| Library / Tipiṭaka / ತಿಪಿಟಕ • Tipiṭaka / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā |
ಅಟ್ಠಾರಸವತ್ಥುಕಥಾವಣ್ಣನಾ
Aṭṭhārasavatthukathāvaṇṇanā
೪೭೩. ಯೋ ಪಟಿಬಾಹೇಯ್ಯ, ಆಪತ್ತಿ ದುಕ್ಕಟಸ್ಸಾತಿ ಏತ್ಥ ಯೋ ಸೇನಾಸನಾರಹಸ್ಸ ಸೇನಾಸನಂ ಪಟಿಬಾಹತಿ, ತಸ್ಸೇವ ಆಪತ್ತಿ। ಕಲಹಕಾರಕಾದೀನಂ ಪನೇತ್ಥ ‘‘ಓಕಾಸೋ ನತ್ಥೀ’’ತಿಆದಿಕಂ ಸಙ್ಘಸ್ಸ ಕತಿಕಂ ಆರೋಚೇತ್ವಾ ನ ಪಞ್ಞಪೇನ್ತಸ್ಸ ‘‘ಅಹಂ ವುಡ್ಢೋ’’ತಿ ಪಸಯ್ಹ ಅತ್ತನಾವ ಅತ್ತನೋ ಪಞ್ಞಪೇತ್ವಾ ಗಣ್ಹನ್ತಂ ‘‘ಯುತ್ತಿಯಾ ಗಣ್ಹಥಾ’’ತಿ ವತ್ವಾ ವಾರೇನ್ತಸ್ಸ ಚ ನತ್ಥಿ ಆಪತ್ತಿ। ‘‘ಭಣ್ಡನಕಾರಕಂ ನಿಕ್ಕಡ್ಢತೀತಿ ವಚನತೋ ಕುಲದೂಸಕಸ್ಸ ಪಬ್ಬಾಜನೀಯಕಮ್ಮಾನುಞ್ಞಾಯ ಚ ಇಧ ಕಲಹವೂಪಸಮನತ್ಥಂ ಆಗತಾನಂ ಕೋಸಮ್ಬಕಾನಮ್ಪಿ ‘ಯಥಾವುಡ್ಢ’ನ್ತಿ ಅವತ್ವಾ ‘ವಿವಿತ್ತೇ ಅಸತಿ ವಿವಿತ್ತಂ ಕತ್ವಾಪಿ ದಾತಬ್ಬ’ನ್ತಿ ವುತ್ತತ್ತಾ ವಿವಿತ್ತಂ ಕತ್ವಾ ದೇನ್ತಂ ಪಟಿಬಾಹನ್ತಸ್ಸೇವ ಆಪತ್ತೀ’’ತಿ ಗಣ್ಠಿಪದೇಸು ವುತ್ತಂ।
473.Yo paṭibāheyya, āpatti dukkaṭassāti ettha yo senāsanārahassa senāsanaṃ paṭibāhati, tasseva āpatti. Kalahakārakādīnaṃ panettha ‘‘okāso natthī’’tiādikaṃ saṅghassa katikaṃ ārocetvā na paññapentassa ‘‘ahaṃ vuḍḍho’’ti pasayha attanāva attano paññapetvā gaṇhantaṃ ‘‘yuttiyā gaṇhathā’’ti vatvā vārentassa ca natthi āpatti. ‘‘Bhaṇḍanakārakaṃ nikkaḍḍhatīti vacanato kuladūsakassa pabbājanīyakammānuññāya ca idha kalahavūpasamanatthaṃ āgatānaṃ kosambakānampi ‘yathāvuḍḍha’nti avatvā ‘vivitte asati vivittaṃ katvāpi dātabba’nti vuttattā vivittaṃ katvā dentaṃ paṭibāhantasseva āpattī’’ti gaṇṭhipadesu vuttaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಗ್ಗಪಾಳಿ • Mahāvaggapāḷi / ೨೭೬. ಅಟ್ಠಾರಸವತ್ಥುಕಥಾ • 276. Aṭṭhārasavatthukathā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ಅಟ್ಠಾರಸವತ್ಥುಕಥಾವಣ್ಣನಾ • Aṭṭhārasavatthukathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ಅಟ್ಠಾರಸವತ್ಥುಕಥಾವಣ್ಣನಾ • Aṭṭhārasavatthukathāvaṇṇanā
