| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
6. අට්‌ඨඞ්‌ගිකසුත්‌තං
6. Aṭṭhaṅgikasuttaṃ
112. සාවත්‌ථියං විහරති…පෙ.… ‘‘ධාතුසොව, භික්‌ඛවෙ, සත්‌තා සංසන්‌දන්‌ති සමෙන්‌ති. මිච්‌ඡාදිට්‌ඨිකා මිච්‌ඡාදිට්‌ඨිකෙහි සද්‌ධිං සංසන්‌දන්‌ති සමෙන්‌ති; මිච්‌ඡාසඞ්‌කප්‌පා…පෙ.… මිච්‌ඡාවාචා… මිච්‌ඡාකම්‌මන්‌තා… මිච්‌ඡාආජීවා… මිච්‌ඡාවායාමා… මිච්‌ඡාසතිනො … මිච්‌ඡාසමාධිනො මිච්‌ඡාසමාධීහි සද්‌ධිං සංසන්‌දන්‌ති සමෙන්‌ති. සම්‌මාදිට්‌ඨිකා සම්‌මාදිට්‌ඨිකෙහි සද්‌ධිං සංසන්‌දන්‌ති සමෙන්‌ති; සම්‌මාසඞ්‌කප්‌පා…පෙ.… සම්‌මාවාචා… සම්‌මාකම්‌මන්‌තා… සම්‌මාආජීවා… සම්‌මාවායාමා… සම්‌මාසතිනො… සම්‌මාසමාධිනො සම්‌මාසමාධීහි සද්‌ධිං සංසන්‌දන්‌ති සමෙන්‌තී’’ති. ඡට්‌ඨං.
112. Sāvatthiyaṃ viharati…pe… ‘‘dhātusova, bhikkhave, sattā saṃsandanti samenti. Micchādiṭṭhikā micchādiṭṭhikehi saddhiṃ saṃsandanti samenti; micchāsaṅkappā…pe… micchāvācā… micchākammantā… micchāājīvā… micchāvāyāmā… micchāsatino … micchāsamādhino micchāsamādhīhi saddhiṃ saṃsandanti samenti. Sammādiṭṭhikā sammādiṭṭhikehi saddhiṃ saṃsandanti samenti; sammāsaṅkappā…pe… sammāvācā… sammākammantā… sammāājīvā… sammāvāyāmā… sammāsatino… sammāsamādhino sammāsamādhīhi saddhiṃ saṃsandanti samentī’’ti. Chaṭṭhaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 6. අට්‌ඨඞ්‌ගිකසුත්‌තවණ්‌ණනා • 6. Aṭṭhaṅgikasuttavaṇṇanā
