Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā)

2-10. адтасад̇асуд̇д̇аад̣̇иван̣н̣анаа

2-10. Aṭṭhasatasuttādivaṇṇanā

270-278. д̣̇уд̇ияз адтасад̇абарияааяанд̇и адтасад̇асса гааран̣абхууд̇ам̣. д̇хаммабарияааяанд̇и д̇хаммагааран̣ам̣. гааяигаа жа жзд̇асигаа жаад̇и зд̇т̇а гааяигаа гаамааважарзязва лаб̣бханд̇и, жзд̇асигаа жад̇убхуумигааби . сукаад̇иаад̣̇ийсу сукаа взд̣̇анаа аруубааважарз над̇т̇и, сзсаасу д̇ийсу бхуумийсу лаб̣бханд̇и, д̣̇угкаа гаамааважараава, ид̇араа жад̇убхуумигаа. бан̃жагз сукинд̣̇рияад̣̇угкинд̣̇рияад̣̇оманассинд̣̇рияаани гаамааважараанзва, соманассинд̣̇рияам̣ д̇збхуумагам̣, убзгкинд̣̇рияам̣ жад̇убхуумагам̣. чаггз бан̃жасу д̣̇ваарзсу взд̣̇анаа гаамааважараава, манод̣̇ваарз жад̇убхуумигаа, адтаарасагз часу идтаарамман̣зсу соманассзна саха убавижаранд̇ийд̇и соманассуубавижаараа. сзсад̣̇ваязби зсзва наяо. ид̇и аяам̣ д̣̇зсанаа вижааравасзна ааг̇ад̇аа, д̇ам̣самбаяуд̇д̇аанам̣ бана соманассаад̣̇ийнам̣ васзна ид̇ха адтаараса взд̣̇анаа взд̣̇ид̇аб̣б̣аа.

270-278. Dutiye aṭṭhasatapariyāyanti aṭṭhasatassa kāraṇabhūtaṃ. Dhammapariyāyanti dhammakāraṇaṃ. Kāyikā ca cetasikā cāti ettha kāyikā kāmāvacareyeva labbhanti, cetasikā catubhūmikāpi . Sukhātiādīsu sukhā vedanā arūpāvacare natthi, sesāsu tīsu bhūmīsu labbhanti, dukkhā kāmāvacarāva, itarā catubhūmikā. Pañcake sukhindriyadukkhindriyadomanassindriyāni kāmāvacarāneva, somanassindriyaṃ tebhūmakaṃ, upekkhindriyaṃ catubhūmakaṃ. Chakke pañcasu dvāresu vedanā kāmāvacarāva, manodvāre catubhūmikā, aṭṭhārasake chasu iṭṭhārammaṇesu somanassena saha upavicarantīti somanassūpavicārā. Sesadvayepi eseva nayo. Iti ayaṃ desanā vicāravasena āgatā, taṃsampayuttānaṃ pana somanassādīnaṃ vasena idha aṭṭhārasa vedanā veditabbā.

ча г̇зхасид̇аани соманассаанийд̇иаад̣̇ийсу ‘‘жагкувин̃н̃зяяаанам̣ руубаанам̣ идтаанам̣ ганд̇аанам̣ манаабаанам̣ манорамаанам̣ логаамисабадисам̣яуд̇д̇аанам̣ бадилаабхам̣ ваа бадилаабхад̇о саманубассад̇о буб̣б̣з ваа бадилад̣̇д̇хабуб̣б̣ам̣ ад̇ийд̇ам̣ нируд̣̇д̇хам̣ вибарин̣ад̇ам̣ самануссарад̇о уббаж̇ж̇ад̇и соманассам̣. яам̣ зваруубам̣ соманассам̣, ид̣̇ам̣ вужжад̇и г̇зхасид̇ам̣ соманасса’’нд̇и (ма. ни. 3.306). звам̣ часу д̣̇ваарзсу вуд̇д̇агаамаг̇ун̣аниссид̇аани соманассаани ча г̇зхасид̇асоманассаани наама.

Cha gehasitāni somanassānītiādīsu ‘‘cakkhuviññeyyānaṃ rūpānaṃ iṭṭhānaṃ kantānaṃ manāpānaṃ manoramānaṃ lokāmisapaṭisaṃyuttānaṃ paṭilābhaṃ vā paṭilābhato samanupassato pubbe vā paṭiladdhapubbaṃ atītaṃ niruddhaṃ vipariṇataṃ samanussarato uppajjati somanassaṃ. Yaṃ evarūpaṃ somanassaṃ, idaṃ vuccati gehasitaṃ somanassa’’nti (ma. ni. 3.306). Evaṃ chasu dvāresu vuttakāmaguṇanissitāni somanassāni cha gehasitasomanassāni nāma.

‘‘руубаанам̣ д̇взва анижжад̇ам̣ вид̣̇ид̇ваа вибарин̣аамавирааг̇анирод̇хам̣ ‘буб̣б̣з жзва руубаа зд̇арахи жа, саб̣б̣з д̇з руубаа анижжаа д̣̇угкаа вибарин̣аамад̇хаммаа’д̇и звамзд̇ам̣ яат̇аабхууд̇ам̣ саммаббан̃н̃ааяа бассад̇о уббаж̇ж̇ад̇и соманассам̣. яам̣ зваруубам̣ соманассам̣, ид̣̇ам̣ вужжад̇и нзгкаммасид̇ам̣ соманасса’’нд̇и (ма. ни. 3.306) звам̣ часу д̣̇ваарзсу идтаарамман̣з аабаат̇аг̇ад̇з анижжад̇аад̣̇ивасзна вибассанам̣ бадтабзд̇ваа уссуггаабзд̇ум̣ саггонд̇асса ‘‘уссуггид̇аа мз вибассанаа’’д̇и соманассаж̇аад̇асса уббаннасоманассаани ча нзгкаммасид̇асоманассаани наама.

‘‘Rūpānaṃ tveva aniccataṃ viditvā vipariṇāmavirāganirodhaṃ ‘pubbe ceva rūpā etarahi ca, sabbe te rūpā aniccā dukkhā vipariṇāmadhammā’ti evametaṃ yathābhūtaṃ sammappaññāya passato uppajjati somanassaṃ. Yaṃ evarūpaṃ somanassaṃ, idaṃ vuccati nekkhammasitaṃ somanassa’’nti (ma. ni. 3.306) evaṃ chasu dvāresu iṭṭhārammaṇe āpāthagate aniccatādivasena vipassanaṃ paṭṭhapetvā ussukkāpetuṃ sakkontassa ‘‘ussukkitā me vipassanā’’ti somanassajātassa uppannasomanassāni cha nekkhammasitasomanassāni nāma.

‘‘жагкувин̃н̃зяяаанам̣ руубаанам̣ идтаанам̣ ганд̇аанам̣ манаабаанам̣ манорамаанам̣ логаамисабадисам̣яуд̇д̇аанам̣ аббадилаабхам̣ ваа аббадилаабхад̇о саманубассад̇о буб̣б̣з ваа бадилад̣̇д̇хабуб̣б̣ам̣ ад̇ийд̇ам̣ нируд̣̇д̇хам̣ вибарин̣ад̇ам̣ самануссарад̇о уббаж̇ж̇ад̇и д̣̇оманассам̣. яам̣ зваруубам̣ д̣̇оманассам̣, ид̣̇ам̣ вужжад̇и г̇зхасид̇ам̣ д̣̇оманасса’’нд̇и. звам̣ часу д̣̇ваарзсу ‘‘идтаарамман̣ам̣ наанубхависсаами наанубхаваамий’’д̇и вид̇аггаяад̇о уббаннаани гаамаг̇ун̣аниссид̇ад̣̇оманассаани ча г̇зхасид̇ад̣̇оманассаани наама.

‘‘Cakkhuviññeyyānaṃ rūpānaṃ iṭṭhānaṃ kantānaṃ manāpānaṃ manoramānaṃ lokāmisapaṭisaṃyuttānaṃ appaṭilābhaṃ vā appaṭilābhato samanupassato pubbe vā paṭiladdhapubbaṃ atītaṃ niruddhaṃ vipariṇataṃ samanussarato uppajjati domanassaṃ. Yaṃ evarūpaṃ domanassaṃ, idaṃ vuccati gehasitaṃ domanassa’’nti. Evaṃ chasu dvāresu ‘‘iṭṭhārammaṇaṃ nānubhavissāmi nānubhavāmī’’ti vitakkayato uppannāni kāmaguṇanissitadomanassāni cha gehasitadomanassāni nāma.

‘‘руубаанам̣ д̇взва анижжад̇ам̣ вид̣̇ид̇ваа вибарин̣аамавирааг̇анирод̇хам̣ ‘буб̣б̣з жзва руубаа зд̇арахи жа , саб̣б̣з д̇з руубаа анижжаа д̣̇угкаа вибарин̣аамад̇хаммаа’д̇и звамзд̇ам̣ яат̇аабхууд̇ам̣ саммаббан̃н̃ааяа д̣̇исваа ануд̇д̇арзсу вимогкзсу бихам̣ убадтаабзд̇и ‘гуд̣̇аассу наамаахам̣ д̇ад̣̇ааяад̇анам̣ убасамбаж̇ж̇а вихариссаами, яад̣̇арияаа зд̇арахи ааяад̇анам̣ убасамбаж̇ж̇а вихаранд̇ий’’д̇и. ид̇и ануд̇д̇арзсу вимогкзсу бихам̣ убадтаабаяад̇о уббаж̇ж̇ад̇и бихабажжаяаа д̣̇оманассам̣. яам̣ зваруубам̣ д̣̇оманассам̣, ид̣̇ам̣ вужжад̇и нзгкаммасид̇ам̣ д̣̇оманассанд̇и; звам̣ часу д̣̇ваарзсу идтаарамман̣з аабаат̇аг̇ад̇з ануд̇д̇аравимогкасан̇каад̇аарияапалад̇хаммзсу бихам̣ убадтаабзд̇ваа д̇ад̣̇ад̇хиг̇амааяа анижжад̇аад̣̇ивасзна вибассанам̣ бадтабзд̇ваа уссуггаабзд̇ум̣ асаггонд̇асса ‘‘имамби багкам̣ имамби маасам̣ имамби сам̣важчарам̣ вибассанам̣ уссуггаабзд̇ваа арияабхуумим̣ баабун̣ид̇ум̣ наасагки’’нд̇и анусожад̇о уббаннаани д̣̇оманассаани ча нзгкаммасид̇ад̣̇оманассаани наама.

‘‘Rūpānaṃ tveva aniccataṃ viditvā vipariṇāmavirāganirodhaṃ ‘pubbe ceva rūpā etarahi ca , sabbe te rūpā aniccā dukkhā vipariṇāmadhammā’ti evametaṃ yathābhūtaṃ sammappaññāya disvā anuttaresu vimokkhesu pihaṃ upaṭṭhāpeti ‘kudāssu nāmāhaṃ tadāyatanaṃ upasampajja viharissāmi, yadariyā etarahi āyatanaṃ upasampajja viharantī’’ti. Iti anuttaresu vimokkhesu pihaṃ upaṭṭhāpayato uppajjati pihapaccayā domanassaṃ. Yaṃ evarūpaṃ domanassaṃ, idaṃ vuccati nekkhammasitaṃ domanassanti; evaṃ chasu dvāresu iṭṭhārammaṇe āpāthagate anuttaravimokkhasaṅkhātaariyaphaladhammesu pihaṃ upaṭṭhāpetvā tadadhigamāya aniccatādivasena vipassanaṃ paṭṭhapetvā ussukkāpetuṃ asakkontassa ‘‘imampi pakkhaṃ imampi māsaṃ imampi saṃvaccharaṃ vipassanaṃ ussukkāpetvā ariyabhūmiṃ pāpuṇituṃ nāsakkhi’’nti anusocato uppannāni domanassāni cha nekkhammasitadomanassāni nāma.

‘‘жагкунаа руубам̣ д̣̇исваа уббаж̇ж̇ад̇и убзгкаа б̣ааласса муул̣хасса бут̇уж̇ж̇анасса анод̇хиж̇инасса авибаагаж̇инасса анаад̣̇ийнавад̣̇ассаавино ассуд̇авад̇о бут̇уж̇ж̇анасса . яаа зваруубаа убзгкаа, руубам̣ саа наад̇ивад̇д̇ад̇и, д̇асмаа саа убзгкаа г̇зхасид̇аад̇и вужжад̇ий’’д̇и; звам̣ часу д̣̇ваарзсу идтаарамман̣з аабаат̇аг̇ад̇з г̇ул̣абин̣д̣агз нилийнамагкигаа вияа руубаад̣̇ийни анад̇ивад̇д̇амаанаа д̇ад̇т̇зва лаг̇г̇аа лаг̇г̇ид̇аа худ̇ваа уббаннагаамаг̇ун̣аниссид̇аа убзгкаа ча г̇зхасид̇аубзгкаа наама.

‘‘Cakkhunā rūpaṃ disvā uppajjati upekkhā bālassa mūḷhassa puthujjanassa anodhijinassa avipākajinassa anādīnavadassāvino assutavato puthujjanassa . Yā evarūpā upekkhā, rūpaṃ sā nātivattati, tasmā sā upekkhā gehasitāti vuccatī’’ti; evaṃ chasu dvāresu iṭṭhārammaṇe āpāthagate guḷapiṇḍake nilīnamakkhikā viya rūpādīni anativattamānā tattheva laggā laggitā hutvā uppannakāmaguṇanissitā upekkhā cha gehasitaupekkhā nāma.

‘‘руубаанам̣ д̇взва анижжад̇ам̣ вид̣̇ид̇ваа вибарин̣аамавирааг̇анирод̇хам̣ буб̣б̣з жзва руубаа зд̇арахи жа, ‘саб̣б̣з д̇з руубаа анижжаа д̣̇угкаа вибарин̣аамад̇хаммаа’д̇и звамзд̇ам̣ яат̇аабхууд̇ам̣ саммаббан̃н̃ааяа бассад̇о уббаж̇ж̇ад̇и убзгкаа. яаа зваруубаа убзгкаа, руубам̣ саа ад̇ивад̇д̇ад̇и, д̇асмаа саа убзгкаа нзгкаммасид̇аад̇и вужжад̇ий’’д̇и; звам̣ часу д̣̇ваарзсу идтаад̣̇иаарамман̣з аабаат̇аг̇ад̇з идтз араж̇ж̇анд̇асса анидтз ад̣̇уссанд̇асса асамабзгканз амуяханд̇асса уббаннаа вибассанаан̃аан̣асамбаяуд̇д̇аа убзгкаа нзгкаммасид̇аубзгкаа наама. имасмим̣ суд̇д̇з саб̣б̣асан̇г̇аахаго жад̇убхуумагад̇хаммабарижчзд̣̇о гат̇ид̇о. д̇ад̇ияаад̣̇ийни уд̇д̇аанад̇т̇аанзва.

‘‘Rūpānaṃ tveva aniccataṃ viditvā vipariṇāmavirāganirodhaṃ pubbe ceva rūpā etarahi ca, ‘sabbe te rūpā aniccā dukkhā vipariṇāmadhammā’ti evametaṃ yathābhūtaṃ sammappaññāya passato uppajjati upekkhā. Yā evarūpā upekkhā, rūpaṃ sā ativattati, tasmā sā upekkhā nekkhammasitāti vuccatī’’ti; evaṃ chasu dvāresu iṭṭhādiārammaṇe āpāthagate iṭṭhe arajjantassa aniṭṭhe adussantassa asamapekkhane amuyhantassa uppannā vipassanāñāṇasampayuttā upekkhā nekkhammasitaupekkhā nāma. Imasmiṃ sutte sabbasaṅgāhako catubhūmakadhammaparicchedo kathito. Tatiyādīni uttānatthāneva.

Next: 11. нираамисасуд̇д̇аван̣н̣анаа • 11. Nirāmisasuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2-10. адтасад̇асуд̇д̇аад̣̇иван̣н̣анаа • 2-10. Aṭṭhasatasuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact