| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੨-੧੦. ਅਟ੍ਠਸਤਸੁਤ੍ਤਾਦਿવਣ੍ਣਨਾ
2-10. Aṭṭhasatasuttādivaṇṇanā
੨੭੦-੨੭੮. વੇਦਨਾਨਂ ਅਟ੍ਠਾਧਿਕਂ ਸਤਂ, ਤਸ੍ਸ ਅਟ੍ਠਸਤਸ੍ਸ ਤਬ੍ਭਾવਸ੍ਸ ਪਰਿਯਾਯੋ ਕਾਰਣਂ ਏਤ੍ਥ ਅਤ੍ਥੀਤਿ ਅਟ੍ਠਸਤਪਰਿਯਾਯੋ, ਸੁਤ੍ਤਂ। ਤੇਨਾਹ ‘‘ਅਟ੍ਠਸਤਸ੍ਸ ਕਾਰਣਭੂਤ’’ਨ੍ਤਿ। ਧਮ੍ਮਕਾਰਣਨ੍ਤਿ ਪਰਿਯਤ੍ਤਿਧਮ੍ਮਭੂਤਂ ਕਾਰਣਂ। ਕਾਯਿਕਾਤਿ ਪਞ੍ਚਦ੍વਾਰਕਾਯਿਕਾ। ਤੇਨਾਹ ‘‘ਕਾਮਾવਚਰੇਯੇવ ਲਬ੍ਭਨ੍ਤੀ’’ਤਿ, ਕਾਮਭੂਮਿਕਾਤਿ ਅਤ੍ਥੋ। ਅਰੂਪਾવਚਰੇ ਨਤ੍ਥਿ, ਤਿਭੂਮਿਕਾਤਿ ਅਤ੍ਥੋ। ਤੇਨਾਹ – ‘‘ਅਰੂਪੇ ਤਿਕਚਤੁਕ੍ਕਜ੍ਝਾਨਂ ਉਪ੍ਪਜ੍ਜਤਿ, ਤਞ੍ਚ ਖੋ ਲੋਕੁਤ੍ਤਰਂ, ਨ ਲੋਕਿਯ’’ਨ੍ਤਿ। ਇਤਰਾ ਉਪੇਕ੍ਖਾવੇਦਨਾ। ਉਪવਿਚਰਨ੍ਤਿ ਉਪੇਚ੍ਚ ਪਜ੍ਜਨ੍ਤੀਤਿ ਅਤ੍ਥੋ। ਤਂਸਮ੍ਪਯੁਤ੍ਤਾਨਨ੍ਤਿ વਿਚਾਰਸਮ੍ਪਯੁਤ੍ਤਾਨਂ।
270-278. Vedanānaṃ aṭṭhādhikaṃ sataṃ, tassa aṭṭhasatassa tabbhāvassa pariyāyo kāraṇaṃ ettha atthīti aṭṭhasatapariyāyo, suttaṃ. Tenāha ‘‘aṭṭhasatassa kāraṇabhūta’’nti. Dhammakāraṇanti pariyattidhammabhūtaṃ kāraṇaṃ. Kāyikāti pañcadvārakāyikā. Tenāha ‘‘kāmāvacareyeva labbhantī’’ti, kāmabhūmikāti attho. Arūpāvacare natthi, tibhūmikāti attho. Tenāha – ‘‘arūpe tikacatukkajjhānaṃ uppajjati, tañca kho lokuttaraṃ, na lokiya’’nti. Itarā upekkhāvedanā. Upavicaranti upecca pajjantīti attho. Taṃsampayuttānanti vicārasampayuttānaṃ.
ਪਟਿਲਾਭਤੋਤਿ ਪਟਿਲਦ੍ਧਭਾવਤੋ। ਸਮਨੁਪਸ੍ਸਤੋਤਿ ਪਚ੍ਚવੇਕ੍ਖਤੋ ਪਸ੍ਸਤੋ। ਅਤੀਤਂ ਖਣਤ੍ਤਯਾਤਿਕ੍ਕਮੇਨ ਅਤਿਕ੍ਕਨ੍ਤਂ, ਨਿਰੁਦ੍ਧਪ੍ਪਤ੍ਤਿਯਾ ਨਿਰੁਦ੍ਧਂ, ਪਕਤਿવਿਜਹਨੇਨ વਿਪਰਿਣਤਂ। ਸਮਨੁਸ੍ਸਰਤੋਤਿ ਚਿਨ੍ਤਯਤੋ। ਗੇਹਸ੍ਸਿਤਨ੍ਤਿ ਕਾਮਗੁਣਨਿਸ੍ਸਿਤਂ। ਕਾਮਗੁਣਾ ਹਿ ਇਧ ਗੇਹਨਿਸ੍ਸਿਤਧਮ੍ਮੇਨ ਗੇਹਪਰਿਯਾਯੇਨ વੁਤ੍ਤਾ।
Paṭilābhatoti paṭiladdhabhāvato. Samanupassatoti paccavekkhato passato. Atītaṃ khaṇattayātikkamena atikkantaṃ, niruddhappattiyā niruddhaṃ, pakativijahanena vipariṇataṃ. Samanussaratoti cintayato. Gehassitanti kāmaguṇanissitaṃ. Kāmaguṇā hi idha gehanissitadhammena gehapariyāyena vuttā.
વਿਪਰਿਣਾਮવਿਰਾਗਨਿਰੋਧਨ੍ਤਿ વਿਪਰਿਣਾਮਨਂ વਿਰਜ੍ਜਨਲਕ੍ਖਣਂ ਨਿਰੁਜ੍ਝਨਞ੍ਚ વਿਦਿਤ੍વਾ। ਪੁਬ੍ਬੇਤਿ ਅਤੀਤੇ। ਏਤਰਹੀਤਿ ਇਦਾਨਿ વਤ੍ਤਮਾਨਾ। ਸਮ੍ਮਪ੍ਪਞ੍ਞਾਯ ਪਸ੍ਸਤੋਤਿ વਿਪਸ੍ਸਨਾਪਞ੍ਞਾਯ ਚੇવ ਮਗ੍ਗਪਞ੍ਞਾਯ ਚ ਯਾਥਾવਤੋ ਪਸ੍ਸਤੋ। ਉਸ੍ਸੁਕ੍ਕਾਪੇਤੁਨ੍ਤਿ વਿਪਸ੍ਸਨਂ ਪਟ੍ਠਪੇਤ੍વਾ ਮਗ੍ਗਪਟਿવੇਧਂ ਪਾਪੇਤੁਂ। ਨਿਬ੍ਬਾਨਂ ਉਦ੍ਦਿਸ੍ਸ ਪવਤ੍ਤਿਤਤ੍ਤਾ ਨੇਕ੍ਖਮ੍ਮਸ੍ਸਿਤਸੋਮਨਸ੍ਸਾਨਿ ਨਾਮ। ਲੋਕਾਮਿਸਪਟਿਸਂਯੁਤ੍ਤਾਨਨ੍ਤਿ ਕਾਮਗੁਣਨਿਸ੍ਸਿਤਾਨਂ। ਤਦਾਯਤਨਨ੍ਤਿ ਤਂ ਆਯਤਨਂ ਤਂ ਕਾਰਣਂ ਅਰਹਤ੍ਤਂ। ਅਨੁਤ੍ਤਰੇਸੁ વਿਮੋਕ੍ਖੇਸੂਤਿ ਅਰਿਯਫਲਧਮ੍ਮੇਸੁ। ਪਿਹਨ੍ਤਿ ਅਧਿਗਮਿਚ੍ਛਂ।
Vipariṇāmavirāganirodhanti vipariṇāmanaṃ virajjanalakkhaṇaṃ nirujjhanañca viditvā. Pubbeti atīte. Etarahīti idāni vattamānā. Sammappaññāya passatoti vipassanāpaññāya ceva maggapaññāya ca yāthāvato passato. Ussukkāpetunti vipassanaṃ paṭṭhapetvā maggapaṭivedhaṃ pāpetuṃ. Nibbānaṃ uddissa pavattitattā nekkhammassitasomanassāni nāma. Lokāmisapaṭisaṃyuttānanti kāmaguṇanissitānaṃ. Tadāyatananti taṃ āyatanaṃ taṃ kāraṇaṃ arahattaṃ. Anuttaresu vimokkhesūti ariyaphaladhammesu. Pihanti adhigamicchaṃ.
ਉਪੇਕ੍ਖਾਤਿ ਸੋਮਨਸ੍ਸਰਹਿਤਅਞ੍ਞਾਣੁਪੇਕ੍ਖਾ। ਬਾਲ੍ਯਯੋਗਤੋ ਬਾਲਸ੍ਸ, ਤਤੋ ਏવ ਮੂਲ਼੍ਹਸ੍ਸ ਪੁਥੁਜ੍ਜਨਸ੍ਸ। ਕਿਲੇਸੋਧੀਨਂ ਮਗ੍ਗੋਧੀਹਿ ਅਜਿਤਤ੍ਤਾ ਅਨੋਧਿਜਿਨਸ੍ਸ। ਸਤ੍ਤਮਭવਾਦਿਤੋ ਉਦ੍ਧਂ ਪવਤ੍ਤਨવਿਪਾਕਸ੍ਸ ਅਜਿਤਤ੍ਤਾ ਅવਿਪਾਕਜਿਨਸ੍ਸ। ਅਨੇਕਾਦੀਨવੇ વਟ੍ਟੇ ਆਦੀਨવਸ੍ਸ ਅਜਾਨਨੇਨ ਅਨਾਦੀਨવਦਸ੍ਸਾવਿਨੋ। ਪਟਿਪਤ੍ਤਿਪਟਿવੇਧਬਾਹੁਸਚ੍ਚਾਭਾવੇਨ ਅਸ੍ਸੁਤવਤੋ ਪੁਥੁਜ੍ਜਨਸ੍ਸ। ਰੂਪਂ ਸਾ ਨਾਤਿવਤ੍ਤਤਿ ਨ ਅਤਿਕ੍ਕਮਤਿ ਞਾਣਸਮ੍ਪਯੁਤ੍ਤਾਭਾવਤੋ। ਸਬ੍ਬਸਙ੍ਗਾਹਕੋਤਿ ਸਬ੍ਬਧਮ੍ਮੇ ਸਙ੍ਗਣ੍ਹਨਕੋ। ਤਤਿਯਾਦੀਨਿ ਯਾવ ਦਸਮਾ ਹੇਟ੍ਠਾ વੁਤ੍ਤਨਯਤ੍ਤਾ ਉਤ੍ਤਾਨਤ੍ਥਾਨੇવ।
Upekkhāti somanassarahitaaññāṇupekkhā. Bālyayogato bālassa, tato eva mūḷhassa puthujjanassa. Kilesodhīnaṃ maggodhīhi ajitattā anodhijinassa. Sattamabhavādito uddhaṃ pavattanavipākassa ajitattā avipākajinassa. Anekādīnave vaṭṭe ādīnavassa ajānanena anādīnavadassāvino. Paṭipattipaṭivedhabāhusaccābhāvena assutavato puthujjanassa. Rūpaṃ sā nātivattati na atikkamati ñāṇasampayuttābhāvato. Sabbasaṅgāhakoti sabbadhamme saṅgaṇhanako. Tatiyādīni yāva dasamā heṭṭhā vuttanayattā uttānatthāneva.
ਅਟ੍ਠਸਤਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Aṭṭhasatasuttādivaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੨. ਅਟ੍ਠਸਤਸੁਤ੍ਤਂ • 2. Aṭṭhasatasuttaṃ
੩. ਅਞ੍ਞਤਰਭਿਕ੍ਖੁਸੁਤ੍ਤਂ • 3. Aññatarabhikkhusuttaṃ
੪. ਪੁਬ੍ਬਸੁਤ੍ਤਂ • 4. Pubbasuttaṃ
੫. ਞਾਣਸੁਤ੍ਤਂ • 5. Ñāṇasuttaṃ
੬. ਸਮ੍ਬਹੁਲਭਿਕ੍ਖੁਸੁਤ੍ਤਂ • 6. Sambahulabhikkhusuttaṃ
੭. ਪਠਮਸਮਣਬ੍ਰਾਹ੍ਮਣਸੁਤ੍ਤਂ • 7. Paṭhamasamaṇabrāhmaṇasuttaṃ
੮. ਦੁਤਿਯਸਮਣਬ੍ਰਾਹ੍ਮਣਸੁਤ੍ਤਂ • 8. Dutiyasamaṇabrāhmaṇasuttaṃ
੯. ਤਤਿਯਸਮਣਬ੍ਰਾਹ੍ਮਣਸੁਤ੍ਤਂ • 9. Tatiyasamaṇabrāhmaṇasuttaṃ
੧੦. ਸੁਦ੍ਧਿਕਸੁਤ੍ਤਂ • 10. Suddhikasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨-੧੦. ਅਟ੍ਠਸਤਸੁਤ੍ਤਾਦਿવਣ੍ਣਨਾ • 2-10. Aṭṭhasatasuttādivaṇṇanā
