| Library / Tipiṭaka / တိပိဋက • Tipiṭaka / ဝဇိရဗုဒ္ဓိ-ဋီကာ • Vajirabuddhi-ṭīkā |
၂. အတ္ထင္ဂတသိက္ခာပဒဝဏ္ဏနာ
2. Atthaṅgatasikkhāpadavaṇṇanā
၁၅၃. မုနာတီတိ ဇာနာတိ။ အန္တရဓာယတိပီတိ ဧတ္ထ တဒုတ္တမံ စေ အတ္ထိ, တံ ပသ္သာမိ, ယံ ဝိစိတ္တံ ဝာ, တဒတ္ထဉ္စ။ တဂ္ဃ ကာရဏံ။ သဟ ဥပ္ပာဒမနန္တရာ ကိရိယာ။ ယမာ စ တေ မနသာ ကတတ္ရ နေတ္ဝာတိ။ ယထာ ပာတော သိယာ ပာတော ဘဝံ ပာတောဝ ဥဒကတော ဥဂ္ဂန္တ္ဝာ ဌိတံ, တထာ ဝိရောစမာနံ အင္ဂီရသံ ဗုဒ္ဓံ ပသ္သ, န ကေဝလံ ပဒုမံ ဝိယ, ဝိရောစမာနံ တပန္တမာဒိစ္စမိဝန္တလိက္ခေတိ သမ္ဗန္ဓော။ အထ ဝာ အင္ဂီရသံ ဗုဒ္ဓံ ပဒုမံဝ ဝိရောစမာနံ သူရိယံဝ တပန္တံ ပသ္သ ဗုဒ္ဓံ။ ယထာ ပာတော သိယာ ဖုလ္လမဝီတဂန္ဓံ ကောကနုဒသင္ခာတံ ပဒုမံ ပသ္သသိ, တထာ ဝိရောစမာနံ အင္ဂီရသံ ဗုဒ္ဓံ ပသ္သ။ ဥဘယေနေဝ ဟိ ဘဂဝတော ကန္တိ ဒီပိတာတိ ကတ္ဝာ ဒီပိတဂုဏသုဘံ ဗုဒ္ဓံ သက္ကတ္ဝာ တံ ကန္တိံ ပူဇေယ္ယ။ ပူဇနေယ္ယတောပိ ဝီတိနာမေယ္ယ ဣတိ လက္ခယေ။ ‘‘ဧကတော ဥပသမ္ပန္နာယာ’’တိ ပာဠိ။
153.Munātīti jānāti. Antaradhāyatipīti ettha taduttamaṃ ce atthi, taṃ passāmi, yaṃ vicittaṃ vā, tadatthañca. Taggha kāraṇaṃ. Saha uppādamanantarā kiriyā. Yamā ca te manasā katatra netvāti. Yathā pāto siyā pāto bhavaṃ pātova udakato uggantvā ṭhitaṃ, tathā virocamānaṃ aṅgīrasaṃ buddhaṃ passa, na kevalaṃ padumaṃ viya, virocamānaṃ tapantamādiccamivantalikkheti sambandho. Atha vā aṅgīrasaṃ buddhaṃ padumaṃva virocamānaṃ sūriyaṃva tapantaṃ passa buddhaṃ. Yathā pāto siyā phullamavītagandhaṃ kokanudasaṅkhātaṃ padumaṃ passasi, tathā virocamānaṃ aṅgīrasaṃ buddhaṃ passa. Ubhayeneva hi bhagavato kanti dīpitāti katvā dīpitaguṇasubhaṃ buddhaṃ sakkatvā taṃ kantiṃ pūjeyya. Pūjaneyyatopi vītināmeyya iti lakkhaye. ‘‘Ekato upasampannāyā’’ti pāḷi.
၁၅၆. ‘‘ဧကတော ဥပသမ္ပန္နာန’’န္တိ အဋ္ဌကထာပာဌော။ ‘‘အဘဗ္ဗော တ္ဝ’’န္တိအာဒိဝစနတော အနုကမ္ပာဝသေန သဒ္ဓိဝိဟာရိကာဒိံ သင္ဃိကာ ဝိဟာရာ နိက္ကဍ္ဎာပေန္တသ္သ အနာပတ္တိ ဝိယ ဒိသ္သတိ။ အဘဗ္ဗော ဟိ ထေရော သဉ္စိစ္စ တံ ကာတုံ, ဂဝေသိတဗ္ဗာဝ ဧတ္ထ ယုတ္တီတိ ကေစိ။ ထေရေန သိက္ခာပဒပညတ္တိတော ပုဗ္ဗေ ကတန္တိ မမ တက္ကော။
156. ‘‘Ekato upasampannāna’’nti aṭṭhakathāpāṭho. ‘‘Abhabbo tva’’ntiādivacanato anukampāvasena saddhivihārikādiṃ saṅghikā vihārā nikkaḍḍhāpentassa anāpatti viya dissati. Abhabbo hi thero sañcicca taṃ kātuṃ, gavesitabbāva ettha yuttīti keci. Therena sikkhāpadapaññattito pubbe katanti mama takko.
အတ္ထင္ဂတသိက္ခာပဒဝဏ္ဏနာ နိဋ္ဌိတာ။
Atthaṅgatasikkhāpadavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၃. ဩဝာဒဝဂ္ဂော • 3. Ovādavaggo
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၂. အတ္ထင္ဂတသိက္ခာပဒဝဏ္ဏနာ • 2. Atthaṅgatasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၂. အတ္ထင္ဂတသိက္ခာပဒဝဏ္ဏနာ • 2. Atthaṅgatasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၂. အတ္ထင္ဂတသိက္ခာပဒဝဏ္ဏနာ • 2. Atthaṅgatasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၂. အတ္ထင္ဂတသိက္ခာပဒံ • 2. Atthaṅgatasikkhāpadaṃ
