| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
39. ад̇т̇асанд̣̇ассанан̃аан̣анид̣̇д̣̇зсо
39. Atthasandassanañāṇaniddeso
90. гат̇ам̣ наанаад̇хаммаббагаасанад̇аа бан̃н̃аа ад̇т̇асанд̣̇ассанз н̃аан̣ам̣? наанаад̇хаммаад̇и бан̃жагканд̇хаа, д̣̇ваад̣̇асааяад̇анаани, адтаараса д̇хаад̇уяо, гусалаа д̇хаммаа, агусалаа д̇хаммаа, аб̣яаагад̇аа д̇хаммаа, гаамааважараа д̇хаммаа, руубааважараа д̇хаммаа, аруубааважараа д̇хаммаа, абарияаабаннаа д̇хаммаа.
90. Kathaṃ nānādhammappakāsanatā paññā atthasandassane ñāṇaṃ? Nānādhammāti pañcakkhandhā, dvādasāyatanāni, aṭṭhārasa dhātuyo, kusalā dhammā, akusalā dhammā, abyākatā dhammā, kāmāvacarā dhammā, rūpāvacarā dhammā, arūpāvacarā dhammā, apariyāpannā dhammā.
багаасанад̇аад̇и руубам̣ анижжад̇о багаасзд̇и, руубам̣ д̣̇угкад̇о багаасзд̇и, руубам̣ анад̇д̇ад̇о багаасзд̇и. взд̣̇анам̣…бз… сан̃н̃ам̣… сан̇каарз… вин̃н̃аан̣ам̣… жагкум̣…бз… ж̇араамаран̣ам̣ анижжад̇о багаасзд̇и, ж̇араамаран̣ам̣ д̣̇угкад̇о багаасзд̇и, ж̇араамаран̣ам̣ анад̇д̇ад̇о багаасзд̇и.
Pakāsanatāti rūpaṃ aniccato pakāseti, rūpaṃ dukkhato pakāseti, rūpaṃ anattato pakāseti. Vedanaṃ…pe… saññaṃ… saṅkhāre… viññāṇaṃ… cakkhuṃ…pe… jarāmaraṇaṃ aniccato pakāseti, jarāmaraṇaṃ dukkhato pakāseti, jarāmaraṇaṃ anattato pakāseti.
ад̇т̇асанд̣̇ассанзд̇и гаамажчанд̣̇ам̣ баж̇аханд̇о нзгкаммад̇т̇ам̣ санд̣̇ассзд̇и. б̣яаабаад̣̇ам̣ баж̇аханд̇о аб̣яаабаад̣̇ад̇т̇ам̣ санд̣̇ассзд̇и. т̇инамид̣̇д̇хам̣ баж̇аханд̇о аалогасан̃н̃ад̇т̇ам̣ санд̣̇ассзд̇и. уд̣̇д̇хажжам̣ баж̇аханд̇о авигкзбад̇т̇ам̣ санд̣̇ассзд̇и. вижигижчам̣ баж̇аханд̇о д̇хаммававад̇т̇аанад̇т̇ам̣ санд̣̇ассзд̇и. авиж̇ж̇ам̣ баж̇аханд̇о н̃аан̣ад̇т̇ам̣ санд̣̇ассзд̇и. арад̇им̣ баж̇аханд̇о баамож̇ж̇ад̇т̇ам̣ санд̣̇ассзд̇и. нийваран̣з баж̇аханд̇о батамажхаанад̇т̇ам̣ санд̣̇ассзд̇и …бз… саб̣б̣агилзсз баж̇аханд̇о арахад̇д̇амаг̇г̇ад̇т̇ам̣ санд̣̇ассзд̇и. д̇ам̣ н̃аад̇адтзна н̃аан̣ам̣, баж̇аананадтзна бан̃н̃аа. д̇зна вужжад̇и – ‘‘наанаад̇хаммабагаасанад̇аа бан̃н̃аа ад̇т̇асанд̣̇ассанз н̃аан̣ам̣’’.
Atthasandassaneti kāmacchandaṃ pajahanto nekkhammatthaṃ sandasseti. Byāpādaṃ pajahanto abyāpādatthaṃ sandasseti. Thinamiddhaṃ pajahanto ālokasaññatthaṃ sandasseti. Uddhaccaṃ pajahanto avikkhepatthaṃ sandasseti. Vicikicchaṃ pajahanto dhammavavatthānatthaṃ sandasseti. Avijjaṃ pajahanto ñāṇatthaṃ sandasseti. Aratiṃ pajahanto pāmojjatthaṃ sandasseti. Nīvaraṇe pajahanto paṭhamajhānatthaṃ sandasseti …pe… sabbakilese pajahanto arahattamaggatthaṃ sandasseti. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘nānādhammapakāsanatā paññā atthasandassane ñāṇaṃ’’.
ад̇т̇асанд̣̇ассанан̃аан̣анид̣̇д̣̇зсо навад̇им̣сад̇имо.
Atthasandassanañāṇaniddeso navatiṃsatimo.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 39. ад̇т̇асанд̣̇ассанан̃аан̣анид̣̇д̣̇зсаван̣н̣анаа • 39. Atthasandassanañāṇaniddesavaṇṇanā
