| Library / Tipiṭaka / ཏིཔིཊཀ • Tipiṭaka / སཱརཏྠདཱིཔནཱི-ཊཱིཀཱ • Sāratthadīpanī-ṭīkā |
ཨཊྛཱརསཝཏྠུཀཐཱཝཎྞནཱ
Aṭṭhārasavatthukathāvaṇṇanā
༤༧༣. ཡོ པཊིབཱཧེཡྻ, ཨཱཔཏྟི དུཀྐཊསྶཱཏི ཨེཏྠ ཡོ སེནཱསནཱརཧསྶ སེནཱསནཾ པཊིབཱཧཏི, ཏསྶེཝ ཨཱཔཏྟི། ཀལཧཀཱརཀཱདཱིནཾ པནེཏྠ ‘‘ཨོཀཱསོ ནཏྠཱི’’ཏིཨཱདིཀཾ སངྒྷསྶ ཀཏིཀཾ ཨཱརོཙེཏྭཱ ན པཉྙཔེནྟསྶ ‘‘ཨཧཾ ཝུཌྜྷོ’’ཏི པསཡ྄ཧ ཨཏྟནཱཝ ཨཏྟནོ པཉྙཔེཏྭཱ གཎྷནྟཾ ‘‘ཡུཏྟིཡཱ གཎྷཐཱ’’ཏི ཝཏྭཱ ཝཱརེནྟསྶ ཙ ནཏྠི ཨཱཔཏྟི། ‘‘བྷཎྜནཀཱརཀཾ ནིཀྐཌྜྷཏཱིཏི ཝཙནཏོ ཀུལདཱུསཀསྶ པབྦཱཛནཱིཡཀམྨཱནུཉྙཱཡ ཙ ཨིདྷ ཀལཧཝཱུཔསམནཏྠཾ ཨཱགཏཱནཾ ཀོསམྦཀཱནམྤི ‘ཡཐཱཝུཌྜྷ’ནྟི ཨཝཏྭཱ ‘ཝིཝིཏྟེ ཨསཏི ཝིཝིཏྟཾ ཀཏྭཱཔི དཱཏབྦ’ནྟི ཝུཏྟཏྟཱ ཝིཝིཏྟཾ ཀཏྭཱ དེནྟཾ པཊིབཱཧནྟསྶེཝ ཨཱཔཏྟཱི’’ཏི གཎྛིཔདེསུ ཝུཏྟཾ།
473.Yo paṭibāheyya, āpatti dukkaṭassāti ettha yo senāsanārahassa senāsanaṃ paṭibāhati, tasseva āpatti. Kalahakārakādīnaṃ panettha ‘‘okāso natthī’’tiādikaṃ saṅghassa katikaṃ ārocetvā na paññapentassa ‘‘ahaṃ vuḍḍho’’ti pasayha attanāva attano paññapetvā gaṇhantaṃ ‘‘yuttiyā gaṇhathā’’ti vatvā vārentassa ca natthi āpatti. ‘‘Bhaṇḍanakārakaṃ nikkaḍḍhatīti vacanato kuladūsakassa pabbājanīyakammānuññāya ca idha kalahavūpasamanatthaṃ āgatānaṃ kosambakānampi ‘yathāvuḍḍha’nti avatvā ‘vivitte asati vivittaṃ katvāpi dātabba’nti vuttattā vivittaṃ katvā dentaṃ paṭibāhantasseva āpattī’’ti gaṇṭhipadesu vuttaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝགྒཔཱལི༹ • Mahāvaggapāḷi / ༢༧༦. ཨཊྛཱརསཝཏྠུཀཐཱ • 276. Aṭṭhārasavatthukathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཨཊྛཱརསཝཏྠུཀཐཱཝཎྞནཱ • Aṭṭhārasavatthukathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ཨཊྛཱརསཝཏྠུཀཐཱཝཎྞནཱ • Aṭṭhārasavatthukathāvaṇṇanā
