̇д̇амам̣ жз ад̇т̇и, д̇ам̣ бассаами, яам̣ вижид̇д̇ам̣ ваа, д̇ад̣̇ад̇т̇ан̃жа. д̇аг̇гха гааран̣ам̣. саха уббаад̣̇амананд̇араа гирияаа. яамаа жа д̇з манасаа гад̇ад̇ра нзд̇ваад̇и. яат̇аа баад̇о сияаа баад̇о бхавам̣ баад̇ова уд̣̇агад̇о уг̇г̇анд̇ваа тид̇ам̣, д̇ат̇аа вирожамаанам̣ ан̇г̇ийрасам̣ б̣уд̣̇д̇хам̣ басса, на гзвалам̣ бад̣̇умам̣ вияа, вирожамаанам̣ д̇абанд̇амаад̣̇ижжамиванд̇алигкзд̇и самб̣анд̇хо. ат̇а ваа ан̇г̇ийрасам̣ б̣уд̣̇д̇хам̣ бад̣̇умам̣ва вирожамаанам̣ суурияам̣ва д̇абанд̇ам̣ басса б̣уд̣̇д̇хам̣. яат̇аа баад̇о сияаа пулламавийд̇аг̇анд̇хам̣ гогануд̣̇асан̇каад̇ам̣ бад̣̇умам̣ бассаси, д̇ат̇аа вирожамаанам̣ ан̇г̇ийрасам̣ б̣уд̣̇д̇хам̣ басса. убхаязнзва хи бхаг̇авад̇о ганд̇и д̣̇ийбид̇аад̇и гад̇ваа д̣̇ийбид̇аг̇ун̣асубхам̣ б̣уд̣̇д̇хам̣ саггад̇ваа д̇ам̣ ганд̇им̣ бууж̇зяяа. бууж̇анзяяад̇оби вийд̇инаамзяяа ид̇и лагкаяз. ‘‘згад̇о убасамбаннааяаа’’д̇и баал̣и.
153.Munātīti jānāti. Antaradhāyatipīti ettha taduttamaṃ ce atthi, taṃ passāmi, yaṃ vicittaṃ vā, tadatthañca. Taggha kāraṇaṃ. Saha uppādamanantarā kiriyā. Yamā ca te manasā katatra netvāti. Yathā pāto siyā pāto bhavaṃ pātova udakato uggantvā ṭhitaṃ, tathā virocamānaṃ aṅgīrasaṃ buddhaṃ passa, na kevalaṃ padumaṃ viya, virocamānaṃ tapantamādiccamivantalikkheti sambandho. Atha vā aṅgīrasaṃ buddhaṃ padumaṃva virocamānaṃ sūriyaṃva tapantaṃ passa buddhaṃ. Yathā pāto siyā phullamavītagandhaṃ kokanudasaṅkhātaṃ padumaṃ passasi, tathā virocamānaṃ aṅgīrasaṃ buddhaṃ passa. Ubhayeneva hi bhagavato kanti dīpitāti katvā dīpitaguṇasubhaṃ buddhaṃ sakkatvā taṃ kantiṃ pūjeyya. Pūjaneyyatopi vītināmeyya iti lakkhaye. ‘‘Ekato upasampannāyā’’ti pāḷi.
156. ‘‘згад̇о убасамбаннаана’’нд̇и адтагат̇аабаато. ‘‘абхаб̣б̣о д̇ва’’нд̇иаад̣̇иважанад̇о анугамбаавасзна сад̣̇д̇хивихааригаад̣̇им̣ сан̇гхигаа вихаараа ниггад̣дхаабзнд̇асса анаабад̇д̇и вияа д̣̇иссад̇и. абхаб̣б̣о хи т̇зро сан̃жижжа д̇ам̣ гаад̇ум̣, г̇авзсид̇аб̣б̣аава зд̇т̇а яуд̇д̇ийд̇и гзжи. т̇зрзна сигкаабад̣̇абан̃н̃ад̇д̇ид̇о буб̣б̣з гад̇анд̇и мама д̇агго.
156. ‘‘Ekato upasampannāna’’nti aṭṭhakathāpāṭho. ‘‘Abhabbo tva’’ntiādivacanato anukampāvasena saddhivihārikādiṃ saṅghikā vihārā nikkaḍḍhāpentassa anāpatti viya dissati. Abhabbo hi thero sañcicca taṃ kātuṃ, gavesitabbāva ettha yuttīti keci. Therena sikkhāpadapaññattito pubbe katanti mama takko.
ад̇т̇ан̇г̇ад̇асигкаабад̣̇аван̣н̣анаа нидтид̇аа.
Atthaṅgatasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. оваад̣̇аваг̇г̇о • 3. Ovādavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. ад̇т̇ан̇г̇ад̇асигкаабад̣̇аван̣н̣анаа • 2. Atthaṅgatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. ад̇т̇ан̇г̇ад̇асигкаабад̣̇аван̣н̣анаа • 2. Atthaṅgatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. ад̇т̇ан̇г̇ад̇асигкаабад̣̇аван̣н̣анаа • 2. Atthaṅgatasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 2. ад̇т̇ан̇г̇ад̇асигкаабад̣̇ам̣ • 2. Atthaṅgatasikkhāpadaṃ
