| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੭. ਅਤ੍ਥਸਨ੍ਦਸ੍ਸਕਤ੍ਥੇਰਅਪਦਾਨવਣ੍ਣਨਾ
7. Atthasandassakattheraapadānavaṇṇanā
વਿਸਾਲਮਾਲ਼ੇ ਆਸੀਨੋਤਿਆਦਿਕਂ ਆਯਸ੍ਮਤੋ ਅਤ੍ਥਸਨ੍ਦਸ੍ਸਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਅਨੇਕੇਸੁ ਅਤ੍ਤਭਾવੇਸੁ ਕਤਪੁਞ੍ਞੂਪਚਯੋ ਪਦੁਮੁਤ੍ਤਰਸ੍ਸ ਭਗવਤੋ ਕਾਲੇ ਬ੍ਰਾਹ੍ਮਣਕੁਲੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਸਕਸਿਪ੍ਪੇਸੁ ਨਿਪ੍ਫਤ੍ਤਿਂ ਪਤ੍ਤੋ ਤਤ੍ਥ ਸਾਰਂ ਅਪਸ੍ਸਨ੍ਤੋ ਗੇਹਂ ਪਹਾਯ ਹਿਮવਨ੍ਤਂ ਗਨ੍ਤ੍વਾ ਰਮਣੀਯੇ ਠਾਨੇ ਪਣ੍ਣਸਾਲਂ ਕਤ੍વਾ ਪਟਿવਸਤਿ, ਤਦਾ ਸਤ੍ਤਾਨੁਕਮ੍ਪਾਯ ਹਿਮવਨ੍ਤਮਾਗਤਂ ਪਦੁਮੁਤ੍ਤਰਭਗવਨ੍ਤਂ ਦਿਸ੍વਾ ਪਸਨ੍ਨਮਾਨਸੋ ਪਞ੍ਚਙ੍ਗਸਮਨ੍ਨਾਗਤੋ વਨ੍ਦਿਤ੍વਾ ਥੁਤਿવਚਨੇਹਿ ਥੋਮੇਸਿ। ਸੋ ਤੇਨ ਪੁਞ੍ਞੇਨ ਯਾવਤਾਯੁਕਂ ਕਤ੍વਾ ਕਾਲਙ੍ਕਤ੍વਾ ਬ੍ਰਹ੍ਮਲੋਕੂਪਗੋ ਅਹੋਸਿ। ਸੋ ਅਪਰਭਾਗੇ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਸਤ੍ਥੁ ਧਮ੍ਮਦੇਸਨਂ ਸੁਤ੍વਾ ਪਟਿਲਦ੍ਧਸਦ੍ਧੋ ਪਬ੍ਬਜਿਤ੍વਾ ਅਰਹਤ੍ਤਂ ਪਾਪੁਣਿ।
Visālamāḷe āsīnotiādikaṃ āyasmato atthasandassakattherassa apadānaṃ. Ayampi purimabuddhesu katādhikāro anekesu attabhāvesu katapuññūpacayo padumuttarassa bhagavato kāle brāhmaṇakule nibbatto vuddhimanvāya sakasippesu nipphattiṃ patto tattha sāraṃ apassanto gehaṃ pahāya himavantaṃ gantvā ramaṇīye ṭhāne paṇṇasālaṃ katvā paṭivasati, tadā sattānukampāya himavantamāgataṃ padumuttarabhagavantaṃ disvā pasannamānaso pañcaṅgasamannāgato vanditvā thutivacanehi thomesi. So tena puññena yāvatāyukaṃ katvā kālaṅkatvā brahmalokūpago ahosi. So aparabhāge imasmiṃ buddhuppāde kulagehe nibbatto viññutaṃ patto satthu dhammadesanaṃ sutvā paṭiladdhasaddho pabbajitvā arahattaṃ pāpuṇi.
੪੭. ਸੋ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ વਿਸਾਲਮਾਲ਼ੇ ਆਸੀਨੋਤਿਆਦਿਮਾਹ। ਤਤ੍ਥ વਿਸਾਲਮਾਲ਼ੇਤਿ વਿਸਾਲਂ ਪਤ੍ਥਟਂ વਿਤ੍ਥਿਣ੍ਣਂ ਮਹਨ੍ਤਂ ਮਾਲ਼ਂ વਿਸਾਲਮਾਲ਼ਂ, ਤਸ੍ਮਿਂ વਿਸਾਲਮਾਲ਼ੇ ਆਸੀਨੋ ਨਿਸਿਨ੍ਨੋ ਅਹਂ ਲੋਕਨਾਯਕਂ ਅਦ੍ਦਸਨ੍ਤਿ ਸਮ੍ਬਨ੍ਧੋ। ਤੇਸਂ ਸੁવਿਞ੍ਞੇਯ੍ਯਮੇવਾਤਿ।
47. So attano pubbakammaṃ saritvā somanassajāto pubbacaritāpadānaṃ pakāsento visālamāḷe āsīnotiādimāha. Tattha visālamāḷeti visālaṃ patthaṭaṃ vitthiṇṇaṃ mahantaṃ māḷaṃ visālamāḷaṃ, tasmiṃ visālamāḷe āsīno nisinno ahaṃ lokanāyakaṃ addasanti sambandho. Tesaṃ suviññeyyamevāti.
ਅਤ੍ਥਸਨ੍ਦਸ੍ਸਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Atthasandassakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੭. ਅਤ੍ਥਸਨ੍ਦਸ੍ਸਕਤ੍ਥੇਰਅਪਦਾਨਂ • 7. Atthasandassakattheraapadānaṃ
