| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā |
੩੯. ਅਤ੍ਥਸਨ੍ਦਸ੍ਸਨਞਾਣਨਿਦ੍ਦੇਸવਣ੍ਣਨਾ
39. Atthasandassanañāṇaniddesavaṇṇanā
੯੦. ਅਤ੍ਥਸਨ੍ਦਸ੍ਸਨਞਾਣਨਿਦ੍ਦੇਸੇ ਪਞ੍ਚਕ੍ਖਨ੍ਧਾਤਿਆਦੀਨਿ વੁਤ੍ਤਤ੍ਥਾਨੇવ। ਪਕਾਸੇਤੀਤਿ ਪਾਕਟਂ ਕਰੋਤਿ, ਸੋਤੂਨਂ ਞਾਣਚਕ੍ਖੁਨਾ ਦਸ੍ਸਨਂ ਸਮ੍ਪਾਦੇਤੀਤਿ ਅਤ੍ਥੋ। ਨਾਨਾਧਮ੍ਮਾਤਿ ਲੋਕਿਯਲੋਕੁਤ੍ਤਰਾ ਸਬ੍ਬਧਮ੍ਮਾ વੁਤ੍ਤਾ। ਕਸ੍ਮਾ ਪਕਾਸਨਾਨਿਦ੍ਦੇਸੇ ਲੋਕਿਯਾ ਏવ વੁਤ੍ਤਾਤਿ ਚੇ? ਅਨਿਚ੍ਚਾਦਿવਸੇਨ ਪਕਾਸਨਾਯ ਆਰਦ੍ਧਤ੍ਤਾ। ਲੋਕੁਤ੍ਤਰਾਨਞ੍ਚ ਅਸਮ੍ਮਸਨੂਪਗਤ੍ਤਾ ਲੋਕੁਤ੍ਤਰਾ ਨ વੁਤ੍ਤਾ। ਨਾਨਾਧਮ੍ਮਨਿਦ੍ਦੇਸੇਨ ਪਨ ਅਤ੍ਥਸਨ੍ਦਸ੍ਸਨਨਿਦ੍ਦੇਸੇਨ ਚ ਤੇਸਂ ਸਙ੍ਗਹਿਤਤ੍ਤਾ ਯਥਾ ਤੇ ਪਕਾਸੇਤਬ੍ਬਾ, ਤਥਾ ਪਕਾਸਨਾ ਪਕਾਸਨਾਯੇવ। ਪਜਹਨ੍ਤੋਤਿ ਸੋਤਾਰਂ ਪਜਹਾਪੇਨ੍ਤੋਤਿ ਅਤ੍ਥੋ। ਸਨ੍ਦਸ੍ਸੇਤੀਤਿ ਸੋਤੂਨਂ ਸਮ੍ਮਾ ਦਸ੍ਸੇਤਿ। ਕੇਚਿ ਪਨ ‘‘ਕਾਮਚ੍ਛਨ੍ਦਸ੍ਸ ਪਹੀਨਤ੍ਤਾ ਨੇਕ੍ਖਮ੍ਮਤ੍ਥਂ ਸਨ੍ਦਸ੍ਸੇਤੀ’’ਤਿਆਦਿਨਾ ਨਯੇਨ ਪਠਨ੍ਤਿ। ਤੇਸਂ ਉਜੁਕਮੇવ ਸੋਤੂਨਂ ਦੋਸਪ੍ਪਹਾਨੇ ਗੁਣਪਟਿਲਾਭੇ ਚ ਕਤੇ ਸਿਖਾਪ੍ਪਤ੍ਤਂ ਦੇਸਨਾਞਾਣਂ ਹੋਤੀਤਿ ਦਸ੍ਸਨਤ੍ਥਂ ਅਯਂ ਨਯੋ વੁਤ੍ਤੋਤਿ વੇਦਿਤਬ੍ਬੋ।
90. Atthasandassanañāṇaniddese pañcakkhandhātiādīni vuttatthāneva. Pakāsetīti pākaṭaṃ karoti, sotūnaṃ ñāṇacakkhunā dassanaṃ sampādetīti attho. Nānādhammāti lokiyalokuttarā sabbadhammā vuttā. Kasmā pakāsanāniddese lokiyā eva vuttāti ce? Aniccādivasena pakāsanāya āraddhattā. Lokuttarānañca asammasanūpagattā lokuttarā na vuttā. Nānādhammaniddesena pana atthasandassananiddesena ca tesaṃ saṅgahitattā yathā te pakāsetabbā, tathā pakāsanā pakāsanāyeva. Pajahantoti sotāraṃ pajahāpentoti attho. Sandassetīti sotūnaṃ sammā dasseti. Keci pana ‘‘kāmacchandassa pahīnattā nekkhammatthaṃ sandassetī’’tiādinā nayena paṭhanti. Tesaṃ ujukameva sotūnaṃ dosappahāne guṇapaṭilābhe ca kate sikhāppattaṃ desanāñāṇaṃ hotīti dassanatthaṃ ayaṃ nayo vuttoti veditabbo.
ਅਤ੍ਥਸਨ੍ਦਸ੍ਸਨਞਾਣਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Atthasandassanañāṇaniddesavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi / ੩੯. ਅਤ੍ਥਸਨ੍ਦਸ੍ਸਨਞਾਣਨਿਦ੍ਦੇਸੋ • 39. Atthasandassanañāṇaniddeso
