| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
੨. ਅਤ੍ਥਙ੍ਗਤਸਿਕ੍ਖਾਪਦવਣ੍ਣਨਾ
2. Atthaṅgatasikkhāpadavaṇṇanā
੧੫੩. ਦੁਤਿਯੇ ਕੋਕਨਦਨ੍ਤਿ ਪਦੁਮવਿਸੇਸਂ, ਤਂ ਕਿਰ ਬਹੁਪਤ੍ਤਂ વਣ੍ਣਸਮ੍ਪਨ੍ਨਂ। ਅਯਞ੍ਹੇਤ੍ਥ ਅਤ੍ਥੋ – ਯਥਾ ਕੋਕਨਦਸਙ੍ਖਾਤਂ ਪਦੁਮਂ, ਏવਂ ਫੁਲ੍ਲਮੁਖਪਦੁਮਂ ਅવੀਤਗੁਣਗਨ੍ਧਂ ਨਿਮ੍ਮਲੇ ਅਨ੍ਤਲਿਕ੍ਖੇ ਆਦਿਚ੍ਚਂ વਿਯ ਚ ਅਤ੍ਤਨੋ ਤੇਜਸਾ ਤਪਨ੍ਤਂ ਤਤੋ ਏવ વਿਰੋਚਮਾਨਂ ਅਙ੍ਗੇਹਿ ਨਿਚ੍ਛਰਣਕਜੁਤਿਯਾ ਅਙ੍ਗੀਰਸਂ ਸਮ੍ਮਾਸਮ੍ਬੁਦ੍ਧਂ ਪਸ੍ਸਾਤਿ। ਰਜੋਹਰਣਨ੍ਤਿ ਸਰੀਰੇ ਰਜਂ ਪੁਞ੍ਛਤੀਤਿ ਰਜੋਹਰਣਨ੍ਤਿ ਪੁਞ੍ਛਨਚੋਲ਼ਸ੍ਸ ਨਾਮਂ। ਓਭਾਸવਿਸ੍ਸਜ੍ਜਨਪੁਬ੍ਬਕਾ ਭਾਸਿਤਗਾਥਾ ਓਭਾਸਗਾਥਾ ਨਾਮ। વਿਸੁਦ੍ਧਿਮਗ੍ਗਾਦੀਸੁ (વਿਸੁਦ੍ਧਿ॰ ੨.੩੮੬) ਪਨ ‘‘ਰਾਗੋ ਰਜੋ ਨ ਚ ਪਨ ਰੇਣੁ વੁਚ੍ਚਤੀ’’ਤਿਆਦਿ ਓਭਾਸਗਾਥਾ વੁਤ੍ਤਾ, ਨ ਪਨੇਸਾ ‘‘ਅਧਿਚੇਤਸੋ’’ਤਿ ਗਾਥਾ। ਅਯਞ੍ਚ ਚੂਲ਼ਪਨ੍ਥਕਤ੍ਥੇਰਸ੍ਸ ਉਦਾਨਗਾਥਾਤਿ ਉਦਾਨਪਾਲ਼ਿਯਂ ਨਤ੍ਥਿ, ਏਕੁਦਾਨਿਯਤ੍ਥੇਰਸ੍ਸ (ਥੇਰਗਾ॰ ੧.੬੭ ਏਕੁਦਾਨਿਯਤ੍ਥੇਰਗਾਥਾવਣ੍ਣਨਾ) ਨਾਯਂ ਉਦਾਨਗਾਥਾਤਿ ਤਤ੍ਥ વੁਤ੍ਤਂ। ਇਧ ਪਨ ਪਾਲ਼ਿਯਾ ਏવ વੁਤ੍ਤਤ੍ਤਾ ਥੇਰਸ੍ਸਾਪਿ ਉਦਾਨਗਾਥਾਤਿ ਗਹੇਤਬ੍ਬਂ। ਇਧ ਚ ਅਗਰੁਧਮ੍ਮੇਨਾਪਿ ਓવਦਤੋ ਪਾਚਿਤ੍ਤਿਯਮੇવ। ਅਤ੍ਥਙ੍ਗਤਸੂਰਿਯਤਾ, ਪਰਿਪੁਣ੍ਣੂਪਸਮ੍ਪਨ੍ਨਤਾ, ਓવਦਨਨ੍ਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ।
153. Dutiye kokanadanti padumavisesaṃ, taṃ kira bahupattaṃ vaṇṇasampannaṃ. Ayañhettha attho – yathā kokanadasaṅkhātaṃ padumaṃ, evaṃ phullamukhapadumaṃ avītaguṇagandhaṃ nimmale antalikkhe ādiccaṃ viya ca attano tejasā tapantaṃ tato eva virocamānaṃ aṅgehi niccharaṇakajutiyā aṅgīrasaṃ sammāsambuddhaṃ passāti. Rajoharaṇanti sarīre rajaṃ puñchatīti rajoharaṇanti puñchanacoḷassa nāmaṃ. Obhāsavissajjanapubbakā bhāsitagāthā obhāsagāthā nāma. Visuddhimaggādīsu (visuddhi. 2.386) pana ‘‘rāgo rajo na ca pana reṇu vuccatī’’tiādi obhāsagāthā vuttā, na panesā ‘‘adhicetaso’’ti gāthā. Ayañca cūḷapanthakattherassa udānagāthāti udānapāḷiyaṃ natthi, ekudāniyattherassa (theragā. 1.67 ekudāniyattheragāthāvaṇṇanā) nāyaṃ udānagāthāti tattha vuttaṃ. Idha pana pāḷiyā eva vuttattā therassāpi udānagāthāti gahetabbaṃ. Idha ca agarudhammenāpi ovadato pācittiyameva. Atthaṅgatasūriyatā, paripuṇṇūpasampannatā, ovadananti imānettha tīṇi aṅgāni.
ਅਤ੍ਥਙ੍ਗਤਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Atthaṅgatasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੩. ਓવਾਦવਗ੍ਗੋ • 3. Ovādavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੨. ਅਤ੍ਥਙ੍ਗਤਸਿਕ੍ਖਾਪਦવਣ੍ਣਨਾ • 2. Atthaṅgatasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੨. ਅਤ੍ਥਙ੍ਗਤਸਿਕ੍ਖਾਪਦવਣ੍ਣਨਾ • 2. Atthaṅgatasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੨. ਅਤ੍ਥਙ੍ਗਤਸਿਕ੍ਖਾਪਦવਣ੍ਣਨਾ • 2. Atthaṅgatasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨. ਅਤ੍ਥਙ੍ਗਤਸਿਕ੍ਖਾਪਦਂ • 2. Atthaṅgatasikkhāpadaṃ
