| Library / Tipiṭaka / तिपिटक • Tipiṭaka / अपदानपाळि • Apadānapāḷi |
७. अत्थसन्दस्सकत्थेरअपदानं
7. Atthasandassakattheraapadānaṃ
४७.
47.
‘‘विसालमाळे आसीनो, अद्दसं लोकनायकं।
‘‘Visālamāḷe āsīno, addasaṃ lokanāyakaṃ;
खीणासवं बलप्पत्तं, भिक्खुसङ्घपुरक्खतं॥
Khīṇāsavaṃ balappattaṃ, bhikkhusaṅghapurakkhataṃ.
४८.
48.
‘‘सतसहस्सा तेविज्जा, छळभिञ्ञा महिद्धिका।
‘‘Satasahassā tevijjā, chaḷabhiññā mahiddhikā;
परिवारेन्ति सम्बुद्धं, को दिस्वा नप्पसीदति॥
Parivārenti sambuddhaṃ, ko disvā nappasīdati.
४९.
49.
‘‘ञाणे उपनिधा यस्स, न विज्जति सदेवके।
‘‘Ñāṇe upanidhā yassa, na vijjati sadevake;
अनन्तञाणं सम्बुद्धं, को दिस्वा नप्पसीदति॥
Anantañāṇaṃ sambuddhaṃ, ko disvā nappasīdati.
५०.
50.
‘‘धम्मकायञ्च दीपेन्तं, केवलं रतनाकरं।
‘‘Dhammakāyañca dīpentaṃ, kevalaṃ ratanākaraṃ;
५१.
51.
पदुमुत्तरं थवित्वान, सम्बुद्धं अपराजितं॥
Padumuttaraṃ thavitvāna, sambuddhaṃ aparājitaṃ.
५२.
52.
‘‘तेन चित्तप्पसादेन, बुद्धसन्थवनेन च।
‘‘Tena cittappasādena, buddhasanthavanena ca;
कप्पानं सतसहस्सं, दुग्गतिं, नुपपज्जहं॥
Kappānaṃ satasahassaṃ, duggatiṃ, nupapajjahaṃ.
५३.
53.
‘‘इतो तिंसकप्पसते, सुमित्तो नाम खत्तियो।
‘‘Ito tiṃsakappasate, sumitto nāma khattiyo;
सत्तरतनसम्पन्नो, चक्कवत्ती महब्बलो॥
Sattaratanasampanno, cakkavattī mahabbalo.
५४.
54.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा अत्थसन्दस्सको थेरो इमा गाथायो अभासित्थाति।
Itthaṃ sudaṃ āyasmā atthasandassako thero imā gāthāyo abhāsitthāti.
अत्थसन्दस्सकत्थेरस्सापदानं सत्तमं।
Atthasandassakattherassāpadānaṃ sattamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ७. अत्थसन्दस्सकत्थेरअपदानवण्णना • 7. Atthasandassakattheraapadānavaṇṇanā
