| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[418] 2. адтасад̣̇д̣̇аж̇аад̇агаван̣н̣анаа
[418] 2. Aṭṭhasaddajātakavaṇṇanā
ид̣̇ам̣ бурз ниннамаахууд̇и ид̣̇ам̣ сад̇т̇аа ж̇зд̇аванз вихаранд̇о госаларан̃н̃о ад̣дхарад̇д̇асамаяз суд̇ам̣ бхим̣санагам̣ авиниб̣бхог̇асад̣̇д̣̇ам̣ аараб̣бха гат̇зси. вад̇т̇у хздтаа лохагумбхиж̇аад̇агз (ж̇аа. 1.4.53 аад̣̇аяо) гат̇ид̇асад̣̇исамзва. ид̇ха бана сад̇т̇аа ‘‘маяхам̣, бханд̇з, имзсам̣ сад̣̇д̣̇аанам̣ суд̇ад̇д̇аа гинд̇и бхависсад̇ий’’д̇и вуд̇д̇з ‘‘маа бхааяи, махаарааж̇а, на д̇з зд̇зсам̣ суд̇абажжаяаа гожи анд̇арааяо бхависсад̇и, на хи, махаарааж̇а, зваруубам̣ бхаяаанагам̣ авиниб̣бхог̇асад̣̇д̣̇ам̣ д̇вамзвзго сун̣и, буб̣б̣зби рааж̇аано зваруубам̣ сад̣̇д̣̇ам̣ суд̇ваа б̣раахман̣аанам̣ гат̇ам̣ г̇ахзд̇ваа саб̣б̣ажад̇уггаяан̃н̃ам̣ яаж̇ид̇угаамаа бан̣д̣ид̇аанам̣ важанам̣ суд̇ваа яан̃н̃ахаран̣ад̇т̇ааяа г̇ахид̇асад̇д̇з виссаж̇ж̇зд̇ваа наг̇арз маагхаад̇абхзрим̣ жараабзсу’’нд̇и вад̇ваа д̇зна яаажид̇о ад̇ийд̇ам̣ аахари.
Idaṃ pure ninnamāhūti idaṃ satthā jetavane viharanto kosalarañño aḍḍharattasamaye sutaṃ bhiṃsanakaṃ avinibbhogasaddaṃ ārabbha kathesi. Vatthu heṭṭhā lohakumbhijātake (jā. 1.4.53 ādayo) kathitasadisameva. Idha pana satthā ‘‘mayhaṃ, bhante, imesaṃ saddānaṃ sutattā kinti bhavissatī’’ti vutte ‘‘mā bhāyi, mahārāja, na te etesaṃ sutapaccayā koci antarāyo bhavissati, na hi, mahārāja, evarūpaṃ bhayānakaṃ avinibbhogasaddaṃ tvameveko suṇi, pubbepi rājāno evarūpaṃ saddaṃ sutvā brāhmaṇānaṃ kathaṃ gahetvā sabbacatukkayaññaṃ yajitukāmā paṇḍitānaṃ vacanaṃ sutvā yaññaharaṇatthāya gahitasatte vissajjetvā nagare māghātabheriṃ carāpesu’’nti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о асийд̇игодивибхавз б̣раахман̣агулз ниб̣б̣ад̇д̇ид̇ваа ваяаббад̇д̇о д̇аггасилааяам̣ уг̇г̇ахид̇асиббо маад̇аабид̇уунам̣ ажжаязна рад̇анавилоганам̣ гад̇ваа саб̣б̣ам̣ вибхаваж̇аад̇ам̣ д̣̇аанамукз виссаж̇ж̇зд̇ваа гаамз бахааяа химаванд̇ам̣ бависид̇ваа исибаб̣б̣аж̇ж̇ам̣ баб̣б̣аж̇ид̇ваа жхаанаабхин̃н̃ааяо ниб̣б̣ад̇д̇зд̇ваа абарабхааг̇з лон̣амб̣иласзванад̇т̇ааяа мануссабат̇ам̣ жаранд̇о б̣аараан̣асим̣ бад̇ваа рааж̇уяяаанз васи. д̇ад̣̇аа б̣аараан̣асирааж̇аа сирисаяанз нисинно ад̣дхарад̇д̇асамаяз адта сад̣̇д̣̇з ассоси – батамам̣ рааж̇анивзсанасааманд̇аа уяяаанз зго б̣аго сад̣̇д̣̇амагааси, д̣̇уд̇ияам̣ д̇асмим̣ сад̣̇д̣̇з анубажчиннзязва хад̇т̇исаалааяа д̇оран̣аниваасиний гаагий сад̣̇д̣̇амагааси, д̇ад̇ияам̣ рааж̇аг̇зхз ган̣н̣игааяам̣ нивуд̇т̇агхун̣абаан̣аго сад̣̇д̣̇амагааси, жад̇уд̇т̇ам̣ рааж̇аг̇зхз босааванияагогило сад̣̇д̣̇амагааси, бан̃жамам̣ д̇ад̇т̇зва босааванияамиг̇о сад̣̇д̣̇амагааси, чадтам̣ д̇ад̇т̇зва босааванияаваанаро сад̣̇д̣̇амагааси, сад̇д̇амам̣ д̇ад̇т̇зва босааванияагиннаро сад̣̇д̣̇амагааси, адтамам̣ д̇асмим̣ сад̣̇д̣̇з анубажчиннзязва рааж̇анивзсанамад̇т̇агзна уяяаанам̣ г̇ажчанд̇о бажжзгаб̣уд̣̇д̇хо згам̣ уд̣̇аанам̣ уд̣̇аанзнд̇о сад̣̇д̣̇амагааси.
Atīte bārāṇasiyaṃ brahmadatte rajjaṃ kārente bodhisatto asītikoṭivibhave brāhmaṇakule nibbattitvā vayappatto takkasilāyaṃ uggahitasippo mātāpitūnaṃ accayena ratanavilokanaṃ katvā sabbaṃ vibhavajātaṃ dānamukhe vissajjetvā kāme pahāya himavantaṃ pavisitvā isipabbajjaṃ pabbajitvā jhānābhiññāyo nibbattetvā aparabhāge loṇambilasevanatthāya manussapathaṃ caranto bārāṇasiṃ patvā rājuyyāne vasi. Tadā bārāṇasirājā sirisayane nisinno aḍḍharattasamaye aṭṭha sadde assosi – paṭhamaṃ rājanivesanasāmantā uyyāne eko bako saddamakāsi, dutiyaṃ tasmiṃ sadde anupacchinneyeva hatthisālāya toraṇanivāsinī kākī saddamakāsi, tatiyaṃ rājagehe kaṇṇikāyaṃ nivutthaghuṇapāṇako saddamakāsi, catutthaṃ rājagehe posāvaniyakokilo saddamakāsi, pañcamaṃ tattheva posāvaniyamigo saddamakāsi, chaṭṭhaṃ tattheva posāvaniyavānaro saddamakāsi, sattamaṃ tattheva posāvaniyakinnaro saddamakāsi, aṭṭhamaṃ tasmiṃ sadde anupacchinneyeva rājanivesanamatthakena uyyānaṃ gacchanto paccekabuddho ekaṃ udānaṃ udānento saddamakāsi.
б̣аараан̣асирааж̇аа имз адта сад̣̇д̣̇з суд̇ваа бхийд̇ад̇асид̇о бунад̣̇ивасз б̣раахман̣з бужчи. б̣раахман̣аа ‘‘анд̇арааяо д̇з, махаарааж̇а, бхависсад̇и, саб̣б̣ажад̇уггаяан̃н̃ам̣ яаж̇иссаамаа’’д̇и вад̇ваа ран̃н̃аа ‘‘яат̇ааружид̇ам̣ гарот̇аа’’д̇и анун̃н̃аад̇аа хадтабахадтаа рааж̇агулад̇о нигкамид̇ваа яан̃н̃агаммам̣ аарабхим̣су. ат̇а нзсам̣ ж̇здтагасса яан̃н̃агаараб̣раахман̣асса анд̇зваасий маан̣аво бан̣д̣ид̇о б̣яад̇д̇о аажарияам̣ ааха – ‘‘аажарияа, зваруубам̣ гагкал̣ам̣ парусам̣ асаад̇ам̣ б̣ахуунам̣ сад̇д̇аанам̣ винаасагаммам̣ маа гарий’’д̇и. ‘‘д̇аад̇а, д̇вам̣ гим̣ ж̇аанааси, сажзби ан̃н̃ам̣ гин̃жи на бхависсад̇и, мажчамам̣сам̣ д̇аава б̣ахум̣ каад̣̇ид̇ум̣ лабхиссаамаа’’д̇и. ‘‘аажарияа, гужчим̣ ниссааяа нираяз ниб̣б̣ад̇д̇анагаммам̣ маа гарот̇аа’’д̇и. д̇ам̣ суд̇ваа сзсаб̣раахман̣аа ‘‘аяам̣ амхаагам̣ лаабханд̇арааяам̣ гарод̇ий’’д̇и д̇асса гуж̇жхим̣су. маан̣аво д̇зсам̣ бхаязна ‘‘д̇зна хи д̇умхзва мажчамам̣сакаад̣̇ануубааяам̣ гарот̇аа’’д̇и вад̇ваа нигкамид̇ваа б̣ахинаг̇арз рааж̇аанам̣ ниваарзд̇ум̣ самад̇т̇ам̣ д̇хаммигасаман̣аб̣раахман̣ам̣ убад̇хаарзнд̇о рааж̇уяяаанам̣ г̇анд̇ваа б̣од̇хисад̇д̇ам̣ д̣̇исваа ванд̣̇ид̇ваа ‘‘бханд̇з, гим̣ д̇умхаагам̣ сад̇д̇зсу анугамбаа над̇т̇и, рааж̇аа б̣ахуу сад̇д̇з маарзд̇ваа яан̃н̃ам̣ яаж̇аабзд̇и, гим̣ во махааж̇анасса б̣анд̇ханамогкам̣ гаад̇ум̣ на ваддад̇ий’’д̇и ааха. ‘‘маан̣ава, зд̇т̇а нзва рааж̇аа амхз ж̇аанаад̇и, на маяам̣ рааж̇аанам̣ ж̇аанаамаа’’д̇и. ‘‘ж̇аанаат̇а бана, бханд̇з, ран̃н̃аа суд̇асад̣̇д̣̇аанам̣ нибпад̇д̇и’’нд̇и? ‘‘аама, ж̇аанаамий’’д̇и. ‘‘ж̇аананд̇аа ран̃н̃о гасмаа на гат̇зт̇аа’’д̇и? ‘‘маан̣ава гим̣ саггаа ‘ахам̣ ж̇аанаамий’д̇и налаадз син̇г̇ам̣ б̣анд̇хид̇ваа жарид̇ум̣, сажз ид̇хааг̇анд̇ваа бужчиссад̇и, гат̇зссаамий’’д̇и.
Bārāṇasirājā ime aṭṭha sadde sutvā bhītatasito punadivase brāhmaṇe pucchi. Brāhmaṇā ‘‘antarāyo te, mahārāja, bhavissati, sabbacatukkayaññaṃ yajissāmā’’ti vatvā raññā ‘‘yathārucitaṃ karothā’’ti anuññātā haṭṭhapahaṭṭhā rājakulato nikkhamitvā yaññakammaṃ ārabhiṃsu. Atha nesaṃ jeṭṭhakassa yaññakārabrāhmaṇassa antevāsī māṇavo paṇḍito byatto ācariyaṃ āha – ‘‘ācariya, evarūpaṃ kakkhaḷaṃ pharusaṃ asātaṃ bahūnaṃ sattānaṃ vināsakammaṃ mā karī’’ti. ‘‘Tāta, tvaṃ kiṃ jānāsi, sacepi aññaṃ kiñci na bhavissati, macchamaṃsaṃ tāva bahuṃ khādituṃ labhissāmā’’ti. ‘‘Ācariya, kucchiṃ nissāya niraye nibbattanakammaṃ mā karothā’’ti. Taṃ sutvā sesabrāhmaṇā ‘‘ayaṃ amhākaṃ lābhantarāyaṃ karotī’’ti tassa kujjhiṃsu. Māṇavo tesaṃ bhayena ‘‘tena hi tumheva macchamaṃsakhādanūpāyaṃ karothā’’ti vatvā nikkhamitvā bahinagare rājānaṃ nivāretuṃ samatthaṃ dhammikasamaṇabrāhmaṇaṃ upadhārento rājuyyānaṃ gantvā bodhisattaṃ disvā vanditvā ‘‘bhante, kiṃ tumhākaṃ sattesu anukampā natthi, rājā bahū satte māretvā yaññaṃ yajāpeti, kiṃ vo mahājanassa bandhanamokkhaṃ kātuṃ na vaṭṭatī’’ti āha. ‘‘Māṇava, ettha neva rājā amhe jānāti, na mayaṃ rājānaṃ jānāmā’’ti. ‘‘Jānātha pana, bhante, raññā sutasaddānaṃ nipphatti’’nti? ‘‘Āma, jānāmī’’ti. ‘‘Jānantā rañño kasmā na kathethā’’ti? ‘‘Māṇava kiṃ sakkā ‘ahaṃ jānāmī’ti nalāṭe siṅgaṃ bandhitvā carituṃ, sace idhāgantvā pucchissati, kathessāmī’’ti.
маан̣аво взг̇зна рааж̇агулам̣ г̇анд̇ваа ‘‘гим̣, д̇аад̇аа’’д̇и вуд̇д̇з ‘‘махаарааж̇а, д̇умхзхи суд̇асад̣̇д̣̇аанам̣ нибпад̇д̇им̣ ж̇аананаго зго д̇аабасо д̇умхаагам̣ уяяаанз ман̇г̇аласилааяам̣ нисинно ‘сажз мам̣ бужчиссад̇и, гат̇зссаамий’д̇и вад̣̇ад̇и, г̇анд̇ваа д̇ам̣ бужчид̇ум̣ ваддад̇ий’’д̇и ааха. рааж̇аа взг̇зна д̇ад̇т̇а г̇анд̇ваа д̇аабасам̣ ванд̣̇ид̇ваа гад̇абадисант̇ааро нисийд̣̇ид̇ваа ‘‘сажжам̣ гира, бханд̇з, д̇умхз маяаа суд̇асад̣̇д̣̇аанам̣ нибпад̇д̇им̣ ж̇аанаат̇аа’’д̇и бужчи. ‘‘аама, махаарааж̇аа’’д̇и. ‘‘д̇зна хи гат̇зт̇а д̇ам̣ мз’’д̇и. ‘‘махаарааж̇а, д̇зсам̣ суд̇абажжаяаа д̇ава гожи анд̇арааяо над̇т̇и , бораан̣уяяаанз бана д̇з зго б̣аго ад̇т̇и, со г̇ожарам̣ алабханд̇о ж̇игхажчааяа барзд̇о батамам̣ сад̣̇д̣̇амагаасий’’д̇и д̇асса гирияам̣ ад̇д̇ано н̃аан̣зна барижчинд̣̇ид̇ваа батамам̣ г̇аат̇амааха –
Māṇavo vegena rājakulaṃ gantvā ‘‘kiṃ, tātā’’ti vutte ‘‘mahārāja, tumhehi sutasaddānaṃ nipphattiṃ jānanako eko tāpaso tumhākaṃ uyyāne maṅgalasilāyaṃ nisinno ‘sace maṃ pucchissati, kathessāmī’ti vadati, gantvā taṃ pucchituṃ vaṭṭatī’’ti āha. Rājā vegena tattha gantvā tāpasaṃ vanditvā katapaṭisanthāro nisīditvā ‘‘saccaṃ kira, bhante, tumhe mayā sutasaddānaṃ nipphattiṃ jānāthā’’ti pucchi. ‘‘Āma, mahārājā’’ti. ‘‘Tena hi kathetha taṃ me’’ti. ‘‘Mahārāja, tesaṃ sutapaccayā tava koci antarāyo natthi , porāṇuyyāne pana te eko bako atthi, so gocaraṃ alabhanto jighacchāya pareto paṭhamaṃ saddamakāsī’’ti tassa kiriyaṃ attano ñāṇena paricchinditvā paṭhamaṃ gāthamāha –
10.
10.
‘‘ид̣̇ам̣ бурз ниннамааху, б̣ахумажчам̣ маход̣̇агам̣;
‘‘Idaṃ pure ninnamāhu, bahumacchaṃ mahodakaṃ;
ааваасо б̣агарааж̇асса, бзд̇д̇игам̣ бхаванам̣ мама;
Āvāso bakarājassa, pettikaṃ bhavanaṃ mama;
д̇яаж̇ж̇а бхзгзна яаабзма, огам̣ на виж̇ахаамасз’’д̇и.
Tyajja bhekena yāpema, okaṃ na vijahāmase’’ti.
д̇ад̇т̇а ид̣̇анд̇и ман̇г̇алабогкаран̣им̣ санд̇хааяа вад̣̇ад̇и. саа хи буб̣б̣з уд̣̇агад̇умб̣зна уд̣̇агз бависанд̇з маход̣̇агаа б̣ахумажчаа, ид̣̇аани бана уд̣̇агасса бажчиннад̇д̇аа на маход̣̇агаа ж̇аад̇аа. д̇яаж̇ж̇а бхзгзнаад̇и д̇з маяам̣ аж̇ж̇а мажчз алабханд̇аа ман̣д̣уугамад̇д̇зна яаабзма. оганд̇и звам̣ ж̇игхажчааяа бийл̣ид̇ааби васанадтаанам̣ на виж̇ахаама.
Tattha idanti maṅgalapokkharaṇiṃ sandhāya vadati. Sā hi pubbe udakatumbena udake pavisante mahodakā bahumacchā, idāni pana udakassa pacchinnattā na mahodakā jātā. Tyajja bhekenāti te mayaṃ ajja macche alabhantā maṇḍūkamattena yāpema. Okanti evaṃ jighacchāya pīḷitāpi vasanaṭṭhānaṃ na vijahāma.
ид̇и, махаарааж̇а, со б̣аго ж̇игхажчаабийл̣ид̇о сад̣̇д̣̇амагааси. сажзби д̇ам̣ ж̇игхажчаад̇о можзд̇угаамо, д̇ам̣ уяяаанам̣ сод̇хаабзд̇ваа богкаран̣им̣ уд̣̇агасса буурзхийд̇и. рааж̇аа д̇ат̇аа гаарзд̇ум̣ згам̣ амажжам̣ аан̣аабзси.
Iti, mahārāja, so bako jighacchāpīḷito saddamakāsi. Sacepi taṃ jighacchāto mocetukāmo, taṃ uyyānaṃ sodhāpetvā pokkharaṇiṃ udakassa pūrehīti. Rājā tathā kāretuṃ ekaṃ amaccaṃ āṇāpesi.
‘‘хад̇т̇исаалад̇оран̣з бана д̇з, махаарааж̇а, згаа гаагий васамаанаа ад̇д̇ано буд̇д̇асогзна д̣̇уд̇ияам̣ сад̣̇д̣̇амагааси, д̇ад̇оби д̇з бхаяам̣ над̇т̇ий’’д̇и вад̇ваа д̣̇уд̇ияам̣ г̇аат̇амааха –
‘‘Hatthisālatoraṇe pana te, mahārāja, ekā kākī vasamānā attano puttasokena dutiyaṃ saddamakāsi, tatopi te bhayaṃ natthī’’ti vatvā dutiyaṃ gāthamāha –
11.
11.
‘‘го д̣̇уд̇ияам̣ асийлисса, б̣анд̇харассагки бхзжчад̇и;
‘‘Ko dutiyaṃ asīlissa, bandharassakkhi bhecchati;
го мз буд̇д̇з гулаавагам̣, ман̃жа сод̇т̇им̣ гариссад̇ий’’д̇и.
Ko me putte kulāvakaṃ, mañca sotthiṃ karissatī’’ti.
вад̇ваа жа бана ‘‘го наама д̇з, махаарааж̇а, хад̇т̇исаалааяа хад̇т̇имзн̣д̣о’’д̇и бужчи. ‘‘б̣анд̇харо наама, бханд̇з’’д̇и. ‘‘згагкигаан̣о со, махаарааж̇аа’’д̇и? ‘‘аама, бханд̇з’’д̇и. махаарааж̇а, хад̇т̇исаалааяа д̇з д̣̇ваарад̇оран̣з згаа гаагий гулаавагам̣ гад̇ваа ан̣д̣агаани нигкиби. д̇аани барин̣ад̇аани гаагабод̇агаа нигканд̇аа, хад̇т̇имзн̣д̣о хад̇т̇им̣ ааруяха саалад̇о нигкаманд̇о жа бависанд̇о жа ан̇гусагзна гаагимби буд̇д̇агзбиссаа бахарад̇и, гулаавагамби вид̣̇д̇хам̣сзд̇и. саа д̇зна д̣̇угкзна бийл̣ид̇аа д̇асса агкибхзд̣̇анам̣ ааяаажанд̇ий звамааха, сажз д̇з гаагияаа мзд̇д̇ажид̇д̇ам̣ ад̇т̇и, зд̇ам̣ б̣анд̇харам̣ баггосаабзд̇ваа гулаавагавид̣̇д̇хам̣санад̇о ваарзхийд̇и . рааж̇аа д̇ам̣ баггосаабзд̇ваа барибхаасид̇ваа хаарзд̇ваа ан̃н̃асса д̇ам̣ хад̇т̇им̣ ад̣̇ааси.
Vatvā ca pana ‘‘ko nāma te, mahārāja, hatthisālāya hatthimeṇḍo’’ti pucchi. ‘‘Bandharo nāma, bhante’’ti. ‘‘Ekakkhikāṇo so, mahārājā’’ti? ‘‘Āma, bhante’’ti. Mahārāja, hatthisālāya te dvāratoraṇe ekā kākī kulāvakaṃ katvā aṇḍakāni nikkhipi. Tāni pariṇatāni kākapotakā nikkhantā, hatthimeṇḍo hatthiṃ āruyha sālato nikkhamanto ca pavisanto ca aṅkusakena kākimpi puttakepissā paharati, kulāvakampi viddhaṃseti. Sā tena dukkhena pīḷitā tassa akkhibhedanaṃ āyācantī evamāha, sace te kākiyā mettacittaṃ atthi, etaṃ bandharaṃ pakkosāpetvā kulāvakaviddhaṃsanato vārehīti . Rājā taṃ pakkosāpetvā paribhāsitvā hāretvā aññassa taṃ hatthiṃ adāsi.
‘‘баасаад̣̇аган̣н̣игааяа бана д̇з, махаарааж̇а, зго гхун̣абаан̣аго васад̇и. со д̇ад̇т̇а пзг̇г̇ум̣ каад̣̇ид̇ваа д̇асмим̣ кийн̣з саарам̣ каад̣̇ид̇ум̣ наасагки, со бхагкам̣ алабхид̇ваа нигкамид̇умби асаггонд̇о барид̣̇звамаано д̇ад̇ияам̣ сад̣̇д̣̇амагааси, д̇ад̇оби д̇з бхаяам̣ над̇т̇ий’’д̇и вад̇ваа д̇асса гирияам̣ ад̇д̇ано н̃аан̣зна барижчинд̣̇ид̇ваа д̇ад̇ияам̣ г̇аат̇амааха –
‘‘Pāsādakaṇṇikāya pana te, mahārāja, eko ghuṇapāṇako vasati. So tattha phegguṃ khāditvā tasmiṃ khīṇe sāraṃ khādituṃ nāsakkhi, so bhakkhaṃ alabhitvā nikkhamitumpi asakkonto paridevamāno tatiyaṃ saddamakāsi, tatopi te bhayaṃ natthī’’ti vatvā tassa kiriyaṃ attano ñāṇena paricchinditvā tatiyaṃ gāthamāha –
12.
12.
‘‘саб̣б̣аа баригкад̇аа пзг̇г̇у, яаава д̇ассаа г̇ад̇ий аху;
‘‘Sabbā parikkhatā pheggu, yāva tassā gatī ahu;
кийн̣абхагко махаарааж̇а, саарз на рамад̇ий гхун̣о’’д̇и.
Khīṇabhakkho mahārāja, sāre na ramatī ghuṇo’’ti.
д̇ад̇т̇а яаава д̇ассаа г̇ад̇ий ахууд̇и яаава д̇ассаа пзг̇г̇уяаа нибпад̇д̇и ахоси, саа саб̣б̣аа каад̣̇ид̇аа. на рамад̇ийд̇и ‘‘махаарааж̇а, со баан̣аго д̇ад̇о нигкамид̇ваа г̇аманадтаанамби абассанд̇о барид̣̇звад̇и, нийхараабзхи на’’нд̇и ааха. рааж̇аа згам̣ бурисам̣ аан̣аабзд̇ваа убааязна нам̣ нийхараабзси.
Tattha yāva tassā gatī ahūti yāva tassā phegguyā nipphatti ahosi, sā sabbā khāditā. Na ramatīti ‘‘mahārāja, so pāṇako tato nikkhamitvā gamanaṭṭhānampi apassanto paridevati, nīharāpehi na’’nti āha. Rājā ekaṃ purisaṃ āṇāpetvā upāyena naṃ nīharāpesi.
‘‘нивзсанз бана д̇з, махаарааж̇а, згаа босааванияаа гогилаа ад̇т̇ий’’д̇и? ‘‘ад̇т̇и, бханд̇з’’д̇и. ‘‘махаарааж̇а, саа ад̇д̇анаа нивуд̇т̇абуб̣б̣ам̣ ванасан̣д̣ам̣ сарид̇ваа угган̣тид̇ваа ‘гад̣̇аа ну ко имамхаа бан̃ж̇араа мужжид̇ваа раман̣ийяам̣ ванасан̣д̣ам̣ г̇ажчиссаамий’д̇и жад̇уд̇т̇ам̣ сад̣̇д̣̇амагааси, д̇ад̇оби д̇з бхаяам̣ над̇т̇ий’’д̇и вад̇ваа жад̇уд̇т̇ам̣ г̇аат̇амааха –
‘‘Nivesane pana te, mahārāja, ekā posāvaniyā kokilā atthī’’ti? ‘‘Atthi, bhante’’ti. ‘‘Mahārāja, sā attanā nivutthapubbaṃ vanasaṇḍaṃ saritvā ukkaṇṭhitvā ‘kadā nu kho imamhā pañjarā muccitvā ramaṇīyaṃ vanasaṇḍaṃ gacchissāmī’ti catutthaṃ saddamakāsi, tatopi te bhayaṃ natthī’’ti vatvā catutthaṃ gāthamāha –
13.
13.
‘‘саа нуунаахам̣ ид̇о г̇анд̇ваа, ран̃н̃о муд̇д̇аа нивзсанаа;
‘‘Sā nūnāhaṃ ito gantvā, rañño muttā nivesanā;
ад̇д̇аанам̣ рамаяиссаами, д̣̇умасааканигзд̇иний’’д̇и.
Attānaṃ ramayissāmi, dumasākhaniketinī’’ti.
д̇ад̇т̇а д̣̇умасааканигзд̇инийд̇и субубпид̇аасу ругкасаакаасу саганигзд̇аа худ̇ваа. зван̃жа бана вад̇ваа ‘‘угган̣тид̇аа, махаарааж̇а, саа гогилаа, виссаж̇ж̇зхи на’’нд̇и ааха. рааж̇аа д̇ат̇аа гаарзси.
Tattha dumasākhaniketinīti supupphitāsu rukkhasākhāsu sakaniketā hutvā. Evañca pana vatvā ‘‘ukkaṇṭhitā, mahārāja, sā kokilā, vissajjehi na’’nti āha. Rājā tathā kāresi.
‘‘нивзсанз бана д̇з, махаарааж̇а, зго босааванияо миг̇о ад̇т̇ий’’д̇и? ‘‘ад̇т̇и, бханд̇з’’д̇и. ‘‘махаарааж̇а, со зго яуут̇абад̇и ад̇д̇ано миг̇им̣ ануссарид̇ваа гилзсавасзна угган̣тид̇о бан̃жамам̣ сад̣̇д̣̇амагааси, д̇ад̇оби д̇з бхаяам̣ над̇т̇ий’’д̇и вад̇ваа бан̃жамам̣ г̇аат̇амааха –
‘‘Nivesane pana te, mahārāja, eko posāvaniyo migo atthī’’ti? ‘‘Atthi, bhante’’ti. ‘‘Mahārāja, so eko yūthapati attano migiṃ anussaritvā kilesavasena ukkaṇṭhito pañcamaṃ saddamakāsi, tatopi te bhayaṃ natthī’’ti vatvā pañcamaṃ gāthamāha –
14.
14.
‘‘со нуунаахам̣ ид̇о г̇анд̇ваа, ран̃н̃о муд̇д̇о нивзсанаа;
‘‘So nūnāhaṃ ito gantvā, rañño mutto nivesanā;
аг̇г̇од̣̇агаани биссаами, яуут̇асса бурад̇о важ̇а’’нд̇и.
Aggodakāni pissāmi, yūthassa purato vaja’’nti.
д̇ад̇т̇а аг̇г̇од̣̇агаанийд̇и аг̇г̇ауд̣̇агаани, ан̃н̃зхи миг̇зхи батамад̇арам̣ абийд̇аани анужчидтод̣̇агаани яуут̇асса бурад̇о г̇ажчанд̇о гад̣̇аа ну ко бивиссаамийд̇и.
Tattha aggodakānīti aggaudakāni, aññehi migehi paṭhamataraṃ apītāni anucchiṭṭhodakāni yūthassa purato gacchanto kadā nu kho pivissāmīti.
махаасад̇д̇о д̇амби миг̇ам̣ виссаж̇ж̇аабзд̇ваа ‘‘нивзсанз бана д̇з, махаарааж̇а, босааванияо маггадо ад̇т̇ий’’д̇и бужчи. ‘‘ад̇т̇и, бханд̇з’’д̇и вуд̇д̇з ‘‘соби, махаарааж̇а, химаванд̇абад̣̇зсз яуут̇абад̇и маггадийхи сад̣̇д̇хим̣ гаамаг̇ид̣̇д̇хо худ̇ваа вижаранд̇о бхарад̇зна наама луд̣̇д̣̇зна ид̇ха аанийд̇о, ид̣̇аани угган̣тид̇ваа д̇ад̇т̇зва г̇анд̇угаамо чадтам̣ сад̣̇д̣̇амагааси, д̇ад̇оби д̇з бхаяам̣ над̇т̇ий’’д̇и вад̇ваа чадтам̣ г̇аат̇амааха –
Mahāsatto tampi migaṃ vissajjāpetvā ‘‘nivesane pana te, mahārāja, posāvaniyo makkaṭo atthī’’ti pucchi. ‘‘Atthi, bhante’’ti vutte ‘‘sopi, mahārāja, himavantapadese yūthapati makkaṭīhi saddhiṃ kāmagiddho hutvā vicaranto bharatena nāma luddena idha ānīto, idāni ukkaṇṭhitvā tattheva gantukāmo chaṭṭhaṃ saddamakāsi, tatopi te bhayaṃ natthī’’ti vatvā chaṭṭhaṃ gāthamāha –
15.
15.
‘‘д̇ам̣ мам̣ гаамзхи саммад̇д̇ам̣, рад̇д̇ам̣ гаамзсу мужчид̇ам̣;
‘‘Taṃ maṃ kāmehi sammattaṃ, rattaṃ kāmesu mucchitaṃ;
аанаяий бхарад̇о луд̣̇д̣̇о, б̣аахиго бхад̣̇д̣̇амад̇т̇у д̇з’’д̇и.
Ānayī bharato luddo, bāhiko bhaddamatthu te’’ti.
д̇ад̇т̇а б̣аахигод̇и б̣аахигарадтаваасий. бхад̣̇д̣̇амад̇т̇у д̇зд̇и имамад̇т̇ам̣ со ваанаро ааха, д̇уяхам̣ бана бхад̣̇д̣̇амад̇т̇у, виссаж̇ж̇зхи нанд̇и.
Tattha bāhikoti bāhikaraṭṭhavāsī. Bhaddamatthu teti imamatthaṃ so vānaro āha, tuyhaṃ pana bhaddamatthu, vissajjehi nanti.
махаасад̇д̇о д̇ам̣ ваанарам̣ виссаж̇ж̇аабзд̇ваа ‘‘нивзсанз бана д̇з, махаарааж̇а, босааванияо гиннаро ад̇т̇ий’’д̇и бужчид̇ваа ‘‘ад̇т̇ий’’д̇и вуд̇д̇з ‘‘со, махаарааж̇а, ад̇д̇ано гиннарияаа гад̇аг̇ун̣ам̣ ануссарид̇ваа гилзсаад̇уро сад̣̇д̣̇амагааси. со хи д̇ааяа сад̣̇д̇хим̣ згад̣̇ивасам̣ д̇ун̇г̇абаб̣б̣ад̇асикарам̣ аарухи. д̇з д̇ад̇т̇а ван̣н̣аг̇анд̇харасасамбаннаани наанаабубпаани ожинанд̇аа бил̣анд̇ханд̇аа суурияам̣ ад̇т̇ан̇г̇ад̇ам̣ на саллагкзсум̣, ад̇т̇ан̇г̇ад̇з суурияз од̇аранд̇аанам̣ анд̇хагааро ахоси. д̇ад̇ра нам̣ гиннарий ‘саами, анд̇хагааро вад̇д̇ад̇и, абагкаланд̇о аббамаад̣̇зна од̇араахий’д̇и вад̇ваа хад̇т̇з г̇ахзд̇ваа од̇аарзси, со д̇ааяа д̇ам̣ важанам̣ ануссарид̇ваа сад̣̇д̣̇амагааси, д̇ад̇оби д̇з бхаяам̣ над̇т̇ий’’д̇и д̇ам̣ гааран̣ам̣ ад̇д̇ано н̃аан̣аб̣алзна барижчинд̣̇ид̇ваа баагадам̣ гаронд̇о сад̇д̇амам̣ г̇аат̇амааха –
Mahāsatto taṃ vānaraṃ vissajjāpetvā ‘‘nivesane pana te, mahārāja, posāvaniyo kinnaro atthī’’ti pucchitvā ‘‘atthī’’ti vutte ‘‘so, mahārāja, attano kinnariyā kataguṇaṃ anussaritvā kilesāturo saddamakāsi. So hi tāya saddhiṃ ekadivasaṃ tuṅgapabbatasikharaṃ āruhi. Te tattha vaṇṇagandharasasampannāni nānāpupphāni ocinantā piḷandhantā sūriyaṃ atthaṅgataṃ na sallakkhesuṃ, atthaṅgate sūriye otarantānaṃ andhakāro ahosi. Tatra naṃ kinnarī ‘sāmi, andhakāro vattati, apakkhalanto appamādena otarāhī’ti vatvā hatthe gahetvā otāresi, so tāya taṃ vacanaṃ anussaritvā saddamakāsi, tatopi te bhayaṃ natthī’’ti taṃ kāraṇaṃ attano ñāṇabalena paricchinditvā pākaṭaṃ karonto sattamaṃ gāthamāha –
16.
16.
‘‘анд̇хагаарад̇имисааяам̣, д̇ун̇г̇з убарибаб̣б̣ад̇з;
‘‘Andhakāratimisāyaṃ, tuṅge uparipabbate;
саа мам̣ сан̣хзна муд̣̇унаа, маа баад̣̇ам̣ кали яасманий’’д̇и.
Sā maṃ saṇhena mudunā, mā pādaṃ khali yasmanī’’ti.
д̇ад̇т̇а анд̇хагаарад̇имисааяанд̇и анд̇хабхаавагаарагз д̇амз. д̇ун̇г̇зд̇и д̇икин̣з. сан̣хзна муд̣̇унаад̇и мадтзна муд̣̇угзна важанзна. маа баад̣̇ам̣ кали яасманийд̇и яа-гааро б̣яан̃ж̇анасанд̇хивасзна г̇ахид̇о. ид̣̇ам̣ вуд̇д̇ам̣ ход̇и – саа мам̣ гиннарий сан̣хзна муд̣̇агзна важанзна ‘‘саами, аббамад̇д̇о хохи, маа баад̣̇ам̣ кали асмани, яат̇аа д̇з убагкалид̇ваа баад̣̇о баасаан̣асмим̣ на калад̇и, д̇ат̇аа од̇араа’’д̇и вад̇ваа хад̇т̇зна г̇ахзд̇ваа од̇аарзсийд̇и.
Tattha andhakāratimisāyanti andhabhāvakārake tame. Tuṅgeti tikhiṇe. Saṇhena mudunāti maṭṭhena mudukena vacanena. Mā pādaṃ khali yasmanīti ya-kāro byañjanasandhivasena gahito. Idaṃ vuttaṃ hoti – sā maṃ kinnarī saṇhena mudakena vacanena ‘‘sāmi, appamatto hohi, mā pādaṃ khali asmani, yathā te upakkhalitvā pādo pāsāṇasmiṃ na khalati, tathā otarā’’ti vatvā hatthena gahetvā otāresīti.
ид̇и махаасад̇д̇о гиннарзна гад̇асад̣̇д̣̇агааран̣ам̣ гат̇зд̇ваа д̇ам̣ виссаж̇ж̇аабзд̇ваа ‘‘махаарааж̇а, адтамо уд̣̇аанасад̣̇д̣̇о ахоси. нанд̣̇амуулагабаб̣бхаарасмим̣ гира зго бажжзгаб̣уд̣̇д̇хо ад̇д̇ано ааяусан̇каарабаригкаяам̣ н̃ад̇ваа ‘мануссабат̇ам̣ г̇анд̇ваа б̣аараан̣асиран̃н̃о уяяаанз бариниб̣б̣ааяиссаами, д̇асса мз мануссаа сарийранигкзбам̣ гаарзд̇ваа саад̇хугийл̣ам̣ гийл̣ид̇ваа д̇хаад̇убууж̇ам̣ гад̇ваа саг̇г̇абат̇ам̣ буурзссанд̇ий’д̇и ид̣̇д̇хаанубхаавзна ааг̇ажчанд̇о д̇ава баасаад̣̇асса мад̇т̇агам̣ бад̇д̇агаалз канд̇хабхаарам̣ од̇аарзд̇ваа ниб̣б̣аанабурабавзсанад̣̇ийбанам̣ уд̣̇аанам̣ уд̣̇аанзсий’’д̇и бажжзгаб̣уд̣̇д̇хзна вуд̇д̇ам̣ г̇аат̇амааха –
Iti mahāsatto kinnarena katasaddakāraṇaṃ kathetvā taṃ vissajjāpetvā ‘‘mahārāja, aṭṭhamo udānasaddo ahosi. Nandamūlakapabbhārasmiṃ kira eko paccekabuddho attano āyusaṅkhāraparikkhayaṃ ñatvā ‘manussapathaṃ gantvā bārāṇasirañño uyyāne parinibbāyissāmi, tassa me manussā sarīranikkhepaṃ kāretvā sādhukīḷaṃ kīḷitvā dhātupūjaṃ katvā saggapathaṃ pūressantī’ti iddhānubhāvena āgacchanto tava pāsādassa matthakaṃ pattakāle khandhabhāraṃ otāretvā nibbānapurapavesanadīpanaṃ udānaṃ udānesī’’ti paccekabuddhena vuttaṃ gāthamāha –
17.
17.
‘‘асам̣саяам̣ ж̇аад̇икаяанд̇ад̣̇ассий, на г̇аб̣бхасзяяам̣ бунарааваж̇иссам̣;
‘‘Asaṃsayaṃ jātikhayantadassī, na gabbhaseyyaṃ punarāvajissaṃ;
аяаманд̇имаа бажчимаа г̇аб̣бхасзяяаа, кийн̣о мз сам̣сааро бунаб̣бхавааяаа’’д̇и.
Ayamantimā pacchimā gabbhaseyyā, khīṇo me saṃsāro punabbhavāyā’’ti.
д̇ассад̇т̇о – ж̇аад̇ияаа каяанд̇асан̇каад̇асса ниб̣б̣аанасса д̣̇идтад̇д̇аа ж̇аад̇икаяанд̇ад̣̇ассий ахам̣ асам̣саяам̣ буна г̇аб̣бхасзяяам̣ на ааваж̇иссам̣, аяам̣ мз анд̇имаа ж̇аад̇и, бажчимаа г̇аб̣бхасзяяаа, кийн̣о мз бунаб̣бхавааяа канд̇хабадибаадисан̇каад̇о сам̣саарод̇и.
Tassattho – jātiyā khayantasaṅkhātassa nibbānassa diṭṭhattā jātikhayantadassī ahaṃ asaṃsayaṃ puna gabbhaseyyaṃ na āvajissaṃ, ayaṃ me antimā jāti, pacchimā gabbhaseyyā, khīṇo me punabbhavāya khandhapaṭipāṭisaṅkhāto saṃsāroti.
‘‘ид̣̇ан̃жа бана со уд̣̇аанам̣ вад̇ваа имам̣ уяяаанаванам̣ ааг̇амма згасса субубпид̇асса сааласса муулз бариниб̣б̣уд̇о, зхи, махаарааж̇а, сарийрагижжамасса гариссаамаа’’д̇и махаасад̇д̇о рааж̇аанам̣ г̇ахзд̇ваа бажжзгаб̣уд̣̇д̇хасса бариниб̣б̣уд̇адтаанам̣ г̇анд̇ваа сарийрам̣ д̣̇ассзси. рааж̇аа д̇асса сарийрам̣ д̣̇исваа сад̣̇д̇хим̣ б̣алагааязна г̇анд̇хамаалаад̣̇ийхи бууж̇зд̇ваа б̣од̇хисад̇д̇асса важанам̣ ниссааяа яан̃н̃ам̣ хаарзд̇ваа саб̣б̣асад̇д̇аанам̣ ж̇ийвид̇ад̣̇аанам̣ д̣̇ад̇ваа наг̇арз маагхаад̇абхзрим̣ жараабзд̇ваа сад̇д̇аахам̣ саад̇хугийл̣ам̣ гийл̣ид̇ваа саб̣б̣аг̇анд̇хажид̇агз маханд̇зна саггаарзна бажжзгаб̣уд̣̇д̇хасса сарийрам̣ жхаабзд̇ваа д̇хаад̇уяо жад̇умахаабат̇з т̇уубам̣ гаарзси. б̣од̇хисад̇д̇оби ран̃н̃о д̇хаммам̣ д̣̇зсзд̇ваа ‘‘аббамад̇д̇о хохий’’д̇и овад̣̇ид̇ваа химаванд̇амзва бависид̇ваа б̣рахмавихаарзсу баригаммам̣ гад̇ваа абарихийнаж̇жхаано б̣рахмалогабарааяан̣о ахоси.
‘‘Idañca pana so udānaṃ vatvā imaṃ uyyānavanaṃ āgamma ekassa supupphitassa sālassa mūle parinibbuto, ehi, mahārāja, sarīrakiccamassa karissāmā’’ti mahāsatto rājānaṃ gahetvā paccekabuddhassa parinibbutaṭṭhānaṃ gantvā sarīraṃ dassesi. Rājā tassa sarīraṃ disvā saddhiṃ balakāyena gandhamālādīhi pūjetvā bodhisattassa vacanaṃ nissāya yaññaṃ hāretvā sabbasattānaṃ jīvitadānaṃ datvā nagare māghātabheriṃ carāpetvā sattāhaṃ sādhukīḷaṃ kīḷitvā sabbagandhacitake mahantena sakkārena paccekabuddhassa sarīraṃ jhāpetvā dhātuyo catumahāpathe thūpaṃ kāresi. Bodhisattopi rañño dhammaṃ desetvā ‘‘appamatto hohī’’ti ovaditvā himavantameva pavisitvā brahmavihāresu parikammaṃ katvā aparihīnajjhāno brahmalokaparāyaṇo ahosi.
сад̇т̇аа имам̣ д̇хаммад̣̇зсанам̣ аахарид̇ваа ‘‘махаарааж̇а, д̇асса сад̣̇д̣̇асса суд̇агааран̣аа д̇ава гожи анд̇арааяо над̇т̇ий’’д̇и яан̃н̃ам̣ хараабзд̇ваа ‘‘махааж̇анасса ж̇ийвид̇ам̣ д̣̇зхий’’д̇и ж̇ийвид̇ад̣̇аанам̣ д̣̇аабзд̇ваа наг̇арз д̇хаммабхзрим̣ жараабзд̇ваа д̇хаммам̣ д̣̇зсзд̇ваа ж̇аад̇агам̣ самод̇хаанзси ‘‘д̇ад̣̇аа рааж̇аа аананд̣̇о ахоси, маан̣аво саарибуд̇д̇о, д̇аабасо бана ахамзва ахоси’’нд̇и.
Satthā imaṃ dhammadesanaṃ āharitvā ‘‘mahārāja, tassa saddassa sutakāraṇā tava koci antarāyo natthī’’ti yaññaṃ harāpetvā ‘‘mahājanassa jīvitaṃ dehī’’ti jīvitadānaṃ dāpetvā nagare dhammabheriṃ carāpetvā dhammaṃ desetvā jātakaṃ samodhānesi ‘‘tadā rājā ānando ahosi, māṇavo sāriputto, tāpaso pana ahameva ahosi’’nti.
адтасад̣̇д̣̇аж̇аад̇агаван̣н̣анаа д̣̇уд̇ияаа.
Aṭṭhasaddajātakavaṇṇanā dutiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 418. адтасад̣̇д̣̇аж̇аад̇агам̣ • 418. Aṭṭhasaddajātakaṃ
