| Library / Tipiṭaka / ತಿಪಿಟಕ • Tipiṭaka / ವಿಮತಿವಿನೋದನೀ-ಟೀಕಾ • Vimativinodanī-ṭīkā |
ಅಟ್ಠಾರಸವತ್ಥುಕಥಾವಣ್ಣನಾ
Aṭṭhārasavatthukathāvaṇṇanā
೪೬೮. ಯಥಾ ಧಮ್ಮೋ ತಥಾ ತಿಟ್ಠಾಹೀತಿ ಯಥಾ ಧಮ್ಮೋ ಚ ವಿನಯೋ ಚ ಠಿತೋ, ತಥಾ ತಿಟ್ಠ, ಧಮ್ಮವಾದೀಪಕ್ಖೇ ತಿಟ್ಠಾತಿ ಅತ್ಥೋ।
468.Yathā dhammo tathā tiṭṭhāhīti yathā dhammo ca vinayo ca ṭhito, tathā tiṭṭha, dhammavādīpakkhe tiṭṭhāti attho.
೪೭೩. ‘‘ಯೋ ಪಟಿಬಾಹೇಯ್ಯ, ಆಪತ್ತಿ ದುಕ್ಕಟಸ್ಸಾ’’ತಿ ಇದಂ ಸಾಮಗ್ಗೀಭೇದಸ್ಸ ಅಕಾರಕೇ ಸನ್ಧಾಯ ವುತ್ತಂ। ಯೇ ಪನ ಭೇದಕಾರಕಾ ವಿರುದ್ಧಾ ಅಲಜ್ಜಿನೋ , ತೇಸಂ ಪಟಿಬಾಹಿತುಂ ವಟ್ಟತಿ ತೇಸಂ ಸನ್ತಕಸ್ಸಪಿ ಸೇನಾಸನಸ್ಸ ವಿನಾಸನವಚನತೋ। ‘‘ವಿವಿತ್ತಂ ಕತ್ವಾಪಿ ದಾತಬ್ಬ’’ನ್ತಿ ವುತ್ತತ್ತಾ ಪನ ಯಥಾವುಡ್ಢಂ ವರಸೇನಾಸನಂ ಅದತ್ವಾ ವುಡ್ಢಾನಮ್ಪಿ ಅಸಞ್ಞತಾನಂ ಸಞ್ಞತೇಹಿ ವಿವಿತ್ತಂ ಕತ್ವಾ ದಾತಬ್ಬನ್ತಿ ದಟ್ಠಬ್ಬಂ।
473.‘‘Yopaṭibāheyya, āpatti dukkaṭassā’’ti idaṃ sāmaggībhedassa akārake sandhāya vuttaṃ. Ye pana bhedakārakā viruddhā alajjino , tesaṃ paṭibāhituṃ vaṭṭati tesaṃ santakassapi senāsanassa vināsanavacanato. ‘‘Vivittaṃ katvāpi dātabba’’nti vuttattā pana yathāvuḍḍhaṃ varasenāsanaṃ adatvā vuḍḍhānampi asaññatānaṃ saññatehi vivittaṃ katvā dātabbanti daṭṭhabbaṃ.
೪೭೫. ಕಮ್ಮವಾಚಾಯ ಓಸಾರೇತ್ವಾತಿ ಏತ್ಥ ಉಕ್ಖಿತ್ತಸ್ಸ ಭಿಕ್ಖುನೋ ಆಪತ್ತಿಯಾಪನ್ನಭಾವಂ ಪಟಿಜಾನಿತ್ವಾ ಸಮ್ಮಾವತ್ತನೇನ ಉಕ್ಖೇಪಕಾನಂ ಸಮುಪ್ಪನ್ನಓಸಾರಣಚ್ಛನ್ದಸ್ಸ ಪಗೇವ ಞಾತತ್ತಾ ಪಟಿಪ್ಪಸ್ಸಮ್ಭನಕಮ್ಮವಾಚಾಯ ಉಕ್ಖಿತ್ತಾನುವತ್ತಕಾ ಸಯಮೇವ ನಂ ಓಸಾರೇಸುನ್ತಿ ದಟ್ಠಬ್ಬಂ।
475.Kammavācāya osāretvāti ettha ukkhittassa bhikkhuno āpattiyāpannabhāvaṃ paṭijānitvā sammāvattanena ukkhepakānaṃ samuppannaosāraṇacchandassa pageva ñātattā paṭippassambhanakammavācāya ukkhittānuvattakā sayameva naṃ osāresunti daṭṭhabbaṃ.
೪೭೬. ಅತ್ಥತೋ ಅಪಗತಾತಿ ಸಾಮಗ್ಗೀಅತ್ಥವಿರಹಿತಾ, ತುಚ್ಛಬ್ಯಞ್ಜನಾತಿ ಅತ್ಥೋ।
476.Atthato apagatāti sāmaggīatthavirahitā, tucchabyañjanāti attho.
೪೭೭. ಅಪ್ಪಟಿಚ್ಛನ್ನಾಚಾರೋತಿ ಅಪ್ಪಟಿಚ್ಛಾದೇತಬ್ಬಸುನ್ದರಾಚಾರೋ। ಅನಪಗತನ್ತಿ ಕಾರಣತೋ ಅನಪೇತಂ। ಆದಾತಬ್ಬತೋ ಗಹೇತಬ್ಬತೋ ಆದಾಯನ್ತಿ ಆಚರಿಯವಾದೋ ವುತ್ತೋತಿ ಆಹ ‘‘ಆದಾಯಂ ಅತ್ತನೋ ಆಚರಿಯವಾದ’’ನ್ತಿ।
477.Appaṭicchannācāroti appaṭicchādetabbasundarācāro. Anapagatanti kāraṇato anapetaṃ. Ādātabbato gahetabbato ādāyanti ācariyavādo vuttoti āha ‘‘ādāyaṃ attano ācariyavāda’’nti.
ಅಟ್ಠಹಿ ದೂತಙ್ಗೇಹೀತಿ ‘‘ಸೋತಾ ಚ ಹೋತಿ ಸಾವೇತಾ ಚ ಉಗ್ಗಹೇತಾ ಚ ಧಾರೇತಾ ಚ ವಿಞ್ಞಾತಾ ಚ ವಿಞ್ಞಾಪೇತಾ ಚ ಕುಸಲೋ ಚ ಸಹಿತಾಸಹಿತಸ್ಸ ನೋ ಚ ಕಲಹಕಾರಕೋ’’ತಿ (ಅ॰ ನಿ॰ ೮.೧೬) ಏವಂ ವುತ್ತೇಹಿ ಅಟ್ಠಹಿ ದೂತಙ್ಗೇಹಿ। ಸೇಸಮೇತ್ಥ, ಹೇಟ್ಠಾ ಚ ಸಬ್ಬತ್ಥ ಸುವಿಞ್ಞೇಯ್ಯಮೇವಾತಿ।
Aṭṭhahi dūtaṅgehīti ‘‘sotā ca hoti sāvetā ca uggahetā ca dhāretā ca viññātā ca viññāpetā ca kusalo ca sahitāsahitassa no ca kalahakārako’’ti (a. ni. 8.16) evaṃ vuttehi aṭṭhahi dūtaṅgehi. Sesamettha, heṭṭhā ca sabbattha suviññeyyamevāti.
ಅಟ್ಠಾರಸವತ್ಥುಕಥಾವಣ್ಣನಾ ನಿಟ್ಠಿತಾ।
Aṭṭhārasavatthukathāvaṇṇanā niṭṭhitā.
ಕೋಸಮ್ಬಕಕ್ಖನ್ಧಕವಣ್ಣನಾನಯೋ ನಿಟ್ಠಿತೋ।
Kosambakakkhandhakavaṇṇanānayo niṭṭhito.
ಇತಿ ಸಮನ್ತಪಾಸಾದಿಕಾಯ ವಿನಯಟ್ಠಕಥಾಯ ವಿಮತಿವಿನೋದನಿಯಂ
Iti samantapāsādikāya vinayaṭṭhakathāya vimativinodaniyaṃ
ಮಹಾವಗ್ಗವಣ್ಣನಾನಯೋ ನಿಟ್ಠಿತೋ।
Mahāvaggavaṇṇanānayo niṭṭhito.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಗ್ಗಪಾಳಿ • Mahāvaggapāḷi
೨೭೬. ಅಟ್ಠಾರಸವತ್ಥುಕಥಾ • 276. Aṭṭhārasavatthukathā
೨೭೮. ಸಙ್ಘಸಾಮಗ್ಗೀಕಥಾ • 278. Saṅghasāmaggīkathā
೨೭೯. ಉಪಾಲಿಸಙ್ಘಸಾಮಗ್ಗೀಪುಚ್ಛಾ • 279. Upālisaṅghasāmaggīpucchā
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಮಹಾವಗ್ಗ-ಅಟ್ಠಕಥಾ • Mahāvagga-aṭṭhakathā / ಅಟ್ಠಾರಸವತ್ಥುಕಥಾ • Aṭṭhārasavatthukathā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā
ಅಟ್ಠಾರಸವತ್ಥುಕಥಾವಣ್ಣನಾ • Aṭṭhārasavatthukathāvaṇṇanā
ಉಪಾಲಿಸಙ್ಘಸಾಮಗ್ಗೀಪುಚ್ಛಾವಣ್ಣನಾ • Upālisaṅghasāmaggīpucchāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā
ಅಟ್ಠಾರಸವತ್ಥುಕಥಾವಣ್ಣನಾ • Aṭṭhārasavatthukathāvaṇṇanā
ಸಙ್ಘಸಾಮಗ್ಗೀಕಥಾವಣ್ಣನಾ • Saṅghasāmaggīkathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ೨೭೬. ಅಟ್ಠಾರಸವತ್ಥುಕಥಾ • 276. Aṭṭhārasavatthukathā
