| Library / Tipiṭaka / तिपिटक • Tipiṭaka / विमतिविनोदनी-टीका • Vimativinodanī-ṭīkā |
अट्ठारसवत्थुकथावण्णना
Aṭṭhārasavatthukathāvaṇṇanā
४६८. यथा धम्मो तथा तिट्ठाहीति यथा धम्मो च विनयो च ठितो, तथा तिट्ठ, धम्मवादीपक्खे तिट्ठाति अत्थो।
468.Yathā dhammo tathā tiṭṭhāhīti yathā dhammo ca vinayo ca ṭhito, tathā tiṭṭha, dhammavādīpakkhe tiṭṭhāti attho.
४७३. ‘‘यो पटिबाहेय्य, आपत्ति दुक्कटस्सा’’ति इदं सामग्गीभेदस्स अकारके सन्धाय वुत्तं। ये पन भेदकारका विरुद्धा अलज्जिनो , तेसं पटिबाहितुं वट्टति तेसं सन्तकस्सपि सेनासनस्स विनासनवचनतो। ‘‘विवित्तं कत्वापि दातब्ब’’न्ति वुत्तत्ता पन यथावुड्ढं वरसेनासनं अदत्वा वुड्ढानम्पि असञ्ञतानं सञ्ञतेहि विवित्तं कत्वा दातब्बन्ति दट्ठब्बं।
473.‘‘Yopaṭibāheyya, āpatti dukkaṭassā’’ti idaṃ sāmaggībhedassa akārake sandhāya vuttaṃ. Ye pana bhedakārakā viruddhā alajjino , tesaṃ paṭibāhituṃ vaṭṭati tesaṃ santakassapi senāsanassa vināsanavacanato. ‘‘Vivittaṃ katvāpi dātabba’’nti vuttattā pana yathāvuḍḍhaṃ varasenāsanaṃ adatvā vuḍḍhānampi asaññatānaṃ saññatehi vivittaṃ katvā dātabbanti daṭṭhabbaṃ.
४७५. कम्मवाचाय ओसारेत्वाति एत्थ उक्खित्तस्स भिक्खुनो आपत्तियापन्नभावं पटिजानित्वा सम्मावत्तनेन उक्खेपकानं समुप्पन्नओसारणच्छन्दस्स पगेव ञातत्ता पटिप्पस्सम्भनकम्मवाचाय उक्खित्तानुवत्तका सयमेव नं ओसारेसुन्ति दट्ठब्बं।
475.Kammavācāya osāretvāti ettha ukkhittassa bhikkhuno āpattiyāpannabhāvaṃ paṭijānitvā sammāvattanena ukkhepakānaṃ samuppannaosāraṇacchandassa pageva ñātattā paṭippassambhanakammavācāya ukkhittānuvattakā sayameva naṃ osāresunti daṭṭhabbaṃ.
४७६. अत्थतो अपगताति सामग्गीअत्थविरहिता, तुच्छब्यञ्जनाति अत्थो।
476.Atthato apagatāti sāmaggīatthavirahitā, tucchabyañjanāti attho.
४७७. अप्पटिच्छन्नाचारोति अप्पटिच्छादेतब्बसुन्दराचारो। अनपगतन्ति कारणतो अनपेतं। आदातब्बतो गहेतब्बतो आदायन्ति आचरियवादो वुत्तोति आह ‘‘आदायं अत्तनो आचरियवाद’’न्ति।
477.Appaṭicchannācāroti appaṭicchādetabbasundarācāro. Anapagatanti kāraṇato anapetaṃ. Ādātabbato gahetabbato ādāyanti ācariyavādo vuttoti āha ‘‘ādāyaṃ attano ācariyavāda’’nti.
अट्ठहि दूतङ्गेहीति ‘‘सोता च होति सावेता च उग्गहेता च धारेता च विञ्ञाता च विञ्ञापेता च कुसलो च सहितासहितस्स नो च कलहकारको’’ति (अ॰ नि॰ ८.१६) एवं वुत्तेहि अट्ठहि दूतङ्गेहि। सेसमेत्थ, हेट्ठा च सब्बत्थ सुविञ्ञेय्यमेवाति।
Aṭṭhahi dūtaṅgehīti ‘‘sotā ca hoti sāvetā ca uggahetā ca dhāretā ca viññātā ca viññāpetā ca kusalo ca sahitāsahitassa no ca kalahakārako’’ti (a. ni. 8.16) evaṃ vuttehi aṭṭhahi dūtaṅgehi. Sesamettha, heṭṭhā ca sabbattha suviññeyyamevāti.
अट्ठारसवत्थुकथावण्णना निट्ठिता।
Aṭṭhārasavatthukathāvaṇṇanā niṭṭhitā.
कोसम्बकक्खन्धकवण्णनानयो निट्ठितो।
Kosambakakkhandhakavaṇṇanānayo niṭṭhito.
इति समन्तपासादिकाय विनयट्ठकथाय विमतिविनोदनियं
Iti samantapāsādikāya vinayaṭṭhakathāya vimativinodaniyaṃ
महावग्गवण्णनानयो निट्ठितो।
Mahāvaggavaṇṇanānayo niṭṭhito.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महावग्गपाळि • Mahāvaggapāḷi
२७६. अट्ठारसवत्थुकथा • 276. Aṭṭhārasavatthukathā
२७८. सङ्घसामग्गीकथा • 278. Saṅghasāmaggīkathā
२७९. उपालिसङ्घसामग्गीपुच्छा • 279. Upālisaṅghasāmaggīpucchā
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / महावग्ग-अट्ठकथा • Mahāvagga-aṭṭhakathā / अट्ठारसवत्थुकथा • Aṭṭhārasavatthukathā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā
अट्ठारसवत्थुकथावण्णना • Aṭṭhārasavatthukathāvaṇṇanā
उपालिसङ्घसामग्गीपुच्छावण्णना • Upālisaṅghasāmaggīpucchāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā
अट्ठारसवत्थुकथावण्णना • Aṭṭhārasavatthukathāvaṇṇanā
सङ्घसामग्गीकथावण्णना • Saṅghasāmaggīkathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / २७६. अट्ठारसवत्थुकथा • 276. Aṭṭhārasavatthukathā
