| Library / Tipiṭaka / തിപിടക • Tipiṭaka / പടിസമ്ഭിദാമഗ്ഗ-അട്ഠകഥാ • Paṭisambhidāmagga-aṭṭhakathā |
൩൯. അത്ഥസന്ദസ്സനഞാണനിദ്ദേസവണ്ണനാ
39. Atthasandassanañāṇaniddesavaṇṇanā
൯൦. അത്ഥസന്ദസ്സനഞാണനിദ്ദേസേ പഞ്ചക്ഖന്ധാതിആദീനി വുത്തത്ഥാനേവ. പകാസേതീതി പാകടം കരോതി, സോതൂനം ഞാണചക്ഖുനാ ദസ്സനം സമ്പാദേതീതി അത്ഥോ. നാനാധമ്മാതി ലോകിയലോകുത്തരാ സബ്ബധമ്മാ വുത്താ. കസ്മാ പകാസനാനിദ്ദേസേ ലോകിയാ ഏവ വുത്താതി ചേ? അനിച്ചാദിവസേന പകാസനായ ആരദ്ധത്താ. ലോകുത്തരാനഞ്ച അസമ്മസനൂപഗത്താ ലോകുത്തരാ ന വുത്താ. നാനാധമ്മനിദ്ദേസേന പന അത്ഥസന്ദസ്സനനിദ്ദേസേന ച തേസം സങ്ഗഹിതത്താ യഥാ തേ പകാസേതബ്ബാ, തഥാ പകാസനാ പകാസനായേവ. പജഹന്തോതി സോതാരം പജഹാപേന്തോതി അത്ഥോ. സന്ദസ്സേതീതി സോതൂനം സമ്മാ ദസ്സേതി. കേചി പന ‘‘കാമച്ഛന്ദസ്സ പഹീനത്താ നേക്ഖമ്മത്ഥം സന്ദസ്സേതീ’’തിആദിനാ നയേന പഠന്തി. തേസം ഉജുകമേവ സോതൂനം ദോസപ്പഹാനേ ഗുണപടിലാഭേ ച കതേ സിഖാപ്പത്തം ദേസനാഞാണം ഹോതീതി ദസ്സനത്ഥം അയം നയോ വുത്തോതി വേദിതബ്ബോ.
90. Atthasandassanañāṇaniddese pañcakkhandhātiādīni vuttatthāneva. Pakāsetīti pākaṭaṃ karoti, sotūnaṃ ñāṇacakkhunā dassanaṃ sampādetīti attho. Nānādhammāti lokiyalokuttarā sabbadhammā vuttā. Kasmā pakāsanāniddese lokiyā eva vuttāti ce? Aniccādivasena pakāsanāya āraddhattā. Lokuttarānañca asammasanūpagattā lokuttarā na vuttā. Nānādhammaniddesena pana atthasandassananiddesena ca tesaṃ saṅgahitattā yathā te pakāsetabbā, tathā pakāsanā pakāsanāyeva. Pajahantoti sotāraṃ pajahāpentoti attho. Sandassetīti sotūnaṃ sammā dasseti. Keci pana ‘‘kāmacchandassa pahīnattā nekkhammatthaṃ sandassetī’’tiādinā nayena paṭhanti. Tesaṃ ujukameva sotūnaṃ dosappahāne guṇapaṭilābhe ca kate sikhāppattaṃ desanāñāṇaṃ hotīti dassanatthaṃ ayaṃ nayo vuttoti veditabbo.
അത്ഥസന്ദസ്സനഞാണനിദ്ദേസവണ്ണനാ നിട്ഠിതാ.
Atthasandassanañāṇaniddesavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / ഖുദ്ദകനികായ • Khuddakanikāya / പടിസമ്ഭിദാമഗ്ഗപാളി • Paṭisambhidāmaggapāḷi / ൩൯. അത്ഥസന്ദസ്സനഞാണനിദ്ദേസോ • 39. Atthasandassanañāṇaniddeso
