| Library / Tipiṭaka / ติปิฎก • Tipiṭaka / วิมติวิโนทนี-ฎีกา • Vimativinodanī-ṭīkā |
อฎฺฐารสวตฺถุกถาวณฺณนา
Aṭṭhārasavatthukathāvaṇṇanā
๔๖๘. ยถา ธโมฺม ตถา ติฎฺฐาหีติ ยถา ธโมฺม จ วินโย จ ฐิโต, ตถา ติฎฺฐ, ธมฺมวาทีปเกฺข ติฎฺฐาติ อโตฺถฯ
468.Yathā dhammo tathā tiṭṭhāhīti yathā dhammo ca vinayo ca ṭhito, tathā tiṭṭha, dhammavādīpakkhe tiṭṭhāti attho.
๔๗๓. ‘‘โย ปฎิพาเหยฺย, อาปตฺติ ทุกฺกฎสฺสา’’ติ อิทํ สามคฺคีเภทสฺส อการเก สนฺธาย วุตฺตํฯ เย ปน เภทการกา วิรุทฺธา อลชฺชิโน , เตสํ ปฎิพาหิตุํ วฎฺฎติ เตสํ สนฺตกสฺสปิ เสนาสนสฺส วินาสนวจนโตฯ ‘‘วิวิตฺตํ กตฺวาปิ ทาตพฺพ’’นฺติ วุตฺตตฺตา ปน ยถาวุฑฺฒํ วรเสนาสนํ อทตฺวา วุฑฺฒานมฺปิ อสญฺญตานํ สญฺญเตหิ วิวิตฺตํ กตฺวา ทาตพฺพนฺติ ทฎฺฐพฺพํฯ
473.‘‘Yopaṭibāheyya, āpatti dukkaṭassā’’ti idaṃ sāmaggībhedassa akārake sandhāya vuttaṃ. Ye pana bhedakārakā viruddhā alajjino , tesaṃ paṭibāhituṃ vaṭṭati tesaṃ santakassapi senāsanassa vināsanavacanato. ‘‘Vivittaṃ katvāpi dātabba’’nti vuttattā pana yathāvuḍḍhaṃ varasenāsanaṃ adatvā vuḍḍhānampi asaññatānaṃ saññatehi vivittaṃ katvā dātabbanti daṭṭhabbaṃ.
๔๗๕. กมฺมวาจาย โอสาเรตฺวาติ เอตฺถ อุกฺขิตฺตสฺส ภิกฺขุโน อาปตฺติยาปนฺนภาวํ ปฎิชานิตฺวา สมฺมาวตฺตเนน อุเกฺขปกานํ สมุปฺปนฺนโอสารณจฺฉนฺทสฺส ปเคว ญาตตฺตา ปฎิปฺปสฺสมฺภนกมฺมวาจาย อุกฺขิตฺตานุวตฺตกา สยเมว นํ โอสาเรสุนฺติ ทฎฺฐพฺพํฯ
475.Kammavācāya osāretvāti ettha ukkhittassa bhikkhuno āpattiyāpannabhāvaṃ paṭijānitvā sammāvattanena ukkhepakānaṃ samuppannaosāraṇacchandassa pageva ñātattā paṭippassambhanakammavācāya ukkhittānuvattakā sayameva naṃ osāresunti daṭṭhabbaṃ.
๔๗๖. อตฺถโต อปคตาติ สามคฺคีอตฺถวิรหิตา, ตุจฺฉพฺยญฺชนาติ อโตฺถฯ
476.Atthato apagatāti sāmaggīatthavirahitā, tucchabyañjanāti attho.
๔๗๗. อปฺปฎิจฺฉนฺนาจาโรติ อปฺปฎิจฺฉาเทตพฺพสุนฺทราจาโรฯ อนปคตนฺติ การณโต อนเปตํฯ อาทาตพฺพโต คเหตพฺพโต อาทายนฺติ อาจริยวาโท วุโตฺตติ อาห ‘‘อาทายํ อตฺตโน อาจริยวาท’’นฺติฯ
477.Appaṭicchannācāroti appaṭicchādetabbasundarācāro. Anapagatanti kāraṇato anapetaṃ. Ādātabbato gahetabbato ādāyanti ācariyavādo vuttoti āha ‘‘ādāyaṃ attano ācariyavāda’’nti.
อฎฺฐหิ ทูตเงฺคหีติ ‘‘โสตา จ โหติ สาเวตา จ อุคฺคเหตา จ ธาเรตา จ วิญฺญาตา จ วิญฺญาเปตา จ กุสโล จ สหิตาสหิตสฺส โน จ กลหการโก’’ติ (อ. นิ. ๘.๑๖) เอวํ วุเตฺตหิ อฎฺฐหิ ทูตเงฺคหิฯ เสสเมตฺถ, เหฎฺฐา จ สพฺพตฺถ สุวิเญฺญยฺยเมวาติฯ
Aṭṭhahi dūtaṅgehīti ‘‘sotā ca hoti sāvetā ca uggahetā ca dhāretā ca viññātā ca viññāpetā ca kusalo ca sahitāsahitassa no ca kalahakārako’’ti (a. ni. 8.16) evaṃ vuttehi aṭṭhahi dūtaṅgehi. Sesamettha, heṭṭhā ca sabbattha suviññeyyamevāti.
อฎฺฐารสวตฺถุกถาวณฺณนา นิฎฺฐิตาฯ
Aṭṭhārasavatthukathāvaṇṇanā niṭṭhitā.
โกสมฺพกกฺขนฺธกวณฺณนานโย นิฎฺฐิโตฯ
Kosambakakkhandhakavaṇṇanānayo niṭṭhito.
อิติ สมนฺตปาสาทิกาย วินยฎฺฐกถาย วิมติวิโนทนิยํ
Iti samantapāsādikāya vinayaṭṭhakathāya vimativinodaniyaṃ
มหาวคฺควณฺณนานโย นิฎฺฐิโตฯ
Mahāvaggavaṇṇanānayo niṭṭhito.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi
๒๗๖. อฎฺฐารสวตฺถุกถา • 276. Aṭṭhārasavatthukathā
๒๗๘. สงฺฆสามคฺคีกถา • 278. Saṅghasāmaggīkathā
๒๗๙. อุปาลิสงฺฆสามคฺคีปุจฺฉา • 279. Upālisaṅghasāmaggīpucchā
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā / อฎฺฐารสวตฺถุกถา • Aṭṭhārasavatthukathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā
อฎฺฐารสวตฺถุกถาวณฺณนา • Aṭṭhārasavatthukathāvaṇṇanā
อุปาลิสงฺฆสามคฺคีปุจฺฉาวณฺณนา • Upālisaṅghasāmaggīpucchāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā
อฎฺฐารสวตฺถุกถาวณฺณนา • Aṭṭhārasavatthukathāvaṇṇanā
สงฺฆสามคฺคีกถาวณฺณนา • Saṅghasāmaggīkathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๒๗๖. อฎฺฐารสวตฺถุกถา • 276. Aṭṭhārasavatthukathā
