| Library / Tipiṭaka / তিপিটক • Tipiṭaka / ৰিমতিৰিনোদনী-টীকা • Vimativinodanī-ṭīkā |
অট্ঠারসৰত্থুকথাৰণ্ণনা
Aṭṭhārasavatthukathāvaṇṇanā
৪৬৮. যথা ধম্মো তথা তিট্ঠাহীতি যথা ধম্মো চ ৰিনযো চ ঠিতো, তথা তিট্ঠ, ধম্মৰাদীপক্খে তিট্ঠাতি অত্থো।
468.Yathā dhammo tathā tiṭṭhāhīti yathā dhammo ca vinayo ca ṭhito, tathā tiṭṭha, dhammavādīpakkhe tiṭṭhāti attho.
৪৭৩. ‘‘যো পটিবাহেয্য, আপত্তি দুক্কটস্সা’’তি ইদং সামগ্গীভেদস্স অকারকে সন্ধায ৰুত্তং। যে পন ভেদকারকা ৰিরুদ্ধা অলজ্জিনো , তেসং পটিবাহিতুং ৰট্টতি তেসং সন্তকস্সপি সেনাসনস্স ৰিনাসনৰচনতো। ‘‘ৰিৰিত্তং কত্ৰাপি দাতব্ব’’ন্তি ৰুত্তত্তা পন যথাৰুড্ঢং ৰরসেনাসনং অদত্ৰা ৰুড্ঢানম্পি অসঞ্ঞতানং সঞ্ঞতেহি ৰিৰিত্তং কত্ৰা দাতব্বন্তি দট্ঠব্বং।
473.‘‘Yopaṭibāheyya, āpatti dukkaṭassā’’ti idaṃ sāmaggībhedassa akārake sandhāya vuttaṃ. Ye pana bhedakārakā viruddhā alajjino , tesaṃ paṭibāhituṃ vaṭṭati tesaṃ santakassapi senāsanassa vināsanavacanato. ‘‘Vivittaṃ katvāpi dātabba’’nti vuttattā pana yathāvuḍḍhaṃ varasenāsanaṃ adatvā vuḍḍhānampi asaññatānaṃ saññatehi vivittaṃ katvā dātabbanti daṭṭhabbaṃ.
৪৭৫. কম্মৰাচায ওসারেত্ৰাতি এত্থ উক্খিত্তস্স ভিক্খুনো আপত্তিযাপন্নভাৰং পটিজানিত্ৰা সম্মাৰত্তনেন উক্খেপকানং সমুপ্পন্নওসারণচ্ছন্দস্স পগেৰ ঞাতত্তা পটিপ্পস্সম্ভনকম্মৰাচায উক্খিত্তানুৰত্তকা সযমেৰ নং ওসারেসুন্তি দট্ঠব্বং।
475.Kammavācāya osāretvāti ettha ukkhittassa bhikkhuno āpattiyāpannabhāvaṃ paṭijānitvā sammāvattanena ukkhepakānaṃ samuppannaosāraṇacchandassa pageva ñātattā paṭippassambhanakammavācāya ukkhittānuvattakā sayameva naṃ osāresunti daṭṭhabbaṃ.
৪৭৬. অত্থতো অপগতাতি সামগ্গীঅত্থৰিরহিতা, তুচ্ছব্যঞ্জনাতি অত্থো।
476.Atthato apagatāti sāmaggīatthavirahitā, tucchabyañjanāti attho.
৪৭৭. অপ্পটিচ্ছন্নাচারোতি অপ্পটিচ্ছাদেতব্বসুন্দরাচারো। অনপগতন্তি কারণতো অনপেতং। আদাতব্বতো গহেতব্বতো আদাযন্তি আচরিযৰাদো ৰুত্তোতি আহ ‘‘আদাযং অত্তনো আচরিযৰাদ’’ন্তি।
477.Appaṭicchannācāroti appaṭicchādetabbasundarācāro. Anapagatanti kāraṇato anapetaṃ. Ādātabbato gahetabbato ādāyanti ācariyavādo vuttoti āha ‘‘ādāyaṃ attano ācariyavāda’’nti.
অট্ঠহি দূতঙ্গেহীতি ‘‘সোতা চ হোতি সাৰেতা চ উগ্গহেতা চ ধারেতা চ ৰিঞ্ঞাতা চ ৰিঞ্ঞাপেতা চ কুসলো চ সহিতাসহিতস্স নো চ কলহকারকো’’তি (অ॰ নি॰ ৮.১৬) এৰং ৰুত্তেহি অট্ঠহি দূতঙ্গেহি। সেসমেত্থ, হেট্ঠা চ সব্বত্থ সুৰিঞ্ঞেয্যমেৰাতি।
Aṭṭhahi dūtaṅgehīti ‘‘sotā ca hoti sāvetā ca uggahetā ca dhāretā ca viññātā ca viññāpetā ca kusalo ca sahitāsahitassa no ca kalahakārako’’ti (a. ni. 8.16) evaṃ vuttehi aṭṭhahi dūtaṅgehi. Sesamettha, heṭṭhā ca sabbattha suviññeyyamevāti.
অট্ঠারসৰত্থুকথাৰণ্ণনা নিট্ঠিতা।
Aṭṭhārasavatthukathāvaṇṇanā niṭṭhitā.
কোসম্বকক্খন্ধকৰণ্ণনানযো নিট্ঠিতো।
Kosambakakkhandhakavaṇṇanānayo niṭṭhito.
ইতি সমন্তপাসাদিকায ৰিনযট্ঠকথায ৰিমতিৰিনোদনিযং
Iti samantapāsādikāya vinayaṭṭhakathāya vimativinodaniyaṃ
মহাৰগ্গৰণ্ণনানযো নিট্ঠিতো।
Mahāvaggavaṇṇanānayo niṭṭhito.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi
২৭৬. অট্ঠারসৰত্থুকথা • 276. Aṭṭhārasavatthukathā
২৭৮. সঙ্ঘসামগ্গীকথা • 278. Saṅghasāmaggīkathā
২৭৯. উপালিসঙ্ঘসামগ্গীপুচ্ছা • 279. Upālisaṅghasāmaggīpucchā
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / অট্ঠারসৰত্থুকথা • Aṭṭhārasavatthukathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā
অট্ঠারসৰত্থুকথাৰণ্ণনা • Aṭṭhārasavatthukathāvaṇṇanā
উপালিসঙ্ঘসামগ্গীপুচ্ছাৰণ্ণনা • Upālisaṅghasāmaggīpucchāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā
অট্ঠারসৰত্থুকথাৰণ্ণনা • Aṭṭhārasavatthukathāvaṇṇanā
সঙ্ঘসামগ্গীকথাৰণ্ণনা • Saṅghasāmaggīkathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ২৭৬. অট্ঠারসৰত্থুকথা • 276. Aṭṭhārasavatthukathā
