| Library / Tipiṭaka / තිපිටක • Tipiṭaka / වජිරබුද්‌ධි-ටීකා • Vajirabuddhi-ṭīkā |
2. අත්‌ථඞ්‌ගතසික්‌ඛාපදවණ්‌ණනා
2. Atthaṅgatasikkhāpadavaṇṇanā
153. මුනාතීති ජානාති. අන්‌තරධායතිපීති එත්‌ථ තදුත්‌තමං චෙ අත්‌ථි, තං පස්‌සාමි, යං විචිත්‌තං වා, තදත්‌ථඤ්‌ච. තග්‌ඝ කාරණං. සහ උප්‌පාදමනන්‌තරා කිරියා. යමා ච තෙ මනසා කතත්‍ර නෙත්‌වාති. යථා පාතො සියා පාතො භවං පාතොව උදකතො උග්‌ගන්‌ත්‌වා ඨිතං, තථා විරොචමානං අඞ්‌ගීරසං බුද්‌ධං පස්‌ස, න කෙවලං පදුමං විය, විරොචමානං තපන්‌තමාදිච්‌චමිවන්‌තලික්‌ඛෙති සම්‌බන්‌ධො. අථ වා අඞ්‌ගීරසං බුද්‌ධං පදුමංව විරොචමානං සූරියංව තපන්‌තං පස්‌ස බුද්‌ධං. යථා පාතො සියා ඵුල්‌ලමවීතගන්‌ධං කොකනුදසඞ්‌ඛාතං පදුමං පස්‌සසි, තථා විරොචමානං අඞ්‌ගීරසං බුද්‌ධං පස්‌ස. උභයෙනෙව හි භගවතො කන්‌ති දීපිතාති කත්‌වා දීපිතගුණසුභං බුද්‌ධං සක්‌කත්‌වා තං කන්‌තිං පූජෙය්‍ය. පූජනෙය්‍යතොපි වීතිනාමෙය්‍ය ඉති ලක්‌ඛයෙ. ‘‘එකතො උපසම්‌පන්‌නායා’’ති පාළි.
153.Munātīti jānāti. Antaradhāyatipīti ettha taduttamaṃ ce atthi, taṃ passāmi, yaṃ vicittaṃ vā, tadatthañca. Taggha kāraṇaṃ. Saha uppādamanantarā kiriyā. Yamā ca te manasā katatra netvāti. Yathā pāto siyā pāto bhavaṃ pātova udakato uggantvā ṭhitaṃ, tathā virocamānaṃ aṅgīrasaṃ buddhaṃ passa, na kevalaṃ padumaṃ viya, virocamānaṃ tapantamādiccamivantalikkheti sambandho. Atha vā aṅgīrasaṃ buddhaṃ padumaṃva virocamānaṃ sūriyaṃva tapantaṃ passa buddhaṃ. Yathā pāto siyā phullamavītagandhaṃ kokanudasaṅkhātaṃ padumaṃ passasi, tathā virocamānaṃ aṅgīrasaṃ buddhaṃ passa. Ubhayeneva hi bhagavato kanti dīpitāti katvā dīpitaguṇasubhaṃ buddhaṃ sakkatvā taṃ kantiṃ pūjeyya. Pūjaneyyatopi vītināmeyya iti lakkhaye. ‘‘Ekato upasampannāyā’’ti pāḷi.
156. ‘‘එකතො උපසම්‌පන්‌නාන’’න්‌ති අට්‌ඨකථාපාඨො. ‘‘අභබ්‌බො ත්‌ව’’න්‌තිආදිවචනතො අනුකම්‌පාවසෙන සද්‌ධිවිහාරිකාදිං සඞ්‌ඝිකා විහාරා නික්‌කඩ්‌ඪාපෙන්‌තස්‌ස අනාපත්‌ති විය දිස්‌සති. අභබ්‌බො හි ථෙරො සඤ්‌චිච්‌ච තං කාතුං, ගවෙසිතබ්‌බාව එත්‌ථ යුත්‌තීති කෙචි. ථෙරෙන සික්‌ඛාපදපඤ්‌ඤත්‌තිතො පුබ්‌බෙ කතන්‌ති මම තක්‌කො.
156. ‘‘Ekato upasampannāna’’nti aṭṭhakathāpāṭho. ‘‘Abhabbo tva’’ntiādivacanato anukampāvasena saddhivihārikādiṃ saṅghikā vihārā nikkaḍḍhāpentassa anāpatti viya dissati. Abhabbo hi thero sañcicca taṃ kātuṃ, gavesitabbāva ettha yuttīti keci. Therena sikkhāpadapaññattito pubbe katanti mama takko.
අත්‌ථඞ්‌ගතසික්‌ඛාපදවණ්‌ණනා නිට්‌ඨිතා.
Atthaṅgatasikkhāpadavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්‌ග • Mahāvibhaṅga / 3. ඔවාදවග්‌ගො • 3. Ovādavaggo
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවිභඞ්‌ග-අට්‌ඨකථා • Mahāvibhaṅga-aṭṭhakathā / 2. අත්‌ථඞ්‌ගතසික්‌ඛාපදවණ්‌ණනා • 2. Atthaṅgatasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / 2. අත්‌ථඞ්‌ගතසික්‌ඛාපදවණ්‌ණනා • 2. Atthaṅgatasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 2. අත්‌ථඞ්‌ගතසික්‌ඛාපදවණ්‌ණනා • 2. Atthaṅgatasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 2. අත්‌ථඞ්‌ගතසික්‌ඛාපදං • 2. Atthaṅgatasikkhāpadaṃ
