| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
அட்டா²ரஸவத்து²கதா²வண்ணனா
Aṭṭhārasavatthukathāvaṇṇanā
473. யோ படிபா³ஹெய்ய, ஆபத்தி து³க்கடஸ்ஸாதி எத்த² யோ ஸேனாஸனாரஹஸ்ஸ ஸேனாஸனங் படிபா³ஹதி, தஸ்ஸேவ ஆபத்தி. கலஹகாரகாதீ³னங் பனெத்த² ‘‘ஓகாஸோ நத்தீ²’’திஆதி³கங் ஸங்க⁴ஸ்ஸ கதிகங் ஆரோசெத்வா ந பஞ்ஞபெந்தஸ்ஸ ‘‘அஹங் வுட்³டோ⁴’’தி பஸய்ஹ அத்தனாவ அத்தனோ பஞ்ஞபெத்வா க³ண்ஹந்தங் ‘‘யுத்தியா க³ண்ஹதா²’’தி வத்வா வாரெந்தஸ்ஸ ச நத்தி² ஆபத்தி. ‘‘ப⁴ண்ட³னகாரகங் நிக்கட்³ட⁴தீதி வசனதோ குலதூ³ஸகஸ்ஸ பப்³பா³ஜனீயகம்மானுஞ்ஞாய ச இத⁴ கலஹவூபஸமனத்த²ங் ஆக³தானங் கோஸம்ப³கானம்பி ‘யதா²வுட்³ட⁴’ந்தி அவத்வா ‘விவித்தே அஸதி விவித்தங் கத்வாபி தா³தப்³ப³’ந்தி வுத்தத்தா விவித்தங் கத்வா தெ³ந்தங் படிபா³ஹந்தஸ்ஸேவ ஆபத்தீ’’தி க³ண்டி²பதே³ஸு வுத்தங்.
473.Yo paṭibāheyya, āpatti dukkaṭassāti ettha yo senāsanārahassa senāsanaṃ paṭibāhati, tasseva āpatti. Kalahakārakādīnaṃ panettha ‘‘okāso natthī’’tiādikaṃ saṅghassa katikaṃ ārocetvā na paññapentassa ‘‘ahaṃ vuḍḍho’’ti pasayha attanāva attano paññapetvā gaṇhantaṃ ‘‘yuttiyā gaṇhathā’’ti vatvā vārentassa ca natthi āpatti. ‘‘Bhaṇḍanakārakaṃ nikkaḍḍhatīti vacanato kuladūsakassa pabbājanīyakammānuññāya ca idha kalahavūpasamanatthaṃ āgatānaṃ kosambakānampi ‘yathāvuḍḍha’nti avatvā ‘vivitte asati vivittaṃ katvāpi dātabba’nti vuttattā vivittaṃ katvā dentaṃ paṭibāhantasseva āpattī’’ti gaṇṭhipadesu vuttaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 276. அட்டா²ரஸவத்து²கதா² • 276. Aṭṭhārasavatthukathā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / அட்டா²ரஸவத்து²கதா²வண்ணனா • Aṭṭhārasavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / அட்டா²ரஸவத்து²கதா²வண்ணனா • Aṭṭhārasavatthukathāvaṇṇanā
