| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2-10. адтасад̇асуд̇д̇аад̣̇иван̣н̣анаа
2-10. Aṭṭhasatasuttādivaṇṇanā
270-278. взд̣̇анаанам̣ адтаад̇хигам̣ сад̇ам̣, д̇асса адтасад̇асса д̇аб̣бхаавасса барияааяо гааран̣ам̣ зд̇т̇а ад̇т̇ийд̇и адтасад̇абарияааяо, суд̇д̇ам̣. д̇знааха ‘‘адтасад̇асса гааран̣абхууд̇а’’нд̇и. д̇хаммагааран̣анд̇и барияад̇д̇ид̇хаммабхууд̇ам̣ гааран̣ам̣. гааяигаад̇и бан̃жад̣̇ваарагааяигаа. д̇знааха ‘‘гаамааважарзязва лаб̣бханд̇ий’’д̇и, гаамабхуумигаад̇и ад̇т̇о. аруубааважарз над̇т̇и, д̇ибхуумигаад̇и ад̇т̇о. д̇знааха – ‘‘аруубз д̇игажад̇уггаж̇жхаанам̣ уббаж̇ж̇ад̇и, д̇ан̃жа ко логуд̇д̇арам̣, на логияа’’нд̇и. ид̇араа убзгкаавзд̣̇анаа. убавижаранд̇и убзжжа баж̇ж̇анд̇ийд̇и ад̇т̇о. д̇ам̣самбаяуд̇д̇аананд̇и вижаарасамбаяуд̇д̇аанам̣.
270-278. Vedanānaṃ aṭṭhādhikaṃ sataṃ, tassa aṭṭhasatassa tabbhāvassa pariyāyo kāraṇaṃ ettha atthīti aṭṭhasatapariyāyo, suttaṃ. Tenāha ‘‘aṭṭhasatassa kāraṇabhūta’’nti. Dhammakāraṇanti pariyattidhammabhūtaṃ kāraṇaṃ. Kāyikāti pañcadvārakāyikā. Tenāha ‘‘kāmāvacareyeva labbhantī’’ti, kāmabhūmikāti attho. Arūpāvacare natthi, tibhūmikāti attho. Tenāha – ‘‘arūpe tikacatukkajjhānaṃ uppajjati, tañca kho lokuttaraṃ, na lokiya’’nti. Itarā upekkhāvedanā. Upavicaranti upecca pajjantīti attho. Taṃsampayuttānanti vicārasampayuttānaṃ.
бадилаабхад̇од̇и бадилад̣̇д̇хабхаавад̇о. саманубассад̇од̇и бажжавзгкад̇о бассад̇о. ад̇ийд̇ам̣ кан̣ад̇д̇аяаад̇иггамзна ад̇игганд̇ам̣, нируд̣̇д̇хаббад̇д̇ияаа нируд̣̇д̇хам̣, багад̇ивиж̇аханзна вибарин̣ад̇ам̣. самануссарад̇од̇и жинд̇аяад̇о. г̇зхассид̇анд̇и гаамаг̇ун̣аниссид̇ам̣. гаамаг̇ун̣аа хи ид̇ха г̇зханиссид̇ад̇хаммзна г̇зхабарияааязна вуд̇д̇аа.
Paṭilābhatoti paṭiladdhabhāvato. Samanupassatoti paccavekkhato passato. Atītaṃ khaṇattayātikkamena atikkantaṃ, niruddhappattiyā niruddhaṃ, pakativijahanena vipariṇataṃ. Samanussaratoti cintayato. Gehassitanti kāmaguṇanissitaṃ. Kāmaguṇā hi idha gehanissitadhammena gehapariyāyena vuttā.
вибарин̣аамавирааг̇анирод̇ханд̇и вибарин̣ааманам̣ вираж̇ж̇аналагкан̣ам̣ нируж̇жханан̃жа вид̣̇ид̇ваа. буб̣б̣зд̇и ад̇ийд̇з. зд̇арахийд̇и ид̣̇аани вад̇д̇амаанаа. саммаббан̃н̃ааяа бассад̇од̇и вибассанаабан̃н̃ааяа жзва маг̇г̇абан̃н̃ааяа жа яаат̇аавад̇о бассад̇о. уссуггаабзд̇унд̇и вибассанам̣ бадтабзд̇ваа маг̇г̇абадивзд̇хам̣ баабзд̇ум̣. ниб̣б̣аанам̣ уд̣̇д̣̇исса бавад̇д̇ид̇ад̇д̇аа нзгкаммассид̇асоманассаани наама. логаамисабадисам̣яуд̇д̇аананд̇и гаамаг̇ун̣аниссид̇аанам̣. д̇ад̣̇ааяад̇ананд̇и д̇ам̣ ааяад̇анам̣ д̇ам̣ гааран̣ам̣ арахад̇д̇ам̣. ануд̇д̇арзсу вимогкзсууд̇и арияапалад̇хаммзсу. биханд̇и ад̇хиг̇амижчам̣.
Vipariṇāmavirāganirodhanti vipariṇāmanaṃ virajjanalakkhaṇaṃ nirujjhanañca viditvā. Pubbeti atīte. Etarahīti idāni vattamānā. Sammappaññāya passatoti vipassanāpaññāya ceva maggapaññāya ca yāthāvato passato. Ussukkāpetunti vipassanaṃ paṭṭhapetvā maggapaṭivedhaṃ pāpetuṃ. Nibbānaṃ uddissa pavattitattā nekkhammassitasomanassāni nāma. Lokāmisapaṭisaṃyuttānanti kāmaguṇanissitānaṃ. Tadāyatananti taṃ āyatanaṃ taṃ kāraṇaṃ arahattaṃ. Anuttaresu vimokkhesūti ariyaphaladhammesu. Pihanti adhigamicchaṃ.
убзгкаад̇и соманассарахид̇аан̃н̃аан̣убзгкаа. б̣ааляаяог̇ад̇о б̣ааласса, д̇ад̇о зва муул̣хасса бут̇уж̇ж̇анасса. гилзсод̇хийнам̣ маг̇г̇од̇хийхи аж̇ид̇ад̇д̇аа анод̇хиж̇инасса. сад̇д̇амабхаваад̣̇ид̇о уд̣̇д̇хам̣ бавад̇д̇анавибаагасса аж̇ид̇ад̇д̇аа авибаагаж̇инасса. анзгаад̣̇ийнавз ваддз аад̣̇ийнавасса аж̇аананзна анаад̣̇ийнавад̣̇ассаавино. бадибад̇д̇ибадивзд̇хаб̣аахусажжаабхаавзна ассуд̇авад̇о бут̇уж̇ж̇анасса. руубам̣ саа наад̇ивад̇д̇ад̇и на ад̇иггамад̇и н̃аан̣асамбаяуд̇д̇аабхаавад̇о. саб̣б̣асан̇г̇аахагод̇и саб̣б̣ад̇хаммз сан̇г̇ан̣ханаго. д̇ад̇ияаад̣̇ийни яаава д̣̇асамаа хздтаа вуд̇д̇анаяад̇д̇аа уд̇д̇аанад̇т̇аанзва.
Upekkhāti somanassarahitaaññāṇupekkhā. Bālyayogato bālassa, tato eva mūḷhassa puthujjanassa. Kilesodhīnaṃ maggodhīhi ajitattā anodhijinassa. Sattamabhavādito uddhaṃ pavattanavipākassa ajitattā avipākajinassa. Anekādīnave vaṭṭe ādīnavassa ajānanena anādīnavadassāvino. Paṭipattipaṭivedhabāhusaccābhāvena assutavato puthujjanassa. Rūpaṃ sā nātivattati na atikkamati ñāṇasampayuttābhāvato. Sabbasaṅgāhakoti sabbadhamme saṅgaṇhanako. Tatiyādīni yāva dasamā heṭṭhā vuttanayattā uttānatthāneva.
адтасад̇асуд̇д̇аад̣̇иван̣н̣анаа нидтид̇аа.
Aṭṭhasatasuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
2. адтасад̇асуд̇д̇ам̣ • 2. Aṭṭhasatasuttaṃ
3. ан̃н̃ад̇арабхигкусуд̇д̇ам̣ • 3. Aññatarabhikkhusuttaṃ
4. буб̣б̣асуд̇д̇ам̣ • 4. Pubbasuttaṃ
5. н̃аан̣асуд̇д̇ам̣ • 5. Ñāṇasuttaṃ
6. самб̣ахулабхигкусуд̇д̇ам̣ • 6. Sambahulabhikkhusuttaṃ
7. батамасаман̣аб̣раахман̣асуд̇д̇ам̣ • 7. Paṭhamasamaṇabrāhmaṇasuttaṃ
8. д̣̇уд̇ияасаман̣аб̣раахман̣асуд̇д̇ам̣ • 8. Dutiyasamaṇabrāhmaṇasuttaṃ
9. д̇ад̇ияасаман̣аб̣раахман̣асуд̇д̇ам̣ • 9. Tatiyasamaṇabrāhmaṇasuttaṃ
10. суд̣̇д̇хигасуд̇д̇ам̣ • 10. Suddhikasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2-10. адтасад̇асуд̇д̇аад̣̇иван̣н̣анаа • 2-10. Aṭṭhasatasuttādivaṇṇanā
