| Library / Tipiṭaka / තිපිටක • Tipiṭaka / විමතිවිනොදනී-ටීකා • Vimativinodanī-ṭīkā |
අට්‌ඨාරසවත්‌ථුකථාවණ්‌ණනා
Aṭṭhārasavatthukathāvaṇṇanā
468. යථා ධම්‌මො තථා තිට්‌ඨාහීති යථා ධම්‌මො ච විනයො ච ඨිතො, තථා තිට්‌ඨ, ධම්‌මවාදීපක්‌ඛෙ තිට්‌ඨාති අත්‌ථො.
468.Yathā dhammo tathā tiṭṭhāhīti yathā dhammo ca vinayo ca ṭhito, tathā tiṭṭha, dhammavādīpakkhe tiṭṭhāti attho.
473. ‘‘යො පටිබාහෙය්‍ය, ආපත්‌ති දුක්‌කටස්‌සා’’ති ඉදං සාමග්‌ගීභෙදස්‌ස අකාරකෙ සන්‌ධාය වුත්‌තං. යෙ පන භෙදකාරකා විරුද්‌ධා අලජ්‌ජිනො , තෙසං පටිබාහිතුං වට්‌ටති තෙසං සන්‌තකස්‌සපි සෙනාසනස්‌ස විනාසනවචනතො. ‘‘විවිත්‌තං කත්‌වාපි දාතබ්‌බ’’න්‌ති වුත්‌තත්‌තා පන යථාවුඩ්‌ඪං වරසෙනාසනං අදත්‌වා වුඩ්‌ඪානම්‌පි අසඤ්‌ඤතානං සඤ්‌ඤතෙහි විවිත්‌තං කත්‌වා දාතබ්‌බන්‌ති දට්‌ඨබ්‌බං.
473.‘‘Yopaṭibāheyya, āpatti dukkaṭassā’’ti idaṃ sāmaggībhedassa akārake sandhāya vuttaṃ. Ye pana bhedakārakā viruddhā alajjino , tesaṃ paṭibāhituṃ vaṭṭati tesaṃ santakassapi senāsanassa vināsanavacanato. ‘‘Vivittaṃ katvāpi dātabba’’nti vuttattā pana yathāvuḍḍhaṃ varasenāsanaṃ adatvā vuḍḍhānampi asaññatānaṃ saññatehi vivittaṃ katvā dātabbanti daṭṭhabbaṃ.
475. කම්‌මවාචාය ඔසාරෙත්‌වාති එත්‌ථ උක්‌ඛිත්‌තස්‌ස භික්‌ඛුනො ආපත්‌තියාපන්‌නභාවං පටිජානිත්‌වා සම්‌මාවත්‌තනෙන උක්‌ඛෙපකානං සමුප්‌පන්‌නඔසාරණච්‌ඡන්‌දස්‌ස පගෙව ඤාතත්‌තා පටිප්‌පස්‌සම්‌භනකම්‌මවාචාය උක්‌ඛිත්‌තානුවත්‌තකා සයමෙව නං ඔසාරෙසුන්‌ති දට්‌ඨබ්‌බං.
475.Kammavācāya osāretvāti ettha ukkhittassa bhikkhuno āpattiyāpannabhāvaṃ paṭijānitvā sammāvattanena ukkhepakānaṃ samuppannaosāraṇacchandassa pageva ñātattā paṭippassambhanakammavācāya ukkhittānuvattakā sayameva naṃ osāresunti daṭṭhabbaṃ.
476. අත්‌ථතො අපගතාති සාමග්‌ගීඅත්‌ථවිරහිතා, තුච්‌ඡබ්‍යඤ්‌ජනාති අත්‌ථො.
476.Atthato apagatāti sāmaggīatthavirahitā, tucchabyañjanāti attho.
477. අප්‌පටිච්‌ඡන්‌නාචාරොති අප්‌පටිච්‌ඡාදෙතබ්‌බසුන්‌දරාචාරො. අනපගතන්‌ති කාරණතො අනපෙතං. ආදාතබ්‌බතො ගහෙතබ්‌බතො ආදායන්‌ති ආචරියවාදො වුත්‌තොති ආහ ‘‘ආදායං අත්‌තනො ආචරියවාද’’න්‌ති.
477.Appaṭicchannācāroti appaṭicchādetabbasundarācāro. Anapagatanti kāraṇato anapetaṃ. Ādātabbato gahetabbato ādāyanti ācariyavādo vuttoti āha ‘‘ādāyaṃ attano ācariyavāda’’nti.
අට්‌ඨහි දූතඞ්‌ගෙහීති ‘‘සොතා ච හොති සාවෙතා ච උග්‌ගහෙතා ච ධාරෙතා ච විඤ්‌ඤාතා ච විඤ්‌ඤාපෙතා ච කුසලො ච සහිතාසහිතස්‌ස නො ච කලහකාරකො’’ති (අ. නි. 8.16) එවං වුත්‌තෙහි අට්‌ඨහි දූතඞ්‌ගෙහි. සෙසමෙත්‌ථ, හෙට්‌ඨා ච සබ්‌බත්‌ථ සුවිඤ්‌ඤෙය්‍යමෙවාති.
Aṭṭhahi dūtaṅgehīti ‘‘sotā ca hoti sāvetā ca uggahetā ca dhāretā ca viññātā ca viññāpetā ca kusalo ca sahitāsahitassa no ca kalahakārako’’ti (a. ni. 8.16) evaṃ vuttehi aṭṭhahi dūtaṅgehi. Sesamettha, heṭṭhā ca sabbattha suviññeyyamevāti.
අට්‌ඨාරසවත්‌ථුකථාවණ්‌ණනා නිට්‌ඨිතා.
Aṭṭhārasavatthukathāvaṇṇanā niṭṭhitā.
කොසම්‌බකක්‌ඛන්‌ධකවණ්‌ණනානයො නිට්‌ඨිතො.
Kosambakakkhandhakavaṇṇanānayo niṭṭhito.
ඉති සමන්‌තපාසාදිකාය විනයට්‌ඨකථාය විමතිවිනොදනියං
Iti samantapāsādikāya vinayaṭṭhakathāya vimativinodaniyaṃ
මහාවග්‌ගවණ්‌ණනානයො නිට්‌ඨිතො.
Mahāvaggavaṇṇanānayo niṭṭhito.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi
276. අට්‌ඨාරසවත්‌ථුකථා • 276. Aṭṭhārasavatthukathā
278. සඞ්‌ඝසාමග්‌ගීකථා • 278. Saṅghasāmaggīkathā
279. උපාලිසඞ්‌ඝසාමග්‌ගීපුච්‌ඡා • 279. Upālisaṅghasāmaggīpucchā
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / අට්‌ඨාරසවත්‌ථුකථා • Aṭṭhārasavatthukathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā
අට්‌ඨාරසවත්‌ථුකථාවණ්‌ණනා • Aṭṭhārasavatthukathāvaṇṇanā
උපාලිසඞ්‌ඝසාමග්‌ගීපුච්‌ඡාවණ්‌ණනා • Upālisaṅghasāmaggīpucchāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā
අට්‌ඨාරසවත්‌ථුකථාවණ්‌ණනා • Aṭṭhārasavatthukathāvaṇṇanā
සඞ්‌ඝසාමග්‌ගීකථාවණ්‌ණනා • Saṅghasāmaggīkathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 276. අට්‌ඨාරසවත්‌ථුකථා • 276. Aṭṭhārasavatthukathā
