| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
အဋ္ဌာရသဝတ္ထုကထာဝဏ္ဏနာ
Aṭṭhārasavatthukathāvaṇṇanā
၄၇၃. ယော ပဋိဗာဟေယ္ယ, အာပတ္တိ ဒုက္ကဋသ္သာတိ ဧတ္ထ ယော သေနာသနာရဟသ္သ သေနာသနံ ပဋိဗာဟတိ, တသ္သေဝ အာပတ္တိ။ ကလဟကာရကာဒီနံ ပနေတ္ထ ‘‘ဩကာသော နတ္ထီ’’တိအာဒိကံ သင္ဃသ္သ ကတိကံ အာရောစေတ္ဝာ န ပညပေန္တသ္သ ‘‘အဟံ ဝုဍ္ဎော’’တိ ပသယ္ဟ အတ္တနာဝ အတ္တနော ပညပေတ္ဝာ ဂဏ္ဟန္တံ ‘‘ယုတ္တိယာ ဂဏ္ဟထာ’’တိ ဝတ္ဝာ ဝာရေန္တသ္သ စ နတ္ထိ အာပတ္တိ။ ‘‘ဘဏ္ဍနကာရကံ နိက္ကဍ္ဎတီတိ ဝစနတော ကုလဒူသကသ္သ ပဗ္ဗာဇနီယကမ္မာနုညာယ စ ဣဓ ကလဟဝူပသမနတ္ထံ အာဂတာနံ ကောသမ္ဗကာနမ္ပိ ‘ယထာဝုဍ္ဎ’န္တိ အဝတ္ဝာ ‘ဝိဝိတ္တေ အသတိ ဝိဝိတ္တံ ကတ္ဝာပိ ဒာတဗ္ဗ’န္တိ ဝုတ္တတ္တာ ဝိဝိတ္တံ ကတ္ဝာ ဒေန္တံ ပဋိဗာဟန္တသ္သေဝ အာပတ္တီ’’တိ ဂဏ္ဌိပဒေသု ဝုတ္တံ။
473.Yo paṭibāheyya, āpatti dukkaṭassāti ettha yo senāsanārahassa senāsanaṃ paṭibāhati, tasseva āpatti. Kalahakārakādīnaṃ panettha ‘‘okāso natthī’’tiādikaṃ saṅghassa katikaṃ ārocetvā na paññapentassa ‘‘ahaṃ vuḍḍho’’ti pasayha attanāva attano paññapetvā gaṇhantaṃ ‘‘yuttiyā gaṇhathā’’ti vatvā vārentassa ca natthi āpatti. ‘‘Bhaṇḍanakārakaṃ nikkaḍḍhatīti vacanato kuladūsakassa pabbājanīyakammānuññāya ca idha kalahavūpasamanatthaṃ āgatānaṃ kosambakānampi ‘yathāvuḍḍha’nti avatvā ‘vivitte asati vivittaṃ katvāpi dātabba’nti vuttattā vivittaṃ katvā dentaṃ paṭibāhantasseva āpattī’’ti gaṇṭhipadesu vuttaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၂၇၆. အဋ္ဌာရသဝတ္ထုကထာ • 276. Aṭṭhārasavatthukathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / အဋ္ဌာရသဝတ္ထုကထာဝဏ္ဏနာ • Aṭṭhārasavatthukathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / အဋ္ဌာရသဝတ္ထုကထာဝဏ္ဏနာ • Aṭṭhārasavatthukathāvaṇṇanā
