| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
39. ад̇т̇асанд̣̇ассанан̃аан̣анид̣̇д̣̇зсаван̣н̣анаа
39. Atthasandassanañāṇaniddesavaṇṇanā
90. ад̇т̇асанд̣̇ассанан̃аан̣анид̣̇д̣̇зсз бан̃жагканд̇хаад̇иаад̣̇ийни вуд̇д̇ад̇т̇аанзва. багаасзд̇ийд̇и баагадам̣ гарод̇и, сод̇уунам̣ н̃аан̣ажагкунаа д̣̇ассанам̣ самбаад̣̇зд̇ийд̇и ад̇т̇о. наанаад̇хаммаад̇и логияалогуд̇д̇араа саб̣б̣ад̇хаммаа вуд̇д̇аа. гасмаа багаасанаанид̣̇д̣̇зсз логияаа зва вуд̇д̇аад̇и жз? анижжаад̣̇ивасзна багаасанааяа аарад̣̇д̇хад̇д̇аа. логуд̇д̇араанан̃жа асаммасануубаг̇ад̇д̇аа логуд̇д̇араа на вуд̇д̇аа. наанаад̇хамманид̣̇д̣̇зсзна бана ад̇т̇асанд̣̇ассананид̣̇д̣̇зсзна жа д̇зсам̣ сан̇г̇ахид̇ад̇д̇аа яат̇аа д̇з багаасзд̇аб̣б̣аа, д̇ат̇аа багаасанаа багаасанааязва. баж̇аханд̇од̇и сод̇аарам̣ баж̇ахаабзнд̇од̇и ад̇т̇о. санд̣̇ассзд̇ийд̇и сод̇уунам̣ саммаа д̣̇ассзд̇и. гзжи бана ‘‘гаамажчанд̣̇асса бахийнад̇д̇аа нзгкаммад̇т̇ам̣ санд̣̇ассзд̇ий’’д̇иаад̣̇инаа наязна батанд̇и. д̇зсам̣ уж̇угамзва сод̇уунам̣ д̣̇осаббахаанз г̇ун̣абадилаабхз жа гад̇з сикааббад̇д̇ам̣ д̣̇зсанаан̃аан̣ам̣ ход̇ийд̇и д̣̇ассанад̇т̇ам̣ аяам̣ наяо вуд̇д̇од̇и взд̣̇ид̇аб̣б̣о.
90. Atthasandassanañāṇaniddese pañcakkhandhātiādīni vuttatthāneva. Pakāsetīti pākaṭaṃ karoti, sotūnaṃ ñāṇacakkhunā dassanaṃ sampādetīti attho. Nānādhammāti lokiyalokuttarā sabbadhammā vuttā. Kasmā pakāsanāniddese lokiyā eva vuttāti ce? Aniccādivasena pakāsanāya āraddhattā. Lokuttarānañca asammasanūpagattā lokuttarā na vuttā. Nānādhammaniddesena pana atthasandassananiddesena ca tesaṃ saṅgahitattā yathā te pakāsetabbā, tathā pakāsanā pakāsanāyeva. Pajahantoti sotāraṃ pajahāpentoti attho. Sandassetīti sotūnaṃ sammā dasseti. Keci pana ‘‘kāmacchandassa pahīnattā nekkhammatthaṃ sandassetī’’tiādinā nayena paṭhanti. Tesaṃ ujukameva sotūnaṃ dosappahāne guṇapaṭilābhe ca kate sikhāppattaṃ desanāñāṇaṃ hotīti dassanatthaṃ ayaṃ nayo vuttoti veditabbo.
ад̇т̇асанд̣̇ассанан̃аан̣анид̣̇д̣̇зсаван̣н̣анаа нидтид̇аа.
Atthasandassanañāṇaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 39. ад̇т̇асанд̣̇ассанан̃аан̣анид̣̇д̣̇зсо • 39. Atthasandassanañāṇaniddeso
