Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi

    ੩੯. ਅਤ੍ਥਸਨ੍ਦਸ੍ਸਨਞਾਣਨਿਦ੍ਦੇਸੋ

    39. Atthasandassanañāṇaniddeso

    ੯੦. ਕਥਂ ਨਾਨਾਧਮ੍ਮਪ੍ਪਕਾਸਨਤਾ ਪਞ੍ਞਾ ਅਤ੍ਥਸਨ੍ਦਸ੍ਸਨੇ ਞਾਣਂ? ਨਾਨਾਧਮ੍ਮਾਤਿ ਪਞ੍ਚਕ੍ਖਨ੍ਧਾ, ਦ੍વਾਦਸਾਯਤਨਾਨਿ, ਅਟ੍ਠਾਰਸ ਧਾਤੁਯੋ, ਕੁਸਲਾ ਧਮ੍ਮਾ, ਅਕੁਸਲਾ ਧਮ੍ਮਾ, ਅਬ੍ਯਾਕਤਾ ਧਮ੍ਮਾ, ਕਾਮਾવਚਰਾ ਧਮ੍ਮਾ, ਰੂਪਾવਚਰਾ ਧਮ੍ਮਾ, ਅਰੂਪਾવਚਰਾ ਧਮ੍ਮਾ, ਅਪਰਿਯਾਪਨ੍ਨਾ ਧਮ੍ਮਾ।

    90. Kathaṃ nānādhammappakāsanatā paññā atthasandassane ñāṇaṃ? Nānādhammāti pañcakkhandhā, dvādasāyatanāni, aṭṭhārasa dhātuyo, kusalā dhammā, akusalā dhammā, abyākatā dhammā, kāmāvacarā dhammā, rūpāvacarā dhammā, arūpāvacarā dhammā, apariyāpannā dhammā.

    ਪਕਾਸਨਤਾਤਿ ਰੂਪਂ ਅਨਿਚ੍ਚਤੋ ਪਕਾਸੇਤਿ, ਰੂਪਂ ਦੁਕ੍ਖਤੋ ਪਕਾਸੇਤਿ, ਰੂਪਂ ਅਨਤ੍ਤਤੋ ਪਕਾਸੇਤਿ। વੇਦਨਂ…ਪੇ॰… ਸਞ੍ਞਂ… ਸਙ੍ਖਾਰੇ… વਿਞ੍ਞਾਣਂ… ਚਕ੍ਖੁਂ…ਪੇ॰… ਜਰਾਮਰਣਂ ਅਨਿਚ੍ਚਤੋ ਪਕਾਸੇਤਿ, ਜਰਾਮਰਣਂ ਦੁਕ੍ਖਤੋ ਪਕਾਸੇਤਿ, ਜਰਾਮਰਣਂ ਅਨਤ੍ਤਤੋ ਪਕਾਸੇਤਿ।

    Pakāsanatāti rūpaṃ aniccato pakāseti, rūpaṃ dukkhato pakāseti, rūpaṃ anattato pakāseti. Vedanaṃ…pe… saññaṃ… saṅkhāre… viññāṇaṃ… cakkhuṃ…pe… jarāmaraṇaṃ aniccato pakāseti, jarāmaraṇaṃ dukkhato pakāseti, jarāmaraṇaṃ anattato pakāseti.

    ਅਤ੍ਥਸਨ੍ਦਸ੍ਸਨੇਤਿ ਕਾਮਚ੍ਛਨ੍ਦਂ ਪਜਹਨ੍ਤੋ ਨੇਕ੍ਖਮ੍ਮਤ੍ਥਂ ਸਨ੍ਦਸ੍ਸੇਤਿ। ਬ੍ਯਾਪਾਦਂ ਪਜਹਨ੍ਤੋ ਅਬ੍ਯਾਪਾਦਤ੍ਥਂ ਸਨ੍ਦਸ੍ਸੇਤਿ। ਥਿਨਮਿਦ੍ਧਂ ਪਜਹਨ੍ਤੋ ਆਲੋਕਸਞ੍ਞਤ੍ਥਂ ਸਨ੍ਦਸ੍ਸੇਤਿ। ਉਦ੍ਧਚ੍ਚਂ ਪਜਹਨ੍ਤੋ ਅવਿਕ੍ਖੇਪਤ੍ਥਂ ਸਨ੍ਦਸ੍ਸੇਤਿ। વਿਚਿਕਿਚ੍ਛਂ ਪਜਹਨ੍ਤੋ ਧਮ੍ਮવવਤ੍ਥਾਨਤ੍ਥਂ ਸਨ੍ਦਸ੍ਸੇਤਿ। ਅવਿਜ੍ਜਂ ਪਜਹਨ੍ਤੋ ਞਾਣਤ੍ਥਂ ਸਨ੍ਦਸ੍ਸੇਤਿ। ਅਰਤਿਂ ਪਜਹਨ੍ਤੋ ਪਾਮੋਜ੍ਜਤ੍ਥਂ ਸਨ੍ਦਸ੍ਸੇਤਿ। ਨੀવਰਣੇ ਪਜਹਨ੍ਤੋ ਪਠਮਝਾਨਤ੍ਥਂ ਸਨ੍ਦਸ੍ਸੇਤਿ …ਪੇ॰… ਸਬ੍ਬਕਿਲੇਸੇ ਪਜਹਨ੍ਤੋ ਅਰਹਤ੍ਤਮਗ੍ਗਤ੍ਥਂ ਸਨ੍ਦਸ੍ਸੇਤਿ। ਤਂ ਞਾਤਟ੍ਠੇਨ ਞਾਣਂ, ਪਜਾਨਨਟ੍ਠੇਨ ਪਞ੍ਞਾ। ਤੇਨ વੁਚ੍ਚਤਿ – ‘‘ਨਾਨਾਧਮ੍ਮਪਕਾਸਨਤਾ ਪਞ੍ਞਾ ਅਤ੍ਥਸਨ੍ਦਸ੍ਸਨੇ ਞਾਣਂ’’।

    Atthasandassaneti kāmacchandaṃ pajahanto nekkhammatthaṃ sandasseti. Byāpādaṃ pajahanto abyāpādatthaṃ sandasseti. Thinamiddhaṃ pajahanto ālokasaññatthaṃ sandasseti. Uddhaccaṃ pajahanto avikkhepatthaṃ sandasseti. Vicikicchaṃ pajahanto dhammavavatthānatthaṃ sandasseti. Avijjaṃ pajahanto ñāṇatthaṃ sandasseti. Aratiṃ pajahanto pāmojjatthaṃ sandasseti. Nīvaraṇe pajahanto paṭhamajhānatthaṃ sandasseti …pe… sabbakilese pajahanto arahattamaggatthaṃ sandasseti. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘nānādhammapakāsanatā paññā atthasandassane ñāṇaṃ’’.

    ਅਤ੍ਥਸਨ੍ਦਸ੍ਸਨਞਾਣਨਿਦ੍ਦੇਸੋ ਨવਤਿਂਸਤਿਮੋ।

    Atthasandassanañāṇaniddeso navatiṃsatimo.







    Related texts:



    ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā / ੩੯. ਅਤ੍ਥਸਨ੍ਦਸ੍ਸਨਞਾਣਨਿਦ੍ਦੇਸવਣ੍ਣਨਾ • 39. Atthasandassanañāṇaniddesavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact