| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
5. адтан̇г̇игасуд̇д̇ам̣
5. Aṭṭhaṅgikasuttaṃ
205. ‘‘асаббурисан̃жа во, бхигкавз, д̣̇зсзссаами, асаббурисзна асаббурисад̇аран̃жа; саббурисан̃жа, саббурисзна саббурисад̇аран̃жа. д̇ам̣ сун̣аат̇а…бз….
205. ‘‘Asappurisañca vo, bhikkhave, desessāmi, asappurisena asappurisatarañca; sappurisañca, sappurisena sappurisatarañca. Taṃ suṇātha…pe….
‘‘гад̇амо жа, бхигкавз, асаббурисо? ид̇ха, бхигкавз, згажжо мижчаад̣̇идтиго ход̇и, мижчаасан̇габбо ход̇и, мижчааваажо ход̇и, мижчаагамманд̇о ход̇и, мижчааааж̇ийво ход̇и, мижчаавааяаамо ход̇и, мижчаасад̇и ход̇и, мижчаасамаад̇хи ход̇и. аяам̣ вужжад̇и, бхигкавз, асаббурисо.
‘‘Katamo ca, bhikkhave, asappuriso? Idha, bhikkhave, ekacco micchādiṭṭhiko hoti, micchāsaṅkappo hoti, micchāvāco hoti, micchākammanto hoti, micchāājīvo hoti, micchāvāyāmo hoti, micchāsati hoti, micchāsamādhi hoti. Ayaṃ vuccati, bhikkhave, asappuriso.
‘‘гад̇амо жа, бхигкавз, асаббурисзна асаббурисад̇аро? ид̇ха бхигкавз, згажжо ад̇д̇анаа жа мижчаад̣̇идтиго ход̇и, баран̃жа мижчаад̣̇идтияаа самаад̣̇абзд̇и; ад̇д̇анаа жа мижчаасан̇габбо ход̇и, баран̃жа мижчаасан̇габбз самаад̣̇абзд̇и; ад̇д̇анаа жа мижчааваажо ход̇и, баран̃жа мижчааваажааяа самаад̣̇абзд̇и; ад̇д̇анаа жа мижчаагамманд̇о ход̇и, баран̃жа мижчаагамманд̇з самаад̣̇абзд̇и; ад̇д̇анаа жа мижчааааж̇ийво ход̇и, баран̃жа мижчааааж̇ийвз самаад̣̇абзд̇и; ад̇д̇анаа жа мижчаавааяаамо ход̇и, баран̃жа мижчаавааяаамз самаад̣̇абзд̇и; ад̇д̇анаа жа мижчаасад̇и ход̇и, баран̃жа мижчаасад̇ияаа самаад̣̇абзд̇и; ад̇д̇анаа жа мижчаасамаад̇хи ход̇и, баран̃жа мижчаасамаад̇химхи самаад̣̇абзд̇и. аяам̣ вужжад̇и, бхигкавз, асаббурисзна асаббурисад̇аро.
‘‘Katamo ca, bhikkhave, asappurisena asappurisataro? Idha bhikkhave, ekacco attanā ca micchādiṭṭhiko hoti, parañca micchādiṭṭhiyā samādapeti; attanā ca micchāsaṅkappo hoti, parañca micchāsaṅkappe samādapeti; attanā ca micchāvāco hoti, parañca micchāvācāya samādapeti; attanā ca micchākammanto hoti, parañca micchākammante samādapeti; attanā ca micchāājīvo hoti, parañca micchāājīve samādapeti; attanā ca micchāvāyāmo hoti, parañca micchāvāyāme samādapeti; attanā ca micchāsati hoti, parañca micchāsatiyā samādapeti; attanā ca micchāsamādhi hoti, parañca micchāsamādhimhi samādapeti. Ayaṃ vuccati, bhikkhave, asappurisena asappurisataro.
‘‘гад̇амо жа, бхигкавз, саббурисо? ид̇ха, бхигкавз, згажжо саммаад̣̇идтиго ход̇и, саммаасан̇габбо ход̇и, саммааваажо ход̇и, саммаагамманд̇о ход̇и, саммааааж̇ийво ход̇и, саммаавааяаамо ход̇и, саммаасад̇и ход̇и, саммаасамаад̇хи ход̇и. аяам̣ вужжад̇и, бхигкавз, саббурисо.
‘‘Katamo ca, bhikkhave, sappuriso? Idha, bhikkhave, ekacco sammādiṭṭhiko hoti, sammāsaṅkappo hoti, sammāvāco hoti, sammākammanto hoti, sammāājīvo hoti, sammāvāyāmo hoti, sammāsati hoti, sammāsamādhi hoti. Ayaṃ vuccati, bhikkhave, sappuriso.
‘‘гад̇амо жа, бхигкавз, саббурисзна саббурисад̇аро? ид̇ха, бхигкавз, згажжо ад̇д̇анаа жа саммаад̣̇идтиго ход̇и, баран̃жа саммаад̣̇идтияаа самаад̣̇абзд̇и; ад̇д̇анаа жа саммаасан̇габбо ход̇и, баран̃жа саммаасан̇габбз самаад̣̇абзд̇и; ад̇д̇анаа жа саммааваажо ход̇и, баран̃жа саммааваажааяа самаад̣̇абзд̇и; ад̇д̇анаа жа саммаагамманд̇о ход̇и, баран̃жа саммаагамманд̇з самаад̣̇абзд̇и; ад̇д̇анаа жа саммааааж̇ийво ход̇и, баран̃жа саммааааж̇ийвз самаад̣̇абзд̇и; ад̇д̇анаа жа саммаавааяаамо ход̇и, баран̃жа саммаавааяаамз самаад̣̇абзд̇и; ад̇д̇анаа жа саммаасад̇и ход̇и, баран̃жа саммаасад̇ияаа самаад̣̇абзд̇и; ад̇д̇анаа жа саммаасамаад̇хи ход̇и, баран̃жа саммаасамаад̇химхи самаад̣̇абзд̇и. аяам̣ вужжад̇и, бхигкавз, саббурисзна саббурисад̇аро’’д̇и. бан̃жамам̣.
‘‘Katamo ca, bhikkhave, sappurisena sappurisataro? Idha, bhikkhave, ekacco attanā ca sammādiṭṭhiko hoti, parañca sammādiṭṭhiyā samādapeti; attanā ca sammāsaṅkappo hoti, parañca sammāsaṅkappe samādapeti; attanā ca sammāvāco hoti, parañca sammāvācāya samādapeti; attanā ca sammākammanto hoti, parañca sammākammante samādapeti; attanā ca sammāājīvo hoti, parañca sammāājīve samādapeti; attanā ca sammāvāyāmo hoti, parañca sammāvāyāme samādapeti; attanā ca sammāsati hoti, parañca sammāsatiyā samādapeti; attanā ca sammāsamādhi hoti, parañca sammāsamādhimhi samādapeti. Ayaṃ vuccati, bhikkhave, sappurisena sappurisataro’’ti. Pañcamaṃ.
Related texts:
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-10. сигкаабад̣̇асуд̇д̇аад̣̇иван̣н̣анаа • 1-10. Sikkhāpadasuttādivaṇṇanā
