| Library / Tipiṭaka / തിപിടക • Tipiṭaka / വജിരബുദ്ധി-ടീകാ • Vajirabuddhi-ṭīkā |
൨. അത്ഥങ്ഗതസിക്ഖാപദവണ്ണനാ
2. Atthaṅgatasikkhāpadavaṇṇanā
൧൫൩. മുനാതീതി ജാനാതി. അന്തരധായതിപീതി ഏത്ഥ തദുത്തമം ചേ അത്ഥി, തം പസ്സാമി, യം വിചിത്തം വാ, തദത്ഥഞ്ച. തഗ്ഘ കാരണം. സഹ ഉപ്പാദമനന്തരാ കിരിയാ. യമാ ച തേ മനസാ കതത്ര നേത്വാതി. യഥാ പാതോ സിയാ പാതോ ഭവം പാതോവ ഉദകതോ ഉഗ്ഗന്ത്വാ ഠിതം, തഥാ വിരോചമാനം അങ്ഗീരസം ബുദ്ധം പസ്സ, ന കേവലം പദുമം വിയ, വിരോചമാനം തപന്തമാദിച്ചമിവന്തലിക്ഖേതി സമ്ബന്ധോ. അഥ വാ അങ്ഗീരസം ബുദ്ധം പദുമംവ വിരോചമാനം സൂരിയംവ തപന്തം പസ്സ ബുദ്ധം. യഥാ പാതോ സിയാ ഫുല്ലമവീതഗന്ധം കോകനുദസങ്ഖാതം പദുമം പസ്സസി, തഥാ വിരോചമാനം അങ്ഗീരസം ബുദ്ധം പസ്സ. ഉഭയേനേവ ഹി ഭഗവതോ കന്തി ദീപിതാതി കത്വാ ദീപിതഗുണസുഭം ബുദ്ധം സക്കത്വാ തം കന്തിം പൂജേയ്യ. പൂജനേയ്യതോപി വീതിനാമേയ്യ ഇതി ലക്ഖയേ. ‘‘ഏകതോ ഉപസമ്പന്നായാ’’തി പാളി.
153.Munātīti jānāti. Antaradhāyatipīti ettha taduttamaṃ ce atthi, taṃ passāmi, yaṃ vicittaṃ vā, tadatthañca. Taggha kāraṇaṃ. Saha uppādamanantarā kiriyā. Yamā ca te manasā katatra netvāti. Yathā pāto siyā pāto bhavaṃ pātova udakato uggantvā ṭhitaṃ, tathā virocamānaṃ aṅgīrasaṃ buddhaṃ passa, na kevalaṃ padumaṃ viya, virocamānaṃ tapantamādiccamivantalikkheti sambandho. Atha vā aṅgīrasaṃ buddhaṃ padumaṃva virocamānaṃ sūriyaṃva tapantaṃ passa buddhaṃ. Yathā pāto siyā phullamavītagandhaṃ kokanudasaṅkhātaṃ padumaṃ passasi, tathā virocamānaṃ aṅgīrasaṃ buddhaṃ passa. Ubhayeneva hi bhagavato kanti dīpitāti katvā dīpitaguṇasubhaṃ buddhaṃ sakkatvā taṃ kantiṃ pūjeyya. Pūjaneyyatopi vītināmeyya iti lakkhaye. ‘‘Ekato upasampannāyā’’ti pāḷi.
൧൫൬. ‘‘ഏകതോ ഉപസമ്പന്നാന’’ന്തി അട്ഠകഥാപാഠോ. ‘‘അഭബ്ബോ ത്വ’’ന്തിആദിവചനതോ അനുകമ്പാവസേന സദ്ധിവിഹാരികാദിം സങ്ഘികാ വിഹാരാ നിക്കഡ്ഢാപേന്തസ്സ അനാപത്തി വിയ ദിസ്സതി. അഭബ്ബോ ഹി ഥേരോ സഞ്ചിച്ച തം കാതും, ഗവേസിതബ്ബാവ ഏത്ഥ യുത്തീതി കേചി. ഥേരേന സിക്ഖാപദപഞ്ഞത്തിതോ പുബ്ബേ കതന്തി മമ തക്കോ.
156. ‘‘Ekato upasampannāna’’nti aṭṭhakathāpāṭho. ‘‘Abhabbo tva’’ntiādivacanato anukampāvasena saddhivihārikādiṃ saṅghikā vihārā nikkaḍḍhāpentassa anāpatti viya dissati. Abhabbo hi thero sañcicca taṃ kātuṃ, gavesitabbāva ettha yuttīti keci. Therena sikkhāpadapaññattito pubbe katanti mama takko.
അത്ഥങ്ഗതസിക്ഖാപദവണ്ണനാ നിട്ഠിതാ.
Atthaṅgatasikkhāpadavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവിഭങ്ഗ • Mahāvibhaṅga / ൩. ഓവാദവഗ്ഗോ • 3. Ovādavaggo
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / മഹാവിഭങ്ഗ-അട്ഠകഥാ • Mahāvibhaṅga-aṭṭhakathā / ൨. അത്ഥങ്ഗതസിക്ഖാപദവണ്ണനാ • 2. Atthaṅgatasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / ൨. അത്ഥങ്ഗതസിക്ഖാപദവണ്ണനാ • 2. Atthaṅgatasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / ൨. അത്ഥങ്ഗതസിക്ഖാപദവണ്ണനാ • 2. Atthaṅgatasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൨. അത്ഥങ്ഗതസിക്ഖാപദം • 2. Atthaṅgatasikkhāpadaṃ
