| Library / Tipiṭaka / තිපිටක • Tipiṭaka / අපදානපාළි • Apadānapāḷi |
7. අත්‌ථසන්‌දස්‌සකත්‌ථෙරඅපදානං
7. Atthasandassakattheraapadānaṃ
47.
47.
‘‘විසාලමාළෙ ආසීනො, අද්‌දසං ලොකනායකං;
‘‘Visālamāḷe āsīno, addasaṃ lokanāyakaṃ;
ඛීණාසවං බලප්‌පත්‌තං, භික්‌ඛුසඞ්‌ඝපුරක්‌ඛතං.
Khīṇāsavaṃ balappattaṃ, bhikkhusaṅghapurakkhataṃ.
48.
48.
‘‘සතසහස්‌සා තෙවිජ්‌ජා, ඡළභිඤ්‌ඤා මහිද්‌ධිකා;
‘‘Satasahassā tevijjā, chaḷabhiññā mahiddhikā;
පරිවාරෙන්‌ති සම්‌බුද්‌ධං, කො දිස්‌වා නප්‌පසීදති.
Parivārenti sambuddhaṃ, ko disvā nappasīdati.
49.
49.
‘‘ඤාණෙ උපනිධා යස්‌ස, න විජ්‌ජති සදෙවකෙ;
‘‘Ñāṇe upanidhā yassa, na vijjati sadevake;
අනන්‌තඤාණං සම්‌බුද්‌ධං, කො දිස්‌වා නප්‌පසීදති.
Anantañāṇaṃ sambuddhaṃ, ko disvā nappasīdati.
50.
50.
‘‘ධම්‌මකායඤ්‌ච දීපෙන්‌තං, කෙවලං රතනාකරං;
‘‘Dhammakāyañca dīpentaṃ, kevalaṃ ratanākaraṃ;
51.
51.
පදුමුත්‌තරං ථවිත්‌වාන, සම්‌බුද්‌ධං අපරාජිතං.
Padumuttaraṃ thavitvāna, sambuddhaṃ aparājitaṃ.
52.
52.
‘‘තෙන චිත්‌තප්‌පසාදෙන, බුද්‌ධසන්‌ථවනෙන ච;
‘‘Tena cittappasādena, buddhasanthavanena ca;
කප්‌පානං සතසහස්‌සං, දුග්‌ගතිං, නුපපජ්‌ජහං.
Kappānaṃ satasahassaṃ, duggatiṃ, nupapajjahaṃ.
53.
53.
‘‘ඉතො තිංසකප්‌පසතෙ, සුමිත්‌තො නාම ඛත්‌තියො;
‘‘Ito tiṃsakappasate, sumitto nāma khattiyo;
සත්‌තරතනසම්‌පන්‌නො, චක්‌කවත්‌තී මහබ්‌බලො.
Sattaratanasampanno, cakkavattī mahabbalo.
54.
54.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා අත්‌ථසන්‌දස්‌සකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā atthasandassako thero imā gāthāyo abhāsitthāti.
අත්‌ථසන්‌දස්‌සකත්‌ථෙරස්‌සාපදානං සත්‌තමං.
Atthasandassakattherassāpadānaṃ sattamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 7. අත්‌ථසන්‌දස්‌සකත්‌ථෙරඅපදානවණ්‌ණනා • 7. Atthasandassakattheraapadānavaṇṇanā
