| Library / Tipiṭaka / திபிடக • Tipiṭaka / சூளவக்³க³பாளி • Cūḷavaggapāḷi |
அட்டா²ரஸவத்தங்
Aṭṭhārasavattaṃ
7. ‘‘தஜ்ஜனீயகம்மகதேன , பி⁴க்க²வே, பி⁴க்கு²னா ஸம்மா வத்திதப்³ப³ங். தத்ராயங் ஸம்மாவத்தனா – ந உபஸம்பாதே³தப்³ப³ங், ந நிஸ்ஸயோ தா³தப்³போ³, ந ஸாமணேரோ உபட்டா²பேதப்³போ³, ந பி⁴க்கு²னோவாத³கஸம்முதி 1 ஸாதி³தப்³பா³, ஸம்மதேனபி பி⁴க்கு²னியோ ந ஓவதி³தப்³பா³. யாய ஆபத்தியா ஸங்கே⁴ன தஜ்ஜனீயகம்மங் கதங் ஹோதி ஸா ஆபத்தி ந ஆபஜ்ஜிதப்³பா³, அஞ்ஞா வா தாதி³ஸிகா, ததோ வா பாபிட்ட²தரா; கம்மங் ந க³ரஹிதப்³ப³ங், கம்மிகா ந க³ரஹிதப்³பா³. ந பகதத்தஸ்ஸ பி⁴க்கு²னோ உபோஸதோ² ட²பேதப்³போ³, ந பவாரணா ட²பேதப்³பா³, ந ஸவசனீயங் காதப்³ப³ங், ந அனுவாதோ³ பட்ட²பேதப்³போ³, ந ஓகாஸோ காரேதப்³போ³, ந சோதே³தப்³போ³, ந ஸாரேதப்³போ³, ந பி⁴க்கூ²ஹி 2 ஸம்பயோஜேதப்³ப³’’ந்தி.
7. ‘‘Tajjanīyakammakatena , bhikkhave, bhikkhunā sammā vattitabbaṃ. Tatrāyaṃ sammāvattanā – na upasampādetabbaṃ, na nissayo dātabbo, na sāmaṇero upaṭṭhāpetabbo, na bhikkhunovādakasammuti 3 sāditabbā, sammatenapi bhikkhuniyo na ovaditabbā. Yāya āpattiyā saṅghena tajjanīyakammaṃ kataṃ hoti sā āpatti na āpajjitabbā, aññā vā tādisikā, tato vā pāpiṭṭhatarā; kammaṃ na garahitabbaṃ, kammikā na garahitabbā. Na pakatattassa bhikkhuno uposatho ṭhapetabbo, na pavāraṇā ṭhapetabbā, na savacanīyaṃ kātabbaṃ, na anuvādo paṭṭhapetabbo, na okāso kāretabbo, na codetabbo, na sāretabbo, na bhikkhūhi 4 sampayojetabba’’nti.
தஜ்ஜனீயகம்மே அட்டா²ரஸவத்தங் நிட்டி²தங்.
Tajjanīyakamme aṭṭhārasavattaṃ niṭṭhitaṃ.
Footnotes:
